Fleiri fréttir

Krókódíll réðst á garðsláttuvél

Krókódíll í Ástralska skriðdýragarðinum olli miklum usla á dögunum þegar að hann réðst á slátturvél sem starfsmaður garðsins var með og sökkti henni í gryfjunni hjá sér. Krókódíllinn sem er fimm metra langur heitir Elvis, eftir söngvaranum sáluga. Hann dró slátturvélina ofan í vatn í gryfju sinni og vaktaði hana í meira en klukkustund.

Kim Jong-Il borinn til grafar

Tveggja daga útför norður-kóreska einræðisherrans Kim Jong-Il er hafinn. Viðbúnaður vegna hennar er gríðarlegur í höfuðborginni Pyongyang. Myndir þaðan sýna að þúsundir hermanna hafa safnast saman og lutu þeir höfði þegar stór mynd af leiðtoganum fallna var borin um götur borgarinnar. Myndirnar, sem birtar voru á ríkissjónvarpsstöð í landinu, sýndu jafnframt að arftaki hans og þriðji sonurinn, Kim Jong-un, gekk með fylkingu hermannanna. Fjölmiðlar í Norður-Kóreu segja að Kim Jong-il hafi látist úr hjartaáfalli þann 17. desember síðastliðinn.

Danir hallir undir konungsfjölskylduna

Engin evrópsk konungsþjóð styður konungsfjölskylduna sína meira en Danir. Þetta sýnir ný skoðanakönnun sem Megafon gerði fyrir danska blaðið Politiken. Niðurstöður könnunarinnar sýnir að um 77% Dana telja að Danmörk eigi áfram að vera konungsveldi en um 16% vilja breyta í lýðveldi. Fyrir rösku ári síðan lét Politiken gera samskonar skoðanakönnun sem sýndi að 25% Dana vildu lýðveldi. Lars Hovbakke Sørensen, prófessor í sagnfræði við Kaupmannahafnarháskóla, segir að samkvæmt þessum niðurstöðum sé stuðningur Dana við konungsveldið töluvert meiri en víða annarsstaðar í Evrópu. Stuðningur í sumum ríkjum við konungsveldið geti farið allt niður í 58%.

Athugasemdir gerðar fyrir meira en áratug

Meira en áratugur er síðan að gerðar voru athugasemdir við starfsemi franska fyrirtækisins PIP sem talið er hafa framleitt gallaða silikonpúða í brjóst. Fréttir af göllunum hafa valdið skelfingu á meðal kvenna um allan heim að undanförnu.

Forseti Argentínu með krabbamein

Cristina Fernandels de Kirchner, forseti Argentínu, greindist nýlega með krabbamein og mun þess vegna gangast undir aðgerð þann 4. janúar næstkomandi, eftir því sem ríkisstjórn hennar hefur greint frá. Meinið er í skjaldkirtlinum en það mun ekki hafa breiðst út í önnur líffæri. Fernandex hóf nýlega annað kjörtímabil sitt eftir að hafa unnið mikinn kosningasigur á landsvísu. Eiginmaður hennar, Nestor Kirchner, fyrrverandi forseti, lést á síðasta ári eftir að hann fékk hjartaáfall.

Stjórnarherinn farinn frá Homs

Sýrlandsstjórn kallaði herlið sitt frá borginni Homs í gær þegar fyrstu eftirlitssveitirnar frá Arababandalaginu voru komnar til landsins.

Opið öllum en nýtist hernum

Kínversk stjórnvöld hafa gangsett staðsetningarnet sem gegna mun sama hlutverki og GPS-staðsetningarkerfið. Kerfið verður opið almenningi eins og GPS-kerfið en mun gera kínverska herinn óháðan bandarískum gervitunglum sem hægt er að loka fyrir.

Siku slær í gegn á netinu

Rúmlega mánaðargamall grænlenskur ísbjarnarhúnn hefur náð að bræða hjörtu þúsunda netverja með augnaráðinu einu.

Bandaríkjamaður sakaður um njósnir

Réttað var yfir bandarískum ríkisborgara í Íran í dag en maðurinn var handtekinn á dögunum grunaður um að vera njósnari á vegum bandarísku leyniþjónustunnar CIA. Hinn 28 ára gamli Amir Hekmati var fæddur í Arizona en á rætur að rekja til Írans. Faðir hans segir af og frá að sonur sinn sé njósnari. Hann hafi verið að heimsækja ömmur sínar í Íran þegar hann var handtekinn. Íranir segja hinsvegar að Hekmati sé þrautþjálfaður sérsveitarmaður sem hafi verið staðsettur í Írak og Afganistan áður en hann hafi farið til njósnastarfa í Íran.

Breskur túristi myrtur á jóladag á Sri Lanka

Breskur ríkisborgari var myrtur á jóladag á ferðamannastað á Sri Lanka. Lögregluyfirvöld í bænum Tangalle segja að ráðist hafi verið á manninn og rússneska konu sem var með honum í för, eftir að honum hafði sinnast við annan gest á hótelinu sem þau voru á. Fjórir hafa verið handteknir vergna málsins og á meðal þeirra er formaður bæjarstjórnarinnar í Tangalle. Konan sem var með fórnarlambinu berst nú fyrir lífi sínu á gjörgæslu.

Pútín vill ekki rannsaka kosningarnar

Vladímír Pútín, forsætisráðherra Rússlands, hefur vísað á bug áskorunum þess efnis að kosningarnar í landinu á dögunum verði rannsakaðar. Í til stuðningsmanna sinna sagði hann að þá sem kvartað hafi yfir úrslitum kosninganna skorti skýr markmið og óljóst sé hverju sé verið að mótmæla. Í kjölfar úrslitanna, þar sem flokkur Pútíns fór með sigur af hólmi þrátt fyrir fylgistap, hafa brotist út mestu mótmæli Rússlands í áratugi.

Þúsundir mótmæla í Homs

Þúsundir mótmælenda hafa í dag komið saman í sýrlensku borginni Homs en í dag komu til landsins eftirlitsmenn frá Arababandalaginu til þess að fylgjast með framferði stjórnvalda gegn aðgerðarsinnum. Bandalagið hefur ályktað um að ofbeldinu í landinu verði að linna og segja talsmenn mótmælenda að skriðdrekar stjórnarhersins hafi hörfað frá borginni nokkrum klukkutímum áður en eftirlitsmennirnir mættu á svæðið.

Hitler hélt jólin

Myndir af Adolf Hitler og öðrum leiðtogum Nasistaflokksins við jólatré um jólin 1941 voru nýlega birtar opinberlega. Á meðal þeirra sem eru á myndunum með Hitler er Heinrich Himmler. Það var Hugo Jaeger, einn af persónulegum ljósmyndurum Hitlers, sem tók myndirnar. Hann gróf þær í glerkrukku þegar stríðinu lauk. Þar voru þær í tíu ár, eða allt þar til þær voru fluttar í bankahólf.

Hvítabjarnarhúnninn Siku bræðir hjörtu Netverja

Nýjasta stjarna Netheima er hvítabjarnarhúnninn Siku. Hann er mánaðargamall og á heima í dýragarði í Kolind Í Danmörku. Hann fæddist 22. nóvember og umferð á vefsíðu garðsins hefur vaxið gríðarlega frá því sá stutti kom í heiminn. Þúsundir hafa fylgst með Siku og beðið í ofvæni eftir að hann opnaði augun, sem hann gerði víst í gær.

Stunginn til bana á Oxford Street - ellefu í haldi

Fjórtán hafa verið handteknir og ellefu eru í haldi lögreglu í kjölfar morðs sem framið var á einni fjölförnustu verslunargötu heims, Oxford Street í Lundúnum. Átján ára karlmaður var stunginn til bana fyrir framan íþróttavörubúð í götunni í gær.

Einn skotinn til bana og tveir særðir í Malmö

Einn var skotinn til bana og tveir særðust í skotárás sem átti sér stað að kvöldi annars dags jóla í sænsku borginni Malmö. Vitni segja að skotmaðurinn hafi allt í einu hafið skothríð á mennina þrjá. Hann var með einskonar öskudagsgrímu fyrir andlitinu og komst undan. Að sögn sænskra miðla er enginn grunaður í málinu sem stendur. Mennirnir þrír sem urðu fyrir kúlunum eru allir svokallaðir góðkunningjar lögreglunnar.

Sænskir blaðamenn í ellefu ára fangelsi

Tveir sænskir blaðamenn hafa verið dæmdir í ellefu ára fangelsi í Eþíópíu fyrir að fara inn í landið án vegabréfsáritunar og fyrir að styðja við hryðjuverkasamtök. mennirnir tveir, Martin Schibbie og Johan Persson voru handteknir í júlí þegar þeir fóru yfir landamærin frá Sómalíu með byltingarsamtökunum ONLF.

Finni lést þegar tré féll á hann

Óveðrið sem gekk yfir Svíþjóð og Noreg og Finnland í gær olli miklu tjóni. Þúsundir íbúa í Ardal og Hoyanger í Noregi eru einangraðir þar sem vegir hafa rofnað um fimmtíu íbúar í Ardal hafa þurft að yfirgefa heimili sín. Í norðurhluta Svíþjóðar eru fimmtíu þúsund án rafmagns og lestarsamgöngur liggja niðri í Norrland. Í Finnlandi er einnig mikið um rafmagnsleysi og óvíst hvenær það mun lagast. Þar lést einn karlmaður á níræðisaldri þegar tré rifnaði upp með rótum og féll á hann. Í höfuðborginni Helsinki varð mikið tjón, ljósastaurar féllu í rokinu og þakplötur losnuðu af húsum. Stormurinn er nú að mestu genginn yfir.

Gleymir aldrei illskunni í Útey

Jens Stoltenberg, forsætisráðherra Noregs, segist aldrei munu gleyma þeirri illsku sem hann varð vitni að þegar 77 manns voru myrtir í landinu í júlí síðastliðnum. Í jólaviðtali við fréttastofuna NTB sagði Stoltenberg að hinar myrku minningar um atburðinn væru ennþá jafnsterkar nú og þegar hann hitti fyrst þá sem komust lífs af eftir árás Anders Behring Breivik í Útey 22. júli.

Viðbrögðin gerðu illt verra í Fukushima

JapanViðbrögð stjórnvalda jafnt sem starfsmanna kjarnorkuversins í Fukushima í kjölfar jarðskjálftans mikla og flóðbylgju fyrr á árinu voru ómarkviss og gerðu illt verra. Ringulreið, samskiptaleysi og rangar ákvarðanir einkenndu viðbrögðin, að því er fram kemur í nýrri 500 blaðsíðna skýrslu sem stjórnvöldum var afhent í gær.

Piltur myrtur á Oxford Street

Maður á tvítugsaldrinum var stunginn til bana á verslunargötunni Oxford Street í Lundúnum um hádegisbilið í dag. Lögreglan hefur handtekið nokkra aðila sem hugsanlega tengjast morðinu. Jólaútsölur eru í Bretlandi í dag. Dagurinn er kallaður Boxing day og er mesti verslunardagur Bretlands.

Blóðug átök í Sýrlandi

Að minnsta kosti 20 hafa látist í átökum hersins í Sýrlandi og mótmælanda í dag. Reuters greinir frá því að mótmælandi hefði sett myndband á netið sem sýni þrjá skriðdreka sem halda úti linnulausri skothríð á mótmælendur.

Uppáhaldsleikari Hitlers er látinn

Þýski leikarinn, Johannes Heesters, er látinn. Líklega vita ekki margir hver hann er, en Heesters er frægastur fyrir að hafa verið uppáhaldsleikari Adolfs Hitlers.

Segja Rússa ekki líða spillingu lengur

Tugir þúsunda komu saman í Moskvu í gær til að vekja athygli á meintu kosningasvindli í þingkosningunum fyrr í þessum mánuði. Skipuleggjendur mótmælana segja Rússa ekki líða spillingu lengur.

Þessi er alveg með'etta

Dýrin geta verið alveg yndisleg og þessi voffi er engin undantekning á því. Hann hlustar sko á tónlist, og það er ekki annað að sjá en að hann brosi út að eyrum þegar eigandi hans spilar á gítarinn. En um leið og hann hættir, þá fer brosið. Sjón er sögu ríkari.

Hneykslaður á markaðsvæðingu jólanna

Benedikt XVI páfi hneykslaðist á markaðsvæðingu jólanna í jólamessu í Péturskirkjunni í Róm í gærkvöld. Hann hvatti fólk til þess að horfa framhjá “yfirborðskenndu glysi jólahátíðarinnar og finna barnið sem lagt var í jötu í Betlehem.” Í predikun sinni harmaði páfinn líka ofbeldið í heiminum og bað fyrir þeim sem búa við fátækt.

Þúsundir flykkjast til Betlehem

Þúsundir kristinna manna, hvaðanæva að úr heiminum, flykkjast til Betlehem, fæðingarborgar Frelsarans, á hverju ári þegar jólahátíðin gengur í garð. Vænst er þess að um 90 þúsund manns ferðist þangað um þessi jól. Fjöldi tónleika verður haldinn og að sjálfsögðu verður messað í hinni 1700 ára gömlu Fæðingarkirkju sem byggð er á staðnum þar sem talið er að Jesús hafi fæðst.

Drottningin heimsótti eiginmann sinn á spítala

Elísabet II Bretadrottning heimsótti í dag Fillipus, eiginmann sinn, á spítala þar sem hann dvelur vegna kransæðastíflu. Filipus er orðinn 90 ára gamall. Hann gekkst undir hjartaþræðingu. Í tilkynningu frá konungshöllinni segir að líðan Filipusar sé góð en grannt sé fylgst með honum á Papworth spítalanum. Þegar drottningin heimsótti Filipus í morgun var hún í fylgd barna sinna Edward, Andrew og Anne.

Íslenski jólasveinninn sá fimmti versti í heimi

Íslenski jólasveinninn er sá fimmti versti í heimi samkvæmt óvisindalegri úttekt danska blaðsins Jyllands Posten. Í umsögn blaðsins segir að á Íslandi séu þrettán jólasveinar sem séu vondir, bæði við dýr og menn. Einstakur kvikyndisskapur einkenni hvern og einn þeirra. Einn þeirra sé gluggagæir, annar bjúguþjófur og sá þriðji skelfi konur með því að kíkja undir kjólinn þeirra. Þá segir að jólasveinarnir þrettán eigi vonda móður, sem heiti Grýla og eigi jólakött. Grýla hati börn sem fái ekki ný föt í jólagjöf. Hún sigi því jólaketttinum á börnin og setji þau svo í pokann sinn.

Gorbachev skammast sín fyrir Putin

Mikhail Gorbachev, fyrrverandi leiðtogi Sovétríkjanna, segist skammast sín fyrir Vladimir Putin, forsætisráðherra Rússlands, vegna viðbragða þess síðarnefnda við mótmælendum sem krefjast úrbóta hjá rússneskum stjórnvöldum.

Láta 2900 fanga lausa

Stjórnvöld í Kúbu ætla að láta 2900 fanga lausa á næstu dögum, þar á meðal nokkra sem dæmdir hafa verið fyrir pólitíska glæpi. Raul Castro, forseti Kúbu, segir að þetta sé gert til að sýna góðvilja í verki eftir að hafa fengið nokkrar óskir frá ættingjum og trúarsamtökum.

Íbúar fylltust skelfingu á ný

Harðir jarðskjálftar riðu yfir í Christchurch í gær, tæplega fjórum mánuðum eftir að stóri skjálftinn reið þar yfir í haust.

Amagermaður í lífstíðarfangelsi

Amagermaðurinn, Marcel Lychau Hansen, var í gær dæmdur í lífstíðarfangelsi. Á 23ja ára tímabili myrti hann tvær konur og nauðgaði sex öðrum, síðast táningsstúlku á síðasta ári.

Beinast gegn leyniþjónustunni

Tugir manna fórust í tveimur sjálfsvígsárásum í Damaskus, höfuðborg Sýrlands. Árásirnar beindust að höfuð stöðvum lögreglu og leyniþjónustu í borginni. Yfir hundrað manns eru særðir.

Sakar Frakka um þjóðarmorð

„Talið er að Frakkar hafi frá 1945 drepið um 15 prósent alsírsku þjóðarinnar. Það er þjóðarmorð,“ segir Recep Tayyip Erdogan, forsætisráðherra Tyrklands.

Sjá næstu 50 fréttir

Mest lesið