Of Monsters and Men hitti James Bond

Íslenska hljómsveitin Of Monsters and Men kom í kvöld fram í Graham Norton show ásamt aðalleikurunum úr nýju James Bond myndinni, Skyfall. Skyfall var frumsýnd í Bretlandi í vikunni og frumsýningin hérna á Íslandi var í kvöld.

Daniel Craig leikur Bond eins og í síðustu myndum og Judi Dench leikur M. Það voru þau sem komu fram í þættinum í kvöld með okkar fólki í Of Monsters and Men.

The Graham Norton Show er vinsæll spjallþáttur, sem hinn írski Graham Norton stýrir. Þátturinn er sýndur á BBC One í Bretlandi.

Sé smellt á hnappinn "Horfa á myndskeið með frétt" má sjá frammistöðu okkar fólks.