Kauphöllin veitir RUV opinbera áminningu

Kauphöllin hefur ákveðið að veita RUV ohf. opinbera áminningu vegna brota á reglum kauphallarinnar. Brotin eru vegna tafa á útkomu ársskýrslu RUV.

Í tilkynningu um málið segir að samkvæmt reglum kauphallarinnar er útgefenda skuldabréfa skylt að birta niðurstöður ársuppgjörs ekki síðar en þremur mánuðum frá lokum reikningsársins.

Einnig skal útgefandi senda frá sér tilkynningu strax að loknum stjórnarfundi þar sem reikningar félagsins eru formlega samþykktir.

Kauphöllin segir að í fyrra hafi ársreikningur RUV verið samþykktur 18. mars en ekki birtur opinberlega fyrr en 21. apríl.

Hvað varðar ársreikninga fyrir árið 2007, sem voru í tveimur hlutum vegna breytinga á RUV yfir í ohf. er ljóst að fyrrihluti þeirra var ekki birtur fyrr en 13 mánuðum eftir að reikningsárinu lauk þann 31. mars það ár og síðari hlutinn ekki fyrr en átta mánuðum eftir að reikningsárinu lauk þann 31. agúst.