Paulson þvertekur fyrir að til standi að bjarga Lehman

Henry Paulson, fjármálaráðherra Bandaríkjanna segir ekki koma til greina að skattgreiðendur komi Lehman til bjargar.

Breskur veðbanki tapaði stórt á gjaldþroti XL Leisure

Breski veðbankinn Paddy Powers tapaði stórt á gjaldþroti XL Leisure Group. Raunar var ásóknin í að veðja á gjaldþrotið svo mikil að veðbankinn neyddist til að loka fyrir frekari veðmál síðdegis í gær.

Rio Tinto út úr norska olíusjóðnum vegna umhverfishneykslis

Stjórn norska olíusjóðsins hefur ákveðið að selja strax 80 milljarða kr. virði af hlutabréfum sínum í Rio Tinto sökum umhverfishneykslis í tengslum við rekstur stærstu gullnámu í heimi í Indónesíu.

Hægir á vexti í Kína

Iðnframleiðsla í Kína hefur ekki vaxið hægar í sex ár.

Dregur úr veltu í smásöluverslun

Velta í smásöluverslun dróst saman um 0,3 prósent á milli mánaða í Bandaríkjunum í ágúst, samkvæmt gögnum sem viðskiptaráðuneyti Bandaríkjanna greindi frá í dag.

Eimskipsbréf falla um fjórtán prósent

Gengi hlutabréfa í Eimskipafélaginu hefur fallið um 14,38 prósent í dag og stendur gengi þess í 8,69 krónum á hlut.

Morten Lund kærður til efnahagsbrotadeildar lögreglunnar

Morten Lund aðaleigandi Nyhedsavisen hefur verið kærður til efnahagsbrotadeildar lögreglunnar í Kaupmannahöfn. Það er Per Clausen þingmaður Enhedslisten á danska þinginu sem leggur kæruna fram.

Lufthansa vill kaupa SAS

Viðskipti með hlutabréf í SAS hafa verið stöðvuð í dönsku kauphöllinni eftir að Reuter-fréttastofan birti frétt þess efnis að Lufthansa hefði áhuga á að kaupa SAS.

Deutsche bank kaupir þýskan banka

Þýski pósturinn, Deutsche Post, samþykkti í dag að selja 30 prósenta hlut sinn í Deutsche Postbank til Deutsche Banks. kaupverð nemur 2,79 milljörðum evra, jafnvirði 357 milljarða íslenskra króna.

Segir sölu Versacold algjört forgangsatriði fyrir Eimskip

Greining Glitnis segir að salan á Versacold Atlas sé algjört forgangsatriði fyrir Eimskip. Eigið fé Eimskip hefur rýrnað hratt undanfarna fjórðunga og var í lok þriðja ársfjórðungs 272 milljónir evra, eða rúmlega 35 milljarðar kr. og eiginfjárhlutfallið 13,7%.

George Soros segir heimshagkerfið standa á barmi hyldýpisins

Auðkýfingurinn George Soros segir í viðtali við franska fréttatímaritið L'Express að hvorki Bandaríkin né Evrópa sleppi við alvarlega efnahagskreppu.

Spá því að lítilega dragi úr verðbólgu í september

Greining Glitnis gerir ráð fyrir að lítillega dragi úr ársverðbólgu í september en að vísitala neysluverðs (VNV) hækki um 1,1% frá fyrri mánuði. Gangi spáin eftir mun ársverðbólga mælast 14,3% í september og vera þar með komin yfir toppinn á þeim kúf sem náði hámarki í ágúst.

Krónubréf upp á 18 milljarða kr. á gjalddaga í dag

Krónubréf að nafnvirði 18 milljarða kr. falla á gjalddaga í dag að viðbættum vöxtum. Er þetta stærsti krónubréfagjalddagi mánaðarins en alls falla krónubréf að nafnvirði 27,5 milljarða kr. á gjalddaga í september auk vaxta.

Lehman bjargað um helgina?

Sá orðrómur gengur nú að tveir stórir einkaframtakssjóðir (e. private equity firms) íhugi kaup á Lehman að því tilskyldu að Seðlabanki Bandaríkjanna taki á sig stóran hlut áhættunnar.

Gjaldþrot XL snertir hátt í 300 þúsund viðskiptavini

Gjaldþrot XL Leisure Group snertir um 285 þúsund viðskiptavini fyrirtækisins.

Forstjóri XL segist eyðilagður maður yfir örlögum félagsins

Phil Wyatt forstjóri XL Leisrue segir að hann sé eyðilagður maður yfir örlögum félagsins. Á blaðamannafundi sem hann efndi til í morgun til að greina frá málinu átti Wyatt erfitt að halda aftur af tárunum að sögn blaðsins The Times.

Enn lækka bréf í Eimskipafélaginu

Gengi hlutabréfa í Eimskipafélaginu féll um 5,42 prósent við upphaf viðskipta í Kauphöllinni í dag og bréf Straums um rétt rúm þrjú prósent. Bæði félögin tengjast ferðaskrifstofunni XL Leisure Group, sem hefur verið tekið til gjaldþrotaskipta.

Evrulán í Eystrasaltsríkjunum kunna að leiða til sænsks bankahruns

Fyrrum bankastjóri sænska sparisjóðabankans, sem nú heitir Swedbank, segir ástandið í Eystrasaltsríkjunum svipað því sem var í Svíþjóð skömmu fyrir bankakreppu tíunda áratugarins, og óttast að bankakreppa þar muni reynast sænsku bönkunum dýrkeypt.

Gengi hlutabréfa hækkar í Evrópu

Bjartsýni fjárfesta í Bandaríkjunum í gær smitaði út frá sér á alþjóðlega hlutabréfamarkaði í dag. Bjartsýnin skýrist af fréttum þess efnis að bandaríski fjárfestingabankinn Lehman Brothers ætli að selja stóran hluta starfseminnar eða bankann allan.

Starfsmenn Lehman fullir örvæntingar

Örvænting ríkir í höfuðstöðvum Lehman, starfsmenn óttast að missa aleiguna.

Hætta á samdráttarskeiði í Japan

Hagvöxtur í Japan dróst saman um þrjú prósent á öðrum fjórðungi ársins. Samdrátturinn skýrist helst af minni eftirspurn á innanlandsmarkaði og minni útflutningi.

Dr. Gunni líkir fasteignakaupum við mafíuviðskipti

Á Bloomberg fréttaveitunni í dag er úttekt á stöðunni í efnahagslífi Íslands. Hefst úttektin á stuttu spjalli við blaðamanninn Gunnar Hjálmarson, eða Dr. Gunna, þar sem hann líkir fasteignakaupum sínum við mafíuviðskipti.

Verulegur niðurskurður á áætlunarflugi hjá Sterling

Verulegur niðurskurpur verður á áætlunarflugi hjá Sterling flugfélaginu þegar vetraráætlun félagsins fer í gang í lok október. Samkvæmt fréttum í dönskum fjölmiðlum verður ferðum félagsins fækkað um allt að helming.

85 þúsund sögð strandaglópar vegna gjaldþrots XL

Bresk blöð og sjónvarpsstöðvar eru upp full af fréttum af gjaldþroti XL Leisure Group í morgun enda um að ræða þriðja stærsta ferðaþjónustufyrirtæki Breltands.

Útibúa og eignasala WaMu dugar líklega ekki

Moodys hefur endurmetið skuldabréf Washington Mutual, áttunda stærsta banka Bandaríkjanna sem "junk bonds", sökum áhyggna af framtíð félagsins.

Gjaldþrot XL hefur áhrif á afkomu Eimskips

Eimskip segir í tilkynningu til Kauphallar Íslands vegna gjaldþrots XL Leisure Group í Bretlandi að ábyrgð Eimskipafélagsins vegna Jointrace Ltd, móðurfélags XL, muni falla á félagið og þá um leið hafa áhrif á efnahag og afkomu Eimskips.

Krafa Straums á XL nærri sex milljarðar króna

XL Leisure Group plc. hefur óskað eftir greiðslustöðvun eftir að reynt hafði verið til þrautar um alllangt skeið að koma við fjárhagslegri endurskipulagningu fyrirtækisins. Straumur-Burðarás fjárfestingabanki hf. hefur átt gott starfstarf við XL um árabil og þykir miður að ekki skyldi takast að leysa þann vanda sem fyrirtækið stóð frammi fyrir.

XL Leisure Group í þrot

Ferðaskrifstofan XL Leisure Group í Bretlandi er gjaldþrota og mun Eimskip þar með bera ábyrgð á 27 milljarða króna láni sem það gekk í ábyrgð fyrir við sölu XL í október 2006.

XL Leisure gjaldþrota

Breski ferðaheildsalinn XL Leisure er gjaldþrota eftir því sem heimildir Vísis herma. Félagið er að einhverju leyti í eigu Íslendinga.Þeirra á meðal er Magnúsar Stephensen. Ekki náðist í Magnús við vinnslu þessarar fréttar.

Fjárfestar sáttir með sölu á Lehman Brothers

Gengi hlutabréfa hækkaði almennt í Bandaríkjunum í dag eftir að spurðist út að stjórnendur bandaríska fjárfestingabankans Lehman Brothers ynnu nú að því hörðum höndum að selja hann að mestu leyti eða öllu og forða honum með því móti frá gjaldþroti.

Lehman Brothers lækkar enn í verði

Fjórða daginn í röð lækkuðu hlutabréf í Lehman Brothers í verði vegna ótta um að þessi fjórði stærsti fjárfestingabanki Bandaríkjanna kunni að geispa golunni. Féll hluturinn um allt að 45% við opnun markaða eftir að helstu greinindur vestanhafs lækkuðu verðmat sitt á félaginu vegna ótta um að lánshæfiseinkunn þess yrði lækkuð í kjölfar þess að bankinn skilaði mettapi í gær. Þetta kom fram í Hálffimm fréttum greingardeildar Kaupþings.

Eimskip heldur áfram að tapa

Tap Eimskipafélagsins á þriðja ársfjórðungi nam ríflega 20 milljónum evra eða tæpum 2,5 milljarði íslenskra króna. Á sama tíma fyrir ári síðan nam hagnaður félagsins 14 milljónum evra. Tap á fyrstu níu mánuðum rekstrarársins var 160 milljónir evra samanborið við hagnað upp á 8,8 milljónir evra fyrir sama tímabili 2007.

Novator Credit Fund fær Creditflux verðlaunin

Novator Credit Fund, vogunar- og skuldasjóður Novators, hlaut í gærkvöldi árleg verðlaun tímaritsins Creditflux eins virtasta og útbreiddasta tímarits Evrópu sem einbeitir sér að lánamörkuðum. Novator fær verðlaunin í flokknum „best credit opportunity fund“, eða „besti tækifærissjóðurinn“.

Djúp hugmynd um rekstur kafbáts á Hofsósi

Ein af mörgum djúpum hugmyndum sem rædd var á Hugmyndaþingi Samtaka atvinnulífsins sem fram fór á Hofsósi þann 5. september síðastliðinn var innflutningur á kafbáti fyrir ferðamenn.

Ekki ákveðið hvort Björgólfsfeðgar breyti láninu í hlutafé í Eimskip

Yfirlýsing þeirra Björgólfs Guðmundssonar og Björgólfs Thors Björgólfssonar um að þeir fari fyrir hópi fjárfesta sem muni veita Eimskipi víkjandi lán upp á um 26 milljarða hefur vakið athygli. Spurningar hafa vaknað um hvert framhaldið verði og hvort Björgólfsfeðgar muni á endanum breyta láninu í hlutafé í félaginu. Ásgeir Friðgeirsson, talsmaður Björgólfsfeðga, segir að ekkert hafi verið ákveðið í þeim efnum.

Segir meir verið að bjarga Landsbankanum en Eimskip

Vilhjálmur Bjarnason viðskiptafræðingur segir að Björgólfsfeðgar hafi meir verið að bjarga Landsbankanum en Eimskip með því að kaupa 207 milljóna evra kröfuna á hendur XL Leisure Group.

Viðsnúningur í Kauphöllinni

Gengi hlutabréfa í Atorku hækkað um 1,26 prósent í dag og er það mesta hækkun dagsins. Hlutabréf lækkuðu almennt fyrri hluta dags en tóku snúning undir lokin. Það er nokkuð í samræmi við þróunina á evrópskum hlutabréfamörkuðum í dag.

Rúmlega 400 gestir skráðir á Haustráðstefnu Skýrr

Liðlega 400 ráðstefnugestir hafa nú þegar skráð sig til þátttöku á hina árlegu Haustráðstefnu Skýrr sem haldin verður á föstudag, 12. september. Hefur aðsókn að ráðstefnunni aldrei verið svo mikil.

WaMu, áttunda stærsta bankastofnun Bandaríkjanna á barmi gjaldþrots

Washington Mutual, WaMu, sem er stærsta „Savings and Loan“ bankastofnun Bandaríkjanna, og áttunda stærsta bankastofnun landsins, hafa líkt og hlutabréf Lehman Brothers hrunið í verði undanfarna daga.

Kynlíf, dóp og gjafir í rannsókn á olíufélögum

Opinberir starfsmenn innanríkisráðuneytisins í Bandaríkjunum þáðu kynlíf, dóp og gjafir úr hendi olíufélaga þar í landi. Þetta er niðurstaða umfangsmikillar rannsóknar sem ríkisendurskoðun landsins gerði nýlega.

Geir: Ekki kreppa samkvæmt skilgreiningunni

Geir H. Haarde forsætisráðherra segir Ísland ekki vera ganga í gegnum kreppu samkvæmt skilgreiningunni, krónan sé ekki að sliga íslenskt efnahagslíf og að ákvörðun Seðlabankans í morgun um óbreytta stýrivexti sé skiljanleg.

Vöruskiptahalli eykst vestanhafs

Halli á vöruskiptum nam 62,2 milljörðum bandaríkjadala, jafnvirði rúmra 5.600 milljarða íslenskra króna, í júlí, samkvæmt gögnum bandaríska viðskiptaráðuneytisins, sem birt voru í dag. Þetta er 3,4 milljörðum bandaríkjadala meira en greinendur höfðu reiknað með.

Hlutabréf Lehman enn í frjálsu falli

Hlutabréf í Lehman Brothers, fjórða stærsta fjárfestingarbanka bandaríkjanna, hafa verið í frjálsu falli í viðskiptum fyrir opnun markaða í Bandaríkjunum.

Segir að Lund hafi átt að fá milljarða fyrir að loka Nyhedsavisen

Leynilegt skjal er komið fram í gögnum frá Nyhedsavisen sem segir að Morten Lund og aðrir eigendur Nyhedsavisen áttu að fá milljarða króna fyrir að hætta útgáfu blaðsins.

Slim kaupir í New York Times

Mexíkóski auðkýfingurinn Carlos Slim Helú hefur keypt 6,4 prósenta hlut í The New York Times Company, útgáfufélagi samnefnds dagblaðs. Auðkýfingurinn greiddi 11,6 milljarða fyrir hlutinn.