Vilhjálmur: Vaxtahækkunin er óhugguleg

Vilhjálmur Egilsson framkvæmdastjóri Samtaka atvinnulífsins segir að vaxtahækkun Seðlabankans í morgun sé óhugguleg. Það sé eins og þetta fólk sem stóð að hækkuninni sé að fást við efnahagsmál í einhverju allt öðru landi en Íslandi.

Hagvaxtarspá hækkuð í 2,8% þrátt fyrir óvissu

Seðlabankinn spáir því nú að meiri vöxtur einka- og samneyslu og kröftugri viðsnúningur atvinnuvegafjárfestingar utan stóriðju, skipa og flugvéla gerir það að verkum að er gert ráð fyrir meiri hagvexti á þessu ári en í apríl eða 2,8% í stað 2,3%.Þetta muni gerast þrátt fyrir verulega óvissu í efnahagsmálum heimsins.

Verðbólguhættan réð vaxtaákvörðun

Verðbólguhættan réð því að Peningastefnunefnd Seðlabankans ákvað að hækka stýrivexti bankans um 0,25 prósentur í morgun.

Seðlabankinn hækkar stýrivexti um 0,25 prósentur

Peningastefnunefnd Seðlabanka Íslands hefur ákveðið að hækka vexti bankans um 0,25 prósentur. Vextir á viðskiptareikningum innlánsstofnana verða því 3,5%, hámarksvextir á 28 daga innstæðubréfum 4,25%, vextir á lánum gegn veði til sjö daga 4,5% og daglánavextir 5,5%.

Visitala íbúðaverðs lækkar milli mánaða

Vísitala íbúðaverðs á höfuðborgarsvæðinu var 320,8 stig í júlí 2011 og lækkar um 0,1% frá fyrri mánuði.

Fitch staðfestir AAA einkunn Bandaríkjanna

Matsfyrirtækið Fitch Ratings hefur staðfest topplánshæfiseinkunn Bandaríkjanna sem þrefalt A. Þar með er Fitch ósammála Standard & Poor´s um lánshæfi Bandaríkjanna en Standard & Poor´s lækkaði það fyrir tveimur vikum síðan.

Fimm tóbaksfyrirtæki í mál gegn FDA

Fimm bandarísk tóbaksfyrirtæki hafa höfðað mál gegn FDA matvæla- og lyfjaeftirliti Bandaríkjanna.

Rússlandsmarkaður fer illa með Carlsberg

Danski bruggrisinn Carlsberg hefur dregið verulega úr væntingum sínum um hagnað ársins vegna vandamála á Rússlandsmarkaði.

Toppfundur lagðist illa í fjárfesta

Markaðir tóku ekki vel í niðurstöðu fundar þeirra Angelu Merkel kanslara Þýskalands og Nicolas Sarkozy forseta Frakklands í gærdag. Flestar vísitölur í kauphöllum Evrópu enduðu í rauðu.

Markaðsóróinn truflaði gjaldeyrisútboð Seðlabankans

Leiða má líkum að því að óróinn sem ríkt hefur á alþjóðlegum fjármálamörkuðum hafi haft verulega truflandi áhrif á gjaldeyrisútboð Seðlabankans.

Straumur hefur gert upp að fullu við Seðlabankann

ALMC hf. áður Straumur greiddi í dag Seðlabanka Íslands 46 milljóna evra, eða um 7,5 milljarða kr. afborgun af veðtryggðu láni.

Góð afkoma Landsvirkjunar á fyrri hluta árs

Sex mánaða uppgjör Landsvirkjunar var birt í dag undir yfirskriftinni „Góð lausafjárstaða og sterkara sjóðstreymi". Hörður Arnarson forstjóri Landsvirkjunar telur afkomubatann á fyrri árshelmingi vel viðunandi. Í uppgjörinu segir hann þó að enn vanti upp á að fyrirtækið standist samanburð við erlend raforkufyrirtæki og kröfur erlendra matsfyrirtækja. Áfram verður unnið að því að bæta þær kennitölur.

Gengi krónunnar hefur styrkst seinni part sumarsins

Gengi krónunnar hefur styrkst þó nokkuð seinni part sumarsins. Í morgun stóð gengisvísitala krónunnar í 216,5 stigum en um miðjan síðasta mánuð var hún komin yfir 220 stig. Styrkingin nemur nær 2%.

Arctica fær kauphallaraðild

Kauphöllin hefur samþykkt umsókn Arctica Finance hf. (Arctica) um aðild að hlutabréfa- og skuldabréfamörkuðum Kauphallarinnar.

Útlán ÍLS aukast um rúma fjóra milljarða milli ára

Heildarfjárhæð almennra lána Íbúðalánasjóðs (ÍLS) fyrstu 7 mánuði ársins er samtals um 13,5 milljarðar króna en var um 9,4 milljarðar króna á sama tímabili í fyrra. Hafa lánin því aukist um rúma fjóra milljarða króna milli ára.

Þýska aflvélin á evrusvæðinu hikstar

Flest allir markaðir í Evrópu eru í rauðum tölum í morgun eftir að þýska hagstofan tilkynnti að verulega hefði dregið úr hagvexti í landinu á öðrum ársfjórðungi ársins. Mældist hagvöxturinn aðeins 0,1% en hann var 1,3% á fyrsta ársfjórðungi ársins.

Statoil fagnar stærsta olíufundi sínum í 25 ár

Statoil hefur fundið nýjar olíulindir í Norðursjó sem taldar eru geta gefið af sér allt að 130 milljarða dollara eða tæplega 15.000 milljarða kr.

Nordea bankinn kærður til lögreglu vegna Pandóru

Fjármálaeftirlit Danmerkur hefur kært Nordea bankinn til lögreglunnar vegna aðkomu bankans að markaðsskráningu skartgripaframleiðandans Pandóru. Eftirlitið segir að Nordea hafa haldið því leyndu að bankinn átti fjárhagslegra hagsmuna að gæta þegar hann mælti með því við fjárfesta að þeir keyptu hluti í Pandóru þegar fyrirtækið var skráð á markað.

Dómur gæti aukið kröfur í Kaupþing um 25,7 milljarða

Fari svo að Hæstiréttur staðfesti niðurstöðu héraðsdóms í máli lífeyrissjóðsins Stapa gegn Straumi gæti það þýtt að kröfur í þrotabú Kaupþings myndu hækka um 25,7 milljarða kr.

Asda fráhverf því að bjóða í Iceland í heild sinni

Breska verslunarkeðjan Asda er orðin fráhverf því að bjóða í verslunarkeðjuna Iceland Foods í heild sinni. Hinsvegar mun Asda hafa áhuga á því að kaupa einstakar verslanir Iceland fari svo að þær verði settar markaðinn.

Stóraukin vinnsla hjá HB Granda á Vopnafirði

Það sem af er síldar- og makrílvertíðinni hafa verið fryst samtals rúmlega 10.000 tonn af afurðum í uppsjávarfrystihúsi HB Granda á Vopnafirði en það er um 3.000 tonnum meira en á sama tíma í fyrra.

Heimsmarkaðsverð á áli hríðlækkar

Heimsmarkaðsverð á áli hefur hríðlækkað frá síðustu mánaðarmótum og stendur nú í 2.383 dollurum á tonnið miðað við þriggja mánaða framvirka samninga.

Matvælaverð í heiminum sjaldan verið hærra

Heimsmarkaðsverð á matvælum er enn með því hæsta sem þekkst hefur. Matvælavísitala Alþjóða bankans hefur hækkað um 33% frá því á sama tíma í fyrra og er nú aftur orðin jafnhá og hún var í aðdraganda fjármálakreppunnar fyrir þremur árum síðan.

Grimsbybúar vilja auka viðskiptin við Íslendinga

Von er á stórri sendinefnd frá borginni Grimsby í Bretlandi til Íslands í næsta mánuði. Nefndin ætlar að reyna að fá Íslendinga til að selja meira af fiski til Grimsby en borgin, ásamt Hull, er eitt stærsta fiskmarkaða- og vinnslusvæði í Evrópu.

Afurðastöðvar hundsa óskir sauðfjárbænda um verðhækkanir

Nær allar afurðastöðvar landsins hafa gefið út verðskrá sína á lambakjöti til sauðfjárbænda í haust. Verðskrárnar er í öllum tilvikum langt frá þeirri 25% hækkun sem sauðfjárbændur vildu fá sem hefði þýtt 573 krónur á kílóið.

Dældi fé inn á dapran markað

Seðlabanki Evrópusambandsins keypti hlutabréf fyrir 22 milljarða evra í síðustu viku til að sporna við falli á mörkuðum á Spáni og Ítalíu.

Google kaupir Motorola

Tæknirisinn Google hefur tilkynnt að hann muni kaupa Motorola Mobility, sem er farsímahluti Motorola. Þessum kaupum fylgja allir símar sem Motorola framleiðir, sem og spjaldtölvur. Motorola Solutions, sem sér um fjarskiptalausnir fyrirtækisins, er ekki inni í kaupum Google og mun starfa áfram sjálfstætt. Þetta þykja mikil tíðindi í tækniheiminum þar sem Google mun nú sitja beggja vegna borðsiðns, sem eigandi og framleiðandi Android-stýrikerfisins, og svo nú sem einn stærsti framleiðandi snjallsíma sem keyra Android. Samkvæmt upplýsingum á bloggsíðu sem Google heldur úti mun Motorola starfa sem sér deild innan Google, til að byrja með hið minnsta. Tilkynnt var um kaupin fyrr í dag en Google hefur skuldbundið sig til að kaupa hvern hlut í Motorola á genginu 40 dali. Þetta er um 63 prósentum hærra en gengi á mörkuðum. Heildarvirði kaupanna er um 1500 milljarðar króna. Þetta eru stærstu einstöku kaup Google frá því fyrirtækið var stofnað fyrir fimmtán árum.

Lækka vexti á nýjum sjóðfélagalánum

Stjórn Lífeyrissjóðs verzlunarmanna ákvað í dag að lækka vexti á nýjum sjóðfélagalánum, sem bera fasta vexti, um 0,4 prósentustig, úr 4,9% í 4,5%. Lækkunin tekur gildi á morgun, þriðjudaginn 16. ágúst. Vaxtakjör eldri lána, sem og lána sem bera breytilega vexti, haldast óbreytt. Lánað er til sjóðfélaga gegn fasteignaveði til allt að 40 ára. Lífeyrissjóður verzlunarmanna hefur í áratugi tekið þátt í fjármögnun íbúðarhúsnæðis sjóðfélaga sinna, með beinum og óbeinum hætti. Annars vegar með hagstæðum lánum til sjóðfélaga, hins vegar með því að fjármagna Íbúðalánasjóð og forvera hans, sem svo aftur hefur endurlánað almenningi til íbúðakaupa. Í samræmi við fjárfestingarstefnu lífeyrissjóðsins eru lánveitingar til sjóðfélaga miðaðar við að annað sé eftirspurn eftir lánum samkvæmt lánareglum eins og þær eru á hverjum tíma. Vaxtakjör á lánum til sjóðfélaga eru tvennskonar. Annars vegar lán með breytilegum vöxtum sem taka mið af markaðsvöxtum íbúðabréfa hverju sinni auk 0,75% álags og hinsvegar lán með föstum vöxtum nú 4,50%.

Rætt um að setja fleiri íbúðir ÍLS á markað

Rætt verður hvernig koma megi íbúðum í eigu Íbúðalánasjóðs á leigumarkað á fundi velferðarráðherra og stjórnenda sjóðsins í dag. Sjóðurinn á tæplega fjórtán hundruð íbúðir en eftirspurnin á leigumarkaði er mikil.

Kraftur í vexti einkaneyslu á þriðja ársfjórðungi

Kröftugur vöxtur virðist ætla að vera í einkaneyslu á þriðja ársfjórðungi ársins ef marka má tölur um greiðslumiðlun. Í nýlega birtum tölum Seðlabankans um greiðslumiðlun kemur meðal annars fram að kreditkortavelta í júlí nam alls 29,1 milljarði kr., sem jafngildir 9% aukningu að raungildi milli ára.

Buffett hvetur Bandaríkjaþing til að hækka skatta

Bandaríski fjárfestirinn Warren Buffet hvetur Bandaríkjaþing til að hækka skatta þeirra sem eru launahæstir. Hann segir ósanngjarnt hversu lága skatta hann sé látinn greiða.

Landsbankinn reiknar með óbreyttum stýrivöxtum

Hagfræðideild Landsbankans býst fastlega við því að stýrivöxtum verði haldið óbreyttum. Þó er ekki hægt að útiloka hækkun í ljósi yfirlýsinga nefndarinnar og Seðlabankastjóra að undanförnu.

Tölvurnar taka völdin á Wall Street

Tölvur hafa tekið völdin á Wall Street og þær hafa farið með fjárfesta í villtar rússíbanareiðir á mörkuðum undanfarnar tvær vikur.

Evrópumarkaðir í plús

Hlutabréfamarkaðir Evrópu hefja vikuna á jákvæðum nótum í framhaldi af góðum hækkunum á Asíumörkuðum í nótt.

Milljónamæringur án þess að vita af því

Einhversstaðar í heiminum, sennilegast í Englandi, er eigandi Faberge eggs sem sennilega veit ekki að eggið er nær 400 milljóna króna virði.

Heildaraflinn minnkaði um 11% milli ára í júlí

Heildarafli íslenskra skipa í nýliðnum júlímánuði, metinn á föstu verði, var 11,1% minni en í júlí 2010. Það sem af er árinu hefur aflinn aukist um 4,3% miðað við sama tímabil 2010, sé hann metinn á föstu verði.

Stórverslunin Illum seld fyrir metfé

Stórverslunin Illum í Kaupmannahöfn hefur verið seld ástralska fjárfestingarsjóðnum Macquarie fyrir 1,64 milljarða danskra kr. eða um 36 milljarða kr. Í blaðinu Börsen segir að um stærstu fasteignakaup í sögu Danmerkur sé að ræða, þ.e. hvað varðar einstaka fasteign.

Lífeyrissjóður verslunarmanna tapaði engu á N1

Að gefnu tilefni vill stjórn Lífeyrissjóðs verslunarmanna taka það fram að sjóðurinn tapaði engum fjárhæðum vegna nauðasamninga N1 við lánadrottna sína. Sjóðurinn átti engar kröfur í félagið N1 og verður því ekki fyrir tjóni.

Reikna með áframhaldandi óróa á mörkuðum

Fjárfestar á Wall Street búa sig undir að í þessari viku muni óróinn á hlutabréfamörkuðum halda áfram eins og verið hefur undanfarnar tvær vikur.

Mikill áhugi á orku frá Þeistareykjum

Norðurþingi hefur borist ósk um viðræður um úthlutun á 20 hektara lóð á Bakka til fyrirtækisins Thorsil. Thorsil hefur hug á að reisa kísilmálmverksmiðju á Íslandi í samvinnu við kanadíska fyrirtækið Timminco.

Danir hamstra gull sem aldrei fyrr

Danir hamstra nú gull sem aldrei fyrr og nota sparifé sitt til að fjárfesta í gulli í stað þess að fjárfesta í verð- eða hlutabréfum.

Statoil og Faroe Petroleum hafa áhuga á Drekasvæðinu

Norska olíufélagið Statoil og skoska olíufélagið Faroe Petroleum eru bæði talin íhuga að taka þátt í olíuleitarútboði Íslands á Drekasvæðinu í haust.

Starfsfólkið hélt að það ynni í alvöru Apple-búð

Alls tuttugu og tvær Apple verslanir í kínversku borginni Kunming hafa verið afhjúpaðar sem gerviverslanir en verslanirnar voru innréttaðar sem ekta Apple búðir og starfsfólkið, sem var allt í sérstökum Apple einkennisfatnaði, hélt það væri að vinna í ósviknum Apple búðum.

Strumparnir sagðir á bakvið hlutabréfahrunið

Þeir eru litlir, bláir og sætir og sem stendur eru þeir mjög óvelkomnir, eða persona non grata, á Wall Street. Margir telja, að vísu meir í gamni en alvöru, að Strumparnir séu ástæðan fyrir hlutabréfahruninu á Wall Street uppúr síðustu mánaðarmótum.

Niðurskurður í ríkisfjármálum Ítala mikilvægur fyrir evrusvæðið

Herman Van Rompuy, forseti Evrópusambandsins, segir áætlun ríkisstjórnar Ítalíu um stórfelldan niðurskurð í ríkisfjármálum gríðarlega mikilvæga fyrir allt evrusvæðið. Rompuy segist styðja aðgerðir Ítala en hann fundaði með Silvio Berlusconi, forsætisráðherra Ítalíu í morgun.