ÍBV bar sigurorð af Þrótti, 2-3, í fyrsta leik kvöldsins í Pepsi-deild kvenna.
Stefán Karlsson, ljósmyndari Fréttablaðsins og Vísis, var á vellinum og tók meðfylgjandi myndir.
Þetta var annar sigur Eyjakvenna í síðustu þremur leikjum sínum en þær eru í 6. sæti deildarinnar með 19 stig.
Þróttarar eru hins vegar í 9. og næstneðsta sæti með aðeins tvö stig þegar sex umferðunum er ólokið.
Shaneka Gordon kom ÍBV yfir á 19. mínútu og hún bætti öðru marki við á þeirri 37. Gordon hefur verið iðin við kolann í sumar en hún er komin með átta mörk í deildinni.
Staðan var 0-2 í hálfleik en strax á 4. mínútu seinni hálfleik kláraði Díana Helga Guðjónsdóttir leikinn þegar hún skoraði þriðja mark Eyjakvenna og sitt fyrsta í sumar.
Rebekah Bass minnkaði muninn í 1-3 á 66. mínútu og hún var aftur á ferðinni á lokamínútunni þegar hún skoraði sitt annað mark.
En nær komst Þróttur ekki og ÍBV fagnaði góðum sigri.
Upplýsingar um úrslit og markaskorara eru fengnar frá úrslit.net.
Gordon með tvennu í sigri ÍBV | Myndir

Tengdar fréttir

Harpa tryggði sigurinn í seinni hálfleik
Stjarnan er áfram fjórum stigum á eftir toppliði Breiðabliks í Pepsi-deild kvenna en bæði lið unnu sína leiki í kvöld.

Berglind Björg kvaddi með þrennu
Berglind Björg Þorvaldsdóttir lék sinn síðasta leik með Fylki í bili þegar Árbæjarliðið tók á móti Val á Fylkisvelli í kvöld en framherjinn er á leið til náms í Bandaríkjunum.