760 milljarðar gufa upp með bönkunum

Gengi hlutabréfa í Kaupþingi Banka, Glitni Banka og Landsbanka Íslands er núll í vísitöluútreikningum Kauphallar Íslands, eftir því sem fram kemur á vef Kauphallarinnar. Samanlagt verðmæti bankanna var 760 milljarðar þegar síðustu viðskipti voru gerð með hlutafé í bönkunum.

Segir hnökra í gjaldeyrisviðskiptum fara minnkandi

Seðlabankinn segir að hnökrar í gjaldeyrisviðskiptum, eins og hann kallar það, fari minnkandi nú með hverjum deginum en enn séu í gildi tilmæli frá því á föstudag um gjaldeyrishöft.

Forsetinn snæðir hádegisverð með sparisjóðsfólki

Herra Ólafur Ragnar Grímsson forseti Íslands ætlar að heimsækja Samband íslenskra sparisjóða á morgun og ávarpa starfsfólk sparisjóðanna um land allt. Er þessi heimsókn liður í að treysta undirstöðu landsins og efla samstöðu og gagnkvæman stuðning landsmanna allra.

Nóbelsverðlaunahafinn í hagfræði blessaði yfirtökuna á Glitni

Paul Krugman, sem í dag fékk Nóbelsverðlaunin í hagfræði, bloggaði um yfirtöku ríkisins í Glitni 30. september. Krugman er meðal annars pistlahöfundur hjá New York times og í bloggi sínum á heimasíðu blaðsins fer hann fögrum orðum um aðgerðir ríkisins þegar ákveðið var að kaupa 75 prósenta hlut í Glitni.

Lífeyrissjóðir vilja innlenda hluta Kaupþings

Forsvarsmenn nokkura af stærstu lífeyrissjóðum Íslands ætla að hittast í kvöld og ræða hugmyndir um að sjóðirnir kaupi innlenda starfsemi Kaupþings.

Atorka vill úr Kauphöllinni

Atorka Group hefur farið fram á það við Kauphöllina að hlutabréf félagsins verði tekin úr viðskiptum. Félagið segir skilyrði fyrir skipulögðum verðbréfamarkaði hér naumast fyrir hendi.

Iceland Express fækkar ferðum

Matthías Imsland, forstjóri Iceland Express, segir að félagið finni fyrir minni eftirspurn í kjölfar kreppunar. Einhver aukning sé hins vegar í eftirspurn erlendis en óvissa sé um framhaldið sem ekki sé af hinu góða.

Green sagður hafa hækkað tilboð sitt í skuldir Baugs

Breski auðmaðurinn Philip Green er sagður hafa hækkað tilboð sitt í skuldir Baugs. Daily Mail hefur það eftir Green að svara verði tilboði hans innan tveggja sólarhringa annars verði ekkert af kaupnunum. Allar búðir Baugs í Bretlandi eru opnar í dag.

Starfsmenn Nýja Landsbankans semja um laun í vikunni

Atli Atlason, starfsmannastjóri Landsbankans, segir að eitthvað í kringum 1100 manns hafi verið boðið starf hjá Nýja Landsbankanum. Það þýði að um 300 manns missi vinnuna.

Landsbankinn selur Merrion Capital

Stjórn írska verðbréfafyrirtækisins Merrion Capital hefur keypt hlut Landsbankans í fyrirtækinu. Kaupverð er ekki gefið upp, að sögn írska dagblaðsins Independent.

Hagfræðiprófessor hraunar yfir seðlabankastjóra

Davíð Oddsson seðlabankastjóri fær það óþegið í grein sem hagfræðiprófessorinn Richard Portes við London Business School skrifar í Financial Times um helgina.

MP Fjárfestingarbanki fær viðskiptabankaleyfi

Fjármálaeftirlitið hefur veitt MP Fjárfestingarbanka hf. viðskiptabankaleyfi. Ekki er gert ráð fyrir verulegum breytingum á starfsemi bankans á grundvelli hins nýja leyfis.

Hamstra matvæli þar sem hrun bankanna ógnar innflutningi

„Eftir fjögurra ára kaupagleði flykkjast Íslendingar nú í stórmarkaðina í síðasta sinn og hamstra matvæli þar sem hrun bankakerfisins ógnar nú innflutningi til landsins." Þannig hefst grein á Bloomberg-fréttaveitunni um stöðuna á Íslandi í dag.

Lokað í Kauphöllinni í dag

Ákveðið hefur verið að hafa áfram lokað fyrir hlutabréfaviðskipti í Kauphöll Íslands í dag eftir því sem segir á vef Kauphallarinnar.

Björgólfur selur í Finnlandi fyrir 26 milljarða - ánægður með verðið

Novator, félag í eigu Björgólfs Thors Björgólfssonar, hefur selt hlut sinn í finnska símafyrirtækin Elisa. Kaupandi er Varma, eitt umsvifamesta séreignasparnaðarfyrirtæki Finnlands. Kaupverð nemur um 200 milljónum evra, jafnvirði 26,5 milljörðum króna. Talsmaður Björgólfs er ánægður með verðið sem fékkst fyrir hlutinn.

Fjárfestar bíða taugatrekktir eftir opnun kauphallarinnar

BBC segir í morgun að fjárfestar í íslensku bönkunum bíði taugatrekktir eftir að kauphöllin hér á landi opni síðar í dag.

Green eignast Baug ekki á brunaútsölu

Engar líkur eru á að Philip Green eignist Baug fyrir þær fjárhæðir sem hann býður íslenska ríkinu. Erlendir og innlendir lánardrottnar íslensku bankanna eru sagðir setja sig upp á móti því að Green fái Baug á brunaútsölu. Jón Ásgeir Jóhannesson segir það koma í ljós á næstu dögum hvort að hann missi félagið.

Stjórn Icelandair Group gefur yfirlit um afkomu

Í ljósi óvenjulegra aðstæðna á fjármálamörkuðum hefur stjórn Icelandair Group samþykkt að senda frá sér tilkynningu um óendurskoðað uppgjör og yfirlit um rekstur félagsins á fyrstu 8 mánuðum ársins 2008.

Íslendingum nokkrar leiðir færar í myntmálum

„Þetta er svipað og maður hefði sett farsímann sinn í þvottavélina og stillt hana á suðuþvott,“ sagði Þórólfur Matthíasson hagfræðingur þegar Sigmundur Ernir Rúnarsson spurði hann hvort útséð væri með krónuna en Þórólfur var gestur í Mannamáli Sigmundar í kvöld.

Ný framtíðarstjórn Glitnis síðar í vikunni

Jón Þór Sturluson, aðstoðarmaður viðskiptaráðherra, hefur að eigin ósk látið af starfi stjórnarformanns í bráðabirgðarstjórn hins nýja Glitnis. Í hans stað kemur Þóra Margrét Hjaltested.

Þóra Margrét formaður bráðabirgðastjórnar Nýja Glitnis

Þóra Margrét Hjaltested verður formaður bráðabirgðastjórnar Nýja Glitnis, en ekki Jón Þór Sturluson, eins og áður hafði verið greint frá.

Segir Íslendinga hafa neyðst til að leita ásjár Rússa

Íslendingar neyddust til að leita til Rússa um fjárhagsaðstoð á ögurstundu eftir að hafa farið bónleiðir til búðar vestrænna ríkisstjórna. Þetta segir breski hagfræðiprófessorinn Richard Portes í viðtali við fréttavefinn Bloomberg í dag.

Jón Ásgeir segist vera með allt sitt undir í sölunni á Baugi

Jón Ásgeir Jóhannesson segir að hann sé með allt sitt undir í sölunni á Baugi Group í Bretlandi. Þetta kom fram í mjög aðgangshörðu viðtali Egils Helgasonar við Jón Ásgeir í Silfri Egils í dag.

„Þeir sem vara við eru kallaðir svartsýnir“

Ragnar Önundarson viðskiptafræðingur ræddi við Egil Helgason í Silfrinu í dag. Ragnar taldi upp frægar kreppur og sagði þær allar til komnar vegna afskiptaleysis, einnig þá sem nú ríki.

Örlög Baugs ráðast um helgina

Framtíð Baugs Group ræðst um helgina. Sir Philip Green hefur boðist til að kaupa skuldir félagsins við íslenska banka á ríflegum afslætti af íslenska ríkinu.

Athugasemd frá framkvæmdastjóra Kortaþjónustunnar

Í kjölfar fréttar um tveir stærstu bankar Danmerkur, Danske Bank og Nordea Bank, hafi ákveðið að taka fyrir allar peningamillifærslur á milli Íslands og Danmerkur í dag og að allar kortafærslur um danska kortafyrirtækið BBS

Samið við Hollendinga um IceSave-innstæður

Hollensk og íslensk stjórnvöld hafa náð samkomulagi um lausn á málum hollenskra eigenda innstæðna á IceSave-reikningum Landsbankans. Þetta kemur fram í fréttatilkynningu frá forsætisráðuneytinu.

Einkunnirnar hrapa

Alþjóðleg matsfyrirtæki hafa í vikunni ítrekað lækkað lánshæfiseinkunnir bæði ríkissjóðs og bankanna.

Segjast ekki hafa fært fé frá Bretlandi heldur þvert á móti

Landsbankinn færði ekki fjármuni frá útibúum sínum í Lundúnum í aðdraganda þess að Fjármálaeftirlitið tók yfir bankann heldur færði fé til útbús í Bretlandi.

Kaupum á dótturfélögum Landsbankans rift

Straumur hefur rift kaupum félagsins á erlendum eignum Landsbankans. Samkomulag um kaupin voru gerð þann 1. október síðastliðinn.

Reynt til hins ýtrasta að svara spurningum viðskiptavina

Glitnir hefur komið upp svokölluðu „spurt og svarað" svæði á heimsíðu bankans þar sem leitast er við að svara þeim spurningum sem brenna á viðskiptavinum. Svörin snúa að ýmsum atriðum sem snerta daglegt líf viðskiptavina bankans, t.d. varðandi innistæðutryggingar, verðbréfasjóði og hlutabréf, húsnæðislán og bílalán.

Danske Bank og Nordea loka fyrir millifærslur til Íslands

Tveir stærstu bankar Danmerkur, Danske Bank og Nordea Bank, hafa tekið fyrir allar peningamillifærslur á milli Íslands og Danmerkur, hvort sem þær varða einstaklinga, fyrirtæki eða sjóði.

Byr segir stöðuna sterka og að engin tengsl séu við Exista

Vegna umræðu um stöðu sparisjóðanna áréttar Byr, að staða sparisjóðsins er sterk, hvort heldur litið er til eiginfjárhlutfalls, lausafjárstöðu eða hlut erlendra lána í starfseminni.

Exista selur hlut sinn í Bakkavör fyrir 8,4 milljarða kr.

Stjórn Exista hefur ákveðið að selja allan hlut félagins í Bakkavör Group fyrir 8,4 milljarða kr.

Halldór og Sigurjón formlega hættir hjá Landsbankanum

Halldór J. Kristjánsson og Sigurjón Árnason hafa sent frá sér yfirlýsingu þar sem fram kemur að þeir hafi óskað eftir að láta af störfum sem bankastjórar Landsbankans í gær og að skilanefnd bankans hafi fallist á það.

IMF eina leiðin til að ná eðlilegum gjaldeyrismarkaði

Greining Kaupþings telur að ekki verði annað séð en að aðstoð Alþjóðagjaldeyrissjóðsins (IMF) sé í raun eina leiðin til þess að ná fram eðlilegu ástandi á íslenskum gjaldeyrismarkaði.

Eimskip selur Euro Container Line

Eimskip hefur selt helmingshlut sinn í norska skipafélaginu Euro Container Line. Kaupandi er Wilson ASA, eigandi afgangsins og hefur átt í samstarfi við Eimskip um rekstur norska hlutans síðastliðin níu ár.

Ein verstu mistökin í kreppunni að veita Íslandi ekki gjaldeyrislán

Ein af verstu mistökum Bandaríkjanna og Evrópuþjóða í fjármálakreppunni var að veita Íslandi ekki lán upp á 4 milljarða evra sem Ísland sækir nú til Rússlands.

Dollarinn hjá Visa kominn í 120 krónur

Vísa á Íslandi, í samvinnu við Visa International og Seðlabankann, hefur tekist að breyta verklagsaðferðum vegna úttekta Íslendinga á Visakort í útlöndum, með þeim árangri að í slíkum viðskiptum var dollarinn kominn niður í 120 krónur í gær.

Lækkun úttektarheimilda á kortum kemur fólki í opna skjöldu

Úttektarheimildir á kreditkortum hafa verið lækkaðar í mörgum tilvikum, sem hefur komið fólki í opna skjöldu.

Framkvæmdir við tónlistarhúsið gætu verið í uppnámi

Í ljósi nýrrar og gjörbreyttrar stöðu eru forsendur brostnar fyrir kauptilboðum Landsbanka og Kaupþings í allar eignir Nýsis sem barst félaginu í september.

Fá starfsmenn Landsbankans greidd laun?

Eiríkur Elís Þorláksson héraðsdómslögmaður hjá LEX lögmannsstofu segir ákvæði í neyðarlögunum svokölluðu sem sett voru á mánudaginn orka tvímælis. Þar segir að lög um réttarstöðu starfsmanna við aðilaskipti gildi ekki. Eiríkur telur að um þetta atriði verði deilt á næstunni.

Bauhaus frestar opnun hér á landi

Poul Steffensen talsmaður byggingarvörurisans Bauhaus segir að í ljósi efnahagsaðstæðna hér á landi hafi fyrirtækið tekið ákvörðun um að fresta opnun verslunar fyrirtækisins hér á landi. Hann segir frekari frétta að vænta um málið á næstu dögum.

Ekki allt rétt sem sagt er um Seðlabankann

Seðlabanki Íslands segir nauðsynlegt að koma á framfæri staðreyndum um gjaldeyrisskiptasamninga og eflingu gjaldeyrisforðans því umræða um viðleitni Seðlabankans til að efla erlenda stöðu sína í ár hafi verið afar gagnrýnin og margt verið sagt sem ekki eigi við rök að styðjast. Þetta kemur fram í fyrirlýsingu frá Seðlabankanum.

Íslenska lífeyrissjóðnum lokað tímabundið

Íslenski lífeyrissjóðurinn verður vegna þeirra sérstöku aðstæðna sem nú eru á mörkuðum að loka í nokkra daga fyrir útgreiðslu úr sjóðnum og flutninga milli fjárfestingaleiða sjóðsins og annarra vörsluaðila.