Segir Hamas ýkja tölu fallinna

Ísraelsmenn hafa stillt upp fjölmennum skriðdrekasveitum skammt frá landamærunum að Gaza og stjórnvöld í Ísrael hafa sagtst reiðubúin að kalla út þusundir manna varalið hermanna komi til landhernaðar á Gaza. Utanríkisráðherra Ísraela segir að Hamas-samtökin ýki tölu fallinna.

Árásum Ísraela víða mótmælt

Mikil reiðialda fer um hinn arabíska heim vegna fordæmalausra loftárása Ísraelshers á Gaza í gær og í dag. Árásunum hefur meðal annars verið mótmælt í Líbanon, Egyptalandi og á Vesturbakkanum í Palestínu í dag.

Tsvangirai fær nýtt vegabréf

Leiðtogi stjórnarandstöðunnar í Simbabve, Morgan Tsvangirai, fær útgefið nýtt vegabréf en hann hafði ekki fengið vegabréf sitt endurnýjað í hálft ár. Sú tregða yfirvalda er meðal þeirra atriða sem stefnt hafa stjórnarmyndunarviðræðum í landinu í hættu.

Obama án rafmagns

Barack Obama verðandi forseti Bandaríkjanna og fjölskylda hans voru án rafmagns í tólf klukkustundir í sumarhúsi sínu á eynni Oahu í Hawai eyjaklasanum í gær, eftir að eldingu laust niður í spennistöð.

Castro sparar

Raul Castro, forseti Kúbu, greindi þingi landsins frá aðgerðum stjórnvalda á Kúbu í gær, til að mæta kostnaðinum við skemmdir sem urðu í þremur fellibyljum sem dundu á landinu á árinu og vegna samdráttar í efnahagslífinu.

Tímabundin herkvaðning í Ísrael

Ríkisstjórn Ísraels samþykkti á fundi sínum í morgun tímabundna herkvaðningu þúsunda varahermanna vegna árásanna á Gaza-ströndinni. Ehud Olmert, forsætisráðherra Ísraels, segir að aðgerðir Ísraela geti tekið einhverja daga. Markmiðið sé að eyðileggja grunstoðir Hamas-samtakanna.

María fæddi Jesú á aðfangadag

Kona að nafni María May í Perú, eða Virgen Maria eins og hún heitir á sínu tungumáli, eignaðst son á í Líma, höfuðborg Perú, á aðfangadag sem nefndur var Jesú. Og svo ólíklega vill til að eiginmaður hennar er smiður að atvinnu, rétt eins og Jósef, jarðneskur faðir Jesú Krists. Hann heitir þó ekki Jósef heldur Huarcaya Palomino og er tuttugu og fjögurra ára gamall.

Árásir Ísraela halda áfram - 270 látnir

Ísraelsher hélt áfram að varpa sprengjum á Gaza í morgun og nú hafa um 270 manns fallið og yfir sex hundruð særst frá því árásirnar hófust í gærdag.

22 látnir í Pakistan eftir bílsprengingu

Talið er að allt að tuttugu og tveir hafi látið lífið þegar sprengja sprakk við kjörstað í norðvestur Pakistan í morgun, en þar fara nú fram aukakosningar um sæti á héraðsþingi.

Mannfall í Kabúl

Þrjár systur, þrettán, fimmtán og sextán ára féllu þegar eldflaug lenti á heimili þeirra í Kabúl, höfuðborg Afganistans, í morgun. Tuttugu manna fjölskylda bjó í húsinu, en talið er að sprengjunni hafi verið ætlað að lenda á lögreglustöð skammt frá húsinu.

Árásum Ísraela mótmælt í Líbanon og Egyptalandi

Gífurleg reiðialda fer um hinn arabíska heim vegna fordæmalausra loftárása Ísraelshers á Gaza í dag. Árásunum var meðal annars mótmælt í Líbanon og Egyptalandi. Arababandalagið krafðist þess í dag að öryggisráð Sameinuðu þjóðanna yrði nú þegar kallað saman til að taka á málinu.

Fegurðardrottning svipt titlinum vegna fíkniefnamáls

Laura Zuniga, 23 ára fegurðardrottning frá Mexíkó, var í dag svipt titli sínum sem fegursta kona rómönsku Ameríku í kjölfar þess að hún var handtekin grunuð um fíkniefnasmygl.

Úkraínumenn og Rússar deila enn um verð á gasi

Rússar vöruðu við því í dag að deila þeirra við Úkraínumenn um verð á gasi, gæti truflað gasflutninga Rússa til viðskiptavina þeirra í vestur Evrópu.

Telur að umheimurinn hafi skilning á aðgerðum Ísraela

Tzipi Livni, utanríkisráðherra Ísraels, telur að Telur að umheimurinn hafi skilning á aðgerðum Ísraela á Gazasvæðinu. Tala fallinna í loftárásum Ísraelshers á Gaza í dag fer stighækkandi og nú er talið að um tvö hundruð manns hafi fallið og á fjórða hundrað manns hafi særst.

Ekkill Bhutto hélt ekki ræðu á minningarsamkomu

Asif Ali Zardari, forseti Pakistans og ekkill Benazir Bhutto, sagðist vera mótfallinn hefnd í ræðu sem hann hélt í tilefni þess að ár er liðið frá því að Bhutto var myrt.

Egyptar fordæma loftárásir Ísraela - 155 látnir

Stjórnvöld í Kaíró fordæma loftárásir Ísraela í harðorði yfirlýsingu sem ríkisfréttastöðin Mena birti fyrir stundu. Egyptar telja að Ísraelar beri fulla ábyrgð á dauða yfir 155 Palestínumanna á Gaza-svæðinu í morgun.

Mannskæð sprengjuárás í Bagdad

Að minnsta kosti 22 létust og 54 særðust í morgun þegar sprengja sem komið hafði verið fyrir í bifreið sprakk á strætisvagnastöð í Bagdad, höfuðborg Íraks. Árásin var gerð í norðvesturhlusta borgarinnar en þar eru shía-múslimar fjölmennir.

Á rangri plánetu

Fylkisstjóri Illinois, Rod Blagojevich, sem grunaður er um að hafa ætlað að selja öldungardeildarsæti Barack Obama, segir að ef hann hafi gert eitthvað rangt, sé hann á rangri plánetu.

Þúsundir minnast Benazir Bhutto

Meira en 150.000 Pakistanar eru saman komnir í borginni Garhi Khuda Bakhsh við grafhýsi Benazir Bhutto, fyrrum forsætisráðherra Pakistans, sem var myrt fyrir ári síðan í borginni. Lögreglan hefur gert umtalsverðar öryggisráðstafanir við grafhýsið til að koma í veg fyrir óeirðir.

120 látnir eftir loftárásir Ísraela

Rúmlega 120 Palestínumenn eru látnir og yfir 200 særðir eftir að Ísraelar hófu röð loftárása á Gaza-ströndina í morgun. Tugum flugskeyta hefur verið skotið á skotmörk á svæðinu, þar á meðal lögreglustöð. Gaza-svæðið hefur verið á yfirráðasvæði Hamas-samtakanna frá í júní 2007.

Saknað eftir hákarlaárás í Ástralíu

Óttast er að karlmaður á sextugsaldri hafi orðið fyrir hákarlaárás við vesturströnd Ástralíu í morgun. Maðurinn var í sjónum með 24 ára gömlum syni sínum þegar hann hvarf skyndilega og sjórinn varð rauður á litinn. Skömmu áður hafði sést til hákarls á sveimi í kringum fiskibáta.

Sprengja sprakk á flugvelli í Nepal

Einn særðist þegar öflug sprengja sprakk nærri Tribhuvan alþjóðaflugvellinum í Kathamandu í Nepal í gær. Mikil umferð vestrænna ferðamanna hefur verið um flugvöllinn yfir hátíðarnar og þykir mikil mildir að enginn hafi látist.

Íhaldssamir fá frekar framgang

Hófsamir tyrkneskir múslimar eru nú undir auknum þrýstingi til að ganga með höfuðklúta, ganga til bæna á föstudögum og fasta í Ramadan-mánuði ef þeir vilja framgang í starfi innan stjórnsýslunnar.

Nytsömustu síðurnar á Netinu

Breska dagblaðið Telegraph hefur, líkt og Vísir, birt lista yfir mest lesnu fréttirnar á vefútgáfu blaðsins, www.telegraph.co.uk. Þar eru fréttir af Barack Obama og bandarísku kosningunum fyrirferðarmiklar auk kreppufrétta og frétta frá Ólympíuleikunum í Peking sem haldnir voru í sumar. Mest lesna fréttin er hinsvegar "gagnleg", en þar er um að ræða lista yfir 101 nytsamar síður á Internetinu.

Morðóði jólasveinninn myrti níu

Níunda fórnarlamb Bruce Pardo, sem hóf skothríð í jólaboði íklæddur jólasveinabúningi á aðfangadag er fundið. Líkið fannst í dag í rústum hússins sem Pardo kveikti í eftir að hafa skotið á veislugestina.

Jarðskjálftar í Kína

Þúsundum manna hefur verið gert að yfirgefa heimili sín í suðvestur Kína í kjölfar þess að þrír jarðskjálftar riðu yfir svæðið í dag. Stærsti skjálftinn var 4,9 á Richter kvarðanum og slösuðust að minnsta kosti nítján. Ekki er vitað til þess að nokkur hafi látið lífið í skjálftunum. Kínverjar eru enn að takast á við hamfarirnar sem riðu yfir þann tólfta maí í ár þegar jarðskjálfti í Sichuan héraði varð áttatíu þúsund manns að bana.

Barack Obama er dáðasti maður Bandaríkjanna

Barack Obama, verðandi forseti Bandaríkjanna, er dáðasti maður landsins ef marka má könnun á vegum dagblaðsins USA Today og Gallup. Könnunin er árlegur viðburður og er ávallt sagt frá niðurstöðum hennar á öðrum degi jóla. Könnunin nær til allra ríkja Bandaríkjanna og er spurt hvaða karlmann og hvaða konu menn dáist mest að. Obama sigraði karlahópinn með miklum yfirburðum, en 32 prósent þeirra sem svöruðu nefndu hann.

Indverjum ráðið frá að ferðast til Pakistans

Yfirvöld á Indlandi ráða Indverjum frá því að ferðast til nágrannaríksins Pakistans. Spenna hefur magnast milli kjarnorkuveldanna frá morðárásinni í Múmbaí á Indlandi í síðasta mánuði.

Forseti Gíneu borinn til grafar

Lansana Conté, fyrrverandi forseti Vestur-Afríkuríkisins Gíneu, var borinn til grafar með viðhöfn í höfuðborginni Conakry í dag. Conté, sem var forseti Gíneu í nær aldarfjórðung lést á mánudaginn eftir langvinn veikindi. Herforingjar hrifsuðu þegar til sín völd í landinu.

Palestínskar stúlkur féllu í flugskeytaárás

Tvær palestínskar stúlkur týndu lífi þegar flugskeyti herskárra Palestínumanna skall fyrir mistök á húsi þeirra á Gaza-svæðinu í dag. Stúlkurnar voru 5 og 13 ára. Flugskeytin áttu að springa handan landamæranna í Ísrael.

Ísraelar opna landamærin að Gaza

Ísraelar opnuðu í morgun landamærin að Gaza þannig að hægt væri að flytja hjálpargögn þangað. Landamærin hafa verið lokuð um nokkurt skeið.

Þjóðarsorg í Úkraínu

Björgunarmenn í Jev-pa-tóríu í suðurhluta Úkraínu leita enn eftirlifenda í rústum fjölbýlishúss sem sprakk aðfaranótt jóladags. Tuttugu manns er enn saknað en vitað er að tuttugu og tveir týndu lífi.

Kínversk herskip verjast sómölskum sjóræningjum

Þrjú kínversk herskip sigldu af stað frá Kína til Sómalíu í morgun. Verkefni hermanna um borð er að halda til undan strönd Afríkuríkisins og verja kínversk skip sem fara þar hjá gegn árásum sjóræningja.

Maður í jólasveinabúning drap átta í skothríð

Að minnsta kosti átta eru látnir eftir að maður klæddur í jólasveinabúning hóf skotrhríð í jólaboði á aðfangadagskvöld í Suður Karólínu.

Eartha Kitt er látin

Söng- og leikkonan Eartha Kitt er látin 81 árs að aldri. Hún lést úr ristilkrabbameini á sjúkrahúsi í New York.

Hjálpargögn til Gaza þrátt fyrir bann Ísraela

Hjálparsamtökin Rauði hálfmáninn hafa sent hjálpargögn af stað til Gaza-strandarinnar þrátt fyrir að Ísraelar hafi bannað nánast alla flutninga á hjálpargögnum á svæðið. Hjálparfarmur skips á vegum samtakanna inniheldur meðal annars lyf og mat fyrir nauðstadda á svæðinu.

Árásarmaðurinn í Stokkhólmi er ófundinn

Þrír særðust mikið þegar karlmaður hóf skothríð í spilavíti í Svíþjóð í gær. Árásarmaðurinn er enn ófundinn. Árásin átti sér stað við Cosmopol spilavítið í miðborg Stokkhólms í gær. Mikil hræðsla greip um sig meðal gesta spilavítisins.

Þjóðarsorg í Úkraínu - Rússar bjóða fram aðstoð

Að minnsta kosti 20 létu lífið þegar fjölbýlishús á í suðurhluta Úkraínu sprakk í loft upp í gær. Talið er að 24 séu enn grafnir í rústunum. Lýst hefur verið yfir þjóðarsorg í landinu og þá hafa Rússar boðið fram aðstoð sína.

Abbas í Hebron í fyrsta sinn sem forseti

Mahmoud Abbas forseti Palestínumanna fór í sína fyrstu opinberu heimsókn frá því að hann tók við embætti árið 2005 til Hebron sem er stærsta borgin á Vesturbakkanum.

Elísabet drottning dauf í jóladagsávarpi

Áhyggjur af efnahagsástandinu og ofbeldi í heiminum hafa dregið úr jólagleðinni, að mati Elísabetar Englandsdrottningar. Samkvæmt Reuters-fréttastöðinni var heldur dauflegur tónn í ávarpi hennar í þetta sinn.

Ísraelar aðvara Hamas-samtökin

Ehud Olmert forsætisráðherra Ísraels segist ekki hika við að beita hernum gegn liðsmönnum Hamas-samtakanna og öðrum herskáum samtökum Palestínumanna á Gaza-svæðinu. Tzipi Livni utanríkisráðherra segir að ísraelsk stjórnvöld geti ekki umborið árásir samtakanna sem beinast gegn ísraelskum þegnum.

Nóbelsverðlaunahafinn Harold Pinter látinn

Breska leikskáldið og nóbelsverðlaunarhafinn Harold Pinter er látinn 78 ára að aldri. Pinter lést í gær á aðfangadagskvöld eftir að hafa barist við krabbamein undanfarin ár. Hans hefur verið minnst víða í Bretlandi í dag.

Þúsundir fögnuðu fæðingu Krists í Bethlehem

Þúsundir manna fögnuðu fæðingu Krists í Bethlehem í gær. Hátíðarhöld fóru fram í skugga eldflaugaárása Hamas samtakanna á Ísrael.

Ellefu létust í sprengingu í Úkraníu

Að minnsta kosti ellefu létu lífið þegar fjölbýlishús í suðurhluta Úkraínu sprakk í loft upp í gær. Talið er að 24 séu enn grafnir í rústunum.

Mexíkönsk fegurðardrotting gripin í för með glæpagengi

Mexíkanska fegurðardrottningin Laura Zuniga var handtekin í upphafi vikunnarí för með sjö meðlimum glæpagengis og bílum fullum af vopnum og skotfærum.