Óvissustig enn í gildi fyrir norðan vegna jarðskjálfta

Óvissustig Almannavarna er enn í gildi vegna jarðskjálftanna út af Norðurlandi, en heldur rólegra var á svæðinu í nótt en undanfarnar nætur.

Enginn skjálfti náði þremur stigum í nótt en nokkrir mældust í kringum tvö stig. Komið hefur í ljós að stór klettur hefur klofnað úr frá neðsta bergstálinu í svonefndri Uppgönguvík í Drangey í Skagafirði, að sögn Feykis, og þá hefur hrunið úr Þórðarhöfða á Höfðaströnd.

Vegagerðin fylgist grannt með jarðsigi á Siglufjarðarvegi með ströndinni, en þar er einnig hætta á grjóthruni.

Búið er að dreifa upplýsingaefni um viðbrögð við stjórum skjálfta inn á öll heimili í Þingeyjarsýslum og á heimasíðu Fjallabyggðar eru komnar upplýsingar um alla tengiliði, ef til tíðinda dregur.