Erlent

Vilja lausnargjald fyrir spænska sjómenn

Enn einu skipinu hefur verið rænt úti fyrir ströndum Sómalíu. Sjóræningjar réðust um borð í spænskan túnfiskbát í gær og krefjast lausnargjalds fyrir tuttugu og sex manna áhöfn.

Erlent

Segir friðarviðræðum hafa farið aftur

Jimmy Carter, fyrrverandi Bandaríkjaforseti, segir friðarviðræðunum fyrir botni Miðjarðarhafs hafa farið aftur frá friðarráðstefnuni í Annapolis í Bandaríkjunum í nóvember í fyrra. Vandinn sé sá að Bandaríkjamenn og Ísraelar vilji ekki ræða við Hamas-liða.

Erlent

Fyrsta hjónabandið út í geiminum

Sir Richard Branson eigandi Virgin Galatic ætlar sér að setja enn eitt metið með því að verða sá fyrsti sem gefur par saman í hjónaband út í geiminum.

Erlent

Sjóræningjar láta til skarar skríða á ný

Sjóræningjar réðust í dag á basknest fiskiskip sem var við túnfiskveiðar undan ströndum Sómalíu. Tuttugu og sex eru í áhöfn skipsins og ekkert er vitað um afdrif þeirra að því er basknesk yfirvöld segja. Skipið var um 400 kílómetra undan ströndum Sómalíu og fullyrða talsmenn basknesku heimastjórnarinnar að skipið hafi verið á alþjóðlegu hafsvæði.

Erlent

Hækkandi matvælaverð ógn við heimsfrið

Ban Ki Moon, aðalritari Sameinuðu þjóðanna sagði í ræðu sem hann hélt í Accra í Afríkuríkinu Gana í dag að hækkandi matvælaverð væri ógn við heimsfrið. Moon var viðstaddur á viðskipta- og þróunarráðstefnu í landinu og í ræðunni kom fram að verði ekki tekið á vandanum sem við blasir sé öryggi heimsbyggðarinnar í hættu.

Erlent

Páfinn ræðir fortíð sína í Hitlersæskunni

Benedikt 16. páfi talaði í gær í fyrsta sinn opinberlega um veru sína í Hitlersæskunni á tímum síðari heimsstyrjaldarinnar. Á unglingasamkomu í New York í gær sagði páfi að unglingsár hans hafi verið eyðilögð af hinu ískyggilega þriðja ríki.

Erlent

Hörð átök í Mogadishu

27 eru sagðir látnir eftir hörð átök í Mogadishu, höfuðborg Sómalíu í gær. 11 óbreyttir borgarar féllu í átökunum sem brutust út milli íslamskra uppreisnarmanna og eþíópíska hersins.

Erlent

Níu Finnar létust í rútuslysi á Spáni

Níu finnskir ferðamenn létu lífið þegar rúta valt nærri ferðamannastaðnum Benalmadena á suðurhluta Spánar í gærkvöldi. Meðal þeirra sem létust var sjö ára stúlka. 19 aðrir, allt finnskir ferðamenn, slösuðust í slysinu og þar af nokkrir alvarlega.

Erlent

Kyndillinn á leið til Nepal

Yfirvöld í Nepal segjast tilbúin til að grípa til skotvopna komi til mótmæla þegar hlaupið verður með Ólympíueldinn á Mount Everest í maí næstkomandi.

Erlent

Ræddi aftur um misnotkun presta

Benedikt Páfi XVI ræddi aftur um kynferðislega misnotkun innan kaþólsku kirkjunnar á ferð sinni í New York í dag. Talaði hann þar til presta og nunna innan kirkjunnar.

Erlent

Hvetur til friðsamlegra lausna í Zimbabwe

Kofi Annan, fyrrum aðalritari Sameinuðu Þjóðanna, hvetur leiðtoga Afríkuríkja til að beita sér fyrir friðasamlegri lausn deilnanna í Zimbabwe. Varaði hann við því að ástandið í landinu væri eldfimt og áhrif þess gætu náð út fyrir landamæri þess.

Erlent

Grunur um kynferðislega misnotkun í sértrúarsöfnuði

Dómari í Texas í Bandaríkjunum hefur úrskurðað að 416 börn verði færð undir forræði yfirvalda þar til DNA sýni skeri úr um hverjir foreldrar þeirra séu. Börnin tilheyra sértrúarsöfnuði sem hvetur til fjölkvænis og leikur grunur á að ungar stúlkur séu kynferðislega misnotaðar.

Erlent

Norðmenn fara sænsku leiðina

Norski dómsmálaráðherrann Knut Storberget lagði í dag fram frumvarp á norska Stórþinginu sem gerir það glæpsamlegt að kaupa þjónustu vændiskvenna.

Erlent

Mest lesið