Mini-mjólk komin á markað

Í fyrsta sinn í 76 ár bauðst íbúum Reykavíkur og nágrennis í dag að kaupa drykkjarmjólk frá öðrum en Mjólkursamsölunni þegar fyrirtækið Vesturmjólk í Borgarnesi setti svokallaða mini-mjólk á markað í eins lítra fernum.

Hætta á stöðnun samfara verðbólgu

Verðbólgan frá áramótum er meiri á Íslandi en mælist á heilu ári víða annarsstaðar. Forstöðumaður greiningardeildar segir að hætta sé á stöðnun í hagkerfinu samfara verðbólgu á næstu mánuðum.

Áforma 36 milljarða fjárfestingu í Skaftárhreppi

Suðurorka áformar að fjárfesta fyrir um 36 milljarða króna í Búlandsvirkjun í Skaftártungu í Skaftárhreppi ef til þess fást leyfi. Virkjunarkosturinn gengur út að veita Skaftá neðan Hólaskjóls á Nyrðri Fjallabaksleið í göngum inn á Þorvaldsaura í lóðrétt fallgöng til neðanjarðarstöðvarhúss í Réttarfelli og veita vatninu að lokum um göng í farveg Skaftár við Búland. Fram kemur í tilkynningu frá fyrirtækinu að raforkuvinnsla gætti hafist árið 2018 ef áætlanir þess ganga eftir. Áætlað uppsett afl Búlandsvirkjunar er 150 megavött og orkugeta 970 gígavattstundir á ári.

Rio Tinto Alcan veitir 7,5 milljónum í styrki

Úthlutað hefur verið úr Samfélagssjóði Rio Tinto Alcan á Íslandi vegna þeirra styrkumsókna sem bárust sjóðnum frá 25. janúar til og með 6. júní 2011. Í tilkynningu frá fyrirtækinu segir að styrkveitingar að þessu sinni hafi numið 7,5 milljónum króna.

Útluta styrkjum vegna umræðu um Evrópusambandið

Forsætisnefnd Alþingis hefur skipað úthlutunarnefnd styrkja til að stuðla að opinberri og upplýstri umræðu um Evrópusambandið. Allir nefndarmenn og varamenn eru fyrrverandi rektorar íslenskra háskóla. Formaður nefndarinnar er Sveinbjörn Björnsson, fyrrverandi rektor Háskóla Íslands, en auk hans eiga sæti í nefndinni Guðfinna S. Bjarnadóttir, fyrrverandi rektor Háskólans í Reykjavík, og Ólafur Proppé, fyrrverandi rektor Kennaraháskóla Íslands. Varamenn í úthlutunarnefnd eru Magnús B. Jónsson, fyrrverandi rektor Landbúnaðarháskóla Íslands, og Stefanía Katrín Karlsdóttir, fyrrverandi rektor Tækniháskóla Íslands. Samkvæmt ákvörðun á fjárlögum Alþingis verður auglýst eftir styrkumsóknum til að stuðla að opinberri og upplýstri umræðu og fræðslu um Evrópusambandið, stefnu þess og áhrif hugsanlegrar aðildar Íslands að sambandinu. Að þessu sinni er úthlutunarfé til ráðstöfunar allt að 27 milljónir króna. Auglýst verður eftir umsóknum um styrki í byrjun júlí og er umsóknarfrestur til þriðjudagsins 9. ágúst næstkomandi. Gert er ráð fyrir að niðurstöður úthlutunarnefndar liggi fyrir í byrjun septembermánaðar.

Hefur efnt öll loforðin

Í byrjun febrúar kynnti Landsbankinn aðgerðalista með 28 loforðum með það að markmiði að innleiða nýja stefnu bankans sem ber yfirskriftina "Landsbankinn þinn". Landsbankinn hefur nú efnt öll loforðin 28 á aðgerðarlista sínum á tilsettum tíma. Þetta kemur fram í tilkynningu frá bankanum. Bankinn hefur sett sér fjölmörg áfangamarkmið við innleiðingu á stefnu bankans. Aðgerðalistinn er eitt slíkt markmið en hann var byggður á sex meginliðum sem koma átti til framkvæmda fyrir 1.júlí. Lagt var upp með það að starfsmenn Landsbankans undirrituðu siðasáttmála, að tekist yrði á við skuldavanda heimila og fyrirtækja, að þjónusta bankans yrði bætt, að bankinn leitaðist við að vera hreyfiafl í samfélaginu og að rækta samfélagslegt og siðferðislegt hlutverk sitt. Frá þeim tíma sem aðgerðalistinn var birtur hafa stjórnendur og sérfræðingar Landsbankans fundað um land allt og hitt viðskiptavini, einstaklinga, fulltrúa fyrirtækja, fulltrúa sveitafélaga og atvinnulífs. Um 3500 manns hafa sótt fundina. Landsbankinn hefur kynnt ný úrræði fyrir skuldsett heimili og fyrirtæki og hefur þar með gengið lengra en önnur fjármálafyrirtæki við að greiða úr þeim málum. Allir starfsmenn Landsbankans hafa skrifað undir siðasáttmála. Bankinn hefur jafnframt sett fram nýja stefnu um samfélagslega ábyrgð. Bankinn hefur einnig birt opinberlega stjórnhætti sína og jafnað kynjahlutföll í stjórnum dótturfélaga bankans. Landsbankinn hefur birt gagnsæja og umhverfisvæna stefnu um samskipti við birgja og kynnt stefnu um sölu fullnustueigna bankans. Síðast í gær kynnti Landsbankinn um skráningu á tveimur félögum, Reginn ehf. og Horn fjárfestingafélag hf., í eigu bankans á markað, svo aðeins fáein dæmi séu nefnd. Stefna bankans byggir á þeirri vissu að hægt sé að endurvinna traust með vönduðum vinnubrögðum og kröftugum aðgerðum í þágu samfélagsins alls, viðskiptavina og eigenda. Stefna Landsbankans hvílir á fjórum meginstoðum, öflugri liðsheild, traustum innviðum, ánægðum viðskiptavinum og ávinningi samfélags og eigenda. Allar eru þær jafn mikilvægar og nauðsynlegar.

Verðið þykir í hærri kantinum

Bandaríska netleikjafyrirtækið Zynga stígur fyrstu skrefin að skráningu á hlutabréfamarkað vestanhafs í vikunni. Fyrirtækið á og rekur netleikina Farmville og Mafia Wars, vinsælustu leikina á samskiptasíðunni Facebook.

Krónan hjálpar efnahagslífinu

Íslensk stjórnvöld gerðu margt rangt í aðdraganda efnahagshrunsins. Eftir að kreppan skall á hafa þau hins vegar gert allt rétt. Þetta fullyrðir norski hagfræðiháskólaprófessorinn Arne Jon Isachsen. Hann var meðhöfundur Þorvaldar Gylfasonar að bókinni Markaðsbúskapur, sem kom út í Bretlandi árið 1992 en hér tveimur árum síðar.

Gjaldþrotum fjölgaði um tæp 80% milli ára í maí

Í maí síðastliðnum voru 172 fyrirtæki tekin til gjaldþrotaskipta samanborið við 96 fyrirtæki í maí í fyrra, sem jafngildir um 79% fjölgun á milli ára.

CCP gæti orðið af hundrað milljónum

Samkvæmt frétt á vefsíðunni develop-online.net hafa rúmlega 5.500 notendur íslenska tölvuleiksins EVE Online óskað eftir því í mótmælaskyni að aðgangi þeirra verði lokað. Þetta myndi þýða að CCP, sem hannar og rekur tölvuleikinn, yrði af 115 milljónum íslenskra króna í áskriftargjöld.

Lífeyrissjóðirnir gætu tapað 80 milljörðum

Lífeyrissjóðirnir gætu tapað 70-80 milljörðum á gjaldmiðlaskiptasamningum ef ýtrustu kröfur skilanefnda verða samþykktar.

Toyota innkallar 110 þúsund tvinnbíla

Japanski bílaframleiðandinn Toyota tilkynnti í morgun að innkalla þyrfti 110 þúsund svokallaða tvinnbíla vegna galla í rafmagnskerfi þeirra.

Fjarðarál borgar allt að 30% hærri laun en Norðurál

Nýir útreikninga Verkalýðsfélags Akraness sýna að starfsmenn Fjarðaráls á Reyðarfirði fá allt að 30 prósent hærri heildarlaun en starfsmenn Noðruráls á Grundartanga fyrir sambærileg störf.

Justin Timberlake kaupir Myspace

Söngvarinn Justin Timberlake og auglýsingastofan Specific Media hafa í sameiningu fest kaup á samfélagsvefnum Myspace af News Corp fjölmiðlasamsteypu Rubert Murdoch.

SS lækkar langtímaskuldir um 1.100 milljónir

Sláturfélag Suðurlands hefur komist að samkomulagi við viðskiptabanka sinn Arion banka hf. um uppgjör gengistryggðra lána. Í tilkynningu segir að með samkomulaginu við Arion banka lækka langtímaskuldir félagsins um 1.100 milljónir króna með leiðréttingu gengistryggðra lána og uppgreiðslu lána.

Olíuverðið rýkur upp að nýju

Heimsmarkaðsverð á olíu rauk upp í gærdag í kjölfar þess að gríska þingið samþykkti aðhaldsaðgerðir grísku stjórnarinnar. Einnig spilar inn í hækkunina að olíubirgðir Bandaríkjanna hafa minnkað nokkuð að undanförnu.

Caoz segir upp átta starfsmönnum

"Það finnst engum skemmtilegt að afhenda né fá uppsagnarbréf og auðvitað hefðum við viljað halda öllu þessu góða fólki. En því miður náðum við ekki að tryggja fjármögnun að næstu verkefnum og Þór-myndin er að klárast í sumarlok þannig að við urðum að grípa til þessa örþrifaráðs,“ segir Hilmar Sigurðsson, forstjóri kvikmyndafyrirtækisins Caoz.

Kröfuhafar Grikkja ræða um aðgerðir

Evrópskir bankar eiga mikið undir því að gríska ríkið geti staðið við skuldbindingar sínar. Þeir vilja leggja sitt af mörkum til að forða landinu frá gjaldþroti. Lánveitendur eru að hluta til ábyrgir, segir forstjóri Deutsche Bank.

Gæti þýtt 29 milljarða kröfu

Úrskurður ESA, eftirlitsstofnunar EFTA, um að aðstoðarkerfi fasteignaveðlána Íbúðalánasjóðs feli í sér ólögmæta ríkisaðstoð, gæti þýtt kröfu á þrotabú fjögurra sparisjóða upp á 29 milljarða króna.

Sigurður Atli í stað Gunnars

„Það var ljóst um leið og nýir eigendur og ný stjórn tóku við að unnið yrði að því að styrkja bankann. Við teljum að kaupin skapi ný sóknarfæri og styrki stöðu hans,“ segir Þorsteinn Pálsson, stjórnarformaður MP Banka.

Flotinn í makríl við Suðurland

Flest íslensku uppsjávarveiðiskipin eru nú að makrílveiðum við suðausturströndina en þar hefur verið ágætis kropp að undanförnu. Rólegt var yfir veiðunum í gær, að sögn Guðlaugs Jónssonar, skipstjóra á Ingunni AK, en hann vonast til þess að aflinn glæðist með hækkandi sjávarhita. Greint er frá á heimasíðu HB Granda.

Gengislánadómur féll bönkum í hag

Héraðsdómur Suðurlands kvað á föstudag upp dóm í máli Íslandsbanka gegn hjónum sem tóku gengistryggt lán hjá bankanum snemma árs 2008. Dómurinn er sá fyrsti sem fellur síðan Alþingi samþykkti lög um uppgjör gengislána og var því um prófmál að ræða.

MP banki kaupir ALFA

MP banki hefur fest kaup á ALFA verðbréfum, samstarfsaðila Credit Suisse á Íslandi, og verður félagið starfrækt sem dótturfélag MP banka. Jafnframt hefur verið gengið frá því að Sigurður Atli Jónsson, forstjóri ALFA verðbréfa, taki við sem forstjóri MP banka af Gunnari Karli Guðmundssyni. Kaupverðið er trúnaðarmál og kaupin eru gerð með fyrirvara um samþykki Fjármálaeftirlitsins, að því er fram kemur í tilkynningu.

Einn nefndarmaður vildi hækka stýrivexti

Einn nefndarmaður í peningastefnunefnd Seðlabankans vildi hækka stýrivexti um 0,25 prósent við síðustu vaxtaákvörðun þann 15. júní, en ákveðið var að halda þeim óbreyttum.

Nýtt hótel opnar á Akureyri

Í dag opna Icelandair hótel formlega nýtt hótel á Akureyri: Icelandair hótel Akureyri. Félagið hefur gert leigusamning til næstu 20 ára um rekstur heilsárshótels í húsinu að Þingvallastræti 23, en þetta sögufræga hús, sem áður hýsti m.a. Iðnskóla Akureyrar, hefur nú í vetur verið stækkað og sniðið að þörfum hótelreksturs.

Forstjóri Húsamiðjunnar segir ómaklega vegið að fyrirtækinu

Forstjóri Húsasmiðjunnar segir ómaklega vegið að fyrirtækinu í fréttatilkynningu frá BYKO frá því í gær. Þar var greint frá uppsögnum og lokun einnar stærstu verslunar BYKO samstæðunnar. Í tilkynningunni segir að aðstæður í íslensku efnahagsumhverfi hafi í langan tíma verið slæmar með tilheyrandi samdrætti í verslun með byggingarvörur. „Þá hafa samkeppnisaðstæður á þeim markaði gjörbreyst með eignarhaldi og afskriftum banka á skuldum og síðar yfirtöku lífeyrissjóða á einu þeirra fyrirtækja sem starfrækt er á þessu sviði."

Hefur ekki áhyggjur af gengi krónunnar í útboðum

Fleiri vildu losa sig við krónur en eignast þær í fyrsta gjaldeyrisútboði Seðlabankans, en seinni legg útboðsins lauk í gær. Aðstoðarseðlabankastjóri segir lágt gengi krónunnar í útboðinu ekki áhyggjuefni.

Ætlar að skrá Horn og Reginn á markað í vetur

Landsbankinn hefur tilkynnt að hann muni skrá tvö af félögum sínum á markað næsta vetur. Um er að ræða Horn fjárfestingarfélag hf. og Reginn ehf.

Century segir upp markaðsvakt hjá Landsbankanum

Century Aluminium, móðurfélag Norðuráls, hefur sagt upp samningi sínum við Landsbankann um markaðsvakt. Tekur uppsögnin gildi strax í dag.

Skuldatryggingaálag Íslands snarlækkar

Skuldatryggingaálag Íslands hefur snarlækkað í dag og stendur í 244 punktum. Fyrstu tvo daga vikunnar var það hinsvegar 304 punktar samkvæmt mælingu á vefsíðunni keldan.is.

Ný fjármálamiðstöð Íslandsbanka opnar í dag

Í dag opnar Íslandsbanki nýtt útibú að Suðurlandsbraut 14 í Reykjavík. Í nýja útibúinu sameinast útibú bankans á Háaleitisbraut og Suðurlandsbraut 30, auk þess sem Íslandsbanki Fjármögnun mun flytja starfsemi sína í húsnæðið þann 11. júlí næstkomandi. Verður því um að ræða miðstöð fjármálaþjónustu Íslandsbanka þar sem verður saman kominn hópur reynslumikilla starfsmanna.

Eignir lánafyrirtækja lækka um 12 milljarða

Eignir ýmissa lánafyrirtækja námu 1.124 milljörðum kr. í lok maí og hækkuðu um 12,1 milljarð kr. á milli mánaða.

Eignir innlánsstofnana lækka um 6,4 milljarða

Heildareignir innlánsstofnana námu 2.761 milljörðum kr. í lok maí 2011 og lækkuðu um 6,4 milljarða kr. frá apríl.

Jarðvarmaklasanum sett tíu aðalmarkmið

Stofnað hefur verið til formlegs samstarfs meðal fyrirtækja innan íslenska jarðvarmaklasans um framþróun og vöxt hans á næstu árum. Frá þessu var gengið formlega á fundi í Arion banka í gær en þar var einnig kynnt skýrslan Virðisauki í jarðvarma sem fjallar um klasann og þá möguleika sem í honum felast.

Laxeldi á að skapa 50 störf

Fyrirtækið Arnarlax vinnur nú að því að fá starfs- og rekstrarleyfi fyrir eldi á þrjú þúsund tonnum af laxi í Arnarfirði. Áform eru uppi um að fullvinna afurðina á Bíldudal og myndi vinnslan skapa störf fyrir fimmtíu manns, að sögn Víkings Gunnarssonar, framkvæmdastjóra fyrirtækisins.

Ásókn í störf hjá álverunum

Alcoa og Norðurál, sem starfrækja álverin á Reyðarfirði og á Grundartanga, þurftu að hafna mörg hundruð manns sem sóttu um sumarvinnu í álverunum í sumar. Fimm sóttu um hvert starf sem Fjarðaál auglýsti. Norðurál takmarkaði auglýsingar um störf við Vesturland vegna aðsóknar undanfarinna ára.

Kína og Þýskaland undirrita 1.700 milljarða viðskiptasamninga

Kínverjar og Þjóðverjar hafa undirritað viðskipasamninga milli þjóðanna upp á 15 milljarða dollara eða rúmlega 1.700 milljarða kr.

Framtíðarsýn byggir á nýjum virkjunum

„Framtíðarsýnin byggir á því að nýjar virkjanir verði byggðar. Ef ekkert verður byggt þá verður sagan önnur. En það verður ekkert slæm saga,“ segir Ásgeir Jónsson, sérfræðingur hjá fjármálafyrirtækinu GAMMA og einn höfunda skýrslu um efnahagsleg áhrif af rekstri og arðsemi Landsvirkjunar til ársins 2035.

Seðlabankinn kaupir evrur

Seðlabanki Íslands keypti í gær 61,74 milljónir evra, sem jafngilda 12,97 milljörðum króna, í seinna skrefi fyrsta gjaldeyrisútboðs bankans. Útboðið er liður í losun gjaldeyrishafta en í fyrra skrefinu gaf Seðlabankinn eigendum aflandskróna færi á að losna við þær. Þá keypti bankinn 13,37 milljarða króna.

Seðlabankinn kaupir 61,7 milljónir evra

Seðlabanki Íslands keypti 61,7 milljónir evra í gjaldeyrisútboði sem fór fram fyrir hádegi í dag og greiðir bankinn fjárfestum 210 krónur fyrir hverja evru, að því er fram kemur í tilkynningu.

SFR semur við Fríhöfnina

Samninganefndir SFR - stéttarfélags í almannaþjónustu og Fríhafnarinnar skrifuðu undir kjarasamning í dag. Í tilkynningu frá SFR segir að samningurinn sé á svipuðum nótum varðandi innihald og áherslur og þeir samningar sem SFR hefur verið að gera undanfarið.

Samstarfsvettvangur jarðvarmaklasans stofnaður

Arion banki í samstarfi við Gekon hélt fjölsóttan fund í morgun í höfuðstöðvum bankans. Dr. Michael Porter, prófessor við Harvard Business School og einn helsti fræðimaður heims á sviði stefnumótunar og samkeppnishæfni þjóða, var heiðursgestur fundarins og ávarpaði gesti.

Ráðuneytið varar við lögbrotum vegna vörslusviptingar

Innanríkisráðuneytið varar við lögbrotum vegna vörslusviptingar. Í tilkynningu sem birt er á vef ráðuneytisins segir að telji einhver sig eiga skýlausan rétt á að fá umráð eignar sem er í vörslu annars þarf hinn fyrrnefndi almennt að leita til opinbers aðila til að fá þessa heimild sína staðfesta. Slík er unnt að gera með skjótum hætti á grundvelli laga um aðför. Samkvæmt 78. gr. aðfararlaga er þeim sem telur sér með ólögmætum hætti aftrað að neyta réttinda sem hann telur sig eiga, gerðarbeiðandi, og getur fært sönnur á rétt sinn með skriflegum sönnunargögnum heimilt að beina til héraðsdómara beiðni um að hlutur sé tekinn úr vörslu þess sem hlutinn hefur, gerðarþola, og afhentur þeim er réttinn á. Samtök lánþega hafa bent stjórnvöldum á að fjármögnunarleigufyrirtæki svipti umráðamenn bifreiða vörslu þeirra og segir fyrirtækin byggja slíka vörslusviptingu á samningum sem dæmdir hafi verið ólögmætir. Um sé að ræða lánasamninga en ekki leigusamninga, fjármögnunarleigufyrirtækin séu þannig ekki eigendur tækjanna og þeim sé því með öllu óheimilt að ganga inn á heimili lánþega og umráðamanna bifreiðanna og taka þær úr vörslu þeirra síðarnefndu án þess að fyrir því sé skýr aðfararheimild, samanber 78. grein laga um aðför nr. 90/1989. Nauðsynlegt sé að stjórnvöld grípi þegar inn í og stöðvi vörslusviptingar á eignum fólks sem og starfshætti þá sem þessi fjármögnunarleigufyrirtæki beita.

Nær 1.000 milljarðar í orkufjárfestingar til ársins 2020

"Þegar þetta allt er tekið saman verða fjárfestingar vegna orkumannvirkja og samhliða uppbyggingu í iðnaði um 8 milljarðar dollara eða 917 milljarðar kr. til ársins 2020 og næðu hámarki á bilinu 2015-2019 í um einn milljarð dollara á ári eða 115 milljarða kr.“

Skötuselsfé fer í atvinnusköpun

Styrkjum hefur verið úthlutað úr verkefninu Atvinnusköpun í Sjávarbyggðum, sem byggir á tekjum af sölu aflaheimilda í skötusel. Mikill áhugi var á verkefninu en alls bárust 123 umsóknir víðs vegar að af landinu.