Erlent

Verður tekinn af lífi í dag

Stjórnvöld í Virginíu undirbúa nú aftöku Johns Allens Muhammad, leyniskyttunnar sem skaut Bandaríkjamönnum heldur betur skelk í bringu fyrir sjö árum þegar hann fór um nágranna­byggðir Washington-borgar og myrti fólk úr launsátri dag eftir dag svo vikum skipti.

Erlent

Sameinuðu þjóðirnar samþykkja kjör forseta Afganistan

Allsherjarþing Sameinuðu þjóðanna hefur samþykkt kjörið á Hamid Karzai sem forseta Afganistans, þrátt fyrir ásakanir um að hann hafi beitt svindli við kosningarnar. Í ályktun frá Allsherjarþinginu eru Hamid Karzai og stjórn hans hvött til að beita sér fyrir lýðræðisumbótum í Afganistan og berjast gegn spillingu.

Erlent

Hvítabjörn í hægri umferð

Hvítabirnir eru algeng sjón í smábænum Churchill í Manitoba í Kanada. Hvítabjörninn á þessari mynd virðist vera svo kunnugur á þessum slóðum að hann veit að það er hægri umferð í Churchill.

Erlent

Falli múrsins fagnað

Leiðtogar heimsins munu koma saman í Berlín í dag til þess að fagna því að tuttugu ár eru liðin frá falli Berlínarmúrsins. Aðalhátíðarhöldin verða við Brandenborgarhliðið en þar verður risastórum dómínókubbum velt og eiga þeir að tákna hvernig kommúnistastjórnir austan járntjalds féllu ein af annari í kjölfar fregnanna frá Berlín.

Erlent

Afi Hasans segir árásina með ólíkindum

Afi Nidals Malik Hasan, geðlæknisins sem skaut 13 hermenn til bana og særði yfir 30 í Fort Hood, stærstu herstöð Bandaríkjanna, í síðustu viku, segir það með ólíkindum að barnabarn hans hafi getað framið slíkt ódæði.

Erlent

Tuttugu ár síðan múrinn féll

Í dag eru 20 ár liðin síðan landamærahlið Berlínarmúrsins voru opnuð og þetta 43 kílómetra langa tákna kalda stríðsins varð að sögulegum minnisvarða.

Erlent

Chavez býr her sinn undir stríð

Hugo Chavez, forseti Venesúela, sagði her landsins að búa sig undir stríð við Kólumbíu. Hann sagði hættu á að Bandaríkin myndu reyna að etja Kólumbíu út í hernað gegn Venesúela.

Erlent

Kosningar haldnar í janúar

Íraska þingið samþykkti í gær nýja kosningalöggjöf, sem ætti að geta tryggt að fyrirhugaðar þingkosningar þar verði haldnar í janúar.

Erlent

Nærri hundrað manns látnir

Nærri hundrað manns létu lífið og tuga var saknað í viðbót eftir flóð og aurskriður í El Salvador. Þriggja daga úrhelli hefur verið í landinu.

Erlent

Bjóða Afríku ódýrt lánsfé

Egyptaland, AP Wen Jiabao, forsætisráðherra Kína, segir að Afríkuríki fái á næstu þremur árum jafnvirði tíu milljarða Bandaríkjadala að láni á lágum vöxtum.

Erlent

Vill síðbúna fyrirgefningu

Sebastian Marroquin, sonur kólumbíska eiturlyfjabarónsins Pablo Escobar, biður fórnarlömb föður síns um að veita honum síðbúna fyrirgefningu.

Erlent

Fallinna hermanna minnst

Bretar minntust í gær fallinna hermanna í öllum styrjöldum sem landið hefur átt í, þar á meðal bæði fyrri og seinni heimsstyrjöldunum ásamt núverandi stríðsrekstri í Afganistan og Írak.

Erlent

Múrinn kom í veg fyrir blóðsúthellingar

„Þetta var hræðilegt því ég áttaði mig á því að flokkurinn og ríkisstjórnin höfðu brugðist mér og að félagar mínir stæðu ekki með mér,“ segir Harald Jäger, austur-þýski landamæravörðurinn sem fyrstur opnaði hlið á Berlínarmúrnum að kvöldi 9. nóvember 1989.

Erlent

Bretar unnu í Evrópulottóinu

Tveir Bretar skipta á milli sín tæplega 90 milljóna punda lottóvinningi sem dreginn var út í Evrópulottóinu á föstudaginn. Upphæðin nemur tæpum 19 milljörðum íslenskra króna.

Erlent

Demókratar bjartsýnir

Demókratar eru bjartsýnir frumvarp sem felur í sér umdeildar breytingar á heilbrigðiskerfinu verði að lögum fyrir áramót. Fulltrúadeild Bandaríkjaþings samþykkti frumvarpið naumlega í nótt. Harry Reid, leiðtogi demókrata í öldungadeild þingsins vonast til þess að afgreiðslu frumvarpsins í deildinni verði lokið fyrir næstu mánaðarmót.

Erlent

92 látnir eftir mikil flóð í El Salvador

Yfirvöld í El Salvador segja að 92 hið minnsta hafi týnd lífi í flóðum í landinu kjölfar mikillar rigningar í landinu undanfarna daga. Að minnsta kosti 60 er saknað og þá hafa rúmlega 7000 íbúar leitað skjóls í neyðarskýlum.

Erlent

Hvöttu Abbas til að halda áfram

Fjölmargir Palestínumanna komu saman á útifundi á Vesturbakkanum og hvöttu Mahmoud Abbas, forseta Palestínu, til gefa kost á sér til endurkjörs í forsetakosningunum sem haldnar verða í janúar næstkomandi. Forsetinn lýsti því yfir helgi að hann ætli ekki að taka þátt í kosningunum.

Erlent

Mannskæð sprengjuárás í Pakistan

Að minnsta kosti 12 féllu og 35 særðust í sjálfsmorðsprengjuárás á markaði í bæ skammt frá borginni Peshawar í Pakistan í morgun. Talið er að tilræðinu hafi verið beint bæjarstjóranum sem var staddur á markaðnum þegar sprengjan sprakk en hann var meðal hinna látnu. Fram kemur á vef BBS að bæjarstjórinn hafi verið mikill andstæðingur Talibana.

Erlent

Obama: Söguleg niðurstaða

Fulltrúadeild bandaríska þingsins samþykkti í nótt umdeilt frumvarp Barack Obama, forseta Bandaríkjanna, um breytingar á heilbrigðiskerfinu þar í landi. Sjálfur segir Obama að niðurstaðan sé söguleg. Hann er sannfærður um að öldungadeildin samþykki frumvarpið á næstu vikum og vonast til þess að það verði orðið að lögum fyrir áramót.

Erlent

Umbótafrumvarp Obama samþykkt

Fulltrúadeild bandaríska þingsins samþykkti í nótt umdeilt frumvarp Barack Obama, forseta Bandaríkjanna, um breytingar á heilbrigðiskerfinu þar í landi. Það þykir mikill sigur fyrir Obama að frumvarpið hafi verið samþykkt.

Erlent

Heilbrigðisráðherrann bólusettur í beinni

Bólusetning gegn svínaflensu hófst í Saudi-Arabíu í gær þegar heilbrigðisráðherra landsins var bólusettur fyrstur landsmanna. Atburðinum var sjónvarpað um land allt en með sjónvarpsútsendingunni vildu yfirvöld draga úr ótta almennings við bólusetningu gegn flensunni. Auk þess er það vilji ráðamenn að reyna að koma í veg fyrir að fjöldi pílagríma sem eru á leið til lSaudi-Arabíu smitist af svínaflensu eða dreifi henni séu þeir sýktir. Pílagrílmarnir verða að öllum líkindum sprautaðir þegar þeir koma til landsins.

Erlent

Pelosi: Fulltrúadeildin mun samþykkja umbótafrumvarpið

Demókratinn Nancy Pelosi, forseti fulltrúadeildar Bandaríkjaþings, fullyrðir að fulltrúadeildin muni samþykkja umdeilt frumvarp Bandaríkjaforseta um umbætur í heilbrigðiskerfinu. Að auki lýsti repúblíkaninn Mike Pence því yfir í gær að barátta repúblíkana væri töpuð og að frumvarpið yrði að lögum. Um leið og hann gaf út þessa yfirlýsingu fordæmdi hann frumvarpið og vinnubrögð demókrata.

Erlent

Mest lesið