Dæmigerða maríubjallan gerir sig heimakomna

Það er eitt og annað sem hlýnandi veðrátta hérlendis hefur í för með sér og nú bendir ýmislegt til þess að sjödeplan svonefnda, sem flestir þekkja sem klassísku maríubjölluna, sé að festa sig í sessi á landinu. Hingað til hefur hún reglulega borist til landsins með erlendum varningi en aldrei náð fótfestu.

Enn leitað að Rebekku

Lögregla leitar enn að Rebekku Rut Baldvinsdóttur. Rebekka Rut er 15 ára stúlka, ca. 156 sm.á hæð með sítt skollitað hár og grannvaxin. Rebekka var klædd í dökkbláa úlpu, hvítar náttbuxur með bleikum teinum og í svarta uppháa skó með hvítum botni síðast þegar til hennar spurðist.

Íhuga gæsluvarðhaldskröfu á hendur brunamanni

Lögreglan á Selfossi íhugar að krefjast enn á ný gæsluvarðhaldsúrskurðar yfir manni, sem ítrekað hefur borið eld að húsum í bænum að undanförnu, eftir að hann reyndi enn einu sinni að kveikja í húsi í gærkvöldi.

Lottóvinningshafinn ekki stigið fram

Íslendingurinn stálheppni sem vann rúmar hundrað og þrjár milljónir króna í Víkingalottói í gær hefur ekki gefið sig fram en vinningsmiðann keypti hann hjá N1 í Stórahjalla í Kópavogi.

Saksóknari Alþingis kostaði 66,8 milljónir

Heildarkostnaður við embætti saksóknara Alþingis vegna landsdómsmálaferlanna gegn Geir H. Haarde var 66,8 milljónir króna. Í fjárlögum var gert ráð fyrir 36,4 milljóna króna fjárheimildum og því var keyrt fram úr áætlunum um 30,4 milljónir króna.

Vilja gamla trillu á leikskólann

Landssamband smábátaeigenda fékk skemmtilega fyrirspurn á dögunum þegar starfsfólk á leikskólanum á Sæborg í Reykjavík óskaði eftir lítilli, gamalli trillu til að setja á leikskólalóðina.

Hætta við að hljóðrita ríkisstjórnarfundi

Ríkisstjórnarfundir verða ekki hljóðritaðir, en kröfur um ritun funda verða skýrari, samkvæmt nýju frumvarpi sem meirihluti stjórnskipunar og eftirlitsnefndar hefur lagt fram. Valgerður Bjarnadóttir, formaður nefndarinnar, mælti fyrir frumvarpinu í dag.

Tónleikar Rusty Anderson í Austurbæ hefjast klukkan 21 en ekki 22

Tónleikar Rusty Anderson, aðalgítarleikara Bítilsins Sir Paul McCartney, í Austurbæ í kvöld hefjast klukkan 21 en ekki klukkan 22 eins og kom fram í viðburðaupptalningu í Fréttablaðinu í dag. Upplýsingarnar sem þar komu fram áttu við tónleika gítarleikarans á Græna hattinum á Akureyri á föstudagskvöldið. Miðaverð á tónleikana í Austurbæ er 3.900 krónur.

Hafragrautsmaður veldur lögreglunni hugarangri

Ökumaður sem ók á gatnamótum Miklubrautar og Kringlumýrarbrautar í morgun sá hvar í bílnum við hliðina var karl um þrítugt og í aftursæti bifreiðarinnar var barn. Maðurinn var að borða graut undir stýri að sögn þess sem tilkynnti málið til lögreglu, en fullyrt var að um hafragraut hafi verið að ræða.

Trúir ekki að ríkisstjórnin ætli að svíkja loforðin

Skólameistari Fjölbrautaskóla Suðurnesja trúir ekki að ríkisstjórnin ætli að svíkja loforð sem gefin voru fyrir um tveimur árum um að tryggja rekstur menntastofnana á Suðurnesjum.

Borgin þurfi flugvöll til að sinna skyldum sínum

Greiðar flugsamgöngur landsbyggðarinnar til Reykjavíkur eru forsenda þess að borgin geti gegnt hlutverki sínu sem höfuðborg landsins alls. Þetta segir í bókun sem bæjarstjórn Akureyrar samþykkti á fundi sínum í gær þar sem rædd var nýútkomin skýrsla KPMG um áhrif þess að færa flugvöllinn úr Vatnsmýri.

Ný lestrarstefna í grunnskólum borgarinnar

Skóla- og frístundaráð samþykkti í gær nýja lestrarstefnu fyrir grunnskóla Reykjavíkur. Með henni á að auka vægi lestrar og ritunar á öllum skólastigum.

Erfðabreytt matvæli geta verið heilsuspillandi

Ný frönsk vísindarannsókn bendir til þess að langtíma neysla erfðabreyttra afurða kunni að hafa neikvæð áhrif á heilsufar.

Yfir 10 þúsund krefjast Betra lífs

Nú hafa rúmlega 10 þúsund skrifað undir í kröfuna um Betra líf fyrir þolendur áfengis- og vímuefnavandans. SÁÁ kynnti átakið fyrir tæpum tveimur vikum. Þeir sem skrifa undir skora á stjórnvöld að verja 10 prósent af áfengisgjaldinu til að byggja upp endurhæfingu fyrir mikið veika áfengissjúklinga, aðstoð við fólk eftir meðferð til að komast til virkni í samfélaginu og úrræði fyrir börn sem alast upp við álag vegna mikillar ofneyslu á heimilum sínum.

Níu af tíu réðu fólk í fyrra

Samdráttartímanum í íslensku atvinnulífi er líklegast lokið þó að ekki sé útlit fyrir mikinn vöxt á næstunni. Níu af hverjum tíu fyrirtækjum og stofnunum réðu til sín fólk á síðasta ári. Þetta er meðal niðurstaðna rannsóknar Arneyjar Einarsdóttur og Katrínar Ólafsdóttur, lektora við viðskiptadeild Háskólans í Reykjavík, sem verða kynntar í dag.

Minnkandi minkaveiðar

Alls veiddust 339 refir og 133 minkar í sveitarfélaginu Skagafirði á þessu ári. "Minkaveiðin hefur farið minnkandi undanfarin ár en refaveiðin er heldur að aukast,“ segir um veiðarnar í fundargerð landbúnaðarnefndar Skagafjarðar. "Nefndarmenn eru sammála um að refur er að fjölga sér og ný greni eru að finnast nær byggð en áður hefur verið,“ segir landbúnaðarnefndin sem skorar á ríkið að auka aftur fjármagn til veiðanna. "Undanfarin ár hefur verið stöðugt minna fjármagn frá ríkinu í þessa veiði og alls ekkert til refaveiðinnar.“ - gar

Vilhjálmur vill eitt af efstu sætunum í Kraganum

Vilhjálmur Bjarnason, lektor og framkvæmdastjóri Samtaka fjárfesta býður sig fram í prófkjöri Sjálfstæðisflokksins í Suðvesturkjördæmi. Vilhjálmur býður sig fram í eitthvert efstu sætanna, frá 1 – 6.

Tvö innbrot í borginni í nótt

Tilkynnt var um tvö innbrot á höfuðborgarsvæðinu í gærkvöldi og í nótt. Annarsvegar í hús við Furugerði og hinsvegar í verslun Max við Kauptún. Ekki er ljóst hverju, eða hvort einhverju var stolið, en þeir sem þarna voru að verki eru ófundnir.

Fjórir ökumenn teknir á of miklum hraða í flughálku

Fjórir ökumenn voru stöðvaðir á Hellisheiði í gærkvöldi eftir að hafa mælst á of miklum hraða.

Útigangsmaður aftur staðinn að íkveikju á Selfossi

Lögreglan á Selfossi handtók seint í gærkvöldi karlmann, sem ítrekað hefur orðið uppvís að því bera eld að húsum og hlutum í bænum að undanförnu.

Formaður ræðir ekki þotuveiki flugþjóna

„Þetta málefni er ekki til umræðu af hálfu stéttarfélagsins í fjölmiðlum,“ segir Sigrún Jónsdóttir, formaður Flugfreyjufélags Íslands, aðspurð um veikindi flugþjóna í millilandaflugi.

Helgi neitar að afla gagna um Guðlaug Þór

Helgi Magnús Gunnarsson vararíkissaksóknari hafnaði í gær beiðni verjanda Gunnars Þ. Andersen um að afla fyrir hann gagna um viðskipti þingmannsins Guðlaugs Þórs Þórðarsonar.

Einhliða upptaka ekki talinn valkostur

Ekki er hægt að gera ráð fyrir upptöku annarrar myntar á næstu árum og því er mikilvægt að tryggja trausta peningastefnu á grundvelli krónunnar. Þetta er sameiginlegt mat samráðshóps allra þingflokka um mótun gengis- og peningamálastefnu sem kemur fram í nýbirtu bréfi til Steingríms J. Sigfússonar, atvinnuvega- og nýsköpunarráðherra.

Búa sig undir ólíkar niðurstöður í Icesave

Össur Skarphéðinsson utanríkisráðherra segir að dómur í Icesave-málinu gæti fallið fyrir jól, hugsanlega í byrjun desember. Hann fundaði með Tim Ward, aðalmálflutningsmanni Íslands, í gær. Össur segir að í undirbúningi séu viðbrögð við mismunandi útkomum dómsins og brugðið geti til beggja átta.

Velferðarreiknir hjálpar við að eyða fátæktargildrum

Í nýrri skýrslu er lagt til að í forsætisráðuneytinu verði stofnað embætti um málefni fátækra. Heilbrigðisþjónusta barna verði gjaldfrjáls og fátæktargildrum útrýmt. Forsætisráðherra fagnar

Árni Páll nýtur mests stuðnings

Flestir vilja sjá Árna Pál Árnason leiða Samfylkinguna þegar Jóhanna Sigurðardóttir lætur af formennsku í vor. Þetta er niðurstaða nýrrar könnunar Viðskiptablaðsins á trausti til þeirra sem til greina koma í embættið.

Best að búa hjá báðum foreldrum

Unglingum sem búa hjá báðum foreldrum líður almennt betur en þeim sem búa aðeins hjá öðru þeirra. Þetta sýnir ný rannsókn Benedikts Jóhannssonar, sérfræðings í klínískri sálfræði hjá Reykjavíkurborg.

Norðmenn horfa til Íslands í haustfríinu

Reykjavík er vinsælasti áfangastaður Norðmanna í árvissum haustfríum samkvæmt uppflettingum á Dohop.no. Evrópulönd eru vinsælust, þótt sól og hiti heilli líka. „Aufúsugestir og sækja mikið hingað,“ segir framkvæmdastjóri SAF.

Stærri og færri ráðuneyti

Umfangsmiklar breytingar hafa orðið á íslensku stjórnkerfi í kjölfar hrunsins. Ríkisstjórnin setti sér þá stefnu í stjórnarsáttmála að fækka ráðuneytum og stækka þau og sérstök úttekt var gerð á fyrirkomulaginu. Aukið vald forsætisráðherra er gagnrýnt.

Tengsl milli næturvinnu og krabbameins

Karlmenn sem stunda mikla næturvinnu eru mun líklegri til að fá krabbamein en aðrir, ef marka má rannsóknarniðurstöður franskra vísindamanna.

Vilja efla ferðaþjónustu utan háannatíma

Nokkrir þingmenn hafa lagt fram tillögu til þingsályktunar um nýsköpunarátak til að efla heilsársferðaþjónustu úti í landi. Er þetta í þriðja sinn sem tillagan er lögð fram.

Sala Gagnaveitunnar ill nauðsyn

"Það kæmi mér ekki á óvart ef það yrði mikill áhugi frá fjárfestum á Gagnaveitu Reykjavíkur." Þetta segir Dagur B. Eggertsson, formaður borgarráðs. Borgarstjórn Reykjavíkur hefur nú gefið Orkuveitu Reykjavíkur umboð til að hefja undirbúning á sölu á 49 prósent hlut í Gagnaveitunni.

Ótækt að þingmenn fái ekki aðgang að skýrslu um Búsáhaldabyltinguna

"Það gengur ekki að þingið - sem fjallar um öll möguleg mál okkar landsmanna, þar á meðal trúnaðarmál - fái ekki aðgang að þessari skýrslu."

Lítið gert til að hjálpa börnum áfengissjúklinga

Of lítið er gert til að hjálpa börnum áfengissjúklinga en þau líða meira fyrir drykkjuna en foreldrarnir sjálfir. Þetta segir fjórtán ára stúlka sem hefur búið við alkóhólisma nær allt sitt líf.

Lítill munur á holdafari kvenna eftir búsetu

Lítill sem enginn munur er á holdafari yngri kvenna á landsbyggðinni og á höfuðborgarsvæðinu. Konurnar á höfuðborgarsvæðinu virðast hafa bætt á sig samkvæmt nýrri rannsókn.

Íslendingur vann 103 milljónir

Stálheppinn Íslendingur vann rúmlega 103 milljónir króna í Víkingalottóinu í kvöld. Er þetta í 21. skipti sem fyrsti vinningur í Víkingalottóinu rennur í skaut Íslendings. Vinningurinn í dag er sá næsthæsti til þessa.

Íslendingur vann 103 milljónir í Víkingalottó

Það var stálheppinn Íslendingur sem var einn af þremur vinningshöfum dagsins í Víkingalottói og vann sér inn rúmlega 103 milljónir króna. Þetta er í 21. skipti sem fyrsti vinningur í Víkingalottóinu kemur til Íslands og sá næsthæsti til þessa.

Breytinga þörf á húsnæðislánakerfinu

Forseti ASÍ segir að finna þurfi lausn á húsnæðislánakerfi landsins svo að meðalfjölskylda hafi ráð á að búa í meðalíbúð. Hann vill að ríkisstjórnin taki höndum saman með verkalýðshreyfingunni við að breyta kerfinu og lækka vexti.

Borgin samþykkir sölu á 49% hlut í Gagnaveitu Reykjavíkur

Borgarstjórn Reykjavíkur hefur gefið stjórn Orkuveitu Reykjavíkur umboð til að hefja undirbúning á sölu á allt að 49 prósent hlut í Gagnaveitu Reykjavíkur.

Norðurljósaferðir trekkja að - vetrargestir á Akureyrir margfaldast

Vetrargestir á Akureyrir verða að öllum líkindum ríflega fimmfalt fleiri í vetur en þeir voru á síðasta ári. "Í dag er staðan sú að liðlega fjögurþúsund útlendingar hafa ákveðið að heimsækja Norðurland í vetur, meirihlutinn til að skoða norðurljósin," segir Ásbjörn Björgvinsson, framkvæmdastjóri Markaðsstofu Norðurlands, og talar um byltingu því í fyrra voru ferðamennirnir samtals um sjö hundruð.

Reglugerð um lækkun sérstaks veiðigjalds

Gefin hefur verið út reglugerð um tímabundna lækkun sérstaks veiðigjalds. Í reglugerðinni eru útfærð skilyrði sem aðilar þurfa að uppfylla svo þeir hafi rétt til að greiða lægra veiðigjald á þessu fiskveiðiári vegna vaxtakostnaðar við kaup á aflahlutdeildum til ársloka 2011.

Fifty Shades of Grey hittir ekki í mark í Frakklandi

Heitasta bók ársins heldur nú innreið sína inn í landið þar sem sadómasókismi var svo gott sem fundinn upp. Bókin virðist hins vegar ekki beinlínis hitta í mark hjá Frökkum þrátt fyrir eitt stærsta prentupplag ársins þar í landi.

Eignuðust barn í bíl

„Rembingurinn kom bara í bílnum og svo fann ég þegar belgurinn sprakk og vatnið fór,“ segir Bergný Ösp Sigurðardóttir sem eignaðist barn í bíl í miðju Oddsskarði í sumar. Barnsfaðir hennar, Guðni Tómasson, þurfti að taka á móti barninu en starfsmaður Neyðarlínunnar leiðbeindi honum í gegnum síma. Barnið kom í heiminn um 10 mínútum eftir að þau hringdu í 112.

Europol varar við netþrjótum

Europol varar við svikastarfsemi þar sem óværan "Police Ransomware Malware" er notuð og fyrirtækismerki Europol er meðal annars notað í þeim tilgangi að gera svikastarfsemina trúverðugri. Embætti Ríkislögreglustjóra varar við þessum svikum á vefsíðu sinni í dag.

Einn stærsti listaverkaþjófnaður síðari tíma

Málverkum eftir Picasso, Matisse, Gauguin, Monet o. fl. var stolið í gær af safni í Rotterdam í Hollandi. Þjófnaðurinn þykir einn sá tilkomumesti í langan tíma.