Þjóðverjar settu nýtt heimsmet - unnu sinn 15. mótsleik í röð í kvöld

Þjóðverjar komust ekki bara í undanúrslit EM í fótbolta í kvöld því þeir tryggðu sér líka heimsmet eftir 4-2 sigur á Grikkjum í átta liða úrslitum Evrópumótsins. Þýska landsliðið hefur nú unnið fimmtán mótsleiki í röð og bætt heimsmet Hollendinga og Spánverja.

Parker vill fá 20 milljónir dollara í skaðabætur frá næturklúbbi

Körfuboltakappinn Tony Parker, leikmaður San Antonio Spurs, hefur kært næturklúbb í New York og vill háar skaðabætur vegna meiðsla sem hann varð fyrir er rapparar slógust í klúbbnum.

Johnson: Gerrard betri með fyrirliðabandið

Glen Johnson, bakvörður enska landsliðsins og Liverpool, segir að það fari Steven Gerrard afar vel að vera fyrirliði enska landsliðsins og það hafi gert hann sterkari.

Alonso og Vettel gætu lifað af saman hjá Ferrari

Stefano Domenicali, liðstjóri Ferrari liðsins, er viss um að Fernando Alonso og Sebastian Vettel gætu lifað af sem liðsfélagar hjá Ferrari-liðinu. Mikil óvissa hefur ríkt um hver verði liðsfélagi Alonso á næsta ári.

Víkingsliðin töpuðu bæði stigum á heimavelli | Fyrsti sigur Leiknis

Tveir leikir fóru fram í 1. deild karla í kvöld og Víkingsliðin töpuðu bæði stigum á heimavelli. Reykjavíkur-Víkingar náðu að tryggja sér 2-2 jafntefli á móti Hetti með marki á fjórðu mínútu í uppbótartíma og Leiknismenn fóru til Ólafsvíkur og unnu sinn fyrsta sigur í sumar.

Joachim Löw: Klassaframmistaða hjá liðinu

Joachim Löw, þjálfari þýska landsliðsins, var ánægður eftir sannfærandi 4-2 sigur á Grikkjum í átta liða úrslitum Evrópumótsins í fótbolta í kvöld. Þjóðverjar mæta annaðhvort Ítalíu eða Englandi í undanúrslitunum í næstu viku.

Lahm: Við gerðum okkur þetta óþarflega erfitt fyrir

Philipp Lahm, fyrirliði Þjóðverja, kom sínum mönnum á bragðið með því að skora fyrsta markið í 4-2 sigri á Grikkjum í átta liða úrslitum EM í fótbolta í kvöld.

Tíunda skallamark Klose á stórmóti

Miroslav Klose fékk tækifæri í byrjunarliði Þjóðverja á móti Grikkjum í átta liða úrslitum EM í kvöld og skoraði eitt markanna í sannfærandi 4-2 sigri. Klose hefur skoraði 64 mörk fyrir þýska landsliðið og var þarna að skora sitt 17. mark á stórmóti.

Níu ár síðan að besti leikmaður deildarinnar varð líka meistari

LeBron James var í nótt kjörinn besti leikmaður NBA-úrslitanna eftir að hann fór fyrir sínum mönnum Miami Heat sem unnu 121-106 sigur á Oklahoma City Thunder í fimmta leik liðanna í úrslitaeinvíginu. Miami vann þar með einvígið 4-1 og James er því loksins búinn að krækja í langþráðan meistarahring.

Larlholm samdi við Pick Szeged

Sænski landsliðsmaðurinn í handbolta, Jonas Larholm, hefur ákveðið að söðla um. Hann er hættur hjá Álaborg í Danmörku og fluttur til Ungverjalands.

Brihault nýr forseti EHF

Frakkinn Jean Brihault var í dag kjörinn nýr forseti evrópska handknattleikssambandsins, EHF. Hann tekur við af Norðmanninum og Íslandsvininum Tor Lian.

Vettel fljótastur í Valencia

Heimsmeistarinn Sebastian Vettel var fljótastur á seinni æfingum dagsins fyrir kappaksturinn í Valencia á Spáni á sunnudag. Red Bull-liðið notaðist við uppfærðan afturenda bílsins.

Þjóðverjar skoruðu fjögur mörk í sannfærandi sigri á Grikkjum

Þjóðverjar eru komnir í undanúrslitin á EM í fótbolta eftir sannfærandi 4-2 sigur á Grikkjum í átta liða úrslitum í kvöld. Joachim Löw, þjálfari þýska liðsins, skipti um sóknarlínu hjá þýska liðinu og tveir af nýju framherjunum. Miroslav Klose og Marco Reus, skoruðu í leiknum. Hin mörkin gerðu fyrirliðinn Philipp Lahm og miðjumaðurinn Sami Khedira.

Aðeins sá fimmti sem tryggir sér titilinn með þrefaldri tvennu

LeBron James komst í fámennan hóp í nótt þegar hann hjálpaði Miami Heat að vinna NBA-meistaratitilinn í körfubolta eftir 121-106 sigur á Oklahoma City Thunder í fimmta leik liðanna í úrslitaeinvíginu.

Baros leggur landsliðsskóna á hilluna

Tékkneski framherjinn, Milan Baros, tilkynnti eftir tap Tékka gegn Portúgal á EM í gær að hann væri búinn að leggja landsliðsskóna á hilluna. Baros, sem eitt sinn lék með Liverpool, er þó aðeins þrítugur að aldri en búinn að spila marga landsleiki.

Rakel Dögg: Þetta er hrikalega erfiður riðill

"Þetta er hrikalega erfiður riðill. Það verður að segjast eins og er því við erum að lenda í riðli með þremur algjörum toppþjóðum," sagði Rakel Dögg Bragadóttir sem var fyrirliði íslenska kvennalandsliðsins í handbolta áður en sleit krossband skömmu fyrir HM í Brasilíu í lok síðasta árs.

Skjálfandafljót: Tveir stórlaxar í morgun!

Eins er það að frétta af bökkum Skjálfandafljóts að Lax-á bíður nú gistingu með laxsvæðunum í Skjálfandafljóti frá með næstu mánaðarmótum.

11 og 12 punda laxar í opnun Hvannadalsár

Tveir laxar komu land ásamt einum sjóbirting en laxarnir voru 11 og 12 pund og komu báðir úr Djúpfossi á maðk. 19 laxar gengnir Ægissíðufoss í Ytri-Rangá.

Stelpurnar í riðli með Rúmeníu, Rússlandi og Svartfjallalandi á EM

Íslenska kvennalandsliðið lenti í Austur-Evrópu riðli í úrslitakeppni Evrópumótsins sem fer fram í Serbíu frá 4. til 16. desember næstkomandi en dregið var áðan á EHF-þinginu í Mónakó. Ísland er í riðli með Rúmeníu, Rússlandi, Svartfjallalandi. Riðill stelpnanna fer fram í Vrsac eða sama stað og íslenska karlalandsliðið spilaði á EM í janúar.

Fær ekki að koma á Ólympíuleikana

Yfirmaður sýrlensku Ólympíunefndarinnar, Mowaffak Joumaa, fær ekki að koma á Ólympíuleikana í sumar en Bretar hafa neitað honum um landvistarleyfi.

Hodgson ætlar ekki að biðja Capello um aðstoð

Roy Hodgson, landsliðsþjálfari Englands, segir ekkert óeðlilegt við það að fólk beri hann og Fabio Capello, fyrrum landsliðsþjálfara, saman. Hodgson segir ekki koma til greina að biðja um ráð frá Capello fyrir leikinn gegn Ítalíu í átta liða úrslitum EM.

Mancini biður Balotelli um að haga sér almennilega

Þó svo Roberto Mancini, stjóri Man. City, sé í fríi frá Mario Balotelli þá er hann ekki hættur að skipta sér af málum leikmannsins. Hann hefur nú beðið Balotelli um að haga sér almennilega með landsliðinu.

Íslandsmótið í holukeppni: Tveir bráðabanar í fyrstu umferð

Fyrstu umferð riðlakeppninnar í Íslandsmótinu í holukeppni er lokið. Leikið er á Leirdalsvelli í Kópavogi. Einir tveir leikir fóru í bráðabana. Selfyssingurinn síkáti Hlynur Geir Hjartarson lagði GR-inginn Árna Pál Hansson í bráðabana og slíkt hið sama gerði Keilismaðurinn Ísak Jasonarson gegn heimamanninum Kjartani Dór Kjartanssyni.

Helga fyrsta konan sem er kjörin í framkvæmdastjórn EHF

Helga Magnúsdóttir var í dag kjörinn í framkvæmdastjórn evrópska handknattleikssambandsins, EHF. Tíu voru í kjöri en aðeins þrjú sæti í boði.

Postiga spilar ekki undanúrslitaleikinn

Framherjinn Helder Postiga verður ekki með portúgalska landsliðinu í undanúrslitum EM. Postiga meiddist í leiknum gegn Tékkum í gær og verður ekki klár í slaginn.

Capello: England mun ekki komast í úrslitaleikinn

Það verður eflaust sérstakt fyrir Fabio Capello, fyrrum landsliðsþjálfara Englands, að fylgjast með leik fyrrum lærisveina hans gegn heimalandinu, Ítalíu, í átta liða úrslitum EM.

Kári Kristján í körfuboltaeinvígi í Vestmannaeyjum

Landsliðsmaðurinn í handknattleik, Kári Kristján Kristjánsson, og körfuboltamaður Vestmannaeyja árið 2011, Daði Guðjónsson, mætast í miklu körfuboltaeinvígi í Eyjum í kvöld.

Moyes hefur ekki heyrt frá Tottenham

David Moyes, stjóri Everton, er einn af þeim sem hafa verið orðaðir við stjórastöðuna hjá Tottenham. Spurs er enn í stjóraleit eftir að hafa rekið Harry Redknapp á d0gunum.

Hart og Balotelli grínast ekki fyrir leik

Joe Hart, markvörður enska landsliðsins og Man. City, segir að vinskapur hans og Mario Balotelli, framherja ítalska landsliðsins og Man. City, hafi verið lagður á hilluna á bili.

LeBron: Besta sem gat komið fyrir mig var að tapa titlinum í fyrra

"Þessi titill skiptir öllu. Þetta er hamingjusamasti dagur lífs míns," sagði LeBron James eftir að hann vann sinn fyrsta NBA-titil í nótt. Hann losnaði um leið við mikla pressu en margir efuðust um að honum myndi takast að vinna titil.

Miami NBA-meistari | James valinn verðmætastur

Miami Heat varð í nótt NBA-meistari. Miami vann þá öruggan sigur, 121-106, á Oklahoma City Thunder í fimmta leik liðanna. Fjórði sigur Miami í röð sem vann fjóra leiki í röð eftir að hafa tapað fyrsta leiknum.

Björn Bergmann gæti fært ÍA 50 milljónir króna

Knattspyrnudeild ÍA væntir þess að fá á bilinu 12-14 milljónir króna í sinn hlut, verði af sölunni á Birni Bergmann Sigurðarsyni frá norska liðinu Lilleström til Wolves á Englandi.

Portúgalar í undanúrslit EM í fjórða sinn - myndir

Cristiano Ronaldo tryggði Portúgal í kvöld sæti í undanúrslitum Evrópumótsins þegar hann skoraði eina markið í leik liðsins á móti Tékklandi í átta liða úrslitum Evrópumótsins í Póllandi og Úkraínu.

Ronaldo skaut fjórum sinnum oftar á markið en allt tékkneska liðið

Portúgal vann í kvöld 1-0 sigur á Tékklandi í átta liða úrslitum Evrópumótsins í fótbolta og tryggði sér þar með sæti í undanúrslitum keppninnar. Yfirburðir Portúgala voru meiri en úrslita gefa til kynna og það sést vel í tölfræðinni.

Zlatan fær tíuna hjá AC Milan á næsta tímabili

Zlatan Ibrahimovic fær treyju númer tíu hjá AC Milan á næsta tímabili en þetta kom í ljós á kveðjublaðamannafundi Clarence Seedorf í dag. Seedorf hefur verið í tíunni hjá AC Milan undanfarin ár en hollenski miðjumaðurinn tilkynnti í dag að hann væri á förum eftir heilan áratug hjá ítalska félaginu.

Kobe Bryant seldi flestar treyjur utan Bandaríkjanna

Kobe Bryant er stærsta alþjóðlega NBA-stjarnan ef marka má sölu keppnistreyja utan Bandaríkjanna. NBA-deildin gaf út í dag út lista yfir þá leikmenn sem seldu flestar treyjur utan Bandaríkjanna á þessu tímabili en þetta er í fyrsta sinn sem slíkur listi er birtur.

Joe Hart: Við ætlum að vinna EM

Joe Hart, markvörður enska landsliðsins, er ekkert að skafa af því þegar hann var spurður út í markmið enska liðsins á EM í fótbolta. Hann segir að enska liðið ætli sér að fara alla leið og vinna titilinn.

KA vann Þór og Fjölnismenn fóru á toppinn

Þrír leikir fóru fram í 1. deild karla í fótbolta í kvöld og stórleikur kvöldsins var nágrannaslagur Akureyrarliðanna KA og Þórs. KA vann þar dramatískan 3-2 sigur á nágrönnunum sínum en Þórsliðið missti fyrir vikið toppsætið til Fjölnismanna sem unnu á sama tíma 2-0 sigur á Tindastól.

Bonucci: Englendingar spila eins og Ítalir

Leonardo Bonucci, miðvörður Ítala og sá sem róaði niður Mario Balotelli í sigrinum á Írum, telur að enska landsliðið ætli að nota ítalska leikaðferð þegar þjóðirnar mætast í átta liða úrslitum Evrópumótsins á sunnudaginn.

James á sama aldursári og Jordan þegar hann vann fyrsta titilinn 1991

LeBron James er í fyrsta sinn á ferlinum aðeins einum sigri frá NBA-meistaratitlinum sem hann hefur dreymt um í níu tímabil. Miami Heat tekur á móti Oklahoma City Thunder í fimmta leik úrslitaeinvígsins. Miami er búið að vinna þrjá síðustu leiki og vantar því bara einn sigur í síðustu þremur leikjunum. Fimmti leikurinn fer fram í kvöld og verður í beinni útsendingu á Stöð 2 Sport. Útsendingin hefst klukkan eitt eftir miðnætti.

Cristiano Ronaldo: Núna brosa allir í liðinu

Cristiano Ronaldo var hetja Portúgala í kvöld þegar hann skoraði eina markið í 1-0 sigri á Tékklandi í átta liða úrslitum á EM í fótbolta. Ronaldo skapaði sér fjölda færa í leiknum en skoraði sigurmarkið með skalla ellefu mínútum fyrir leikslok.

Enginn Portúgali í leikbanni í undanúrslitunum

Portúgalar glöddust ekki bara yfir því að vera komnir í undanúrslitin á EM í fótbolta eftir 1-0 sigur á Tékklandi í átta liða úrslitunum í kvöld því enginn leikmaður liðsins verður í banni í næsta leik á móti annaðhvort Spáni eða Frakklandi.

Blanc staðfestir ósætti í franska hópnum

Eina ferðina enn er ósætti í herbúðum franska landsliðsins. Það þurfti aðeins eitt tap gegn Svíum til að hleypa öllu í háaloft.

Dómstóll dæmdi Manny í hag | Fær samt ekki beltið

Dómstóll WBO-hnefaleikasambandsins hefur úrskurðað að Manny Pacquiao hafi unnið sigur gegn Timothy Bradley í bardaga þeirra á dögunum. Bradley var dæmdur sigur sem þótti fáranlegur dómur.

Cristiano Ronaldo skallaði Portúgal inn í undanúrslitin

Portúgal varð í kvöld fyrsta þjóðin til þess að tryggja sér sæti í undanúrslitum á Evrópumótinu í fótbolta. Cristiano Ronaldo tryggði þá Portúgal 1-0 sigur á Tékklandi þegar hann skoraði eina mark leiksins ellefu mínútum fyrir leikslok.