Erlent

Brown boðar ekki til kosninga

Allur vafi var tekinn af um að boðað yrði til þingkosninga í Bretlandi á þessi ári þegar Gordon Brown, forsætisráðherra Bretlands, útilokaði í gær að slíkt yrði gert. Nýjar skoðanakannanir sýna að Verkamannaflokkurinn hefur misst forskot sitt á Íhaldsflokkinn. Ein af þeim könnunum sem birt hefur verið undanfarið sýnir að ef það yrði kosið nú myndi Verkamannaflokkurinn tapa meirihluta sínu í neðri deild breska þingsins. Aðeins eru þrír mánuðir síðan að Brown tók við starfi sínu af Tony Blair. Fyrstu kannanir, eftir að hann tók við, sýndu mikinn stuðning við flokk hans og veltu því margir fyrir sér hvort boðað yrði til kosninga í haust.

Erlent

Maddie var á lífi á ströndinni

Einkaspæjari sem McCann-hjónin réðu til að leita að dóttur sinni Madeleine McCann telur sig hafa fundið erfðaefni úr henni á ströndinni nálægt sumarleyfisdvalarstað McCann-fjölskyldunnar í Portúgal.

Erlent

Stolið Da Vinci málverk fannst við húsleit

30 milljón punda málverk eftir Leonardo Da Vinci, Madonna with the Yarnwinder, fannst í gær eftir húsleit í Glasgow. Málverksins hafði verið saknað í meira en fjögur ár en því var stolið úr Drumlanrig kastala hertogans af Buccleuch.

Erlent

Stríðsyfirlýsing spænskra stjórnvalda

Einn af leiðtogum baskneskra aðskilnaðarsinna á Spáni, Pernando Barrena segir að handtaka 23 aðskilnaðarsinna fyrir helgi sé ekkert annað en stríðsyfirlýsing að hálfu spænskra yfirvalda.

Erlent

Óeirðir í Sviss

Óeirðir blossuðu upp í Bern, höfuðborg Sviss, í dag þegar hópur fólks reyndi að stöðva kosningafund hjá Svissneska þjóðarflokknum. Flokkurinn hefur verið gagnrýndur fyrir afstöðu sína í málefnum innflytjenda og auglýsingar þeirra, sem sýna hvíta kind sparka svartri kind af svissneska fánanum, hafa verið afar umdeildar.

Erlent

Góðvinur Vilhjálms Bretaprins lést í Afganistan

Fyrrum yfirmaður Vilhjálms Bretaprins úr Sandhurst herskólanum lést á fimmtudag í sprengjutilræði. Alexis Roberts majór er hæst setti breski hermaðurinn sem fallið hefur í Afganistan síðan Bretar sendu þangað herlið fyrir sex árum.

Erlent

Musharraf hlaut yfirburðakosningu

Pervez Musharraf forseti Pakistan vann yfirburðasigur í forsetakosningum sem fram fóru í dag. Búist hafði verið við því að Musharraf yrði fyrir valinu en hæstiréttur landsins segir mögulegt að framboð hans sé ekki löglegt.

Erlent

Fimm létust í sprengjutilræði

Einn bandarískur hermaður og fjórir óbreyttir borgarar létu lífið í Afganistan í morgun þegar bílasprengja sprakk á veginum til flugvallarins í Kabúl á sex ára afmæli innrásar Bandaríkjamanna og bandamanna þeirra inn í landið. Einn þeirra sem lést var tilræðismaðurinn sjálfur. Tilræðinu var beint að bandarískri hersveit sem ber ábyrgð á þjálfun afganskra her- og lögreglumanna.

Erlent

Vilhjálmur óttast um öryggi sitt

Vilhjálmur Bretaprins er áhyggjufullur um öryggi sitt eftir að hann og kærasta hans Kate Middleton voru hundelt af paparazzi ljósmyndurum í nótt. Samkvæmt upplýsingum frá skrifstofu konungsfjölskyldunnar var parið elt þar sem þau voru í bíl á leið af næturklúbbi í London. Myndir af þeim voru síðan birtar í the London Evening Standard.

Erlent

Vilja viðræður við mótmælendur í Búrma

Leiðtogar á vesturlöndum hafa dreyft uppkasti að yfirlýsingu innan Sameinuðu þjóðanna þar sem ofbeldi og kúgun herstjórnarinnar í Búrma gegn mótmælendum í landinu er fordæmd. Bandaríkin Frakkland og Bretland hafa farið fram á að viðræður við leiðtoga mótmælendanna hefjist tafarlaust.

Erlent

Forsetakosningar í Pakistan

Forsetakosningar fara fram í Pakistan í dag. Það eru þingmenn fjögurra héraðsþinga og báðar deildir þjóðþingsins sem kjósa forsetann í leynilegri kosningu. Búist er við að núverandi forseti Pervez Musharraf verði fyrir valinu. Hæstiréttur landsins segir hins vegar að ekki sé ljóst hvort Musharraf hafi lagalegan rétt til að bjóða sig fram á sama tíma og hann er herforingi.

Erlent

Harry bretaprins í líki látins hermanns

Skúlptúr eftir bandarískan listamann af Harry Bretaprins verður afhjúpaður í næstu viku. Líklegt má telja að hann eigi eftir að valda nokkrum usla því um er að ræða bronsstyttu af prinsinum þar sem hann er gerður að hermanni sem fallið hefur í stríðinu í Írak.

Erlent

Sverðtígur með veikt bit

Þótt sverðtígurinn hafi óneitanlega verið vel tenntur hafa rannsóknir leitt í ljós að bit hans var veikt. Krafturinn í biti sverðtígursins var ekki nema þriðjungur þess sem ljón hefur. Notast var við nýjustu tölvuteiknitækni til að áætla kraftinn í biti sverðtígursins.

Erlent

Geimkapphlaup milli þriggja Asíuþjóða

Ómannað geimkönnunarfar frá japönsku geimferðarstofnuninni komst í morgun á sporbraut umhverfis tunglið. Eru Japanir því fyrsta Asíuþjóðin sem tekst að koma geimfari á braut umhverfis tunglið. Þrjár Asíuþjóðir keppa nú um að sigra geiminn.

Erlent

Tugir manna láta lífið í bátaslysi í Nígeríu

Að minnsta kosti 33 drukknuðu og átta slösuðust alvarlega þegar tveir bátar rákust saman á Dole-Kaina fljóti í norðvestur hluta Nígeríu í morgun. Annar báturinn var hlaðinn eldfimum vökvum og sprungu bátarnir í loft upp við áreksturinn.

Erlent

Flutningsstyrkur til að flytja frá mömmu

Ítölsk stjórnvöld bjóða nú fullvöxnum karlmönnum þar í landi flutningsstyrki til að þeir geti flutt út frá mæðrum sínum. "Mömmustrákar" eru þekkt félagslegt vandamál á Ítalíu þar sem stór hluti karlmanna eiga það til að búa í heimahúsum langt fram eftir aldri.

Erlent

Tveir láta lífið í sprengjuárás á Filippseyjum

Að minnsta kosti tveir létu lífið og 26 særðust þegar tvær sprengjur sprungu með stuttu millibili á markaði í bænum Kidapawan í suðurhluta Filippseyja í morgun. Einn maður sem sást flýja frá vettvangi var handtekinn.

Erlent

Óttast vaxandi kynþáttafordóma

Yfirvöld í Moskvu, höfuðborg Rússlands, óttast nú vaxandi kynþáttafordóma þar í borg. Árásum á minnihlutahópa hefur fjölgað gríðarlega á undanförnum árum.

Erlent

Forsetakosningum ekki frestað í Pakistan

Hæstiréttur Pakistans úrskurðaði í morgun að forsetakosningum verði ekki frestað í landinu en þær eiga að fara fram á morgun. Óvissa er hvor er hvort að Pervez Musarraf forseti landsins sé kjörgengur í kosningunum.

Erlent

Handtökuskipun á formann Interpol

Ríkissaksóknari Suður-Afríku hefur gefið út handtökuskipun á hendur Jackie Selebi ríkislögreglustjóra landsins en Selebi er jafnframt núverandi formaður alþjóðalögreglunnar Interpol. Selebi er sakaður um tengsl við skipulögð glæpasamtök í Suður-Afríku.

Erlent

Þrjátíu slasast af völdum klórgass

Þrjátíu verkamenn slösuðust og þar af einn alvarlega þegar eitrað klórgas lak út úr tanki í verksmiðju í Frankfurt í Þýskalandi í morgun. Slysið átti sér stað þegar verið var að flytja gasið á milli tveggja geymslutanka.

Erlent

Aulanóbel fyrir rannsóknir á sverðagleypum

Ig Nobels- eða Aulanóbelsverðlaunin voru veitt við hátíðlega athöfn í gærkvöldi. Meðal verðlaunahafa var breskur maður sem fékk Nóbelinn fyrir þá uppgvötun sína að sverðagleypar geti þjást af alvarlegum hliðaráhrifum ef þeir eru truflaðir við iðju sína.

Erlent

Lestarsamgöngur í Þýskalandi stöðvast

Nánast allar lestarsamgöngur í Þýskalandi stöðvuðust í morgun þegar lestarstjórar hjá þýska lestarfyrirtækinu, Deutsche Bahn, lögðu niður vinnu. Kjaraviðræður lestarstjóra við stjórnvöld hafa staðið yfir í marga mánuði án árangurs.

Erlent

Mest lesið