Fleiri fréttir

Olíugjald á steinolíu verður skoðað

Olíugjald gæti verið lagt á steinolíu á næstu misserum. Mjög hefur færst í vöxt að steinolía sé notuð sem eldsneyti á dísilbíla en á næstunni verður gjaldkerfið að baki samgönguframkvæmdum tekið til endurskoðunar.

Venjast lífi á atvinnuleysisbótum

Aðlögunarhæfni ungs fólks gerir því auðveldara að venjast lífi á atvinnuleysisbótum. Fjölbreytt úrræði Vinnumálastofnunar hafa hjálpað mörgum ungum einstaklingum að takast á við atvinnuleysi.

Tólfþúsund flugu með Iceland Express

Rösklega tólf þúsund farþegar flugu með Iceland Express frá London Gatwick í júní síðastliðnum. Þetta kemur fram í fréttatilkynningu sem flugfélagið sendi frá sér og vísar þar í skýrslu breskra flugmálayfirvalda, máli sínu til stuðnings. Iceland Express segir að þetta sé 50 prósenta aukning frá fyrra mánuði og fjörutíu og fjögurra prósenta aukning frá sama tíma í fyrra. Aldrei hafi jafnmargir farþegar flogið með Iceland Express í einum mánuði frá London. Samkvæmt þessum tölum er markaðshlutdeild iceland Express í farþegaflutningum frá London rúmlega 41 prósent og hefur aldrei verið meiri.

Landsbankinn veitir nýsköpunarstyrki

Samfélagssjóður Landsbankans mun í ár veita nýsköpunarstyrki í fyrsta sinn. Veittir verða 27 styrkir fyrir samtals að fjárhæð 15.000.000 króna.

Kaupmáttur jókst um 3,4% milli mánaða

Vísitala kaupmáttar launa í júní 2011 er 109,5 stig og hækkaði um 3,4% frá fyrri mánuði. Síðustu tólf mánuði hefur vísitala kaupmáttar launa hækkað um 2,7%.

Staða SpKef miklu verri en menn þorðu að vona

Staðan á Sparisjóðnum í Keflavík er miklu verri en menn töldu þegar Landsbankinn tók hann yfir, en bankinn hefur framkvæmt mat á virði eigna og munar þar 20 milljörðum króna á því mati sem ríkið kynnti í vor. Sparisjóðurinn er með neikvætt eigið fé upp á 30 milljarða.

Málefni fatlaðra setja fjármál borgarinnar í óvissu

Flutningur á málefnum fatlaðra frá ríki til borgar og óvissa um fjármögnun málaflokksins veldur drætti á framlagningu þriggja ára fjárhagsáætlunar Reykjavíkurborgar. Borgaryfirvöld vonast til þess að hægt verði að ljúka gerð áætlunarinnar í byrjun hausts. Þetta kemur fram í tilkynningu frá borginni en fyrr í dag óskuðu fulltrúar Sjálfstæðisflokks og VG eftir því að borgarstjórn yrði kölluð saman til aukafundar vegna vanskila á áætlunininni. Fulltrúarnir segja að samkvæmt lögðum átt að leggja slíka áætlun fram fyrir fimm mánuðum og að vinnubrögð meirihlutans væru því óábyrg og algjörlega óviðunandi.

Turner Broadcasting vill kaupa Latabæ

Fjölmiðlarisinn Turner Broadcasting hefur gert tilboð upp á 1,4 milljarða króna í allt hlutafé Latabæjar, en áform eru um að framleiða nýja seríu af þáttunum fyrir alþjóðlegan markað

Fyrrum stjórnendur VBS grunaðir um umboðssvik

Fyrrum stjórnendur VBS fjárfestingarbanka eru til rannsóknar hjá sérstökum saksóknara vegna gruns um umboðssvik en málið snýst um færslu á láni VBS yfir í ógjaldfært félag í eigu stærstu eigenda bankans. Fyrrverandi forstjóri segir engan hafa rætt við sig um málið. Hann vísar lögbrotum á bug segist hafa tekið allar ákvarðanir með hagsmuni bankans í huga.

Kvótaskerðing kemur mest við kaunin á Vestfjörðum

Greining Arion banka segir að boðuð kvótaskerðing í nýju frumvarpi ríkisstjórnarinnar muni koma mest við kaunin á Vestfjörðum af einstökum landshlutum. Þá munu minni útgerðir fá meir skell en þær stærstu.

Turner vill kaupa Latabæ á 1,4 milljarða

Fjölmiðlarisinn Turner Broadcasting System, sem tilheyrir Time Warner, býðst til að greiða 12 milljónir dollara eða 1,4 milljarða kr. fyrir allt hlutafé Latabæjar.

Nær 4.000 án vinnu í ár eða lengur

Fólki sem verið hefur án atvinnu í eitt ár eða lengur fjölgar verulega milli ára. Um 3.900 höfðu verið atvinnulausir svo lengi að meðaltali á öðrum ársfjórðungi 2011, en á síðasta ári voru 2.700 í þeirri stöðu, að því er fram kemur í samantekt Hagstofu Íslands.

FME gerir athugasemdir við auglýsingu MP banka

Fjármálaeftirlitið (FME) hefur gert margvíslegar athugasemdir við auglýsingu frá MP banka þar sem bankinn tíundar ágæti eignastýringar sinnar en auglýsingin birtist í Fréttablaðinu í maí síðastliðnum.

Gullverð nær methæðum

Órói á fjármálamörkuðum olli því að metverð var greitt fyrir gull á alþjóðamörkuðum í gær. Gullforði Seðlabankans hefur haldist nær óbreyttur að stærð síðasta áratuginn, en hefur hins vegar áttfaldast í verði.

Vill 220 milljarða fyrir hlutinn í Iceland en Walker í lykilstöðu

Landsbankinn er sagður vilja 220 milljarða króna fyrir hlut sinn í Iceland Foods verslanakeðjunni sem er mun meira en Malcolm Walker, forstjóri félagsins, vildi greiða. Walker hins vegar með forkaupsrétt og getur því jafnað hvaða tilboð sem er í félagið. Söluandvirðið fer rakleitt í Icesave-kröfurnar.

Atvinnuleysi meira en í tölum Vinnumálastofnunar

Langtímaatvinnuleysi hefur tekið stökk á milli ára, þrátt fyrir fullyrðingar um að efnahagsbatinn sé hafinn í landinu. 15.800 manns voru atvinnulausir á öðrum fjórðungi ársins.

Úlfar og Kristján vildu halda kaupverðinu á Toyota leyndu

Landsbankinn vill enn ekki gefa upp kaupverð á Toyota á Íslandi en í lok júní gengu Úlfar Steindórsson, forstjóri Toyota og Kristján Þorbergsson, fjármálastjóri frá kaupum á 60 prósenta hlut á Toyota á Íslandi af Landsbankanum.

Keypti Domino's fyrir minna en helming af því sem hann seldi það á

Birgir Þór Bieltvedt sem gengið hefur frá kaupum á Domino's af Landsbankanum keypti fyrirtækið á minna en helming af því sem hann seldi það á árinu 2005. Þá voru skuldir þess upp á einn og hálfan milljarð króna felldar niður hjá Landsbankanum áður en fyrirtækið var selt til Birgirs Þórs.

Sveitarfélögin eiga hátt í 5.000 leiguíbúðir

Leiguíbúðir í eigu sveitarfélaga voru 4.656 talsins í fyrra og hafði þá fjölgað um 69 frá fyrra ári. Eftirspurn eftir leiguhúsnæði hefur aukist, íbúðum sem standa auðar hefur fækkað umtalsvert og æ fleiri sveitarfélög greiða nú sérstakar húsaleigubætur.

Byggingavísitalan hækkar áfram

Vísitala byggingarkostnaðar reiknuð um miðjan júlí 2011 er 110,8 stig sem er hækkun um 0,8% frá fyrri mánuði.

Aflaverðmæti drógust saman um 400 milljónir á milli ára

Aflaverðmæti íslenskra skipa nam 46,1 milljarði króna á fyrstu fjórum mánuðum ársins 2011 samanborið við 46,5 milljarða á sama tímabili 2010. Aflaverðmæti hefur því dregist saman um 382 milljónir eða 0,8% á milli ára. Frá þessu er greint á vef Hagstofunnar.

Atvinnuleysið 8,5% á öðrum ársfjórðungi

Á öðrum ársfjórðungi 2011 voru að meðaltali 15.800 manns án vinnu og í atvinnuleit eða 8,5% vinnuaflsins. Atvinnuleysi mældist 9,5% hjá körlum og 7,4% hjá konum. Frá öðrum ársfjórðungi 2010 til annars ársfjórðungs 2011 fækkaði atvinnulausum um 400 manns.

Atvinnulífið gleggra eftir hrun

Kannanir á viðhorfi stjórnenda fyrirtækja til þróunar efnahagsmála eru reglulega birtar. Guðjón Emilsson hagfræðingur hefur kannað forspárgildi slíkra kannanna.

Töluverðar hækkanir á fasteignaverði

Töluverðar hækkanir hafa orðið á fasteignaverði á höfuðborgarsvæðinu undanfarna mánuði eða rúmlega 6%. Vísitala íbúðaverðs á höfuðborgarsvæðinu var 321,2 stig í júní síðastliðnum og hækkar um 0,5% frá fyrri mánuði.

Sala á steinolíu hefur tífaldast á sex árum

Sala á steinolíu hefur snaraukist á undanförnum árum. Í fyrra var hún tíu sinnum meiri en árið 2005. Mjög hefur færst í vöxt að steinolía sé notuð á eldri dísilbíla, ýmist hrein eða blönduð í dísil, enda er lítrinn af steinolíu tugum króna ódýrari en dísilolíulítrinn.

Horfa til viðskipta við gagnaver

Undirbúningur að lagningu á nýjum sæstreng til gagnaflutninga milli Evrópu og Norður-Ameríku í gegnum Ísland er hafinn. Leggja á strenginn næsta sumar, en eigendur hans horfa meðal annars til viðskipta við gagnaver hér á landi.

Samdráttur í fataverslun

Velta í dagvöruverslun jókst um 3,3 prósent á föstu verðlagi í júní borið saman við sama mánuð í fyrra. Á sama tímabili dróst fataverslun saman um 6,5 prósent á föstu verðlagi. Verð á dagvöru hefur hækkað um 3,3 prósent á síðustu tólf mánuðum.

Spenntur fyrir verkefninu

Hömlur, dótturfélag Landsbankans, hefur gengið frá sölu á fyrirtækinu Pizza-Pizza til hóps fjárfesta undir forystu Birgis Þórs Bieltvedt. Pizza-Pizza er umboðsaðili Domino‘s á Íslandi og rekur fjórtán sölustaði.

Byr ekki seldur án samþykkis Alþingis

Steingrímur J. Sigfússon, fjármálaráðherra, segir að Byr verði ekki seldur án samþykkis Alþingis og að ríkið muni ekki tapa á sölunni.

Óbreytt lánshæfismat

Alþjóðlega matsfyrirtækið Moody's hyggst ekki breyta lánshæfiseinkunn íslenska ríkisins en horfur er áfram neikvæðar. Þetta kemur fram í árlegri matsskýrslu fyrirtækisins um Ísland. Skýrslan er gefin út í kjölfar reglulegrar heimsóknar sérfræðinga Moody´s til landsins og felur líkt og áður sagði ekki í sér breytingu á lánshæfismati.

Domino's selt á 210 milljónir - stofnandinn eignast fyrirtækið aftur

Fjárfestirinn Birgir Þór Bieltvedt hefur keypt fyrirtækið Pizza-pizza ehf. af dótturfélagi Landsbankans. Fyrirtækið er umboðsaðili Domino's á Íslandi en í tilkynningu frá Landsbankanum segir að fyrirtækið hafi verið selt á 210 milljónir króna en að auki nemi vaxtaberandi skuldir 350 milljónum. Salan og nýir kaupendur hafa verið samþykktir af Domino's Pizza International. Salan er með fyrirvara um samþykki Samkeppniseftirlitsins.

Fleiri keyptu áfengi í ár en í fyrra

Sala áfengis jókst um 1,2 prósent í júní miðað við sama mánuð í fyrra á föstu verðlagi og um 3 prósent á breytilegu verðlagi. Leiðrétt fyrir árstíðarbundnum þáttum nam samdráttur í veltu áfengis í júní 1,4 prósent frá sama mánuði í fyrra. Verð á áfengi var 1,8 prósent hærra í júní síðastliðnum en í sama mánuði í fyrra.

Guðný Erla nýr útibústjóri Landsbankans á Höfn

Guðný Erla Guðnadóttir hefur verið ráðin útibússtjóri Landsbankans á Höfn í Hornafirði. Guðný Erla er verkfræðingur og hefur meistaragráðu í iðnaðarverkfræði frá Háskólanum í Reykjavík. Hún hefur undanfarið unnið sem Lána- og viðskiptastjóri fyrirtækja hjá Íslandsbanka á Ísafirði.

Vinna við Búðarhálsvirkjun er á áætlun

Byggingarvinna við Búðarhálsvirkjun gengur vel og er verkið á áætlun. Ístak vinnur að verkinu sem felst í meginatriðum í gangnagerð, byggingu stíflu og gerð stöðvarhúss.

ESA vill breytingar á ÍLS innan sex mánaða

ESA, eftirlitsstofnun EFTA hefur ákveðið að leggja til við íslensk stjórnvöld að breytingar verði gerðar á Íbúðalánasjóði (ÍLS) til að laga hann að ríkisaðstoðarreglum EES samningsins. Ákvörðuninni skal komið í framkvæmd fyrir 1. janúar 2012.

Lítið orðið af stórframkvæmdum

Lítið hefur enn orðið af þeim stórframkvæmdum sem boðaðar voru í stöðugleikasáttmála ríkisstjórnarinnar og aðila vinnumarkaðarins árið 2009. Framkvæmdir við nokkur verkefni gætu þó hafist á næstunni.

Segir lambakjötsbirgðir duga út sumarið

Það er ekki rétt að skortur sé á lambakjöti hér á landi, segir formaður Landssamtaka sauðfjárbænda, Sigurgeir Sindri Sigurgeirsson. Leifur Þórsson, framkvæmdastjóri hjá Ferskum kjötvörum, sagði í fréttum Ríkisútvarpsins í gær að skortur væri á lambakjöti á Íslandi. Hann hefur óskað eftir því við landbúnaðarráðuneytið að fá leyfi til innflutnings á lambalærum.

Sex vilja byggja hótel við Hörpu

Í dag rann út frestur til að skila tilboði í byggingarreitinn vestan við Hörpu, tónlistar- og ráðstefnuhúsið í miðborg Reykjavíkur. Um var að ræða opið söluferli af hálfu eiganda lóðarinnar, eignarhaldsfélagsins Situsar, sem kynnt var fyrir erlendum og innlendum fjárfestum. Tugir fyrirspurna komu frá áhugasömum fjárfestum en á endanum bárust sex formleg tilboð í byggingarréttinn á lóðinni, þrjú eru frá íslenskum aðilum og þrjú frá erlendum aðilum.

Skuldatryggingaálag Íslands hækkar áfram

Skuldatryggingaálag Íslands hækkar áfram. Það stendur nú í 255 punktum samkvæmt viðskiptavefnum keldan.is. Í lok síðustu viku var álagið hinsvegar 240 punktar.

Sjá næstu 50 fréttir

Mest lesið