Áhættuálagið á ríkissjóð helst stöðugt

Skuldatryggingaálag á evruskuldir Ríkissjóðs Íslands hefur lítið breyst að undanförnu. Í lok dags í gær stóð álagið til 5 ára í 243 punktum (2,43%) samkvæmt gögnum úr Bloomberg-gagnaveitunni sem er það sama og það var í lok síðustu viku.

Össur hf. verður áfram í úrvalsvísitölu Kauphallarinnar

Kauphöllin hefur ákveðið að halda Össuri hf. (Össur) áfram í OMXI6 vísitölunni eða það sem kallað er úrvalsvísitalan í Kauphöllinni.

Spáir óbreyttum stýrivöxtum vegna Icesave óvissu

IFS greining gerir ráð fyrir óbreyttum stýrivöxtum um sinn vegna óvissunnar sem umlykur þjóðaratkvæðagreiðslu um Icesave og áætlun um afnám gjaldeyrishaftanna en til stendur að birta hana 25. mars. Ákvörðun um stýrivexti verður birt á morgun, miðvikudag.

SpKef segir upp kauphallaraðild sinni

Vegna yfirtöku NBI hf. á SpKef sparisjóði hefur SpKef sagt upp kauphallaraðild sinni að hlutabréfa- og skuldabréfamörkuðum Kauphallarinnar.

Mikil aukning launakostnaðar

Heildarlaunakostnaður á greidda stund jókst um 11% á fjórða ársfjórðungi frá fyrri ársfjórðungi í fyrra í samgöngum og flutningum, 9,7% í verslun og ýmissi viðgerðarþjónustu, 8,5% í byggingarstarfsemi og mannvirkjagerð og 7,3% í iðnaði.

Heildaraflinn jókst um tæp 38% milli ára í febrúar

Heildarafli íslenskra skipa í nýliðnum febrúarmánuði, metinn á föstu verði, var 38,7% meiri en í febrúar 2010. Það sem af er árinu hefur aflinn aukist um 28,2% miðað við sama tímabil 2010, sé hann metinn á föstu verði. Munar hér mestu um loðnuveiðarnar.

MS skilaði tæplega 300 miljóna hagnaði í fyrra

Rekstur Mjólkursamsölunnar (MS) gekk vel í fyrra og nam hagnaður af starfseminni 293 milljónum kr. eftir skatta sem er mikill viðsnúningur frá árinu 2009. MS er að langstærstum hluta í eigu kúabænda (93%) á móti 7% hlut Kaupfélags Skagfirðinga.

Kreditkortavelta eykst milli ára í febrúar

Heildarvelta kreditkorta í febrúar 2011 var 25,7 milljarðar kr. og er þetta 6,3% aukning miðað við febrúar í fyrra en 9,7% samdráttur miðað við janúar síðastliðinn.

Aldrei fleiri verið atvinnulausir í meira en eitt ár

Aldrei hafa fleiri einstaklingar en nú verið án atvinnu í meira en ár. Voru þeir alls 4.820 í febrúar, eða sem nemur rétt tæplega þriðjungi atvinnulausra. Hefur þessi fjöldi nú mælst yfir 4 þúsund í rúmt ár, eða frá því í janúar í fyrra.

Útlán ÍLS jukust um 400 milljónir milli ára í febrúar

Heildarútlán Íbúðalánasjóðs (ÍLS) jukust um 400 milljónir kr. milli ára í febrúar. Þetta kemur fram í mánaðarskýrslu sjóðsins.

Endurnýja flugstjórnarklefa í sextán vélum

Endurnýjun flugstjórnarklefa í sextán Boeing 757 vélum í eigu Icelandair stendur yfir.

Árni Páll: Enginn ber í raun ábyrgð á starfi skilanefndanna

Slitastjórn og skilanefnd Glitnis voru með að meðaltali um 6 milljónir í mánaðarlaun á síðasta ári samkvæmt ársreikningi Glitnis. Viðskiptaráðherra segir frumvarp um eftirlit með skilastjórn og skilanefnd sé í undirbúningi.

Aukning í dagvöruverslun

Velta í dagvöruverslun jókst um 2,5% á föstu verðlagi í febrúar miðað við sama mánuð í fyrra og um 3,5% á breytilegu verðlagi. Leiðrétt fyrir árstíðabundnum þáttum jókst velta dagvöruverslana í febrúar um 2,6% frá sama mánuði í fyrra. Þetta kemur fram í tilkynningu frá Rannsóknarsetri Verslunarinnar en þar kemur einnig fram að verð á dagvöru hefur hækað um 1,1% á síðastliðnum 12 mánuðum.

Meðalárslaun um 70 milljónir

Skilanefnd og slitastjórn Glitnis þáðu 348 milljónir króna í laun á síðasta ári, samkvæmt ársuppgjöri Glitnis sem birtur var í morgun.

FME afturkallar starfsleyfi fjármálafyrirtækja

Fjármálaeftirlitið (FME) hefur afturkallað starfsleyfi Byrs sparisjóðs, Frjálsa fjárfestingarbankans hf. og Sparisjóðs Reykjavíkur og nágrennis hf.

Staða Glitnis vænkast

Verðmat eigna Glitnis banka hækkaði úr 808 milljörðum króna í upphafi síðasta árs í 814 milljarða í lok ársins, eða um 1%. Verðmat eigna Glitnis í evrum hækkaði aftur á móti um 18%, eða úr 4.493 milljónir evra í 5.295 milljónir evra. Styrking krónunnar á árinu 2010 skýrir þessar mismunandi niðurstöður á mati eigna eftir myntum.

Landsbankinn ræður Umboðsmann fyrirtækja

Hildur Friðleifsdóttir, núverandi útibússtjóri í útibúi Landsbankans í Austurstræti 11, hefur verið ráðin Umboðsmaður fyrirtækja hjá Landsbankanum. Staðan var auglýst laus til umsóknar í febrúar.

Yfirvofandi skortur í málmiðnaðinum

Skortur á íslenskum málmiðnaðarmönnum er yfirvofandi hér á landi á næstu árum. Gífurleg afturför hefur orðið í menntun í greininni, að mati Guðmundar Ragnarssonar, formanns Félags vélstjóra og málmtæknimanna.

Heildarútgjöld hins opinbera lækkuðu um 2% milli ára

Heildarútgjöld hins opinbera 2010 námu 748 milljörðum króna og lækkuðu um 2% milli ára, eða úr 51,0% af landsframleiðslu 2009 í 48,6% 2010. Þar af runnu 405 milljarðar króna til þriggja stærstu útgjaldaflokka hins opinbera – heilbrigðismála, fræðslumála, almannatrygginga og velferðarmála – eða 26,3% af landsframleiðslu.

Afkoma Faxaflóahafna betri en áætlanir gerðu ráð fyrir

Afkoma Faxaflóahafna í fyrra var nokkru betri en ráð var gert fyrir í fjárhagsáætlun en Faxaflóahafnir skiluðu 270 milljón kr. hagnaði á árinu. Stjórn Faxaflóahafna sf. samþykkti ársreikning félagsins á fundi sínum fyrir helgi.

Gera kröfu um útgreiðslu á 10% arði hjá SS

Fram er komin krafa um útgreiðslu arðs af eigendum yfir 10% hluta í B-deild stofnsjóðs Sláturfélags Suðurlands (SS). Hámarks arðgreiðsla getur þó ekki orðið hærri en rúmlega 14,3 milljónir kr. en það er óráðstafað eigið fé í árslok 2010 verði tillagan samþykkt á aðalfundi félagsins 25. mars 2011.

Árni Páll: Erfitt að afnema gjaldeyrishöft

Árni Páll Árnason, viðskiptaráðherra,segir að erfitt verði að afnema gjaldeyrishöft án þess að sett verði skýr markmið um upptöku evru. Búist var við nýrri áætlun um afnám gjaldeyrishafta á Íslandi fyrir lok febrúar, en birtingu hennar seinkar enn.

Bensínið gæti hækkað um tíu krónur til viðbótar

Búast má við frekari eldsneytishækkunum hér á landi ef innkaupaverð á olíu helst í núverandi hæðum. Bensín gæti hækkað um allt tíu krónur til viðbótar.

Ríkið greiðir ekki fyrir kynningu á Icesave

Ríkissjóður greiðir ekki fyrir kynningar á Icesave-samningunum hjá stofnunum og fyrirtækjum. Sumir nefndarmenn í Icesave-nefndinni halda slíkar kynningar frítt en aðrir rukka fyrirtækin sem biðja um kynningarnar.

Tchenguiz fékk væna þóknun fyrir að vera tengiliður

Fjárfestir greiddi Robert Tchenguiz eina milljón punda eða sem samsvarar um 200 milljónum íslenskra króna í þóknun fyrir að koma sér í kynni við Kaupthing. Í kjölfarið fékk fjárfestirinn, Moises Gertner, há lán frá Kaupthingi og keypti síðar stóran hlut í bankanum. Frá þessu er greint í breska blaðinu Daily Mail í dag.

Frekari húsleitir líklegar

Talið er að breska efnahagsbrotadeildin Serious Fraud Office muni á næstu vikum halda áfram húsleitum vegna rannsóknar sinnar á falli íslenska bankakerfisins en húsleitir þeirra í síðustu viku leiddu til handtöku níu manna í Bretlandi og Reykjavík. Þetta kemur fram í breska blaðinu Telegraph í morgun.

Íslendingar treysta vel vinnuveitendum sínum

Íslendingar bera mjög mikið traust til eigin vinnuveitenda og eru jákvæðir í garð íslenskra fyrirtækja. Traust þeirra til eigin vinnuveitanda skorar einna hæst í árlegum mælingum Capacent Gallup á trausti til stofnana og embætta. Aðeins Landhelgisgæslan og lögreglan njóta meira trausts meðal fólks.

Eigið fé Strætó jákvætt í fyrsta sinn síðan 2004

Samkvæmt ársreikningi síðasta árs er eigið fé Strætó bs. nú orðið jákvætt um rúmar 188 milljónir króna. Þetta er í fyrsta sinn sem eigið fé byggðasamlagsins er jákvætt síðan árið 2004.

Hérðasdómur vísaði frá kröfu á hendur Capacent

Kröfu skiptastjóra í þrotabúi GH1 (áður Capacent) um innsetningu á eignum Capacent var vísað frá Héraðsdómi Reykjavíkur 21. febrúar. Áður, eða þann 8. desember 2010, hafði kröfu skiptastjóra um lögbann á notkun vörumerkis Capacent verið synjað af sýslumanni.

Líf og fjör á fasteignamarkaði borgarinnar

Fjöldi þinglýstra kaupsamninga á höfuðborgarsvæðinu 4. mars til og með 10. mars 2011 var 102. Þetta er mestur fjöldi samninga á einni viku frá því snemma árs 2008. Til samanburðar hefur fjöldi samninga að meðaltali verið 65 undanfarnar 12 vikur.

Atvinnuleysi eykst, var 8,6% í febrúar

Skráð atvinnuleysi í febrúar 2011 var 8,6% en að meðaltali 13.772 manns voru atvinnulausir í febrúar og eykst atvinnuleysi um 0,1 prósentustig frá janúar, eða um 314 manns að meðaltali.

Mikill áhugi á ríkisvíxlum

Mikill áhugi var á ríkisvíxlum í útboði hjá Lánamálum ríkisins í morgun. Alls seldust ríkisvíxlar í tveimur flokkum fyrir tæplega 20 milljarða kr. Vaxtakjörin voru mjög hagstæð fyrir ríkissjóð eða 3% flatir vextir í öðrum flokknum og 3,10% í hinum.

Lægstu útlánavextir ÍLS í fimm ár

Útlánavextir Íbúðalánasjóðs (ÍLS) á íbúðalánum hafa ekki verið lægri í fimm ár eða síðan í apríl árið 2006. Þetta kemur fram í Morgunkorni greiningar Íslandsbanka þar sem fjallað er um ákvörðun ÍLS í morgun að lækka vextina.

Ragnar Önundarson segir sig úr stjórn LV

Ragnar Önundarson ætlar að segja sig úr stjórn Lífeyrissjóðs verzlunarmanna (LV). Þetta kemur fram í bréfi sem hann hefur sent stjórninni.

ÍLS lækkar vexti á íbúðalánum

Íbúðalánasjóður (ÍLS) hefur ákveðið að lækka vexti á íbúðalánum sínum. Útlánavextir íbúðalána með uppgreiðsluákvæði verða 4,40% og 4,90% á íbúðalán án uppgreiðsluákvæðis. Þessi vextir voru áður 4,5% og 5%.

Hlutbréf Össurar hf. út úr og svo aftur inn í Kauphöllina

Kauphöllin hefur samþykkt beiðni Össurar hf. um töku hlutabréfa félagsins úr viðskiptum. Hlutabréfin verða tekin úr viðskiptum í Kauphöllinni við lok viðskipta þann 25. mars, 2011. Hlutabréfin verða svo aftur tekin til viðskipta í Kauphöllinni að eigin frumkvæði hennar þann 28. mars eins og heimilt er í lögum.

Spáir óbreyttum stýrivöxtum í mars

Greining Íslandsbanka reiknar með því að Peningastefnunefnd Seðlabankans ákveði að halda stýrivöxtum sínum óbreyttum á næsta vaxtaákvörðunarfundi sínum sem er 16. mars næstkomandi. Verða vextir á viðskiptareikningum innlánsstofnana og hámarksvextir innistæðubréfa því áfram 3,25% og 4,0% hvorir um sig, vextir á lánum gegn veði til sjö daga 4,25% og daglánavextir 5,25%.

Fresta birtingu á áætlun um afnám gjaldeyrishaftanna

Birtingu á áætlun um afnám gjaldeyrishaftanna hefur verið frestað fram til 25. mars n.k. Þetta kemur fram í tilkynningu frá efnahags- og viðskiptaráðuneytinu. Til stóð að birta þessa áætlun í dag, föstudag.

Laun hækkuðu um 0,7% milli ársfjórðunga

Samkvæmt vísitölu launa voru regluleg laun að meðaltali 0,7% hærri á fjórða ársfjórðungi 2010 en í ársfjórðungnum á undan. Á sama tímabili hækkuðu laun á almennum vinnumarkaði um 0,8% en laun opinberra starfsmanna hækkuðu um 0,5% að meðaltali.

Raunávöxtun 4,1% hjá Lífeyrissjóði bænda í fyrra

Hrein eign til greiðslu lífeyris hjá Lífeyrissjóði bænda nam 22.6 milljörðum kr. í árslok 2010 og hækkaði um 4,3% frá fyrra ári. Nafnávöxtun var 7,1% og raunávöxtun nam 4,4%. Hrein raunávöxtun nam 4,1% á árinu 2010 en hún var 0,6% 2009.

Vilja nýjan gjaldmiðil til að losna undan höftunum

Til að losna við gjaldeyrishöft að fullu þurfa Íslendingar væntanlega að taka upp annan gjaldmiðil, að mati Helga Magnússonar, formanns Samtaka iðnaðarins (SI). Það telur hann undirstrika mikilvægi þess að Íslendingar freisti þess af fullu afli að ná viðunandi samningum við Evrópusambandið. Þetta kom fram í ræðu Helga á Iðnþingi í gær.

Verulega dregur úr taprekstri Reita II

Tap Reita II ehf. (áður Landsafls ehf.) á árinu 2010 nam 627 milljónum króna samanborið við 4.450 milljón króna tap á árinu áður.

"Delete að lestri loknum“

Forstjóri Greiðslumiðlunar VISA-Ísland fór fram á það við bankastjóra Landsbanka Íslands að bankinn aðstoðaði við að beita stóra viðskiptavini VISA þrýstingi til að þeir samþykktu hærri gjöld frá kortafyrirtækinu.

Edge-reikningarnir kosta Breta 213 til 307 milljarða

Tryggingasjóður innstæðueigenda í Bretlandi (FSCS) áætlar að kostnaður hans vegna Edge-reikninga Kaupþings Singer & Friedlander (KSF), dótturbanka Kaupþings, og annarra innstæðna bankans verði á bilinu 213 til 307 milljarðar kr. þegar að eignir verði að fullu búnar að ganga upp í þann kostnað.

20% aukning á nýskráninum léna í febrúar

Fjöldi nýskráðra léna í nýliðnum mánuði var 672 lén á móti 558 lénum í febrúar 2010. Aukningin nemur um 20%. Fjöldi eyddra (afskráðra) léna reyndist 225 nú móti um 200 lénum í fyrra, sem gerir um 12% aukningu í afskráningum.