Íþróttir

Ásgeir Íslandsmeistari í snóker

Ásgeir Ásgeirsson varð í gær Íslandsmeistari í snóker þegar hann sigraði Gunnar Hreiðarsson í úrslitum með níu römmum gegn tveimur.

Sport 13.10.2005 19:17

Silja á háskólameistaramót

Silja Úlfarsdóttir, frjálsíþróttakona úr FH, varð í fjórða sæti í 400 metra grindarhlaupi í undankeppni fyrir bandaríska háskólameistaramótið sem fram fór í New York í gærkvöld. Silja kom í mark á 57,53 sekúndum og tryggði sér þátttökurétt á háskólameistaramótinu sem fram fer í Sacramento 8.-11. júní. Henni tókst ekki að ná lágmarki fyrir heimsmeisaramótið í Finnlandi, en það er 56,50 sekúndur.

Sport 13.10.2005 19:17

Íslandsmet í spjótkasti

Hin tvítuga spjótkastkona, Ásdís Hjálmsdóttir, gerði sér lítið fyrir í gær og setti nýtt Íslandsmet í spjótkasti kvenna á Laugardalsvellinum þegar hún kastaði spjótinu 57,10 metra á vormóti FÍRR.

Sport 13.10.2005 19:16

Silja í úrslit í 400 m í New York

Silja Úlfarsdóttir, frjálsíþróttakona úr FH, tryggði sér í gærkvöld sæti í úrslitum í 400 metra grindarhlaupi á bandaríska háskólameistaramótinu í New York. Silja varð í þriðja sæti í undanrásum á 57,94 sekúndum og keppir til úrslita í kvöld. Silja hyggst í kvöld reyna við lágmarkið sem gefur henni þáttökurétt á heimsmeistaramótinu í Helsinki í sumar.

Sport 13.10.2005 19:16

Venus óvænt úr leik á Opna franska

Venus Williams frá Bandaríkjunum féll í gær úr leik á Opna franska meistaramótinu í tennis í gær. Williams tapaði óvænt fyrir óþekktri 15 ára stúlku frá Búlgaríu, Sesil Karatantchevu, 3-6, 6-1 og 1-6 í þriðju umferð mótsins.

Sport 13.10.2005 19:16

15 ára sló Venus út í Frakklandi

Tenniskona Venus Williams féll úr keppni á á opna franska Tennismótinu í dag á einstaklega niðurlægjandi hátt fyrir 15 ára tennisstúlku í 3. umferð mótsins. "...Ég hafði bara aldrei heyrt af þessari stúlku né séð hana áður." sagði hin undrandi Venus.

Sport 13.10.2005 19:16

Ólympíukyndillinn á tind Everest?

Ólympíukyndillinn gæti verið á leið á tind Everestfjalls. Kínverjar, sem halda Ólympíuleikana árið 2008, eru að íhuga þetta.

Sport 13.10.2005 19:16

Öruggur sigur Gautaborgar

Hjálmar Jónsson lék allan leikinn í liði Gautaborgar sem sigraði Örgryte 3-0 í sænsku úrvalsdeildinni í knattspyrnu í gærkvöld. Jóhann B. Guðmundsson var ekki í leikmannahópi Örgryte.

Sport 13.10.2005 19:15

Byrjunarliðið gegn Skotum

Jörundur Áki Sveinsson, þjálfari A-landsliðs kvenna, hefur tilkynnt byrjunarlið Íslands fyrir vináttulandsleikinn gegn Skotum á McDiarmid Park í Perth í dag.

Sport 13.10.2005 19:15

Strachan tekur við Celtic

Martin O´Neill tilkynnti í morgun að hann ætli að hætta sem knattspyrnustjóri Celtic eftir fimm ár hjá félaginu og sjö stóra titla. Gordon Strachan hefur verið ráðinn stjóri Celtic í staðinn.

Sport 13.10.2005 19:15

Landsliðið tilkynnt í dag

Landsliðsþjálfararnir Ásgeir Sigurvinsson og Logi Ólafsson tilkynna landsliðshóp Íslands fyrir tvo landsleiki við Ungverjaland og Möltu, 4. og 8. júní á Laugardalsvelli, í dag. Ljóst er að Hermann Hreiðarsson er frá vegna meiðsla en í hans stað hafa landsliðsþjálfararnir valið Keflvíkinginn Harald Frey Guðmundsson.

Sport 13.10.2005 19:15

Þakkaði Williams-mönnum

Finnski ökuþórinn Kimi Räikkönen vann nokkuð auðveldan sigur í Mónakókappakstrinum í gær, eftir að hafa verið hlutskarpastur í tímatökunum á laugardaginn. Sigurinn var hans annar í röð og fleytir Finnanum unga í annað sætið í keppni ökumanna.

Sport 13.10.2005 19:14

Jóhannes hættur með landsliðinu

Jóhannes Karl Guðjónsson, leikmaður Leicester City, hefur ákveðið að gefa ekki kost á sér í íslenska landsliðið í knattspyrnu. Jóhannes Karl sagði í samtali við íþróttadeildina í morgun að þetta geri hann af persónulegum ástæðum, hann telji sig ekki geta sinnt verkefnum á vegum landsliðsins af fullum krafti og því telji hann rétt að stíga til hliðar.

Sport 13.10.2005 19:14

Ólafur Örn skoraði fyrir Brann

Ólafur Örn Bjarnason skoraði fyrir Brann þegar liðið sigraði Lilleström, 6-2, í norsku úrvalsdeildinni í knattspyrnu í gær. Árni Gautur Arason og félagar í Valeringa gerðu markalaust jafntefli við Fredriksstad.

Sport 13.10.2005 19:13

Víkingur burstaði Fjölni

Fyrsta umferð 1. deildar karla í knattspyrnu fór fram í gær. Víkingur Reykjavík vann Fjölni 6-1, Víkingur Ólafsvík og HK gerðu markalaust jafntefli, Þór sigraði KS 4-2, KA vann Völsung 3-0 og Breiðablik sigraði Hauka 2-1.

Sport 13.10.2005 19:13

Bröndby á titilinn vísan

Bröndby á nú Danmerkurmeistaratitilinn vísan eftur 5-0 sigur á FC Kaupmannahöfn í gær. Bröndby hefur 56 stig en FC Kaupmannahöfn er í öðru sæti með 48 stig.

Sport 13.10.2005 19:13

Tékkar heimsmeistarar í íshokkí

Tékkar urðu í gær heimsmeistarar í ísknattleik eftir 3-0 sigur á Kanadamönnum.

Sport 13.10.2005 19:13

Grjótkast og líkamsárásir

Tveir leikmenn gríska liðsins Iraklis þurftu að gista á sjúkrahúsi í nótt eftir að hafa orðið fyrir árás stuðningsmanna Aris Saloniki liðsins. Í Rúmeníu þurfti knattspyrnuþjálfari aðhlynningu eftir að áhorfandi kastaði steini í höfuð hans á leik í 1. deildinni um helgina.

Sport 13.10.2005 19:13

Ásthildur skorar og skorar

Landsliðsfyrirlinn í knattspyrnu, Ásthildur Helgadóttir, skoraði tvö mörk þegar Malmö sigraði Sjelevad, 5-1, í sænsku úrvalsdeildinni í gær. Ásthildur hefur nú skorað sex mörk í fimm fyrstu umferðum deildarinnar en Malmö og Umea eru efst í deildinni með 13 stig.

Sport 13.10.2005 19:13

Kristjana fékk brons í Rússlandi

Kristjana Sæunn Ólafsdóttir, Íslandsmeistari í fimleikum, varð þriðja í gólfæfingum og áttunda í fjölþraut á alþjóðlegu fimleikamóti í Rússlandi um helgina. Árangur hennar í fjölþrautinni var hennar besti á ferlinum. Kristjana fékk hæstu einkunn í gólfæfingum í fjölþrautinni og komst í úrslit og vann þar til bronsverðlauna.

Sport 13.10.2005 15:33

Silja sjötta í Atlanta

Silja Úlfarsdóttir, frjálsíþróttakona úr FH, varð í nótt sjötta í 400 metra grindahlaupi á frjálsíþróttamóti í Atlanta í Bandaríkjunum. Hún kom í mark á 57,31 sekúndu og dugði sá árangur ekki til þess að tryggja henni farseðil á heimsmeistaramótið í frjálsum íþróttum. Sandra Glover frá Bandaríkjunum sigraði í halupinu á 54,01 sekúndu sem er besti tími ársins.

Sport 13.10.2005 15:33

Þórey Edda önnur í Katar

Þórey Edda Elísdóttir, stangastökkvari úr FH, varð í 2.-3. sæti á alþjóðlegu frjálsíþróttamóti í Katar. Hún stökk 4,20 metra en Anzela Balakhonova frá Úkraínu sigraði á mótinu þegar hún stökk 4,35 metra.

Sport 13.10.2005 19:12

Loeb með forystu á Kýpur

Heimsmeistarinn í ralli, Sebastian Loeb frá Frakklandi, hefur forystu eftir þrjár sérleiðir í Kýpurrallinu. Petter Solberg frá Noregi er annar og Tony Gardemeister frá Finnlandi er þriðji. Marcus Grönholm frá Finnlandi er úr leik en bíll hans bilaði á fyrstu sérleið.

Sport 13.10.2005 19:12

Örflaga í boltanum á HM 2006

Tækni sem úrskurðar hvort bolti fer yfir marklínuna í knattspyrnuleik verður komin í notkun fyrir heimsmeistarakeppnina í Þýskalandi á næsta ári, segir Sepp Blatter, forseti Alþjóðaknattspyrnusambandsins, FIFA.

Sport 13.10.2005 19:12

Valur pakkaði ÍBV saman

Valur sigraði ÍBV 10-0 í meistarakeppni kvenna í knattspyrnu í gærkvöldi. Nína Ósk Kristinsdóttir skoraði 4 mörk, Margrét Lára Viðarsdóttir 2 og þær Dóra María Lárusdóttir, Laufey Jóhannsdóttir, Dóra Stefánsdóttir og Málfríður Sigurðardóttir sitt markið hver.

Sport 13.10.2005 19:11

Árni Gautur í liði vikunnar

Árni Gautur Arason er í liði vikunnar hjá <em>Aftenposten</em> og norska netmiðlinum <em>Nettavisen</em>. Árni varði meistaralega þegar Voleringa sigraði Bodo Glimt í fyrradag.

Sport 13.10.2005 19:11

Schumacher gefst ekki upp

Heimsmeistarinn Michael Schumacer hefur ekki gefið upp alla von í að verja titil sinn, þrátt fyrir að hvorki gangi né reki hjá honum þessa dagana.

Sport 13.10.2005 19:11

Fjórir Norðurlandameistaratitlar

Íslenskir júdómenn unnu fern gullverðlaun á Norðurlandamótinu í júdó sem fram fór í Reykjavík í gær. Þorvaldur Blöndal, Vignir Stefánsson, Þormóður Árni Jónsson og Gígja Guðbrandsdóttir urðu Norðurlandameistarar.

Sport 13.10.2005 19:10

Sporting getur náð Benfica

Efsta liðið í Portúgal, Benfica, tapaði fyrir Penafiel, 1-0, í gær. Benfica, sem varð síðast portúgalskur meistari 1994, hefur ennþá forystu en Sporting Lissabon getur náð þeim að stigum með sigri á Vitoria á mánudag. Tvær umferðir eru eftir af deildarkeppninni.

Sport 13.10.2005 19:10

Bætti meyjametið í kúluvarpi

Ragnheiður Anna Þórsdóttir FH bætti í gær meyjametið í kúluvarpi um 55 sentímetra þegar hún kastaði 13,66 metra á frjálsíþróttamóti í Kaplakrika í gær. Fimm af sex köstum Ragnheiðar voru lengri en gamla metið.

Sport 13.10.2005 19:10