Erlent

Obama og Putin funduðu um málefni Sýrlands

Barack Obama Bandaríkjaforseti og Valdimir Putin Rússlandsforseti funduðu á hliðarlínunni á leiðtogafundi G20 ríkjanna í Mexíkó. Þar ræddu þeir málefni Sýrlands en þetta er fyrsti einkafundur þeirra tveggja síðan að Putin tók við forsetaembættinu að nýju fyrr í ár.

Erlent

Fundu dularfullan hlut á botni Eystrasalts

Sænskir kafarar sem stunda fjársjóðsleit í Eystrasaltinu hafa rekist á dularfullan hlut á hafsbotninum þar. Einn kafaranna segir að hann hafi aldrei séð neitt þessu líkt á 20 ára köfunarferli sínum.

Erlent

Taugatitringur á leiðtogafundi G20 ríkjanna

Mikill taugatitringur virðist vera á fundi G20 ríkjanna sem nú stendur yfir í Mexíkó. Jose Manuel Barroso forseti framkvæmdastjórnar Evrópusambandsins varð reiður þegar aðrir leiðtogar á fundinum gagnrýndu sambandið.

Erlent

Vilja mynda stjórn í dag

Mynda þarf ríkisstjórn með eins mörgum flokkum gríska þingsins og hægt er, sagði leiðtogi Nýja lýðræðisflokksins í gær. Hann fékk stjórnarmyndunarumboð og vill breyta skilmálum björgunaráætlunar.

Erlent

Kók loks fáanlegt í Mjanmar

Gosdrykkjaframleiðandinn Coca-Cola mun brátt hefja sölu á gosdrykkjum sínum í Mjanmar, áður Búrma, þar sem kók hefur ekki verið fáanlegt í ríflega sextíu ár. Á næstunni mun því löndum þar sem ekki er hægt að kaupa kók fækka úr þremur í tvö en utan Mjanmar fæst kók ekki á Kúbu og í Norður-Kóreu.

Erlent

Breivik fær fjölda ástarbréfa

Hryðjuverkamaðurinn Anders Behring Breivik hefur fengið ástarbréf og stuðningsyfirlýsingar í fangelsið þar sem hann dvelur. Hann hefur sýnt sálfræðingi sínum nokkur þeirra.

Erlent

Gargaði eins og fugl á US Open

Bandaríski kylfingurinn Webb Simpson fékk ekki njóta sviðsljóssins lengi eftir að hann bar sigur úr býtum á US Open í síðustu viku. Athyglisjúkur áhorfandi ákvað að trufla verðlaunaafhendinguna með því að garga eins og fugl.

Erlent

Ólympíufarar fengu gulrætur og róandi sprautur

Bandarísku Ólympíufararnir Twizzel, Mighty Nice og Arthur ferðuðust með stíl til Lundúna í síðustu viku. Þessir hreinræktuðu gæðingar munu sýna listir sínar á Ólympíuleikunum sem hefjast í borginni 27. júlí næstkomandi.

Erlent

Offitusjúklingar stefna fæðuöryggi í hættu

Hætta er á að öll heimsbyggðin líði matarskort ef vandi offitusjúklinga er ekki leystur. Frá þessu greinir Sky fréttastofan í dag og vísar í nýja rannsókn máli sínu til stuðnings. Rannsakendur fullyrða að umfram matarneysla þeirra sem teljast of feitir jafnist á við það að einn milljarður manna bættist við mannkyn. Rannsakendurnir, sem starfa við London School of Hygiene and Tropical Medicine segja að fæðuþörf mannkyns sé ekki einungis háð fjölda heldur einnig heildarþyngd mannkynsins. Þess vegna sé mikilvægt að halda þyngd fólks í skefjum.

Erlent

Hleypi almennum borgurum út

Yfirmaður eftirlitssveita Sameinuðu þjóðanna í Sýrlandi krafðist þess í gær að stríðandi fylkingar leyfðu „konum, börnum, öldruðum og veikum“ að yfirgefa borgina Homs og önnur átakasvæði. Degi fyrr hafði hann tilkynnt að eftirlitsmennirnir hefðu hætt störfum vegna vaxandi ofbeldis í landinu.

Erlent

Sósíalistar unnu stórsigur í Frakklandi

Sósíalistaflokkurinn vann stórsigur í seinni umferð þingkosninganna í Frakklandi í gærdag. Flokkurinn náði hreinum meirihluta þingsæta eða 314 af 577 sætum. Þetta þýðir að flokkurinn þarf ekki að reiða sig lengur á stuðning Græningja.

Erlent

Sósíalistar ná meirihluta í Frakklandi

Sósíalistaflokkurinn getur myndað hreinan meirihluta í neðri deild franska þingsins samkvæmt útgönguspám. Samkvæmt spánum hlaut flokkurinn, sem er flokkur Francois Hollande forseta, 312 af 577 þingsætum.

Erlent

Varla marktækur munur í þingkosningunum

Útgönguspár eftir þingkosningarnar í Grikklandi í dag benda til þess að Nýi lýðræðisflokkurinn, flokkur Antoni Samaras, sé með örlítið meira fylgi en vinstrabandalagið Syrizia. Munurinn er þó varla marktækur.

Erlent

Rodney King látinn

Rodney King, sem var barinn til óbóta af lögreglumönnum í Los Angeles í byrjun tíunda áratugs síðustu aldar, fannst látinn í morgun. Unnusta hans fann hann á botni sundlaugar í garði þeirra en ekki er talið að dauða hans hafi borið að saknæmum hætti.

Erlent

Kosið í Egyptalandi

Seinni dagur egypsku forsetakosninganna fer fram í dag og hefur þátttakan verið fremur dræm eins og spáð var. Tveir frambjóðendur eru í kjöri, annars vegar fulltrúi Múslimska bræðralagsins, Mohamed Morsi og Ahmed Shafiq, sem var forsætisráðherra í síðustu ríkisstjórni Mubaraks fyrrverandi forseta. Hann er sagður njóta stuðnings hersins í landinu sem haldið hefur um stjórnartaumana frá því Mubarak var komið frá. Margir þeirra sem stóðu að mótmælunum í landinu á sínum tíma eru ósáttir með valkostina í forsetakjörinu og hafa hvatt fólk til þess að sitja heima.

Erlent

Fjörutíu ár frá Watergate-málinu

Í nótt voru fjörutíu ár liðin frá því að brotist var inn í Watergate bygginguna í Washington. Innbrotið var upphafið að einu mesta hneykslismáli í pólitískri sögu Bandaríkjanna og varð það til þess að Richard Nixon Bandaríkjaforseti sagði af sér tveimur árum síðar.

Erlent

Banaslys fyrir Radiohead-tónleika

Einn lést og þrír slösuðust þegar tónleikasvið hrundi í kanadísku borginni Toronto í gær. Sviðið hrundi klukkutíma áður en tónleikarnir áttu að hefjast en aðalnúmerið á þeim átti að vera breska hljómsveitin Radiohead. Tónleikagestir voru ekki komnir inn á svæðið en búist var við fjörutíuþúsund manns. Þeir sem lentu undir sviðinu voru allir starfsmenn tónleikanna.

Erlent

Framtíð Grikkja ræðst á morgun

Framtíð Grikkja innan evrusamstarfsins mun ráðast á morgun þegar þingkosningar fara fram í landinu. Antoni Samaras, leiðtogi Nýja lýðræðisflokksins, sagði á útifundi í Aþenu í gær að valið stæði á milli þess að taka upp drökmu á ný eða halda í evruna.

Erlent

Kosið á ný í Grikklandi

Kosið verður til þings í Grikklandi á nýjan leik á morgun. Kosningarnar geta haft mikil áhrif á framhald fjármálakreppunnar í Evrópu.

Erlent

Ungu fólki ekki vísað burt

Bandaríkin ætla að hætta að vísa úr landi ólöglegum innflytjendum sem komu til landsins sem börn. Fólk á aldrinum 16 til 30 ára sem hefur búið í landinu í fimm ár eða lengur fær mögulega að vera þar áfram og fá atvinnuleyfi. Fólkið þarf að vera í skóla, útskrifað úr menntaskóla eða hafa verið í hernum og með hreinan sakaferil.

Erlent

Mest lesið