Hafnarfjarðarbær semur um erlend lán

Þúsundir tilboða bárust í Haga

Um þrjú þúsund tilboð bárust í hlutabréf í Haga í útboði sem lauk í dag. Samkvæmt upplýsingum frá Arion banka nam heildarfjárhæð tilboðanna um 40 milljörðum króna. Fjárfestar gátu sent inn tilboð í á bilinu 100 þúsund krónur til 500 milljónir króna, en vegna mikillar eftirspurnar í útboðinu er ljóst að hver aðili fær aðeins hluta síns tilboðs samþykktan. Bæði almenningi og fagfjárfestum var gefinn kostur á að skrá sig fyrir samtals 20-30% af útgefnum hlutum í félaginu.

Bréf Icelandair og Marel hækka skarplega

Gengi bréfa Icelandair hafa hækkað um tæplega 2,4% í dag og gengi bréfa í Marel um tæplega 3%. Gengi Icelandair er nú 5,18 og gengi bréfa í Marel er 122,5. Rauðar tölur einkenna nú markaði í Evrópu og Bandaríkjunum. Helstu vísitölur í Evrópu hafa lækkað um 1 til 2 prósent og vísitölur í Bandaríkjunum um 0 til 1 prósent.

Rauður dagur í dag

Allar hlutabréfavísitölur eru rauðar í dag beggja megin Atlantsála. Á Wall Street lækkaði Nasdaq vísitalan um 1,99% og S&P 500 lækkaði um 2,11%. Austanmegin lækkaði FTSE 100 vísitalan um 1,14%, DAX lækkaði um 2,01% og CAC 40 lækkaði um 2,53%.

Mikill áhugi á hlutabréfum í Högum

Mikill áhugi var á útboði á hlutabréfum í Högum, rekstraðila Bónus og Hagkaupa, en frestur til að skila inn tilboði rann út í dag. Opnað var fyrir tilboð í tuttugu til þrjátíu prósent eignarhlut í fyrirtækinu á mánudag en samkvæmt heimildum fréttastofu var eftirspurn fimmfalt meiri en framboð. Stefnt er að því að skrá fyrirtækið á markað á fimmtudag í næstu viku. Hlutirnir voru upphaflega boðnir út á genginu 11 - 13,5 á hlut.

Enn engin ákvörðun í Icesave málinu

ESA, Eftirlitsstofnun EFTA, hefur enn ekki tekið neina ákvörðun um það hvort mál verði höfðað gegn Íslandi vegna Icesave reikninganna. Þetta segir Trygve Mellvang-Berg upplýsingafulltrúi ESA í svari við skriflegri fyrirspurn Vísis. Hann vill lítið tjá sig um það hvaða áhrif 400 milljarða króna greiðsla út úr þrotabúi gamla Landsbankans í gær hafi á stöðu Icesavemálsins.

Telja innflutningsbann stangast á við EES samninginn

Samtök verslunar og þjónustu hafa sent kvörtun til bæði eftirlitsstofnunar EFTA og umboðsmanns Alþingis, en þau telja að innflutningsbann á fersku kjöti stangist á við EES samninginn.

Hannes fékk ekki krónu

Hannes Smárason, fjárfestir, er ekki einn þeirra sem hafa fengið greitt fé inn á eigin reikning úr þrotabúi Landsbankans, eins og lesa mátti um á forsíðu Morgunblaðsins í morgun, og ýmsir vefmiðlar hafa vitnað til í dag.

Mikill verðmunur á bókum - Penninn-Eymundsson neitar að taka þátt

Mikill verðmunur er á bókum samkvæmt verðlaseftirliti ASÍ en í flestum tilvikum var 30 til 60 prósent verðmunur á hæsta og lægsta verði. Lægsta verðið var oftast að finna í versluninni Bónus eða á 25 titlum af 63, en sú verslun var einnig með fæsta bókatitla á boðstólum eða aðeins 29 af þeim 63 sem skoðaðir voru.

Hrein eign ríkissjóðs rýrnar milli ára

Hrein peningaleg eign ríkissjóðs, þ.e. eignir umfram skuldir, var neikvæð um 723 milljarða króna í lok 3. ársfjórðungs ársins eða 44.6% af landsframleiðslu samanborið við 36.9% af landsframleiðslu á sama ársfjórðungi í fyrra.

Fjárhagur hins opinbera batnar milli ára

Fjárhagur hins opinbera hefur batnað töluvert frá því í fyrra. Á þriðja ársfjórðungi ársins var tekjuafkoma hins opinbera neikvæð um 19 milljarða króna eða sem nemur 4,6% af áætlaðri landsframleiðslu ársfjórðungsins og 10,7% af tekjum þess. Á sama tíma í fyrra var tekjuafkoman neikvæð um ríflega 20 milljarða króna eða 5,2% af landsframleiðslu.

Vöruskiptin hagstæð um 7,6 milljarða í nóvember

Samkvæmt bráðabirgðatölum fyrir nóvember s.l. var útflutningur 53,2 milljarðar króna og innflutningur tæpir 45,7 milljarðar króna. Vöruskiptin í nóvember voru því hagstæð um 7,6 milljarða króna samkvæmt bráðabirgðatölum.

Fasteignaveltan jókst um 100% milli ára í nóvember

Gífurleg aukning varð á fjölda kaupsamninga um fasteignir og veltu á fasteignamarkaðinum í nóvember s.l. miðað við sama mánuð í fyrra. Aukningin í fjölda samninga nemur 69% og veltan jókst um tæp 100%.

Gefur í skyn að Már hafi skreytt sig með stolnum fjöðrum

Greining Íslandsbanka gefur í skyn að Már Guðmundsson seðlabankastjóri hafi skreytt sig með stolnum fjöðrum þegar hann rökstuddi stýrivaxtaákvörðun bankans í gærdag.

Tapa riftunarmáli og fá ekki 150 milljónir

Greiðslum upp á 150 milljónir, sem runnu frá Landsbankanum til sjóðs á vegum Íslenskra verðbréfa 6. október 2008, verður ekki rift þrátt fyrir kröfu slitastjórnar bankans þar um. Héraðsdómur Norðurlands eystra kvað upp svofelldan dóm í gær.

Ótímabært að spá um hvort Íslandi verður stefnt

Steingrímur J. Sigfússon fjármálaráðherra segir að útgreiðslur á rúmlega 400 milljörðum íslenskra króna út úr þrotabúi Landsbankans hljóti að hafa góð áhrif á andrúmsloftið í kringum Icesavemálið. Hann vill ekkert spá fyrir um það hvort Eftirlitsstofnun EFTA muni stefna Íslendingum fyrir EFTA dómstólnum eins og óttast hefur verið.

Karl Wernersson gæti þurft að endurgreiða hundruð milljóna

Hæstiréttur hefur fellt úr gildi ákvörðun Héraðsdóms Reykjavíkur sem vísaði á dögunum frá kæru þrotabús Milestone gegn Karli Wernerssyni, sem var aðaleigandi Milestone.

S&P hækkar lánshæfismat TM

Lánshæfismatsfyrirtæki Standard & Poor's hefur hækkað mat sitt á Tryggingamiðstöðinni úr BB í BB+. "Þetta eru afar ánægjuleg tíðindi. Hækkun S&P´s á mati TM er að mínu mati fyrst og fremst viðurkenning á því góða starfi sem starfsfólk félagsins hefur unnið á undanförnum árum. Innleiðing nýrrar stefnu með áherslu á grunnrekstur og áhættustýringu hefur skilað góðum árangri. Metnaðarfull markmið um umbætur á flestum þáttum rekstrarins hafa gengið eftir, samhliða áherslum um bætta þjónustu við viðskiptavini félagsins. Hækkunin endurspeglar þá skoðun S&P´s að TM er öflugt, traust og vel rekið félag,“ segir Sigurður Viðarsson, forstjóri TM, á vef félagsins.

Landsbankinn greiðir 432 milljarða upp í Icesave-skuldina

Þrotabú gamla Landsbankans hefur greitt 432 milljarða til kröfuhafa upp í forgangskröfur. Þetta kemur fram á vef slitastjórnarinnar. Stærstur hluti forgangskrafna í bú bankans er vegna innstæðna á Icesave-innlánsreikningum bankans.

Stórir samningar skila góðum tekjum

Ráðgjafafyrirtækið Markó Partners hefur verið milligönguaðili í nokkrum stórum viðskiptasamningum á þessu ári, nú síðast þegar kanadíska sjávarútvegsfyrirtækið High Liner Foods keypti starfsemi Icelandic Group í Bandaríkjunum og Asíu af Framtakssjóði Íslands (FSÍ) á 26,9 milljarða króna í síðasta mánuði.

Hagvöxtur eykst um 3,7% milli ára

Landsframleiðsla fyrstu níu mánuði ársins jókst um 3,7% að raungildi samanborið við fyrstu níu mánuðina í fyrra.

Óbreyttir stýrivextir

Peningastefnunefnd Seðlabanka Íslands hefur ákveðið að halda vöxtum bankans óbreyttum.

Hagnaður Íslandsbanka 11,3 milljarðar á fyrstu 9 mánuðum ársins

Hagnaður Íslandsbanka nam rúmlega 11,3 milljörðum kr. eftir skatta á fyrstu níu mánuðum ársins en var tæplega 13,2 milljarðar kr. fyrir sama tímabil í fyrra.

Fyrsta skráning skuldabréfa fjármálafyrirtækis frá hruni í dag

Fyrsta skráning skuldabréfa útgefnum af fjármálafyrirtæki á Íslandi frá hruni 2008 mun eiga sér stað í Kauphöllinni í dag.Um er að ræða skuldabréfaútgáfu af hálfu Íslandsbanka.

Skuldatryggingaálag Íslands lækkar verulega

Skuldatryggingaálag Íslands hefur lækkað verulega á síðustu dögum og er komið niður í 301 punkt samkvæmt vefsíðunni Keldan sem aftur byggir á gögnum frá Bloomberg fréttaveitunni.

Farþegum Icelandair fjölgaði um 10% milli ára í nóvember

Farþegar Icelandair voru 104 þúsund í nóvember og fjölgaði þeim um 10% frá nóvember á síðasta ári. Sætanýtingin nam 77,0% og jókst um 2,8 prósentustig frá síðasta ári.

Landsvirkjun ekki gerð að hlutafélagi

Ekki verður hróflað við opinberu eignarhaldi á stóru orkufyrirtækjunum hjá núverandi ríkisstjórn, að sögn Steingríms J. Sigfússonar fjármálaráðherra. Í skýrslu sem Ásgeir Jónsson og Sigurður Jóhannesson unnu fyrir fjármálaráðuneytið er lagt til að breyta orkufyrirtækjum í hlutafélög og auka verkefnafjármögnun við nýjar framkvæmdir.

Vísaði í Þursaflokkinn: "Pínulítill kall“

Framkvæmdastjóri Landssambands íslenskra útvegsmanna (LÍÚ) segir fullyrðingar Árna Páls Árnasonar, efnahags- og viðskiptaráðherra, þess efnis að LÍÚ leggi sig í einelti uppspuna.

Höfðatorg í hendur kröfuhafa

Eigandi byggingarfélagsins Eyktar hefur misst Höfðatorg ehf. til lánardrottna. Höfðatorg ehf. á Höfðatorgsbygginguna og óbyggðar lóðir þar í kring og skuldaði 23 milljarða króna um síðustu áramót.

Vara fólk við því að falla í freistni

Neytendasamtökin gagnrýna harðlega nýjan jólaleik smálánafyrirtækisins Kredia sem auglýstur hefur verið, meðal annars í Ríkissjónvarpinu. Í frétt á vef Neytendasamtakanna kemur fram að leikurinn gengur út á að á hverjum degi fram að jólum er einn lántaki dreginn út og þarf hann ekki að greiða lán sitt til baka. Neytendasamtökin segjast telja það í hæsta máta óeðlilegt að stundaðir séu „leikir" sem ganga út á að fá fólk til að taka lán með von um að sleppa við endurgreiðslu.

Skuldabréf skráð í íslensku Kauphöllina í fyrsta skipti

Fyrsta skráning skuldabréfa útgefnum af fjármálafyrirtæki á Íslandi frá hruni 2008 mun eiga sér stað í Kauphöllinni á morgun. Páll Harðarson, forstjóri NASDAQ OMX Iceland og Birna Einarsdóttir, bankastjóri Íslandsbanka munu flytja stutt erindi í tilefni af því. Dagskráin hefst þegar klukkan er gengin 20 mínútur í tíu og verður svo bjölluhringing við opnun markaða klukkan hálftíu.

Vill að ríkið kaupi Grímsstaði og leigi Nubo svo landið

Kristján Möller, formaður atvinnuveganefndar Alþingis, telur að ríkið eigi að kaupa jörðina að Grímsstöðum og ganga sjálft til samningaviðræðna við Huang Nubo um leigu á henni. Mikilvægt sé að tryggja uppbyggingu og atvinnusköpun á svæðinu.

Fá 364 þúsund krónur í launauppbót frá Samherja

Samherji hf. greiðir starfsfólki sínu í landi 300 þúsund króna launauppbót nú í desember, til viðbótar umsaminni 64 þúsund króna desemberuppbót. Þetta kemur fram á heimasíðu Samherja.

Atvinnuleysi heldur meira hjá konum

Atvinnuleysi á meðal kvenna er heldur meira en hjá körlum. Hjá konum mælist það tæplega 7,2 prósent en hjá körlum nær 6 prósent.

Norðmenn óskuðu eftir smjöri frá Íslandi - við erum ekki aflögufær

Norðmenn hafa óskað eftir að kaupa smjör frá Íslandi þar sem jólaundirbúningur þar í landi er að komast í uppnám vegna smjörskorts. Mjólkursamsalan treystir sér ekki að verða við óskum Norðmannanna til að stefna ekki jólabakstri og jólahaldi hér á landi í tvísýnu.

8,7 milljörðum lakari vöruskiptajöfnuður

Vöruskiptajöfnuðurinn á fyrstu tíu mánuðum ársins var tæpum 8,7 milljörðum króna lakari en á sama tíma árið áður. Verðmæti útflutnings jókst þó um rúm tólf prósent milli ára.

Kauphöllin áminnir N1 og sektar félagið

Kauphöllin hefur ákveðið að áminna olíufélagið N1 opinberlega og beita það sekt að upphæð 1,5 milljónir króna vegna brota félagsins á reglum Kauphallarinnar.

Vöruskiptin 8,7 milljörðum lakari en í fyrra

Fyrstu tíu mánuði ársins voru fluttar út vörur fyrir 512,6 milljarða króna en inn fyrir 423,1 milljarð króna. Afgangur var því á vöruskiptunum við útlönd sem nam 89,5 milljörðum en á sama tíma árið áður voru þau hagstæð um 98,2 milljarða á sama gengi. Vöruskiptajöfnuðurinn var því tæpum 8,7 milljörðum króna lakari en á sama tíma árið áður.

Nokkuð dregur úr veltunni á fasteignamarkaðinum

Fjöldi þinglýstra kaupsamninga á höfuðborgarsvæðinu í síðustu viku var 79. Þetta er nokkuð minni fjöldi en nemur meðaltalinu undanfarnar 12 vikur sem er 98 samningar á viku.

Yfir 750 hafa misst vinnuna í hópuppsögnum í ár

Alls hafa 752 manns misst vinnu sína í hópuppsögnum það sem af er árinu. Þetta er ívið meiri fjöldi en á sama tíma í fyrra þegar 742 höfðu misst vinnuna í slíkum uppsögnum.

FME samþykkir samruna Byrs og Íslandsbanka

Fjármálaeftirlitið (FME) hefur veitt samþykki sitt fyrir samruna Byrs og Íslandsbanka með fyrirvara um að samrunaferlið verði í samræmi við lög um hlutafélög.

Veltan á gjaldeyrismarkaðinum yfir 15 milljörðum

Velta á millibankamarkaði með gjaldeyri í nóvember síðastliðnum nam rúmum 15 milljörðum kr sem er 42,6% aukning frá fyrra mánuði. Raunar er um mestu veltuna á þessum markaði að ræða í einstökum mánuði frá áramótum.

Mikil stemming fyrir hlutafjárútboði Haga

Mikil stemming virðist vera fyrir hlutafjárútboði Haga hf. sem hófst í gærdag. Þetta kemur fram í Markaðsfréttum Íslenskra verðbréfa.

Vopnafjörður seldi fyrir hálfan milljarð

Vopnarfjarðarhreppur hefur selt hlut sinn í útgerðarfyrirtækinu HB Granda fyrir tæplega hálfan milljarð króna. Sveitarstjóri hreppsins segir söluna styrkja fjárhag sveitarfélagsins verulega.

Þremenningarnir látnir lausir

Lárusi Welding, fyrrverandi forstjóra Glitnis, Jóhannesi Baldurssyni, fyrrverandi framkvæmdastjóra markaðsviðskipta, og Inga Rafnari Júlíussyni, fyrrverandi miðla hjá Glitni, var sleppt úr gæsluvarðhaldi í dag. Þetta staðfesti Ólafur Þ. Hauksson, sérstakur saksóknari, í samtali við fréttastofu. Mennirnir voru handteknir í umfangsmiklum aðgerðum sérstaks saksóknara í síðustu viku og úrskurðaðir í vikulangt gæsluvarðhald. Að loknum yfirheyrslum í dag voru þeir svo látnir lausir.