Rólegra á skjálftasvæðinu - óvissustig enn í gildi

Nokkuð rólegra var á skjálftasvæðinu út af Norðurlandi í gærkvöldi og í nótt. Síðasti skjálfti sem náði þremur stigum var rétt fyrir klukkan átta í gærkvöldi en fyrir utan hann hefur enginn skjálfti mælst stærri en þrjú stig síðan á fimmtudagsmorgun. Skjálftarnir eiga flestir upptök sín vestan megin á skjálftasvæðinu nær Siglufirði þar sem stóri skjálftinn varð fyrir tæpri viku síðan. Vísindamenn veðurstofunnar fylgjast náið með þróuninni í samstarfi við Almannavarnir og er óvissustig enn í gildi.

Páll horfinn af sjónvarpsskjánum í bili

„Ég tók mér bara ótímabundið leyfi frá þessu eins og ég hef oft gert áður,“ segir Páll Magnússon útvarpsstjóri, sem nú í október hefur ekki lesið fréttir í Sjónvarpinu eins og hann er vanur.

Ættleiðingum fækkar á Norðurlöndunum

Rúmlega fjögur hundruð færri börn voru ættleidd til Norðurlandanna í fyrra en árið þar áður, sem er 26 prósenta fækkun. Ættleiðingum fækkar til allra ríkjanna nema Íslands.

520 milljóna svik til sérstaks saksóknara

Skattrannsóknarstjóri hefur vísað tólf málum til ákærumeðferðar hjá sérstökum saksóknara sem varða svokallaða framvirka samninga og hagnað af þeim. Þetta segir Bryndís Kristjánsdóttir skattrannsóknarstjóri.

Nelson Mandela á Vitatorgi eða Mýrargötu

„Ein hugmyndin er að þetta verði á Vitatorgi eða ef til vill á Mýrargötureitnum þar sem gert er ráð fyrir nokkrum litlum torgum,“ segir Einar Örn Benediktsson, borgarfulltrúi Besta flokksins, um hugsanlega staðsetningu torgs sem Arkitektur- og designhøgskolen í Ósló hefur óskað eftir að fá að byggja í Reykjavík.

Rammaáætlun brátt úr nefnd

Þingsályktunartillaga um rammaáætlun verður líklega afgreidd úr umhverfis- og samgöngunefnd Alþingis í næstu viku og tekin til síðari umræðu í þinginu vikuna þar á eftir.

Of Monsters and Men hitti James Bond

Íslenska hljómsveitin Of Monsters and Men kom í kvöld fram í Graham Norton show ásamt aðalleikurunum úr nýju James Bond myndinni, Skyfall. Skyfall var frumsýnd í Bretlandi í vikunni og frumsýningin hérna á Íslandi var í kvöld.

Ferðamennirnir á Mosfellsheiði fengu sálrænan stuðning

Fimm sjálfboðaliðar Rauða krossins voru fengnir til að veita erlendum ferðamönnum sálrænan stuðning eftir að rúta fór út af veginum á Mosfellsheiði í kvöld

Unglingahópurinn á Bláfjallasvæðinu fundinn

Björgunarsveitir fundu nú fyrir stundu hóp 28 unglinga sem villtust á Bláfjallasvæðinu. Höfðu þeir gengið frá Neyðarskýli við Selvogsgötu og hugðust labba gegnum Grindarskörð að Ármannsskála.

Hátt í 30 ungmenni villt á Bláfjallasvæðinu

Búið er að kalla út björgunarsveitir á höfuðborgarsvæðinu vegna hóps ungmenna sem er í villum á Bláfjallasvæðinu. Hópurinn, sem telur 28 manns sem allir eru heilir á húfi, er í símasambandi. Svo virðist sem veður á svæðinu hafi breyst snögglega og var þá ákveðið að óska eftir hjálp.

Varað við lúmskri ísingu

Ábendingar frá veðurfræðingi fyrir kvöldið og nóttina Vaxandi úrkoma um vestan- og norðvestanvert landið í kvöld og hægt hlýnandi veður.

Íslensk ungmenni hafa jákvæðari hugmyndir um líkama sinn

Íslensk ungmenni hafa mun jákvæðari hugmyndir um líkama sinn en önnur ungmenni á Norðurlöndunum. Hugmyndir þeirra um sjálfan sig hafa batnað á síðustu sex árum eftir því sem fram kemur í nýrri rannsókn.

Rúta með tæplega 30 farþegum út af veginum á Mosfellsheiði

Björgunarsveitir af Kjalarnesi og úr Mosfellsbæ eru nú á leið á Mosfellsheiði þar sem rúta fór útaf veginum þannig að lá við veltu samkvæmt upplýsingum frá Landsbjörg.

Stjórnendur telja svarta vinnu vaxandi vandamál

Langflestir þeirra stjórnenda sem þátt tóku í könnun Samtaka atvinnulífsins telja að svört vinna sé vaxandi vandamál hér á landi. Framkvæmdastjóri samtakanna kallar eftir skjótvirkari úrræðum til að bregðast við þegar upp kemst um svik.

Óvíst með áhrif gengisdómsins á bílalán

Óvíst er hvaða áhrif dómar Hæstaréttar um vexti af gengistryggðum lánum hafa á skammtímalán, eins og bílalán. Sérfræðingur FME telur að fleiri dóma þurfi til að skera úr um fyrirkomulag endurútreikninga þar sem mörgum álitaefnum sé enn ósvarað.

Hornsteinn lagður að Búðarhálsvirkjun

Hornsteinn var lagður að Búðarhálsvirkjun við hátíðlega athöfn í stöðvarhúsinu í dag. Hörður Arnarson, forstjóri Landsvirkjunar setti athöfnina.

Lentu í Bergen og vissu ekki hvers vegna

Farþegaflugvél sem var á leið frá Berlín til Íslands lenti óvænt á miðri leið í Bergen í Noregi í dag. Vélin var full af fólki sem vissi hvorki ástæður lendingarinnar né hvenær þau færu aftur í loftið og kæmust til Íslands.

Ágúst Ólafur ráðinn ráðgjafi Jóhönnu

Ágúst Ólafur Ágústsson, fyrrverandi varaformaður Samfylkingarinnar, hefur verið ráðinn sem efnahags- og atvinnuráðgjafi forsætisráðherra. Ágúst Ólafur sem er lögfræðingur- og hagfræðingur að mennt hefur störf hinn 1. nóvember næstkomandi. Ágúst Ólafur tekur við starfinu af Sigurði Snævarr, hagfræðingi, en tveggja ára tímabundinn ráðningarsamningur hans við ráðuneytið rann út 1. október síðastliðinn og hefur Sigurður ákveðið að snúa sér að öðrum verkefnum. Ágúst Ólafur er ráðinn á grundvelli nýlegra laga um Stjórnarráð Íslands, þar sem fjallað er um aðstoðarmenn ráðherra.

Hjólreiðamenn mega ekki tala í farsíma

Samkvæmt frumvarpi til nýrra umferðarlaga verður hjólreiðamönnum óheimilt að hjóla og tala á farsíma á sama tíma. Frumvarpið er nú til meðferðar á Alþingi.

Sofnaði á leið yfir götu

Lögreglan kom í vikunni að hreyfingarlausum manni sem stóð úti á miðri götu í miðborginni og studdi sig við reiðhjól. Maðurinn skapaði talsverða hættu í umferðinni og var því beðinn að færa sig. Maðurinn tók engum fyrirmælum en stóð kyrr í sömu sporum svo lögregluþjónar héldu einna helst hann væri heyrnarlaus. En þegar lögreglan kom fast upp að manninum kom á daginn að hann var steinsofandi úti á miðri götunni.

Þota með yfir 300 farþega nauðlenti í Keflavík

Airbus 332 farþegaflugvél með 338 farþega misstii afl á öðrum hreyfli og óskaði eftir lendingu á Keflavíkurflugvelli. Ætlaður komutími klukkan hálfþrjú en tilkynningin barst skömmu fyrir eitt. Var flugvélin staðsett rétt fyrir utan íslenska flugstjórnarsvæðið, á leið frá Bandaríkjunum til Bretlands. Farið var af stað með viðbúnað Landhelgisgæslunnar varðandi leit og björgun loftfara og flugturninn í Keflavík virkjaði viðbúnað á flugvellinum í samræmi við viðbragðsáætlun þeirra. Lenti flugvélin heilu og höldnu klukkan 14:38.

Fékk 50% álag á launin

Ríkissaksóknari og vararíkissaksóknari fengu greidd hálf laun til viðbótar við launin sem þeir þáðu fyrir landsdómsmálaferlin meðan þau stóðu yfir. Það er í samræmi við framkvæmdina þegar embættismenn gegna tveimur embættum tímabundið.

Ætla að leigja þyrlu þó hagkvæmara sé að kaupa

Það er ekki hægt að kaupa nýja þyrlu fyrir Landhelgisgæsluna, þó það yrði að öllum líkindum hagstæðara til langs tíma en að leigja hana. Þetta kemur fram í minnisblaði sem Ögmundur Jónasson innanríkisráðherra kynnti fyrir ríkisstjórn í morgun.

Sautján ár liðin frá snjóflóðinu á Flateyri

Í dag eru 17 ár síðan snjóflóðið á Flateyri féll yfir bæinn. Snjóflóðið skall á íbúðarhúsum bæjarins þegar 45 manns voru þar inni. Ríflega helmingur þeirra lifði af en 20 manns létu lífið. Húsin sem lentu undir flóðinu höfðu áður verið talin utan hættusvæðis, en mikið fárviðri var á Vestfjörðum þennan dag.

Á markað með tannheilsumola

Nýtt íslenskt sprotafyrirtæki hefur sett á markað tannheilsumola sem á einna helst eftir að nýtast þeim sem glíma við munnþurrk. Varan þykir einstök og þegar hefur verið sótt um einkaleyfi á henni.

Búast við allt að 3000 manns á rjúpu

Talið er að allt að þrjú þúsund manns gangi til rjúpna um helgina, en rjúpnaveiði hófst í morgun. Aðeins má veiða rjúpu í samtals níu daga í haust.

Ekkert úrræði fyrir heimilislausar konur

Ekkert sérstakt úrræði er til í borginni fyrir heimilislausar konur sem glíma við bæði vímuefnafíkn og geðrænan vanda. Varaborgarfulltrúi segir að rekja megi dauðsföll til úrræðaleysisins.

Fagnar ákvörðun Íslandsbanka

Helgi Hjörvar, formaður efnahags- og viðskiptanefndar Alþingis, fagnar þeim skrefum sem Íslandsbanki tók í morgun við að hefja endurútreikning lána. Nefndin fundaði í morgun með Fjármálaeftirlitinu um gengistryggð lán og heldur áfram að funda eftir hádegi.

Yfir 100 fórnarlömb mansals hér á landi

Framkvæmdastýra Mannréttindaskrifstofu Íslands, Margrét Steinarsdóttir, hefur hitt meira en hundrað fórnarlömb mansals á Íslandi á undanförnum árum. Átta manns hafa leitað sér aðstoðar til hennar það sem af er ári.

Ganga í hús og hvetja fólk til að búa sig undir jarðskjálfta

"Óvissuástand þýðir að allir þeir sem eiga eitthvað hlutverk í viðbragðskerfi Almannavarna fara yfir sínar áætlanir og búnað,“ segir Sigurður Brynjúlfsson, yfirlögregluþjónn á Húsavík. Óvissuástandi var lýst yfir af Almannavörnum á miðvikudag vegna jarðskjálftanna undanfarna viku.

Lækkanir eiga að ganga til baka

Skerðingar á greiðslum til elli- og örorkulífeyrisþega ganga ekki til baka nema í tengslum við heildarendurskoðun á almannatryggingakerfinu. Þetta kom fram í svari Guðbjarts Hannessonar velferðarráðherra í óundirbúnum fyrirspurnum á alþingi í gær.

Þrír handteknir vegna innbrots í sumarbústað

Þrír menn voru handteknir í Selvogi, vestan Þorlákshafnar, snemma í morgun grunaðir um innbrot í sumarbústað á svæðinu.

Ofurölvi ökumaður lenti ofan í húsgrunni

Lögreglan á Selfossi fékk tilkynningu undir morgun um að bíll væri ofan í húsgrunni í suðurbænum og að maður væri þar um borð.

Óvissustig enn í gildi fyrir norðan vegna jarðskjálfta

Óvissustig Almannavarna er enn í gildi vegna jarðskjálftanna út af Norðurlandi, en heldur rólegra var á svæðinu í nótt en undanfarnar nætur.

Átakalínurnar skýrar sem aldrei fyrr

Eins og við var að búast voru áhrif veiðigjalda á íslensk sjávarútvegsfyrirtæki í forgrunni aðalfundar Landssambands íslenskra útvegsmanna í gær. Átakalínurnar voru skýrar í ræðum atvinnuvegaráðherra og formanns samtakanna. Eins kom fram á fundinum að blikur væru á lofti varðandi markaðsmál íslensks sjávarútvegs.

Snjóframleiðsla hafin í Hlíðarfjalli

Snjóframleiðsla hófst í Hlíðarfjalli fyrir ofan Akureyri í gærkvöldi og er stefnt að því að opna skíðasvæðið þar snemma í desember.

Óttast um skólabörn vegna bensínstöðvar

Áhyggjur eru meðal íbúa í Grafarholti vegna staðsetningar bensínstöðvar ÓB við hlið Ingunnarskóla.

Bótatímabil sé lengt og lausn fundin

„Þetta er að verða algjör þvæla,“ segir Rannveig Ásgeirsdóttir, formaður bæjarráðs Kópavogs, um stöðuna á málefnum þeirra sem glíma við langtímaatvinnuleysi.

Telur ekkert banna einkarekstur

Sveitarfélög sem oft standa frammi fyrir miklum vanda þegar kemur að því að tryggja skólahald verða að geta leitað allra leiða til að svo megi verða. Þetta kom fram í máli Þorgerðar Katrínar Gunnarsdóttur, þingmanns Sjálfstæðisflokks, á Alþingi í gær. Í óundirbúnum fyrirspurnartíma kallaði hún eftir úrskurði innanríkisráðherra vegna skólahalds í Tálknafirði þar sem sveitarstjórnin fól í haust Hjallastefnunni rekstur grunnskólans.

Vilja breyta fánalögum til þess að auglýsa íslenskar vörur

Siv Friðleifsdóttir, ásamt nokkrum öðrum þingmönnum, vill breyta fánalögum þannig að fyrirtæki geti meðal annars notað hann við markaðssetningu á vörum.

Ætlaði að ræna, nauðga og grilla manneskju lifandi

Tuttugu og átta ára gamall lögreglumaður í New York hefur verið handtekinn og ákærður fyrir að hafa ætlað að ræna konu, nauðga henni, pynta og að lokum éta hana.

Segist líða eins og hann sé í ruslflokki

Tveggja barna faðir með ódæmigerða einhverfu hefur áhyggjur af stöðu sinni eftir að dómari úrskurðaði einhverfa móður forsjárlausa. Hann segir að sér finnist hann hafa verið settur í ruslflokk.

Óvissustig gæti varað næstu daga

Stöðug skjálftavirkni hefur verið úti fyrir Norðurlandi í nótt og í dag og virðist ekkert benda til að draga sé úr henni. Óvissustig sem lýst var yfir á svæðinu gæti varað næstu daga.

Dæmd fyrir að ræna rosknar konur - sagði þær auðveldan pening

Hæstiréttur Íslands hefur staðfest átján mánaða dóm yfir tæplega tvítugri stúlku fjölmörg afbrot, meðal annars rán. Glæpirnir voru allir framdi á síðasta ári, en tvö ránsbrot voru framin í október árið 2011. Í öllum tilvikum beitti stúlkan umtalsverðu afli til að ná töskum af rosknum konum, sem hún veittist að, en þær brugðust við á þann hátt að halda fast í töskurnar.

Dómur yfir barnaníðingi mildaður

Hæstiréttur Íslands mildaði í dag dóm yfir karlmanni sem var dæmdur í Héraðsdómi Reykjavíkur fyrir að misnota stúlku kynferðislega yfir 7 ára tímabil. Misnotkunin hófst árið 2001 þegar stúlkan var ellefu ára gömul. Maðurinn var dæmdur í sex ára fangelsi í Héraðsdómi Reykjavíkur en hæstiréttur mildaði dóminn um eitt ár.