Bresk lestarfargjöld hæst í Evrópu

Lestarfargjöld í Bretlandi eru þau langhæstu í Evrópu og eru sumar ferðir þar allt að fjórum sinnum dýrari en sambærilegar ferðir á meginlandinu. Stéttarfélög og farþegar almennt hafa lýst megnri óánægju sinni með að fargjöld í Bretlandi hafi hækkað langt umfram verðlag í landinu síðan rekstur lestanna var einkavæddur árið 1990 og ekki dregur það úr gremjunni að félögin sem reka lestirnar græða á tá og fingri.

Obama til bjargar heimilum

Heimilum allt að níu milljóna Bandaríkjamanna verður bjargað gangi áætlun Baracks Obama Bandaríkjaforseta eftir en hann hyggst verja 75 milljörðum dollara til aðstoðar fólki sem á yfir höfði sér að missa húsnæði sitt vegna vangoldinna afborgana.

Farþegar skemmtiferðaskips strandaglópar í rúman sólarhring

Yfir hundrað farþegar sem hafa verið fastir um borð í skemmtiferðaskipinu Ocean Nova við suðurskautslandið verða fluttir frá borði nú í kvöld. Skipið sem strandaði í gær hafði viðkomu í Vestmannaeyjum í sumar.

Sendir 17.000 hermenn til Afganistan

Bandaríkjamenn ætla að senda sautján þúsund hermenn til Afganistan til viðbótar þeim þrjátíu þúsund sem fyrir eru í landinu. Bandaríkjaforseti vill herða baráttuna gegn Talíbönum og draga úr umsvifum í Írak.

Obama staðfestir endurreisnaráætlunina

Obama Bandaríkjaforseti staðfesti í gærkvöldi víðtæka endurreisnaráætlun fyrir bandarískt atvinnu- og fjármálalíf. Þrátt fyrir það varð hrun á mörkuðum vestanhafs.

Landamærin að Gaza ekki opnuð að sinni

Ísraelar ætla ekki að opna landamærin að Gaza fyrr en Hamas-samtökin hafi tryggt að ísraelski hermaðurinn Gilad Shalit verði látinn laus úr haldi. Herskáir Palestínumenn tóku Shalit höndum við landamærin að Gaza í júní 2006.

Bandarískur jarðfræðingur segist hafa fundið bin Laden

Málið er leyst, bin Laden er í felum í litlu þorpi í Norðvestur-Pakistan. Það er þó hvorki CIA, FBI né bandaríska þjóðaröryggisstofnunin sem slær þessu fram. Það er Thomas Gillespie, prófessor í jarðfræði við Kaliforníuháskólann í Los Angeles, en hann hefur byggt reiknilíkan sem notað er til að kortleggja ferðir dýrategunda í útrýmingarhættu og beitir því hiklaust á feluhegðun al Qaeda-foringjans illræmda.

Spánarkonungur á bandarískri matarhátíð

Íbúar Flórída eiga kost á konunglegum máltíðum á matvælahátíð í South Beach og fá meira að segja færi á að borða þær með alvöru konungi.

Enn sverfur til stáls í Nørrebro-hverfinu

Tæplega tvítugur innflytjandi varð fyrir skoti í Nørrebro-hverfinu í Kaupmannahöfn í gærkvöldi. Lögregla hefur ekki haft hendur í hári skotmannsins eða -mannanna en vitni segja að minnsta kosti fjórum skotum hafa verið skotið út um glugga bíls sem ekið var fram hjá manninum. Bíllinn fannst síðar um kvöldið í úthverfi þar sem kveikt hafði verið í honum.

Heyrði systur sína myrta gegnum símann

Hugsanlegt er að systir konunnar í Buffalo, sem talið er að hafi verið hálshöggvin af múslimskum eiginmanni sínum, hafi verið að ræða við hana í síma þegar maðurinn réð hana af dögum.

Enn biðja bílaframleiðendur

Bílaframleiðendurnir General Motors og Chrysler hafa farið fram á enn frekari fjárhagsaðstoð frá bandarískum yfirvöldum og óska eftir samanlagt 22 milljörðum dollara til viðbótar við það sem þegar hefur verið látið í té.

Dæmdur morðingi slapp af geðspítala

Dæmdur morðingi gengur laus í London eftir að hafa sloppið af Springfield-geðsjúkrahúsinu en hann var dæmdur til að afplána refsivist sína þar vegna geðveilu. Lögregla lýsir manninum sem mjög hættulegum og er fólk varað við að reyna að nálgast hann en hvatt til að hafa strax samband við lögreglu sjái það til strokufangans.

Grunaðir um að ætla með sprengjur í gosflöskulíki í flug

Átta íslamskir öfgamenn eru fyrir rétti í London, grunaðir um að hafa ætlað að fremja hryðjuverk með því að lauma heimatilbúnum sprengjum í gervi gosdrykkja um borð í farþegaflugvélar sem flygju frá London til Bandaríkjanna og Kanada.

Stofnandi múslimasjónvarps hjó höfuðið af konu sinni

Stofnandi sjónvarpsstöðvar fyrir múslima í New York hefur verið handtekinn fyrir að hálshöggva eiginkonu sína.

Japanskur kokkur sneiðmyndaði ál

Japanskur kokkur sem hefur látið sneiðmynda ál til að kanna beinabyggingu hans boðar nú nýja strauma í matargerð.

Telja lögreglu í Danmörku sýna kynþáttafordóma

Um 16 prósent Dana telja lögregluna þar í landi almennt gera sig seka um að mismuna fólki eftir kynþætti og þriðjungur þeirra sem nýleg Gallup-könnun náði til telja nýleg ummæli lögreglumanns um mótmælanda, sem mótmælti stríðinu á Gaza-svæðinu, hafa verið niðrandi með tilliti til kynþáttar hans en lögreglumaðurinn notaði orðið „perle" sem er eins konar slanguryrði yfir fólk frá Austurlöndum. Málið hefur hlotið töluverða athygli í dönskum fjölmiðlum.

Ráðherra segir af sér vegna ölvunar

Japanski fjármálaráðherrann Shoichi Nakagawa hefur boðað afsögn sína í kjölfar ásakana um að hann hafi verið áberandi ölvaður á blaðamannafundi í kjölfar ráðstefnu sjö stærstu iðnríkja heims um helgina.

Obama skipar fimmtu björgunarnefndina

Barack Obama Bandaríkjaforseti hefur skipað sérstaka nefnd undir forystu Timothys Geithner fjármálaráðherra til að hafa yfirumsjón með enduruppbyggingu ameríska bílaiðnaðarins.

Afrísk flugáhöfn tekin með fíkniefni - aftur

Fimmtán manna áhöfn suðurafríska flugfélagsins South African Airlines var handtekin á Heathrow-flugvellinum í London í gær við komu frá Jóhannesarborg eftir að fimm kílógrömm af meintu kókaíni fundust í fórum áhafnarinnar.

Ótti við hryðjuverk gæti gert Bretland að lögregluríki

Ótti bresku ríkisstjórnarinnar við hryðjuverk er orðinn svo mikill að hann er farinn að hafa áhrif á grundvallarmannréttindi þegnanna.

Kjarnorkukafbátar í árekstri djúpt í Atlantshafi

Tveir kjarnorkukafbátar frá Bretlandi og Frakklandi skemmdust mikið þegar þeir lentu í hörðum árekstri djúpt í Atlantshafinu fyrr í þessum mánuði. Flotastjórnir landanna reyndu að leyna atburðinum

Kjarnorkukafbátar rákust saman

Tveir kjarnorkukafbátar rákust saman á miðju Atlantshafinu fyrr í mánuðinum. Þetta var staðfest í dag af breska varnarmálaráðuneytinu en annar báturinn var breskur en hinn var franskur.

Kynlífsvandamálum íslenskra víkinga gerð ítarleg skil í Danmörku

Ný dönsk þýðing af Íslendingasögunum verður óritskoðuð og allt látið flakka, samkvæmt frásögn danska blaðsins Politiken. Blaðið gerir þessi fornfrægu íslensku rit að umfjöllunarefni á vef sínum í dag.

Grunur um stórkostlegt misferli bandarískra herforingja

Bandarísk yfirvöld hafa sett í gang opinbera rannsókn á því sem gæti orðið umfangsmesta fjársvikamál í sögu landsins þegar upp er staðið en rannsóknin beinist að umsvifum nokkurra háttsettra herforingja Bandaríkjahers í Írak og meðferð þeirra á heljarmiklum fjárupphæðum sem renna áttu til uppbyggingarinnar þar í landi eftir að valdatíð Saddams Husseins lauk.

Fjórða hver lifrarígræðsla vegna ofdrykkju

Ein af hverjum fjórum lifrum, sem græddar eru í fólk í Bretlandi, er til bjargar þeim sem eyðilagt hafa í sér lifrina með drykkju.

Sigur fyrir fólkið og byltinguna segir Chavez

Úrslit þjóðaratkvæðagreiðslu um forsetakjör í Venesúela gera Hugo Chavez, forseta landsins, kleift að bjóða sig fram þriðja kjörtímabilið í röð árið 2012 en kjörtímabil forseta þar í landi er sex ár.

Gripnir í miðju ráni

Þrír piltar á aldrinum 15 - 17 ára hafa verið úrskurðaðir í 26 daga gæsluvarðhald á stofnun fyrir unga afbrotamenn í Danmörku eftir að lögregla handtók þá við rán í verslun í Kaupmannahöfn um helgina.

Þrettán fórust í þyrluslysi í Chile

Þrettán fórust þegar þyrla hrapaði í Maule-héraðinu í Chile í gær en hún var að flytja slökkviliðsmenn að skógareldum sem loga á þessum slóðum. Flestir slökkviliðsmannanna sem fórust voru háskólanemar sem höfðu slökkvistarfið að aukavinnu.

Sprengdu upp hurð á fangelsisgarði

Tveir fangar í Moulins-fangelsinu í Mið-Frakklandi sprengdu upp hurð á fangelsisgarðinum með sprengiefni síðdegis í gær, tóku tvo fangaverði í gíslingu og komust undan á bifreið.

Niðurlægði og misþyrmdi

Bandaríski hermaðurinn Brandon Neely segist hafa verið hræddur í janúar árið 2002, þegar hann tók á móti fyrstu föngunum sem komu til fangabúða Bandaríkjahers við Guantanamoflóa á Kúbu.

Livni útilokar samstarf með Likudflokknum

Tzipi Livni, utanríkisráðherra í fráfarandi ríkisstjórn Ísraels og leiðtogi Kadima-flokksins, sagðist í gær engan áhuga hafa á því að setjast í nýja ríkisstjórn með Benjamin Netanyahu, leiðtoga Likudflokksins. Frekar muni hún taka sér stöðu sem leiðtogi stjórnarandstöðunnar.

Vill stjórna lengur

Íbúar Venesúela greiddu í gær atkvæði um stjórnar­skrárbreytingu, sem myndi gera Hugo Chavez forseta og öðrum kosnum embættismönnum kleift að bjóða sig fram oftar en tvisvar sinnum.

Tuttuga ára fangelsi fyrir að þýða kórarinn

Áfrýjunarréttur í Afganistan staðfesti í dag 20 ára fangelsisdóm yfir tveimur mönnum fyrir að hafa þýtt kóraninn yfir á afgönsku og dreift ókeypis.

Breskir námsenn óttast atvinnuleysi að námi loknu

Breskir námsmenn óttast nú að þeirra bíði einungis atvinnuleysi að námi loknu. Verulega hefur dregið úr atvinnumöguleikum stúdenta að undanförnu.

20 ár frá uppgjöf Sovétmanna í Afganistan

Rússar minntust þess í dag að 20 ár eru liðin frá því sovétmenn drógu her sinn til baka frá Afganistan. Blómsveigar voru lagðir að minnismerki hins óþekkta hermanns í Moskvu og uppgjafarhermenn minntust látinna félaga.

Fórnarlamba skógareldanna minnst

Ástralar minntust í dag þeirra sem létu lífið í skógareldunum í síðustu viku. Minningarathafnir voru haldnar víða en 181 lét lífið í eldunum og vel á annað þúsund heimili eyðilögðust.

Fimmtán létu lífið í bruna í Rússlandi

Fimmtán létu lífið og sjö voru fluttir á sjúkarhús eftir að eldur kom upp í fjölbýlishúsi í suðurhluta Rússlands í nótt. Rúmlega eitt hundrað íbúar voru í húsinu þegar eldurinn kom upp.

Tekur ekki sæti í stjórn undir forystu Netanyahus

Tzipi Livni, utanríkisráðherra Ísraels og leiðtogi Kadimaflokksins, lýsti því yfir á fundi flokksins í dag að verði hún ekki forsætisráðherra í nýrri ríkisstjórn mun flokkurinn taka sér stöðu í stjórnarandstöðu. Hún útilokaði þannig að mynduð verði ríkisstjórn undir forystu Benjamins Netanyahus, leiðtoga Likudbandalagsins, með Kadimaflokkinn innanborðs.

Efnahagslægðin verður hugsanlega dýpri

Óttast er að efnahagslægðin sem nú gengur yfir heiminn verði mun dýpri en áður hefur verið spáð. Verulega hefur dregið úr eftirspurn og neyslu á síðustu mánuðum og allt bendir til þess að framundan sé tímabil verðhjöðnunar verði ekkert að gert.

Áhrif loftslagsbreytinga verri en áður var talið

Loftlagsbreytingar á næstu 100 árum verða meiri og á áhrifin verri en hingað til hefur verið talið að mati vísindamannsins Chris Field, sérfræðings í loftlagsmálum. Þetta kom fram í máli hans á ráðstefnu um loftlagsbreytingar í Bandaríkjunum um helgina.

Reyndu að smygla vörum til Gaza

Breska lögreglan upplýsti í morgun að hún hefði handtekið þrjá menn á föstudaginn grunaða um að tengjast hryðjuverkastarfssemi. Mennirnir reyndu að smygla vörum með bílalest sem var á leið til Gaza strandarinnar á vegum breskra góðgerðarsamtaka.

Samskipti Tyrkja og Ísraela versna

Undanfarnar vikur hafa samskipti Tyrkja og Ísraela verið afar stirð eða allt eftir að Tayyip Erdogan, forsætisráðherra Tyrklands, rauk öskureiður af ársþingi Alþjóðaefnahagsráðsins í Davos í Sviss í lok janúar eftir snörp orðaskipti við Simon Peres, forseta Ísraels. Deiluefnið var árásir Ísraela á Gaza. Erdogan var fagnað sem hetju við heimkomuna til Tyrklands.

Framhjól lét undan í lendingu

Betur fór en á horfðist þegar AVRO-146 flugvél breska flugfélagsins British Airways hlekktist á í lendingu á London City flugvellinum í gær. Framhjól flugvélarinnar lét undan í lendingu með þeim afleiðingum að vélin skall á flugbrautina.

Fengu að snúa til baka eftir skógareldanna

Íbúar bæjarins Marysville í Ástralíu fengu í dag að snúa aftur eftir eina verstu skógarelda á svæðinu í manna minnum. Bærinn varð illa úti í eldunum og er nánast í rúst.

Vongóður um áhrif björgunarpakkans

Barack Obama, Bandaríkjaforseti, er vongóður um að björgunarpakki upp á tæpa 790 milljarða dollara, sem Bandaríkjaþing samþykkti í gær, muni blása nýju lífi í bandarískan efnhag.