Íslenskir bankar nálgast erlenda

Skuldatryggingarálag íslensku bankanna lækkar og krónan styrkist enn.

Illugi gestur Ingimars

Illugi Gunnarsson, alþingismaður, var gestur Ingimars Karls Helgasonar í Lok dags á Vísi í dag. Þar ræddu þeir ástandið í efnahagsmálum þjóðarinnar, stöðu krónunnar og aðgerðir ríkisstjórnarinnar í þeim málum.

Krónan styrkist enn

Krónan styrktist í dag eins og margir höfðu spáð og stendur vísitalan í 147,5 stigum og styrktist gjaldmiðillinn um 1,01 prósent. Bandaríkjadalur kostar í dag 73,7 krónur og evran stendur í 114,45 krónum.

Bakkabræður rjúka upp

Gengi hlutabréfa í Existu tók stökkið á grænum degi í Kauphöll Íslands í dag og hækkaði um 5,7 prósent. Þá hækkaði gengi bréfa í Bakkavör um tæp 5,6 prósent. Gengi bréfa í báðum félögum lækkaði mjög hratt í síðustu viku. Þeir Ágúst og Lýður Guðmundssynir, kenndir við Bakkavör, eru stærstu hluthafar í báðum félögunum.

Magnús hættir í varastjórn Icelandic Group

Stjórn Icelandic Group hf. hefur borist tilkynning frá Magnúsi Þorsteinssyni, þess efnis að hann hafi ákveðið að draga sig úr varastjórn félagsins frá og með deginum í dag.

Kreppan bitnar á rafbyssuframleiðanda

Versnandi horfur á fjármálamörkuðum hafa áhrif á fleiri en fjármálafyrirtæki því útlit er fyrir minnkandi sölu hjá stærsta rafbyssuframleiðanda heims, Taser International.

Olíutunnan í 126 dollara eftir methæðir

Verð á olíutunnu fór undir 126 dollara í Asíu í dag eftir að tunnan hafði náð methæðum í síðustu viku, þrátt fyrir að Saudí Arabía hefði ákveðið að auka framleiðslu sína um 300 þúsund tunnur á dag.

Bankarnir verða aðstoða fólk í góðu og slæmu árferði

Geir H. Haarde forsætisráðherra segir lán íslenskra banka til fyrirtækja og til húsnæðiskaupa mjög lítil um þessar mundir og að bankarnir verði aðstoða fólk bæði í slæmu árferði og góðu.

Gerir ráð fyrir að krónan hækki áfram

Bloomberg fréttastofan gerir ráð fyrir að krónan haldi áfram að hækka í vikunni. Krónan styrktist um 5,9% í síðustu viku og er ástæðan helst rakin til tvíhliða samninga sem Seðlabankinn gerði við seðlabankana í Danmörku,

Þrengingunum ekki lokið

Lausafjárkreppunni er fjarri því að vera lokið og engin teikn á lofti að það versta sé yfirstaðið. Þetta segir Jean-Claude Trichet, bankastjóri evrópska seðlabankans.

Kaupþing kærir viðskiptablað til norsku siðanefndarinnar

Kaupþing hefur kært norska viðskiptablaðið Dagens Næringsliv til Siðanefndar blaðamanna í Noregi. Ástæðan er fyrirsögn í blaðinu þann 10. maí s.l. um að viðskiptavinir Kaupþings væru að flýja frá bankanum.

Greining Glitnis spáir 0,25% hækkun stýrivaxta í vikunni

Greining Glitnis spáir því að Seðlabankinn muni hækka stýrivexti sína um 0,25 prósentustig á fimmtudaginn og að stýrivextir verði í kjölfarið 15,75%.

Yfirtökutilboð Exista í Skipti hf. talið sanngjarnt

Samkvæmt óháðu áliti sem MP Fjárfestingabanki (MPB) hefur sent frá sér telur bankinn að yfirtökutilboð Exista í Skipti hafi verið sanngjarnt.

Enn hækkar Bakkavör

Gengi hlutabréfa í Bakkavör hefur hækkað um tæp 3,5 prósent frá því viðskipti hófust í Kauphöll Íslands í dag. Það hefur þessu samkvæmt hækkað um tæp 19 prósent á tæpri viku.

Gengi krónunnar heldur áfram að styrkjast

Gengi krónunnar heldur áfram að styrkjast. Í morgun hefur gengisvísitalan fallið um 1,17% og stendur nú í rúmlega 148 stigum.

Hækkun á evrópskum hlutabréfamörkuðum

Vikan hefur byrjað á jákvæðum nótum á þeim fjármálamörkuðum sem hafa opnað úti í hinum stóra heimi í dag. Gengi hlutabréfa hækkaði almennt á mörkuðum í Asíu auk þess sem hlutabréfaverð hefur verið á uppleið í Evrópu.

Warren Buffet í innkaupaferð um Evrópu

Ofurfjárfestirinn og ríkasti maður heims, Warren Buffet, heldur í innkaupaferð til Evrópu í dag. Hann hefur áhuga á að kaupa sig inn í stærstu fjölskyldufyrirtæki álfunnar.

Hvar búa allir milljarðamæringarnir?

Bandaríska tímaritið Forbes tók nýlega saman topp tíu lista yfir þær borgir þar sem flestir milljarðamæringar búa. Tímaritið skilgreinir þá milljarðamæringa sem eru metnir á meira en einn milljarð bandaríkjadollara.

BA greiðir arð í fyrsta skipti í sjö ár

Breska flugfélagið British Airways (BA) ætlar að greiða út arð í fyrsta skiptið í sjá ár eftir hagnaður félagsins jókst snarlega í lok ársins. Þetta kemur fram í tilkynningu sem BA sendi frá sér á föstudag.

Sádar ætla að auka framleiðslu

Sádí Arabar ætla að auka framleiðslu sína á olíu um 300.000 tunnur á dag frá og með næsta mánuði.

Norrænir seðlabankar styðja við bakið á okkur

Seðlabanki Íslands getur fengið allt að 1,5 milljarða evra að láni hjá seðlabönkum Svíþjóðar, Noregs og Danmerkur samkvæmt nýju samkomulagi sem kynnt var í gær. Í kjölfarið styrktist gengi krónunnar um þrjú prósent og lánakjör bæði ríkis og viðskiptabanka bötnuðu á alþjóðlegum fjármálamörkuðum.

Samkomulagi Seðlabanka fagnað

Viðskiptaráð fagnar samkomulagi Seðlabanka Íslands við Seðlabanka Svíþjóðar, Noregs og Danmerkur í tilkynningu sem samtökin sendu frá sér í gær. Sama gerði forsætisráðuneytið.

Frost í hagkerfinu má ekki verða of mikið

Bankarnir þurfa erlendan gjaldeyri að láni frá Seðlabankanum til að stuðla að frekari styrkingu krónunnar. Verðbólguskotið gæti nú gengið yfir með eðlilegum hætti. Horft er til fleiri samninga Seðlabankans um gjaldeyrisskipti.

Kaupsamningum fækkar verulega

Fjörutíu og fimm kaupsamningum var þinglýst á höfuðborgarsvæðinu þann 9. maí til og með 15. maí 2008. Þar af voru 28 samningar um eignir í fjölbýli, 13 samningar um sérbýli og 4 samningar um annars konar eignir en íbúðarhúsnæði. Heildarveltan var 1.411 milljónir króna og meðalupphæð á samning 31,4 milljónir króna.

Samþykkt að taka bréf Flögu og Icelandic Group úr viðskiptum

Kauphöll Íslands hefur samþykkt að taka hlutabréf Flögu Group hf. og Icelandic Group hf. úr viðskiptum, samkvæmt beiðnum félaganna. Hlutabréf Flögu verða tekin úr viðskiptum eftir lokun þann 12. júní. Hlutabréf í Icelandic Group verða tekin úr viðskiptum þann 16. júní.

Bakkavör leiddi hækkanalestina

Gengi hlutabréfa í Bakkavör leiddi hækkanahrinu í Kauphöllinni í dag þegar það rauk upp um tæp tíu prósent. Gengi annarra félaga hækkaði nokkuð á síðasta viðskiptadegi vikunnar en einungis þrjú féllu.

Andrés Magnússon framkvæmdastjóri SVÞ

Sigurður Jónsson mun láta af störfum framkvæmdastjóra Samtaka verslunar og þjónustu hinn 1. júní næstkomandi og taki að sér önnur verkefni fyrir atvinnurekendur.

Annar veruleiki við upphaf viðskipta

Gengi hlutabréfa í DeCode, móðurfélagi Íslenskrar erfðagreiningar, féll um 2,5 prósent þegar viðskipti hófust á bandarískum hlutabréfamarkaði í dag. Gengið hafði rokið upp um 25 prósent í utanþingsviðskiptum. Gengi bréfa í fyrirtækinu stendur nú í 1,56 dölum á hlut. Fyrir opnun viðskipta fór gengið í tvo dali á hlut.

Krónan hefur hækkað um 4,55%

Gengi krónunnar hefur hækkað um 4,55% í dag og íslenska úrvalsvísitalan hefur hækkað um 1,75%.

Traustsyfirlýsing við íslenskt efnahagslíf

Í samningum sem Seðlabanki Íslands gerði við seðlabanka í Danmörku, Svíðþjóð og Noregi felst traustsyfirlýsing og skilningur á því að íslenska hagkerfið sé miklu sterkara en svartsýnustu menn töluðu um.

Gengi DeCode hækkar um 25 prósent

Gengi bréfa í DeCode, móðurfélagi Íslenskrar erfðagreiningar, rauk upp um 25 prósent í utanþingsviðskiptum fyrir opnun hlutabréfamarkaðar í Bandaríkjunum í dag. Gengið stendur í sléttum tveimur dölum á hlut og hefur hækkað um 78,5 prósent síðan 17. apríl síðastliðinn en þá fór það í lægsta gengi frá upphafi, 1,12 dali á hlut.

Hráolíuverð slær öll met

Heimsmarkaðsverð á hráolíu fór í rúma 127,4 dali á tunnu á fjármálamarkaði í Bandaríkjunum í dag. Verðið hefur hækkað um 25 prósent frá áramótum og hefur aldrei verið hærra.

Undirstöður íslensks fjármálakerfisins eru sterkar

Ingibjörg Sólrún Gísladóttir utanríkisráðherra segir tvíhliða gjaldmiðlaskiptasamninga milli seðlabanka Danmerkur, Noregs, Svíþjóðar og Íslands mikilvægan áfanga til að efla traust á íslensku fjármálakerfi og tryggja fjármálastöðugleika í landinu.

Ekki um neyðaraðstoð að ræða

Seðlabanki Íslands hefur tryggt sér aðgang að 1,5 milljarði evra með samningum við seðlabanka Danmerkur, Noregs og Svíþjóðar. Samningurinn eykur svigrúm Seðlabankans til að lána íslensku viðskiptabönkunum lán í evrum.

Viðskiptaráð segir gjaldeyrissamkomulag gott fyrsta skref

Viðskiptaráð fagnar samkomulagi Seðlabanka Íslands við Seðlabanka Svíðþjóðar, Noregs og Danmerkur um tvíhliða gjaldeyrisskiptasamninga og segir þá mikilvægt fyrsta skref til að efla trúverðugleika bankans og íslensks hagkerfis.

Börsen segir samningana vera björgunaraðgerð

Viðskiptablaðið Börsen segir í morgun að gjaldeyrisskiptasamningar Seðlabankans við aðra seðlabanka á Norðurlöndunum séu björgunaraðgerðir til að aðstoða aðþrengdan Seðlabanka Íslands.

Exista áfram með 19,98% hlut í Sampo

Sampo sendi í dag flöggunartilkynningu til kauphallarinnar í Helsinki þess efnis að Exista hf. fari áfram með A-hluti í Sampo sem nemur 19,98% af heildarhlutafé í félaginu að teknu tilliti til samþykktrar niðurfellingar á hlutum í Sampo.

Kippur í Kauphöllinni í byrjun dags

Gengi hlutabréfa í SPRON rauk upp um 5,9 prósent í fyrstu viðskiptum dagsins í Kauphöll Íslands. Svipaða sögu var að segja um meirihluta skráðra félaga eftir að Seðlabanki Íslands tilkynninti um gjaldeyrisskiptasamninga við norræna seðlabanka sem veitir aðgang að 1,5 milljörðum evra.

Greining Glitnis spáir 12,1% ársverðbólgu í maí

Greining Glitnis spáir því að vísitala neysluverðs hækki um 1,2% í maí. Gangi spáin eftir heldur 12 mánaða verðbólga áfram að aukast og mælist 12,1% í maí samanborið við 11,8% í apríl.

Góður hagvöxtur í Japan í byrjun árs

Hagvöxtur jókst um 3,3 prósent á fyrstu þremur mánuðum ársins í Japan, samkvæmt nýjustu hagtölum landsins. Breska ríkisútvarpið hefur eftir fjármálasérfræðingum að mikil eftirspurn sé eftir japönskum vörum í öðrum Asíulöndum, svo sem í Kína, og því hafi samdráttur í einkaneyslu í Bandaríkjunum ekki sett skarð í japanskar hagtölur.

SÍ á gjaldeyrisforða og lánalínur upp á 4,5 milljarða evra

Með gjaldeyrisskiptasamningum þeim sem Seðlabanki Íslands hefur nú gert við seðlabanka á Norðurlöndunum á bankinn nú gjaldeyrisforða og lánalínur upp á 4,5 milljarða evra.

Gengi krónu tekur stökkið

Gengi krónunnar tók stökkið snemma í morgun og styrktist um rúm 4 prósent eftir að Seðlabanki Íslands tilkynnti um að hann hefði gert tvíhliða gjaldeyrisskipasamning við seðlabanka Svíþjóðar, Noregs og Danmerkur. Gengið sveiflaðist talsvert í kjölfarið.

Seðlabankinn fær gjaldeyrisskipti upp á 1,5 milljarð evra

Seðlabankar Svíþjóðar, Noregs og Danmerkur hafa gert tvíhliða gjaldeyrisskiptasamninga við Seðlabanka Íslands.

SABMiller boðar frekari hækkanir á bjór í ár

SABMiller næststærsti bjórframleiðandi í heimi segir að verð á bjór muni hækka á næstunni vegna hækkandi heimsmarkaðsverð á korni og lélegrar uppskeru á humlum.

Þórhallur í lok dags

Þórhallur Ásbjörnsson hjá Greiningardeild Kaupþings var gestur Sindra Sindrasonar í þættinum Í lok dags í dag.