Laun hafa hækkað umfram kjarasamninga á síðustu árum

Laun á almennum vinnumarkaði hækkuðu um 23 prósent á árunum 2005-2007 sem er nokkuð umfram kjarasamninga á tímabilinu. Þetta kemur fram í launakönnun ParX viðskiptaráðgjafar IBM.

Aðgerðir til að örva efnahagslífið ótímabærar

Seðlabankinn telur ótímabært að ríkisvaldið fari í sérstakar aðgerðir til þess að örva efnahagslífið. Þetta kom fram í máli Davíðs Oddssonar Seðlabankastjóra, þegar bankinn kynnti stefnuyfirlýsinguna sína í dag. Bankastjórnin ákvað í morgun að stýrivextir bankans skuli vera óbreyttir, 15,5%.

Egó Mortens Lund drap Nyhedsavisen

Morten Lund segir að hann harmi dauða Nyhedsavisen og jafnframt að það hafi verið egó hans ásamt reynsluleysi sem olli því að blaðið lagði upp laupana.

Hlutabréf og gengi halda áfram að lækka

Hlutabréf og gengi halda áfram að falla frá opnun markaða hérlendis í morgun. Úrvalsvísitalan hefur lækkað um 0,2% og stendur í 3.963 stigum. Gengisvístalan hefur hækkað um 0,54% og gengið veikst sem því nemur.

Gjaldþrot Stones Invest smitar út um allt

Gjaldþrot Stones Invest smitar út um allt í dönsku viðskiptalífi. Bankar þurfa að afskrifa lán sín til félagsins og jafnvel Parken, eigandi FCK-fótboltaliðsins, fékk skell í dönsku kauphöllinni í morgun.

Stýrivaxtaákvörðunin í takt við væntingar

Edda Rós Karlsdóttir forstöðumaður greiningar Landsbankans segir að ákvörðun Seðlabankans um að halda stýrivöxtum sínum óbreyttum hafi verið í takt við væntingar.

Ríkiskaup semur við Nýherja

Ríkiskaup hefur gert rammasamning við Nýherja sem felur í sér kaup á lausnum, búnaði og þjónustu í upplýsingatækni fyrir ríkisfyrirtæki og sveitarfélög sem eru aðilar að rammsamningnum.

Fellibylurinn Ike hækkar heimsmarkaðsverð á olíu

Heimsmarkaðsverð á olíu hefur stigið um rúma tvo dollara í dag og stendur í 130,30 dollurum. Hækkunin stafar af ótta manna um að fellibylurinn Ike muni valda miklum skaða á olíuborpöllum í Mexíkóflóa en Ike stefnir nú yfir flóann til Texas.

Óbreyttir stýrivextir hjá Seðlabankanum

Bankastjórn Seðlabankans hefur ákveðið að halda stýrivöxtum sínum óbreyttum að sinni eftir því sem segir í tilkynningu sem var að berast.

DeCode aftur komið í sentin

DeCode, móðurfélag Íslenskrar erfðagreiningar, lækkaði um 3,96 prósent á Nasdaq-markaðnum í Bandaríkjunum í dag og endaði í 97 sentum á hlut. Gengið hefur ekki verið lægra síðan 1. júlí síðastliðinn en þá maraði gengi bréfa í fyrirtækinu undir dalnum í tæpan mánuð.

Fjárfestar forðast fjármálageirann

Gengi hlutabréfa hækkaði lítillega í Bandaríkjunum í dag. Fjárfestar létu hlutabréf í bönkum og fjármálafyrirtækjum vera en keyptu þess í stað í öruggari geirum, svo sem í neytendavörufyrirtækjum.

Spá óbreyttum stýrivöxtum

Greiningardeild Kaupþings spáir því að bankastjórn Seðlabanka Íslands muni halda stýrivöxtum óbreyttum en tilkynnt verður um ákvörðun stjórnarinnar á morgun. Þetta kemur fram í Hálffimm fréttum greiningardeildarinnar. Fyrr í dag spáði greiningardeild Glitnis einnig að stýrivextir haldist óbreyttir um sinn.

Gjaldþrot Stones hefur lítil áhrif á Landic

„Okkar krafa var á meðal þeirra þriggja sem voru lagðar fram í réttinum í dag og urðu til þess að þeir voru úrskurðaðir gjaldþrota,“ segir Páll Benediktsson, hjá Landic Property en Stones invest var úrskurðað gjaldþrota í dag. Landic Property og Stones invest elduðu grátt silfur saman í kjölfar þess að kaup Stones á Keops development gengu ekki eftir.

Eimskip hækkaði um 8,47 prósent

Gengi hlutabréfa í Eimskipafélaginu hækkaði um 8,47 prósent þegar viðskiptadeginu lauk í Kauphöllinni. Þegar best lét hafði það farið upp um tæp 14 prósent. Á sama tíma hækkaði gengi bréfa í Century Aluminum, móðurfélagi álversins á Grundartanga, um 1,74 prósent, Marel fór upp um 0,7 prósent og Icelandair um 0,49 prósent.

Stones Invest rúllar

Nú er komið á daginn að danska fjárfestingafyrirtækið Stones Invest er gjaldþrota. Það var viðskiptadómstóll í Danmörku sem úrskurðaði um þrotið í dag en áður hafði verið fallist á greiðslustöðvun í félaginu. Samkvæmt lögmanni félagsins skuldar Stones litla fjóra milljarða danskra króna og þar af eru lausaskuldir 2,5 milljarðar.

Lehman Brothers tapaði 3,9 milljörðum dala

Bandaríski fjárfestingabankinn Lehman Brothers tapaði 3,9 milljörðum bandaríkjadala, jafnvirði 358 milljarða íslenskra króna, á þriðja ársfjórðungi. Bankinn flýtti birtingu uppgjörs vegna fregna um slæma lausafjárstöðu bankans og að hann rambi á barmi gjaldþrots.

Minnka olíuframleiðslu til að vinna gegn verðlækkun

Olíuráðherrar OPEC-ríkjanna samþykktu í morgun að minnka olíuframleiðslu til þess að koma í veg fyrir áframhaldandi lækkun olíuverðs.

Glitnir spáir óbreyttum stýrivöxtum

Greiningardeild Glitnis spáir því að bankastjórn Seðlabanka Íslands muni halda stýrivöxtum óbreyttum en tilkynnt verður um ákvörðun stjórnarinnar á morgun.

Stones Invest í greiðslustöðvun

Danska fjárfestingafélagið Stones Invest er komið í greiðslustöðvun. Frá þessu greinir danska viðskiptablaðið Börsen á heimasíðu sinni í dag. Reiknað er með að skuldir félagsins umfram eignir nemi allt að einum milljarði danskra króna, eða um 17 milljörðum íslenskra króna.

Bloomberg býst við óbreyttum stýrivöxtum á Íslandi

Greiningaraðilar á vegum Bloomberg fréttavefsins telja að Seðlabankinn Íslands muni halda stýrivöxtum óbreyttum áfram. Næsti stýrivaxtaákvörðunardagur er á morgun. Stýrivextir eru nú í 15,5% en verðbólgan hér á landi hefur ekki verið meiri í 18 ár.

Stefnir í methalla á fjárlögum í Bandaríkjunum

Halli á fjárlögum Bandaríkjanna mun nema 438 milljörðum bandaríkjadala, samkvæmt áætluðum tölum fjárlaganefnd bandaríska þingsins, sem birtar voru í dag. Þetta jafngildir 40 þúsund milljörðum íslenskra króna. Gangi það eftir hefur hann aldrei verið meiri.

Úrvalsvísitalan undir 4.000 stigin

Úrvalsvísitalan lækkaði um 0,38 prósent nú fyrir skemmstu og fór í 3.996 stig. Þetta er í fyrsta sinn síðan seint í maí árið 2005 sem vísitalan fer undir 4.000 stigin.

Úrvalsvísitalan hangir við 4.000 stigin

Nokkur viðsnúningur varð á gengi banka og fjármálafyrirtækja í Kauphöllinni eftir hækkun í fyrstu viðskiptum. Í byrjun dags leiddi Eimskipafélagið nokkra hækkun. Nú er gengi skipaflutningafélagsins hins vegar eitt á uppleið á meðan gengi bankanna hefur lækkað.

Gengi bankanna hækkar

Gengi Landsbankans, Straums, Glitnis og Kaupþings hefur hækkað mest í dag ef frá er skilin mikil hækkun á gengi Eimskipafélagsins. Bréf í skipaflutningafélaginu rauk upp um rúm tíu prósent á fyrstu mínútum viðskiptadagsins og bætti tæpum þremur prósentum við sig nokkrum mínútum síðar.

Eimskip skýst upp um 10 prósent

Gengi hlutabréfa í Eimskipafélaginu rauk upp um rétt rúm tíu prósent við upphaf viðskiptadagsins í Kauphöllinni í morgun. Fram hefur komið að feðgarnir Björgólfur Guðmundsson og Björgólfur Thor Björgólfsson fari fyrir hópi fjárfesta sem er tilbúinn til að veita Eimskip víkjandi lán uppá 26 milljarðar fari svo að ábyrgð vegna XL Leisure Group falli á félagið.

Krónan styrkist lítillega

Gengi íslensku krónunnar hefur styrkst um 0,3 prósent í upphafi dags á gjaldeyrismarkaði og stendur gengisvísitalan í 168,5 stigum. Vísitalan endaði í rétt rúmum 169 stigum í gær og hafði þá aldrei verið hærri, eða síðan Seðlabankinn tók að skrá vísitöluna um áramótin 1993.

Lækkun á flestum mörkuðum

Hlutabréf hafa almennt lækkað í verði á meginlandi Evrópu og í Asíu í dag. Hrun gengis á bandaríska fjárfestingabankanum Lehman Brothers dró alþjóðlega hlutabréfamarkaði niður í gær.

Frjálst fall úrvalsvísitölu

Úrvalsvísitalan er komin alveg niður undir fjögur þúsund stiga mörkin, eftir tveggja og hálfs prósents lækkun í gær. Hún hefur ekki verið lægri síðan í maílok árið 2005.

Kreppuhættan vegur þyngra en verðbólguógnin

"Staðan í efnahagsmálum einkennist af mikilli óvissu,“ segir Ólafur Ísleifsson, lektor við Háskólann í Reykjavík. "Hætta steðjar að íslensku efnahagslífi, meðal annars vegna skorts á lánsfé sem veldur súrefnisskorti í atvinnulífinu.

Björgólfsfeðgar tilbúnir með 26 milljarða lán til að bjarga Eimskip

Feðgarnir Björgólfur Guðmundsson og Björgólfur Thor Björgólfsson fara fyrir hópi fjárfesta sem er tilbúinn til að veita Eimskip víkjandi lán að upphæð um 26 milljarðar fari svo að ábyrgð vegna XL Leisure Group falli á félagið eins og líkur eru á samkvæmt tilkynningu sem það sendi Kauphöllinni fyrir skömmu.

Gengi Lehmans Brothers hrundi um 40 prósent

Gengi hlutabréfa í Lehman Brothers, fjórða umsvifamesta fjárfestingabanka Bandaríkjanna hrundi um 45 prósent á hlutabréfamarkaði í dag og dró markaðinn með sér í fallinu vestanhafs.

Olíutunnan niður fyrir 100 dali

Heimsmarkaðsverð á olíutunnu fór niður fyrir 100 bandaríkjadali í dag, á sama tíma og fundur OPEC ríkjanna er að hefjast í Vín. Verð á olíu fór niður í 99 dali og 56 cent og hefur það ekki verið lægra í fimm mánuði, eða síðan í apríl.

Sex þúsund störf lögð niður hjá Renault

Stjórnendur franska bílaframleiðandans Renault hyggst leggja niður sex þúsund störf, til að bregðast við samdrætti í sölu á bifreiðum. Renault segir að 4,900 störf verði lögð niður í Frakklandi og 11,000 í öðrum ríkjum í Evrópu.

Gengisvísitalan aldrei hærri og krónan aldrei veikari

Gengisvísitala íslensku krónunnar hefur aldreið verið hærri. Við lokun markaða í Kauphöllinni í dag endaði vísitalan í 169,22 sem er nýtt met. Vísitalan var fyrst skráð af Seðlabanka Íslands árið 1993. Mikið hefur gengið á í gengismálum þjóðarinnar á árinu og hefur gengisvísitalan hækkað um 41 prósent frá áramótum sem hefur í för með sér að krónan hefur veikst um 29 prósent.

Lækkunarhrina í Kauphöllinni

Lækkunarhrina einkenndi daginn í Kauphöllinni í dag. Gengi hlutabréfa í Eik banka og Bakkavör var það eina sem hækkaði á meðan gengi annarra lækkaði.

Bréf Eimskips sigldu niður

Gengi bréfa í Eimskipafélaginu féll um rúm 8,2 prósent í dag. Félagið hefur misst tæpan fjórðung af markaðsverðmæti sínu á tveimur dögum.

Enn sekkur Eimskip

Eimskip hefur lækkað mest allra fyrirtækja í Kauphöllinni það sem af er degi. Félagið lækkaði um 1,45 prósent við opnun markaða en þegar hefur liðið á daginn hefur gengi félagsins lækkað enn frekar, eða um 5,31 prósent. Síðustu fimm daga hefur félagið lækkað um tæp 34 prósent í Kauphöllinni, mest í gær, þegar félagið lækkaði um 16,5 prósent.

Gera ráð fyrir enn meira tapi hjá Danske bank

Danske Bank, stærsti banki Danmerkur, gæti horft fram á enn meira tap á komandi ári en sérfræðingar hafa hingað til spáð. Þetta kemur fram í danska viðskiptablaðinu Börsen í morgun. Þar kemur fram að í kjölfarið á hálfsársuppgjöri bankans hafi sérfræðingar ákveðið að gera ráð fyrir enn meira tapi af rekstri bankans en áður.

Bandaríkjadalur kominn í níutíu kallinn

Gengi íslensku krónunnar hefur veikst um 0,95 prósent innan dags í dag og stendur gengisvísitalan í 167,9 stigum. Bandaríkjadalur hefur styrkst nokkuð að sama skapi og kostar nú rúmar 90,3 krónur. Hann hefur ekki verið dýrari síðan snemma í júní árið 2002.

Óbreyttir vextir hjá Íbúðalánasjóði

Íbúðalánasjóður hefur ákveðið að halda vöxtum sínum óbreyttum eftir útboð á íbúðabréfum í gær. Þar var um að ræða fimmta útboð sjóðsins á árinu.

Spron og Eimskip lækka mest

Gengi hlutabréfa Spron féll um 2,9 prósent við upphaf viðskiptadagsins í Kauphöllinni í morgun. Bréf Eimskipafélagsins fór niður um 1,45 prósent á sama tíma. Bréf félagsins voru færð á Athugunarlista í morgun. Gengi bréfa í félaginu féll um tæp 16,5 prósent í gær. Við áramótin stóð gengið í 34,9 krónum á hlut og nemur fall þess nú 70,7 prósentum á þeim tíma.

Húsleit hjá Sterling í morgun

Danska samkeppniseftirlitið gerði í morgun húsleit hjá danska flugfélaginu Sterling Airlines. Almar Örn Hilmarsson, forstjóri Sterling, segir í samtali við Vísi að leitin tengist samstarfssamningi Sterling við Norwegian um flug á milli á Osló og Kaupmannahafnar sem tekur gildi 15. september.

Hlutabréf hækka í Evrópu

Gengi hlutabréfa hefur almennt hækkað á hlutabréfamörkuðum í Evrópu í dag, annan daginn í röð. Hækkanahrina gekk yfir fjármálaheiminn í gær eftir að bandarísk stjórnvöld tilkynntu um tímabundna yfirtöku á hálfopinberu fasteignalánasjóðunum Fannie Mae og Freddie Mac á sunnudag.

Bréf Eimskips sett á athugunarlista Kauphallarinnar

Hlutabréf í Eimskipafélaginu hafa verið færð á athugunarlista í Kauphöllinni. Þetta er gert í tengslum við skilyrði Kauphallarinnar fyrir töku hlutabréfa til viðskipta, vegna umtalsverðrar óvissu varðandi verðmyndun vegna hættu á ójafnræði meðal fjárfesta, líkt og segir í tilkynningu.

Olíuverðið við hundrað dali á tunnu

Heimsmarkaðsverð á hráolíu hefur lækkað nokkuð í dag og liggur það nú í rúmum 102 dölum á tunnu. Fundur Samtaka olíuútflutningsríkja (OPEC-ríkjanna) sem haldinn verður síðar í dag skýrir lækkunina. Reiknað er með að OPEC-ríkin ákveði að halda framleiðslukvótum óbreyttum.