Fleiri fréttir

AGS bannar ríkinu að taka lán í vegagerð

Vegatollar verða innheimtir til að kosta tvöföldun Suðurlandsvegar, Vesturlandsvegar og Reykjanesbrautar á næstu fjórum árum verði frumvarp sem samgönguráðherra mælti fyrir á Alþingi í fyrrakvöld að lögum.

Kjóll Díönu seldist á 36 milljónir

Einn af kjólum Díönu prinsessu af Wales var seldur nýlega á uppboði í London á 192 þúsund pund. Upphæðin samsvarar um 36 milljónum íslenskra króna. Díana klæddist kjólnum þegar hún kom í fyrsta sinn opinberlega fram eftir að hún og Karl Bretaprins höfðu opinberað ást sína. Fyrirfram var búist við því að kjóllinn yrði seldur á um 30 – 50 þúsund pund.

Landsbankinn fer framhjá Kjararáði

Landsbankinn hefur stofnað sérstakt félag utan um dótturfélög sín og kemst þannig hjá því að hlýta úrskurðum Kjararáðs og getur borgað framkvæmdastjórum hærri laun en ella. Fjármálaráðuneytið ætlar að taka málið upp við Bankasýslu ríkisins.

VERT og Ó! sameinast

VERT-markaðsstofa og auglýsingastofan Ó! hafa sameinast undir merkjum VERT-markaðsstofu, segir í tilkynningu sem birt er á vefsíðu VERT. VERT var stofnuð sumarið 2009 en auglýsingastofan Ó! var stofnuð 2003.

Farþegum Icelandair fjölgaði um 2%

Þrátt fyrir eldgosið í Eyjafjallajökli hefur farþegum flugfélagsins Icelandair fjölgað um 2% í maí á milli ára og sætanýting batnaði, samkvæmt frétt frá Icelandair.

Rauðsól dæmd til að greiða 160 milljónir

Héraðsdómur Reykjavíkur úrskurðaði í dag að Rauðsól ehf., sem er eigandi 365 miðla, sem aftur á Vísir.is og Stöð 2, skyldi greiða þrotabúi Íslenskrar afþreyingar ehf. 160 milljónir. Málið snýst um sölu Íslenskrar afþreyingar á 365 miðlum til Rauðsólar árið 2008 en eigandi Rauðsólar er Jón Ásgeir Jóhannesson.

Steypustöðin tekin úr formlegu söluferli

Steypustöðin ehf. hefur verið tekin úr formlegu söluferli en það var Miðengi ehf., eignarhaldsfélag Íslandsbanka, sem sá um söluferlið. Þetta kemur fram í tilkynningu frá Miðengi.

Óljóst hvort laun seðlabankastjóra hafi lækkað

Varaformaður bankaráðs Seðlabankans segir ekki rétt að bankaráð hafi ákveðið að hækka laun seðlabankastjóra umfram úrskurð kjararáðs. Hann getur þó ekki tekið af tvímæli um að úrskurður kjararáðs sé kominn til framkvæmda.

Eistland fær evruna sem gjaldmiðil

Fjármálaráðherrar 27 þjóða ESB hafa samþykkt að Eistland verði hluti af evrusvæðinu. Mn Eistland því taka upp evruan sem gjaldmiðil frá og með 1. janúar 2011.

Greining: Spáir 0,5 prósentustiga stýrivaxtalækkun

Greining Íslandsbanka hefur gefið út nýja spá fyrir stýrivexti. Greiningin reiknar með því að peningastefnunefnd Seðlabankans ákveði að lækka stýrivexti bankans um 0,50 eða 0,75 prósentur á næsta vaxtaákvörðunardegi, þann 23. júní næstkomandi.

Íbúðalánasjóður heldur vöxtum sínum óbreyttum

Íbúðalánasjóður hefur í kjölfar útboðsins á íbúðabréfum og í samræmi við breytingu á vaxtaálagi ákveðið að útlánavextir sjóðsins verði óbreyttir og verði því sem hér segir: Útlánavextir íbúðalána með uppgreiðsluákvæði verða 4,50% og 5,00% á íbúðalánum án uppgreiðsluákvæðis. Þessi ákvörðun tekur gildi í dag, 8. júní 2010.

Óvarlegt að álykta að kreppunni sé lokið

Þrátt fyrir að lítilsháttar hagvöxtur hafi mælst hérlendis tvo ársfjórðunga í röð er óvarlegt að álykta að kreppunni sé lokið. Raunar eru vísbendingar um að hagvöxturinn verði aftur neikvæður á öðrum ársfjórðungi þessa árs.

Forstjóri Iceland: Eigendurnir láta okkur í friði

Malcolm Walker forstjóri Iceland Foods verslunarkeðjunnar segir að hann og aðrir stjórnarmenn Iceland eigi mjög góð samskipti við eigendur sína, það er skilanefnd Landsbankans. „Eigendurnir láta okkur algerlega í friði og það virkar mjög vel," segir Walker í samtali við blaðið Telegraph.

Hagvöxtur mældist 0,6% milli ársfjórðunga

Landsframleiðsla, og þar með hagvöxtur, er talin hafa aukist um 0,6% að raungildi frá fjórða ársfjórðungi 2009 til fyrsta ársfjórðungs 2010. Á sama tíma jukust þjóðarútgjöld um 1,3%.

Hópur fjárfesta kaupir ALP bílaleiguna

Samningar hafa tekist um að nýir eigendur eignist bílaleiguna ALP ehf. með yfirtöku skulda og kaupum á nýju hlutafé, en viðskiptin marka lokin á endurskipulagningu félagsins. Samningar eru gerðir með fyrirvara um endanlegt samþykki alþjóðlegu bílaleigufyrirtækjanna AVIS og Budget um tilfærslu á leyfi til nýrra eigenda.

Danskir auðmenn rétta úr kútnum eftir kreppuna

Auðugustu viðskiptamenn Danmerkur hafa lagt kreppuna og miljarða tap að baki sér. Þetta kemur fram í úttekt sem Berlingske Tidende hefur gert og byggir á skattaframtölum þessa fólks fyrir síðasta ár.

Heimsmarkaðsverð á áli hríðfellur

Heimsmarkaðsverð á áli hefur hríðfallið undanfarnar vikur og er nú komið niður í 1.857 dollara á tonnið miðað við þriggja mánaða framvirka saminga. Hefur verðið ekki verið lægra í ár síðan uppúr áramótum.

Bankar fresta innheimtu á 3 milljarða fjárkröfu

Bankar sem eiga þriggja milljarða króna fjárkröfur á hendur eitthundrað og fjörutíu Húnvetningum og Strandamönnum vegna stofnfjárkaupa í sparisjóði héraðsins, hafa frestað því þar til síðar á árinu að hefja innheimtu.

Sala á áfengi dróst saman um 10%

Sala á áfengi dróst saman um 10% í lítrum talið á fyrstu fimm mánuðum ársins ef miðað er við sama tímabil í fyrra. Ef salan í maí er hins vegar borin saman við sama mánuð í fyrra er samdrátturinn tæplega 17%.

Samþykkir kröfu fyrrverandi fjármálastjóra Straums

Krafa fyrrverandi fjármálastjóra Straums Burðaráss upp á 179.292 pund, 34 milljónir króna, var í Héraðsdómi Reykjavíkur samþykkt sem forgangskrafa í þrotabú bankans. Hann féll frá tveggja milljón evra kröfu.

Verða að hraða niðurskurði

Alþjóðagjaldeyrissjóðurinn segir að þau 16 ríki sem eigi aðild að myntbandalagi Evrópu verði að hraða niðurskurðaraðgerðum sinum ef fjármálamarkaðir eigi ekki tapa öllum trúverðugleika.

Belgar vilja heimsækja Ísland

Katrín Júlíusdóttir iðnaðarráðherra tók í morgun þátt í kynningu á vegum Útflutningsráðs og Ferðamálastofu í Brussel á stöðu ferðamála á Íslandi fyrir 30 blaðamenn og fulltrúa ferðaheildsala í Belgíu. Ráðherra ræddi einnig við fjölmiðla að lokinni kynningu.

Raungengi krónunnar hækkar sjö mánuði í röð

Raungengi íslensku krónunnar hækkaði sjötta mánuðinn í röð í maí síðastliðnum á mælikvarða hlutfallslegs verðlags. Hækkunin að þessu sinni nam 3,8% frá fyrri mánuði en raungengið hefur ekki verið hærra síðan í mars á síðasta ári.

Iceland Foods skilaði 25,5 milljarða hagnaði

Breska verslunarkeðjan Iceland Foods Group skilaði methagnaði á síðasta reikningsári sem lauk í lok mars s.l. Hagnaðurinn jókst um rúmlega 19% og nam 135,4 milljónum punda eða um 25,5 milljörðum kr. fyrir skatta.

Reyndu að fela aðkomu Ólafs í Al-Thani málinu

Sjeikinn Mohammed Al-Thani frá Katar fékk 6,5 milljarða króna fyrir að lána nafn sitt í viðskiptum með 5% hlut í Kaupþingi rétt fyrir fall bankans, að því er fram kemur í DV í dag. Magnús Guðmundsson og Hreiðar Már Sigurðsson, fyrrverandi stjórnendur bankans, eru sagðir hafa stýrt leikfléttunni. Þá hafi verið reynt að fela aðkomu Ólafs Ólafssonar.

Fréttaskýring: Ótímabærar fregnir af andláti evrunnar

Fréttirnar af andláti evrunnar eru álíka ótímabærar og fréttirnar af andláti rithöfundarins Mark Twain á sinni tíð. Þrátt fyrir að evran hafi fallið um 21% gagnvart dollaranum síðan í fyrra má benda á að hún er enn sterkari en þýska markið sem hún tók við af árið 1999.

Árnína Steinunn Kristjánsdóttir ráðin til SpKef

SpKef sparisjóður hefur ráðið Árnínu Steinunni Kristjánsdóttur í stöðu regluvarðar hjá sjóðnum. Árnína hefur sl. 6 ár starfað sem lögfræðingur NASDAQ OMX kauphallarinnar á Íslandi.

Laun hækkuðu um 1,0% milli ársfjórðunga

Samkvæmt vísitölu launa voru regluleg laun að meðaltali 1,0% hærri á fyrsta ársfjórðungi 2010 en í ársfjórðungnum á undan. Á sama tímabili hækkuðu laun á almennum vinnumarkaði um 1,3% að meðaltali en laun opinberra starfsmanna um 0,3%.

Bretar hefja sölu á ríkiseignum með Eurostar

Bresk stjórnvöld eru að hefja sölu á ýmsum ríkiseignum til að létta á skuldabyrði hins opinbera þar í landi. Ein fyrsta eigin sem sett verður í sölu er járnbrautarleið undir Ermasundið.

Opnað fyrir inngrip ríkisins

Danska þingið samþykkti í vikunni ný lög um viðbúnað banka og ríkis fari svo að stórir bankar lendi í alvarlegum fjárhagsvandræðum. Nýtt fyrirkomulag tekur gildi 1. október í haust, þegar bráðabirgðafyrirkomulag vegna heimskreppunnar rennur úr gildi.

Hætta var talin á árekstrum

Fjármálafyrirtækið HF Verðbréf sá um eignaskipti á svokölluðum Avens-skuldabréfum þegar Seðlabankinn seldi þau í lokuðu útboði til 26 lífeyrissjóða á mánudag og fékk fjörutíu milljónir króna í þóknun. Öðrum fjármálafyrirtækjum var ekki boðið að borðinu, samkvæmt heimildum blaðsins.

Skattaafsláttur gagnast sprotafyrirtækjum lítið

Skattaafsláttur einstaklinga vegna kaupa á hlutafé í nýsköpunar- og sprotafyrirtækjum skilar litlu. „Þetta kerfi er meingallað,“ segir Eggert Claessen, framkvæmdastjóri fjárfestingasjóðsins Frumtaks. Hann gagnrýndi afsláttinn harðlega í málstofu Kauphallarinnar í síðustu viku og sagði um of lágar upphæðir að ræða. Farsælla væri að veita afslátt vegna kaupa í sjóðum, sem fjárfesti í nokkrum fyrirtækjum.

Cameron vill hraða niðurskurði

David Cameron, forsætisráðherra Bretlands, segir mikla erfiðleika steðja að bresku efnahagslífi. Hraða verði niðurskurði hjá hinu opinbera.

Telja evruna vera í dauðateygjunum

Evran verður dauð innan fimm ára og myntsamband Evrópu er í dauðateygjunum að mati 25 hagfræðinga sem svöruðu könnun Sunday Telegraph í Bretlandi. Hagfræðingarnir eru meðal fremstu í sinni röð í fjármálalífi Bretlands. Tólf þeirra spáðu því að evran myndi ekki lifa í núverandi mynd á næsta kjörtímabili í Bretlandi, sem eru fimm ár, á móti átta sem töldu að hún myndi lifa af.

Sjá næstu 50 fréttir

Mest lesið