Kauphöllin áminnir N1 og sektar félagið

Kauphöllin hefur ákveðið að áminna olíufélagið N1 opinberlega og beita það sekt að upphæð 1,5 milljónir króna vegna brota félagsins á reglum Kauphallarinnar.

Í tilkynningu segir að N1 hafi ekki birt ársreikning sinn fyrir árið 2010 áður en löglegur frestur fyrir birtinguna rann út. Raunar tilkynnti félagið að ársreikningurinn yrði ekki birtur fyrr en í júní á þessu ári vegna fjárhagslegrar endurskipulagningar félagsins.

N1 tók hinsvegar skuldabréfaflokk sinn úr viðskiptum í Kauphöllinni í maí s.l., það er áður en ársreikningurinn fyrir 2010 var birtur. Slíkt er brot á reglum um viðskipti i Kauphöllinni.