Microsoft Íslandi heldur risaráðstefnu

Microsoft Íslandi stendur fyrir risaráðstefnu dagana 19. og 20. janúar. Þar verður farið yfir það mikilvægasta sem fram kom á alþjóðlegu ráðstefnunum TechEd og Convergence sem haldnar voru undir lok síðasta árs í Bandaríkjunum og Danmörku. Ráðstefnan er ætluð tæknimönnum, forriturum og stjórnendum og verður aðgangur ókeypis.

Straumur kaupir dönsku húsgagnakeðjuna Biva

Straumur hefur fest kaup á dönsku húsgagnakeðjunni Biva og kemur jafnframt með nýtt fjármagn inn í keðjuna. Þar með er vinnu 350 manns hjá Biva Möbler Odense bjargað fyrir horn.

Frekari lækkun lánshæfiseinkunna ríkissjóðs yrði álitshnekkir

Ef lánshæfiseinkunnirnar ríkissjóðs lækka frekar fara þær niður fyrir þau mörk sem almennt eru talin skilja á milli hágæða skuldabréfa og annarra skuldabréfa, og væri það töluverður álitshnekkir.

Hrein eign lífeyriskerfisins rýrnaði um 11% í fyrra

Hrein eign lífeyriskerfisins rýrnaði um 11% að raungildi á frá upphafi síðasta árs til nóvemberloka. Eignastaðan batnaði þó heldur í nóvembermánuði, þótt stærstur hluti nafnaukningar eigna hafi verið vegna þess hve gengi krónu var lágt í nóvemberlok.

Straumur hækkar eftir hrun

Gengi hlutabréfa í Straumi hefur hækkað um 3,8 prósent í Kauphöllinni í dag í kjölfar um 26 prósenta hruns á föstudag. Á eftir fylgir gengi bréfa í Össuri, sem hefur hækkað um 0,93 prósent, og Century Aluminum, sem hefur hækkað um 0,7 prósent.

Skuldabréf Landic sett á Athugunarlista kauphallarinnar

Skuldabréf í fjórum flokkum útgefin af Landic Property hf., hafa verið færð á Athugunarlista kauphallarinnar með vísan til tilkynningar frá félaginu, dags. 9. janúar 2009, um greiðsluerfiðleika félagsins, að því er segir í tilkynningu frá kauphöllinni.

Landic Property frestar vaxtagreiðslum og semur um ráðgjöf

Landic Property er nú að semja við eigendur skuldabréfaflokksins STOD 09 0306 um að fresta greiðslu vaxta fram til 6. mars en greiðslurnar átti að inna af hendi í desember. Jafnframt hefur Landic samið við tvær erlendar fjármálastofnanir um ráðgjöf við stefnumótun.

FME veitir upplýsingar úr rannsóknum sínum eftir lögum

Fram kemur í yfirlýsingu á vefsíðu Fjármálaeftirlitsins (FME) að stofnunin muni veita upplýsingar um niðurstöður rannsókna á vegum FME á þann hátt sem lög leyfa og eftir því sem verkinu vindur fram.

Þriðjungur lána ÍLS í desember vegna leiguíbúða

Alls námu heildarútlán Íbúðalánasjóðs (ÍLS) tæplega 6,7 milljörðum króna í desember. Þar af voru rúmlega 4,2 milljarðar kr. vegna almennra lána og tæpir 2,5 milljarðar kr. vegna leiguíbúðalána.

Búð opnuð á Bakkafirði á ný

Verslun var opnuð á Bakkafirði á ný nú um áramótin. Þessi eina búð í einu fámennsta þorpi landsins er þó aðeins opin tvo tíma í senn fimm daga vikunnar.

Stöðutökur gegn krónu verða rannsakaðar

Rannsóknarnefnd um bankahrunið mun taka stöðutöku gegn íslensku krónunni til skoðunar. Þetta segir Páll Hreinsson, formaður rannsóknarnefndar um bankahrunið, í Fréttablaðinu í dag. Varaformaður Landssambands íslenskra útvegsmanna hefur sagt að bankar og eigendur þeirra hafi markvisst reynt að veikja krónuna í hagnaðarskyni. Á sama tíma hefðu bankarnir gert gjaldmiðilsskiptasamninga við sjávarútvegsfyrirtæki og lífeyrissjóði sem gerðu ráð fyrir að krónan styrktist. Hann nefndi sérstaklega Existu og Kjalar, stærstu eigendur Kaupþings. Exista sendi frá sér tilkynningu í gær þar sem því var hafnað að fyrirtækið hefði haft hag að því að krónan veiktist. Allir samningar við bankana gegn krónunni hafi verið eðlilegar gengisvarnir.

Fjármálaeftirlitið birti skýrslur um bankana

Viðskipta- og forsætisráðuneyti hafa farið þess á leit við Fjármálaeftirlitið að það birti helstu niðurstöður úr skýrslum endurskoðunarfyrirtækja um starfsemi bankanna fyrir hrunið. Í skýrslunum eru allar aðgerðir bankanna mánuðinn áður en þeir voru þjóðnýttir.

Rannsaka hvort bankarnir hafi tekið stöðu gegn krónunni

Það er verkefni fyrir hinn sérstaka saksóknara að kanna hvort að bankarnir hafi verið að veikja krónuna á sama tíma og þeir seldu okkur það sem við töldum vera gengisvarnir, segir framkvæmdastjóri LÍU.

Stakk ekki upp á kaupendum á BT og Skífunni

Ég átti hvorki hugmyndina að því að koma Senu og Högum að samningaborðinu né kom ég að fjármögnun eða kaupsamningum í þessum viðskiptum, segir Tryggvi Jónsson, fyrrverandi aðstoðarforstjóri Baugs, í yfirlýsingu sem hann sendi fjölmiðlum nú fyrir stundu.

Straumur féll um rúman fjórðung

Gengi hlutabréfa í Straumi hrundi um 26,57 prósent í Kauphöllinni í dag. Gengi bréfa í fjárfestingabankanum endaði í 1,05 krónum og hlut en fór til skamms tíma í rúma 90 aura á hlut. Að öðru leyti einkenndist dagurinn af lækkun hlutabréfaverðs.

Sakar gömlu bankana um blekkingar í gjaldmiðlasamningum

Hvöttu eigendur stóru viðskiptabankanna starfsfólk sitt vísvitandi til þess að selja útflutningsatvinnuvegunum og lífeyrissjóðum í landinu gjaldeyrisskiptasamninga, þar sem staða var tekin með með krónunni?

Sparisjóðirnir lækka verðtryggða vexti sína

Sparisjóðirnir munu flestir lækka verðtryggða inn- og útlánsvexti frá og með 11. janúar næstkomandi. Útlánsvextir munu lækka um 0,05% og verðtryggðir innlánsvextir um allt að 0,10%.

Kauphöllin veitir RUV opinbera áminningu

Kauphöllin hefur ákveðið að veita RUV ohf. opinbera áminningu vegna brota á reglum kauphallarinnar. Brotin eru vegna tafa á útkomu ársskýrslu RUV.

Hlutabréf Straums hrynja í verði

Gengi hlutabréfa í Straumi hefur fallið um rúm 25 prósent það sem af er dags og fór til skamms tíma undir krónu á hlut. Mánuður er liðinn í dag síðan Fjármálaeftirlitið leyfði á ný viðskipti með bréf félagsins og hefur það hrunið um 63 prósent síðan þá.

Óvíst hvort stjórnvöld nái að uppfylla kröfur AGS í tíma

Alls óvíst er hvort íslensk stjórnvöld nái að uppfylla þær kröfur Alþjóðagjaldeyrissjóðsins (AGS) sem eiga að vera komnar til framkvæmda í næsta mánuði. Þá fer fram fyrsta endurskoðun AGS en hún er grundvöllur fyrir áframhaldandi aðstoð sjóðsins.

Afgangur á vöruskiptum skilar ekki sterkari krónu

Ljóst er að afgangur á vöruskiptum hefur ekki skilað sér að fullu inn á gjaldeyrismarkað. Þetta er áhyggjuefni þar sem ein helsta stoðin undir styrkingu krónunnar átti að vera sá viðsnúningur sem framundan er á vöruskiptum við útlönd.

Marel hækkar í byrjun dags

Gengi hlutabréfa í Marel Food Systems hefur hækkað um 0,25 prósent í dag en Straums fallið um 2,1 prósent. Önnur félög hafa ekki hreyfst það sem af er dags í Kauphöllinni.

Matsfyrirtækið Fitch hætt að meta gömlu íslensku bankana

Matsfyrirtækið Fitch hefur tilkynnt að fyrirtækið muni framvegis hætta að leggja mat á gömlu íslensku bankana þrjá Glitni, Kaupþing og Landsbankann.

Setur 1.400 milljarða kr. verðmiða á Actavis

Financial Times setur 8 milljarða evra, eða tæplega 1.400 milljarða kr., verðmiða á Actavis. Eins og fram hefur komið í fréttum er Actavis nú til sölu en það er að mestu í eigu Björgólfs Thors Björgólfssonar í gegnum félag hans Novator.

Vill kaupa kröfur á fjögur félög með miklum afslætti

Aðili sem kallar sig Kröfukaupahópurinn vill kaupa kröfur á fjögur félög með miklum afslætti. :Þetta kemur fram í auglýsingu í Morgunblaðinu í dag.

Ísland gjaldþrota verði einhliða upptaka evru reynd

Halla Tómasdóttir, stjórnarformaður fjárfestingafélagsins Auðar Capital, segir að gjaldþrot íslensku þjóðarinnar sé næsta víst, verði reynt að taka einhliða upp evru.

DeCode ræðir við Araba um aðkomu að rekstrinum

DeCode móðurfélag Íslenskrar erfðagreiningar er í viðræðum við fjölmarga alþjóðlega fjárfesta, meðal annars í arabaheiminum um að koma inn í rekstur fyrirtækisins.

Kjalar vill fá borgaðan gjaldeyrissamning á gengi Evrópska Seðlabankans

Forsvarsmenn fjárfestingarfélagsins Kjalar vilja að Kaupþing borgi þeim út gjaldeyrissamning á gengi Evrópska Seðlabankans, sem er um helmingi hærra en gengi Seðlabanka Íslands. Forstjóri félagsins neitar því að alfarið að félagið hafi tekið stöðu á móti krónunni.

Bankarnir gætu fallið aftur vegna erlendra skulda

Erlendar skuldir íslenskra fyrirtækja og heimila gætu leitt til þess að bankarnar fari aftur í þrot. Starfshópur á vegum ríkisins vinnur nú að því að endurskipuleggja eignasafn bankanna. Til greina kemur að breyta íbúðalánum yfir í verðtryggð krónulán.

Ólíklegt að Björgólfur Thor hagnist mikið á sölu Actavis

Reuters-fréttastofan segir í dag að skriður sé kominn á hugsanlega sölu Actavis en fregnir um söluna hafa verið á sveimi frá því í október á síðasta ári. Þrátt fyrir verðmiða upp á 6 milljarða dollara, eða vel yfir 700 milljarða kr. er ólíklegt að Björgólfur Thor Björgólfsson hagnist mikið á sölunni.

Verulegur afgangur af vöruskiptum í desember

Samkvæmt bráðabirgðatölum fjármálaráðuneytisins var verðmæti innfluttrar vöru í desember 32,5 milljörðum kr. sem er nokkuð minni innflutningur en í nóvember þegar hann nam 40,6 milljarða kr. Fyrstu vísbendingar eru um að útflutningur vöru hafi aukist töluvert í desember en hann nam 43,2 miljarða kr. í nóvember

Staða ríkissjóðs versnaði um 46 milljarða kr. í fyrra

Samkvæmt greiðsluuppgjöri ríkissjóðs fyrstu ellefu mánuði síðasta árs nam handbært fé frá rekstri 7,3 milljörðum kr. innan ársins, sem er 46,2 milljarða kr. verri útkoma heldur en á sama tíma í fyrra.

Veik staða krónunnar heldur stýrivöxtum háum

Meginástæða hárra stýrivaxta hér á landi er veik staða krónunnar og hin brýna þörf á að forða henni frá frekara hruni.

Hagnaður hjá House of Fraser og Iceland í sókn

Breska verslunarkeðjan House of Fraser sem er í eigu Baugs tilkynnti í dag um gott gengi í jólavertíðinni. Á fimm vikna tímabili fyrir jól og fram til þriðja janúar jókst heildarsala í verslunum félagsins um 4,5 prósent miðað við sama tímabil í fyrra og hagnaður jókst.

Fyrrum starfsmenn Viðskiptablaðsins fá ekki greidd laun

Um 15 fyrrverandi starfsmenn Framtíðarsýnar, sem gaf út Viðskiptablaðið, fengu ekki greidd laun um síðustu mánaðamót, en útlit er fyrir að félagið verði tekið til gjaldþrotaskipta áður en langt um líður.

Saga Capital semur við IFS ráðgjöf

Saga Capital Fjárfestingarbanki hefur samið við IFS Ráðgjöf um að fyrirtækið sinni ráðgjafa- og greiningavinnu fyrir bankann um stöðu og þróun efnahags- og markaðsmála.

Marel og Össur hækka - en Straumur fellur

Gengi hlutabréfa í Marel Food Systems og Össuri er það eina sem hefur hækkað í Kauphöllinni í dag. Félögin eru þau stærstu sem mynda nýju Úrvalsvísitöluna (OMXI6). Gengi bréfa Marel hefur hækkað um 0,83 prósent og Össurar um 0,63 prósent.

Erlendir aðilar fá 5,6 milljarða kr. í vaxtagreiðslur í janúar

Vaxtagreiðslur af gjalddaga á 40 milljarða kr. krónubréfum í þessum mánuði munu nema 5,6 milljörðum kr.. Gjalddaginn er 28. janúar. Bréfin eru að mestu í eigu erlendra aðila.

Gistinóttum fjölgar á milli ára

Gistinætur á hótelum í nóvember síðastliðnum voru 77.300 og jukust um tæplega 2 prósent frá nóvember 2007 þegar gistinætur voru 76.000. Í frétt á vef Hagstofunnar segir að hlutfallslega hafi mesta fjölgunin verið á Suðurl- og Austurlandi eða um 30 prósent miðað við nóvember 2007. Gistinóttum á Suðurlandi fjölgaði úr 5.700 í 7.400 og á Austurlandi úr 1.100 í 1.500.

Hætta að borga og bíða eftir málsókn

„Neyðarlögin heimila okkur ekki að sækja rétt okkar gagnvart skilanefnd Kaupþings. En hins vegar munum við verja þennan rétt ef nefndin fellst ekki á kröfur okkar um þennan skuldajöfnuð,“ segir Hjörleifur Jakobsson, forstjóri Kjalars.

Flögu bjargað fyrir horn

Flaga rambaði á barmi gjaldþrots eftir hrun bankanna í október. Flaga Holdings, stærsti lánardrottinn félagsins, sem skráð er í Bandaríkjunum, breytti í kjölfarið skuldum í hlutafé til að forða félaginu frá gjaldþroti, fá upp í kröfur og koma í veg fyrir uppsagnir starfsfólks.

Grunur um að Teymi hafi ætlað að reka Tal í þrot

Stjórn Teymis vísar ásökunum sem leiddu til húsleitar Samkeppniseftirlitsins á skrifstofu Teymis í morgun á bug. Samkvæmt dómsúrskurði sem heimilaði húsleitina taldi Samkeppniseftirlitið grun leika á að:

Gengið frá kaupunum á Ferðaskrifstofu Íslands

Iceland Express hefur gengið frá kaupum á öllu hlutafé í Ferðaskrifstofu Íslands, sem inniheldur Úrval-Útsýn, Plúsferðir og Sumarferðir. Hjá félögunum starfa rúmlega 70 manns.

Ekkert ákveðið um yfirtöku á erlendum íbúðalánum

Engar ákvarðanir hafa verið teknar um yfirtöku Íbúðalánsjóðs á erlendum íbúðalánum á því gengi sem var í gildi þegar lánin voru tekin. Fréttir þessa efnis hafa vakið upp hörð viðbrögð meðal almennings.

Nýja Úrvalsvísitalan lækkar fjórða daginn í röð

Gengi hlutabréfa í Eimskipafélaginu hækkaði mest í dag, eða um 8,13 prósent. Á eftir fylgdi gengi bréfa í Alfesca, sem fór upp um 3,75 prósent. Þá hækkaði gengi bréfa í Marel Food Systems um 0,76 prósent og í færeyska olíuleitarfélaginu Atlantic Petroleum um 0,3 prósent.