Brown nýtur meiri stuðnings en ætlað var

Svo virðist sem Gordon Brown, forsætisráðherra Bretlands, sé hólpinn um stundarsakir hvað varðar hans pólitísku framtíð. Í kvöld fundaði Brown með þingflokki Verkamannaflokksins og eftir fundinn lýstu margir þingmenn yfir stuðningi við forsætisráðherran.

Fjölskyldur fórnarlamba Omagh árásarinnar fá skaðabætur

Fjórir meðlimir samtakann Real IRA voru í dag dæmdir til þess að greiða fjölskyldum fórnarlamba Omagh sprengjuárásarinnar árið 1998 skaðabætur. Tuttugu og níu létu lífið í árásinni, þar á meðal kona sem var ólétt af tvíburum. Yfir 200 manns særðust í árásinni en Real IRA er hluti af írska lýðveldishernum og sprengdu bílsprengju á markaði í Omagh í ágúst árið 1998.

Nýbirtar myndir af Hitler varpa ljósi á einkalíf hans

Ljósmyndir af Adolf Hitler úr einkasafni ljósmyndara hans, Hugo Jäger, hafa nú verið birtar í fyrsta sinn og þykja varpa nýju ljósi meðal annars á einkalíf nasistaforingjans.

Hékk utan á lest í tvo og hálfan tíma

Bandarískur ferðamaður er heppinn að hafa lifað af tveggja og hálfrar klukkustundar ferðalag með lest milli Adelaide og Darwin í Ástralíu en hann hékk utan á lestinni.

Blindur maður handtekinn fyrir umferðarlagabrot

Blindur Breti um fimmtugt hélt að verið væri að láta hann hlaupa apríl þegar lögregla handtók hann fyrir fjölda umferðarlagabrota.

Sautján lík fundin eftir Air France-slysið

Alls hafa leitarmenn nú fundið 17 lík farþega Air France-þotunnar sem hrapaði í Atlantshaf fyrir rúmri viku vegna óútskýrðrar bilunar.

Bandarískir blaðamenn dæmdir í Norður-Kóreu

Norðurkóreskur dómstóll hefur fundið tvo bandaríska blaðamenn seka um að fara ólöglega inn í landið og dæmt þá til 12 ára þrælkunarvinnu.

Kjörsókn Evrópuþingkosninga aldrei minni

Kjörsókn kosninga til Evrópuþingsins, sem lauk í gær, var rúmlega 43 prósent og hefur aldrei verið minni. Í kosningunum árið 2004 var hún 45,5 prósent.

Brown heldur vígreifur áfram

Gordon Brown, forsætisráðherra Bretlands, ætlar ekki að segja af sér embætti þrátt fyrir mikinn þrýsting frá Falconer lávarði, fyrrverandi dómsmálaráðherra landsins.

Hillary aðvarar N-Kóreumenn

Ráðamenn í Washington íhuga alvarlega að setja Norður-Kóreu aftur á lista yfir ríki sem styðja hryðjuverk. Þetta kom fram í máli Hillary Clinton, utanríkisráðherra, í dag.

Fleiri lík finnast

Brasilíski flugherinn fann í dag lík þriggja einstaklinga sem fórust með farþegaþotu Air France aðfaranótt mánudagsins síðasta. Í gær fundust lík tveggja manna ásamt braki úr vélinni og persónulegum munum.

Jafngildir stórslysi að kjósa fyrr

Fjármálaráðherra Írlands segir að það myndi jafngilda stórslysi að rjúfa þing og boða til þingkosninga vegna fjármálakreppunnar sem leikið hefur eyjuna talsvert illa.

Búist við lítilli kosningaþátttöku

Kosningum til Evrópuþingsins lýkur í dag, en þær hófust á fimmtudaginn. Kosið er í öllum 27 Evrópusambandslöndunum en þingsætin eru 736. Ekki var gert ráð fyrir mikilli kosningaþátttöku, enda var hún 38% þegar síðast var kosið árið 2004. Kjósendur virðast hallast til hægri þetta skiptið.

Róðurinn hjá Brown þyngist

Róðurinn hjá Gordon Brown þyngist nú með hverjum deginum sem líður. Líkur aukast á að þingkosningar verði boðaðar í Bretlandi.

Obama heldur heim

Barack Obama heldur aftur til Bandaríkjanna í dag eftir fjögurra daga ferð til Mið-Austurlanda, Þýskalands og Frakklands. Á ferðalagi sínu ávarpaði Bandaríkjaforseti múslíma, ásamt því að heimsækja útrýmingarbúðir Nasista og vera viðstaddur minningarathöfn í tilefni þess að 65 ár eru liðin frá innrásinni í Normandí.

Fyrstu útfarirnar í morgun

38 börn, flest á aldrinum tveggja til fjögurra ára, létust í eldsvoðanum á dagheimilinu í Hermosillo í Mexíkó í fyrradag. Fyrstu útfarirnar fóru fram í morgun. Flest barnanna köfnuðu.

Fylgismenn og andstæðingar Ahmadinejad tókust á

Stuðningsmönnum og andstæðingum Mahmoud Ahmadinejad, Íransforseta, lenti saman í höfuðborginni Teheran í gærkvöldi. Forsetakosningar í Íran fara fram í næstu viku.

Forsetaframbjóðandi myrtur í Gíneu Bissau

Baciro Dabo, forsetaframbjóðandi og fyrrum varnarmálaráðherra Gíneu Bissau, var myrtur í gær. Annar fyrrum varnarmálaráðherra landsins, Helder Proenc, var einnig myrtur í gær ásamt tveimur lífvörðum sínum.

Læknirinn Tiller borinn til grafar

George Tiller, læknir sem þekktur var fyrir að framkvæma fóstureyðingar á konum sem gengu með mjög þroskuð fóstur, var borinn til grafar í dag. Hundruð syrgjendur minntust Tillers í borginni Wichita í Kansasfylki en hann var myrtur fyrir viku. Tveir andstæðingar fóstureyðinga voru handteknir í dag þegar athöfnin fór fram.

Lík úr flugslysinu fundin

Brasilíski flugherinn fann í dag lík tveggja karlmanna sem fórust með farþegaþotu Air France aðfaranótt mánudagsins síðasta. Brak úr vélinni sem og persónulegir munir fundust einnig í dag.

Ráðist á lögreglustöð í Pakistan

Undanfarið hefur fjöldi fólks farist í mannskæðum sprengjuárásum ódæðismanna í Pakistan. Nú síðast í dag var lögreglustöð í höfuðborginni, Islamabad, skotmarkið. Einn lögreglumaður lést í árásinni og þá eru að minnsta kosti þrír særðir eftir árásina.

Innrásarinnar í Normandí minnst

Leiðtogar Frakklands, Bandaríkjanna og Bretlands voru viðstaddir minningarathöfn í Frakklandi í morgun, þegar þess var minnst að 65 ár eru liðin frá innrásinni í Normandí.

Rannsókn flugslyssins á byrjunarreit

Franskir og brasilískir leitaflokkar hafa ekki enn fundið brak sem talið er vera úr Air France farþegaþotunni sem fórst aðfaranótt mánudagsins síðasta. Einn íslenskur ríkisborgari var um borð.

Tugir barna létust í eldsvoða

Að minnsta kosti 29 börn létust þegar eldur braust út á dagheimili í norðvesturhluta Mexíkó í gær. Tugir barna slösuðust í eldinum.

Uppstokkun í Bretlandi

Breski forsætisráðherrann Gordon Brown ætlar ekki að segja af sér embætti. Sex ráðherrar hafa hætt í ríkisstjórn hans á síðustu dögum. John Hutton varnarmálaráðherra og Geoff Hoon samgönguráðherra sögðu báðir af sér í gær. Afsagnir þeirra í gær komu í kjölfar afsagnar James Purnell atvinnumálaráðherra á fimmtudagskvöld. Áður höfðu Hazel Blears sveitarstjórnarráðherra og Jacqui Smith innanríkisráðherra sagt af sér ráðherradómi. Paul Murphy, ráðherra gagnvart Wales, hefur einnig sagt af sér.

Með töskur úr kókaíni í flug

Ung kona var handtekin í Chile fyrr í vikunni fyrir fíkniefnasmygl. Konan ætlaði að fara um borð í flugvél á leið frá Chile til Spánar með tvær ferðatöskur, sem voru gerðar úr kókaíni.

Fangelsisyfirvöld gerðu mistök

Fangelsismálayfirvöld í Bretlandi hafa viðurkennt að hafa gert mistök sem áttu hlut í því að tveir franskir námsmenn voru myrtir á hrottalegan hátt í London í fyrra. Annar morðingjanna var á skilorði og átti að vera undir miklu eftirliti. Tveir breskir menn voru í gær fundnir sekir um morðin hrottalegu.

Tóku að sér og ala upp unga

Tvær samkynhneigðar mörgæsir hafa komið unga á legg og ala hann nú upp í dýragarðinum í Bremerhaven í Þýskalandi.

Fundu óvænt risastórt eldfjall

Vísindamenn hafa við rannsóknir á eðli flóðbylgja uppgötvað risavaxið neðansjávareldfjall undan vesturströnd Indónesíu. Fjallið er um 4.600 metrar á hæð og fimmtíu kílómetrar að þvermáli. „Þetta var algjörlega óvænt,“ sagði einn vísindamannanna í gær.

Brown mun ekki segja af sér

Gordon Brown, forsætisráðherra Bretlands, segir að ný ríkisstjórn muni einbeita sér að því að þjóna þjóð sinni af heilum hug en fimm ráðherrar hafa sagt af sér á undanförnum fjórum dögum.

Alan Johnson tekur við af Jacqui Smith

Alan Johnson verður nýr innanríkisráðherra í bresku ríkisstjórninni og tekur hann við af Jacqui Smith sem sagði af sér á dögunum. Johnson gegndi áður embætti heilbrigðisráðherra. Þetta kemur fram á heimasíðu BBC en Gordon Brown forsætisráðherra hefur staðið í ströngu síðustu daga og hafa þrír ráðherrar sagt af sér embætti.

Skriftir eru ekki sálfræðimeðferð segir Vatíkanið

Ferð í skriftastólinn með tilheyrandi syndajátningum jafnast ekki á við sálfræðimeðferð. Vatíkanið hefur nú kveðið upp úrskurð um þetta og gerði erkibiskupinn Mauro Piacenza það að umtalsefni sínu í útvarpsviðtali nú í vikunni.

Fílharmoníusveit New York flytur tónlist úr Platoon í Víetnam

Fílharmoníusveit New York-borgar mun halda tónleika í Víetnam í haust og leika þar meðal annars tónverk úr kvikmyndinni Platoon.

Lögregla í Mexíkó fann ellefu lík í bifreið

Lögregla í Mexíkóborg í Mexíkó fann ellefu lík í bifreið nálægt landamærum Mexíkó og Bandaríkjanna í gær. Höfðu hendur og fætur verið höggvin af sumum þeirra.

Obama kominn til Þýskalands

Barack Obama Bandaríkjaforseti er nú kominn til Þýskalands í opinbera heimsókn þar sem hann mun meðal annars eiga viðræður við Angelu Merkel kanslara landsins.

Kallar eftir nýju upphafi

Barack Obama Bandaríkjaforseti kallaði eftir nýju upphafi í samskiptum Bandaríkjanna og múslima í ræðu sinni í Kaíró í Egyptalandi í gær. Hann sagði að binda þyrfti enda á vítahring tortryggni og ósættis. Í sameiningu væri hægt að takast á við hryðjuverkamenn og öfgastefnur um allan heim og vinna að friði í Mið-Austurlöndum.

Þurfa að skila spænskum fjársjóði

Fjársjóðsleitarfyrirtækið Odyssey Marine Exploration, þarf að skila spænskum fjársjóði sem tilheyrir Spáni.

Veitir Gordon Brown náðarhöggið

Atvinnumálaráðherra Breta, James Purnell, sagði af sér ráðherradómi í kvöld og er talinn hafa veitt forsætisráðherra Breta, Gordon Brown, pólitískt náðarhögg með afsögn sinni.

Brasilíski sjóherinn finnur meira brak úr vélinni

Brasilíski sjóherinn er kominn á þær slóðir þar sem talið er að Airbus farþegaþota Air France flugfélagsins hafi hrapað aðfaranótt mánudags. Talið er að flugriti vélarinnar, eða hinn svokallaði svarti kassi, muni aldrei finnast þar sem hann er staðsettur á gríðarlega miklu dýpi.

Cameron vill þingkosningar

Þingmenn Verkamannaflokksins í Bretlandi safna nú undirskriftum til að knýja á um að Gordon Brown, forsætisráðherra Bretlands og leiðtoga flokksins, víki. Talið er að framtíð hans í stjórnmálum geti ráðist af úrslitum Evrópu- og sveitastjórnakosningar sem fara fram í Bretlandi í dag. David Cameron, leiðtogi Íhaldsflokksins, vill að þing verði rofið og boðað verði til kosninga.

Obama vill byrja upp á nýtt

Barack Obama Bandaríkjaforseti vill nýtt upphaf í samskiptum Bandaríkjanna og Múslimaríkja. Múslimatrú sé ekki vandamálið í baráttunni við öfgamenn heldur eitthvað sem nota skuli til að boða frið. Þetta sagði forsetinn í ávarpi í Egyptlandi í morgun.

Api tók rafmagn af 7.000 japönskum heimilum

Apa nokkrum tókst að rjúfa rafstraum til um það bil 7.000 heimila í Aomori-héraðinu í Japan á þriðjudaginn. Apinn komst inn í spennistöð svæðisins og tók að fikta þar í ýmsum rofum þar til hann greip um aðalöryggi stöðvarinnar og fékk heiftarlegt rafstuð.

Hollenskur kokkur vekur viðbjóð í Afganistan

Ástralskir hermenn í Afganistan eru að fá sig fullsadda af hollenskum kokki og matseld hans í Tirin Kot-herstöðinni.

Breti dæmdur til lífstíðar í Laos

Tvítug bresk kona, Samantha Orobator, hefur verið dæmd í lífstíðarfangelsi í Laos fyrir að reyna að smygla rúmum 700 grömmum af heróíni þaðan og til Taílands í ágúst í fyrra.

Obama á ferðalagi um Mið-Austurlönd

Barack Obama Bandaríkjaforseti hóf tveggja daga ferð sína um Mið-Austurlönd með því að heimsækja Abdullah, konung Sádi-Arabíu, í gær. Abdullah og Obama ræddu saman stuttlega fyrir framan blaðamenn en héldu síðan til fundar.