Undirstöður íslensks fjármálakerfisins eru sterkar

Ingibjörg Sólrún Gísladóttir utanríkisráðherra segir tvíhliða gjaldmiðlaskiptasamninga milli seðlabanka Danmerkur, Noregs, Svíþjóðar og Íslands mikilvægan áfanga til að efla traust á íslensku fjármálakerfi og tryggja fjármálastöðugleika í landinu.

Þetta kemur fram í yfirlýsingu frá utanríkisráðherra. Þar segir einnig að Ríkisstjórnin og Seðlabankinn hafi undanfarið unnið hörðum höndum að margþættum aðgerðum til að styrkja stoðir fjármálakerfisins og koma réttum og skýrum skilaboðum á framfæri til þeirra sem fylgjast með á erlendri grundu.

„Undirstöður íslensks fjármálakerfis eru sterkar og samningarnir við hina norrænu banka styrkja þær enn frekar."