Atvinnuleysið á Íslandi lægra en í flestum evruríkjum

Skráð atvinnuleysi í maí var 5,6% og lækkar um 0,9 prósentustig á milli mánaða, samkvæmt nýjum tölum Vinnumálastofnunar. Spá stofnunarinnar fyrir júní er að atvinnuleysi fari undir 5% og verði á bilinu 4,6-5%. Atvinnuleysi á Íslandi er orðið með því lægsta í Evrópu, en meðalatvinnuleysi í evruríkjunum er um 11%. Atvinnuleysi í Bandaríkjunum er um 8%. Runólfur Ágústsson, stjórnarformaður Vinnumálastofnunar, segir að stærstan þátt í þessari lækkun eigi verkefnið vinnandi vegur, sameiginlegt átaksverkefni stjórnvalda og aðila vinnumarkaðarins um sköpun starfa. Einnig spili árstíðabundin sveifla þarna inn.

Efling: Klárt brot á finnsku stelpunni eins og hún lýsir því

"Eins og þessu er lýst þá er þetta klárt brot,“ segir Harpa Ólafsdóttir, forstöðumaður kjaramálasviðs Eflingar um málefni finnsku stúlkunnar Maiju. Hún réði sig á bóndabæ í gegnum Nordjobb sem herbergisþerna í ferðaþjónustuhlutann á bænum. Samkvæmt samningi átti hún að vinna á átta tíma vöktum og eiga tvo frídaga í viku.

Minnast 22. júlí í Vatnsmýrinni

Grunnur verður lagður að minningarlundi um fjöldamorðin í Ósló og Útey við Norræna húsið á morgun. Í kjölfar gróðursetningar trjáa í lundinum verður haldið í Norræna húsið þar sem norsku feðginin Siri og Erik Sönstelie kynna bók sína „Ég er á lífi, pabbi", sem fjallar um voðaverkin. Þau ræða síðan við Boga Ágústsson, formann Norræna félagsins í Reykjavík.

Hófu sumarvinnu í sól og blíðu

Um eitt þúsund ungmenni úr 9. og 10. bekkjum grunnskóla hófu sumarvinnu sína hjá Vinnuskólanum í gær og má með sanni segja að veðrið hafi leikið við þau.

Gera ekki athugasemdir þótt grísir séu geltir án deyfingar

Embættismenn landbúnaðar- og sjávarútvegsráðuenytis virðast leggja blessun sína yfir að gelda megi grísi án deyfingar, drekkja megi dýrum eða kæfa þau með útblæstri véla og hleypa kúm aldrei út úr fjósum.

Frumvarpi um breytingar á stjórn fiskveiða líklega frestað fram á haust

Forystumenn ríkisstjórnarinnar ætla að gera úrslitatilraun í dag til að ná samkomulagi við formenn stjórnarandstöðuflokkanna um framhald þingstarfa. Allt bendir til þess að frumvarpi um breytingar á stjórn fiskveiða verði frestað fram á haust.

Fóru í átta sjúkraflug - flugu alls í níu klukkustundir

Frá aðfaranótt sunnudags til aðfaranótt þriðjudags bárust Mýflugi átta sjúkraflugsbeiðnir, þar af bárust fjórar í gær, og höfðu því flugmenn Mýflugs ásamt sjúkraflutningamanni Slökkviliðs Akureyrar í nógu að snúast. Fyrst var heimferð með sjúkling frá Reykjavík til Akureyrar, áður en haldið var til Vestmannaeyja og flogið með sjúkling þaðan sem þurfti að komast undir læknishendur í Reykjavík.

Um 400 manns bíða afplánunar í fangelsi

Um 400 manns bíða nú afplánunar í fangelsi. Fjöldinn hefur aldrei verið meiri en nú, en í desember 2010 var hann 350. Fyrir sex til sjö árum voru á bilinu 50-60 manns að bíða eftir afplánun, segir Páll Winkel fangelsismálastjóri. „Þetta er bara staðreynd og þess vegna erum við alveg gríðarlega ánægðir með það að það eigi að byggja þetta nýja fangelsi og fjölga plássum," segir Páll í samtali við Vísi.

Maija segir engan misskilning í samskiptunum við bóndann

Finnska stúlkan Maija segir að enginn misskilningur hafi verið í gangi í samskiptum sínum við bóndann sem hún hætti að starfa fyrir eftir vikudvöl sem herbergisþerna í ferðaþjónustu hans. Þar að auki hafi allt traust hennar til bóndans verið horfið þegar hún fór af staðnum.

Barnaníðingurinn hefur ekki komið inn á fósturheimilið í tvö ár

"Við höfum kallað eftir upplýsingum frá fósturheimilinu og barnaverndarnefndum sem eiga hlut að máli, en eftir því sem við best vitum hefur maðurinn ekki komið þangað eftir sumarið 2010,“ segir Heiða Björg Pálmadóttir, lögfræðingur Barnaverndarstofu, um stöðu fósturheimilisins sem dæmdur barnaníðingur heimsótti í fyrrasumar.

Vaðlaheiðargöng fyrsta mál til umræðu

Stjórnarfrumvarp fjármálaráðherra um Vaðlaheiðargöng er fyrsta þingmál sem búið er að setja á dagskrá Alþingis í dag. Athygli var vakin á því í frétt á Vísi í gær að tilboð lægstbjóðanda í verkið, frá ÍAV og Marti, rennur út á fimmtudag.

Samskiptaleysi olli því að finnska stúlkan flúði vinnuna

Mál Maiju, finnsku stúlkunnar sem fór ósátt frá starfi á bóndabæ á Íslandi, skýrist fyrst og fremst af samskiptaleysi, segir Stefán Vilbergsson, verkefnastjóri Nordjobb á Íslandi. Vísir sagði frá málinu í morgun. "Mér finnst óeðlilegt að það hafi ekki verð haft samband við okkur við vinnslu fréttarinnar vegna þess að þetta horfir ekki við okkur

Samtök vistheimilabarna fordæma heimsóknir barnaníðings á fósturheimili

"Okkur er mjög brugðið að sjá þetta,“ segir Víglundur Þór Víglundsson, formaður samtaka vistheimilabarna, en sjálfur varð hann fyrir grimmu ofbeldi á Breiðavík þegar hann dvaldi þar sem barn. Samtök vistheimilabarna sendu frá sér ályktun seint í gærkvöldi þar sem þau fordæmdu ákvörðun fósturheimilis úti á landi sem leyfið barnaníðingi að umgangast börn sem þar voru í fóstri.

Finnsk stúlka hafnaði þrælahaldi á íslenskum bóndabæ

Finnsk stúlka sem réði sig á bóndabæ þar sem ferðaþjónusta er í boði hér sunnanlands segir farir sínar ekki sléttar í samskiptum við bóndann.

Veiðileyfagjöld ekki á dagskrá Alþingis í dag

Frumvarp um veiðileyfagjöld er ekki á dagskrá Alþingis, annan daginn í röð, eftir að henni var frestað á laugardag.

Vélarbilun í 12 tonna hraðfiskibát

Vélarbilun varð í gærkvöldi í 12 tonna yfirbyggðum hraðfiskibáti með þriggja manna áhöfn, þegar hann var staddur undan strönd Öræfasveitarinnar.

Sigu með lamb úr Kaplagjótu

Tveir ungir björgunarsveitarmenn í Vestmannaeyjum komu lambi til bjargar síðdegis í gær. Lambið var í sjálfheldu í Kaplagjótu í Herjólfsdal.

Myndir af forseta teknar niður

Utanríkisráðuneytið hefur sent sendiráðum Íslands erlendis ábendingu um að þess sé gætt að myndir af Ólafi Ragnari Grímssyni, forseta Íslands, hangi ekki uppi á kjörstað í sendiráðum og á ræðismannsskrifstofum.

Misskilningur olli leyfisleysi auglýsinga

Vegagerðin hefur fjarlægt um 100 skilti sem komið var fyrir við fjölfarnar götur í Reykjavík og við þjóðvegi út úr borginni. Skiltin voru hluti af auglýsingaherferð Zo-On Iceland en ekki var sótt um leyfi fyrir þeim.

Töluverð skjálftavirkni á þekktum skjálftasvæðum

Töluverð skjálftavirkni varð víða á þekktum skjálftasvæðum undir morgun, en skjálftarnir voru ekki snarpir.

Alda hnakkastulda ríður yfir Suðurland

Innbrotafaraldur í hesthús hefur gengið yfir Suðurland að undanförnu og hafa að minnsta kosti fimm slík verið tilkynnt til lögreglu síðustu mánuði. Síðast á sunnudagskvöld var brotist inn í hesthús í Norðurtröð á Selfossi og þaðan stolið tveimur hnökkum og fleiri verðmætum.

Ódýrara verður að nota farsíma

Síminn og Vodafone munu lækka reikiverð innan Evrópu um næstu mánaðamót.

Kanna viðhorf til mismunandi kosningakerfa

Hugur íslenskra netnotenda til forsetaframbjóðenda er kannaður á nýrri kosningasíðu. Stjórnmálafræðingarnir Gunnar Helgi Kristinsson og Indriði H. Indriðason standa fyrir vefsíðunni.

Ari Trausti segist vilja vera ópólitískur forseti

Ari Trausti Guðmundsson forsetaframbjóðandi heimsótti nýverið Marel og kynnti helstu stefnumál sín. Ari Trausti er töluvert heimavanur í fyrirtækinu, vann í vetur myndskeið um það í tengslum við þáttaröðina Nýsköpun í iðnaði.

Dýpkunarskip fór síðast í apríl

Siglingastofnun býst við að Landeyjahöfn verði opin í allt sumar og að ekki þurfi að dýpka hana að ráði. Höfnin hefur verið opin síðan í apríl og þá fór dýpkunarskip þar síðast um.

Vinni reglubundið samræmda húsnæðisáætlun

Velferðarráðuneytið ætti að gera samræmda húsnæðisáætlun fyrir Ísland á fjögurra ára fresti hið minnsta. Í slíkri áætlun þyrfti að meta framboð íbúðarhúsnæðis samkvæmt skipulagsáætlunum sveitarfélaga. Þá þurfi áætlanir fyrir einstaka landshluta að vera í samræmi við líklega fólksfjöldaþróun, áætlaða atvinnuuppbyggingu og fleira sem líklegt er til að hafa áhrif á húsnæðisuppbyggingu.

Dregið úr dýravernd í frumvarpi

Dýralæknafélag Íslands mótmælir harðlega þeim breytingum sem gerðar voru í meðförum sjávarútvegs- og landbúnaðarráðuneytisins á tillögum nefndar til lagafrumvarps um dýravelferð.

Leitast við að draga úr áhættu

lÁhersla er lögð á mataræði og næringarefni sem stuðla að því að draga úr áhættu á næringartengdum sjúkdómum í nýjum tillögum að Norrænu næringarráðleggingunum 2012 (NNR).

Vélarvana bátur nærri Kvískerjum í öræfum

Björgunarfélag Hornafjarðar var kallað út klukkan hálf níu í kvöld þegar tilkynning barst um vélarvana bát, um 40-50 sjómílur út af Kvískerjum í Öræfum. Um er að ræða yfirbyggðan plastbát og eru þrír menn í áhöfn. Björgunarskipið Ingibjörg er á leið á staðinn en þangað er um þriggja tíma sigling.

Göngin pikkföst í þinginu en tilboðið að renna út

Tilboð í gerð Vaðlaheiðarganga, sem lagt var fram fyrir átta mánuðum, rennur út á fimmtudag, og hefur Vegagerðin nú í annað sinn neyðst til að fara þess á leit við lægstbjóðendur að þeir framlengi tilboð sitt. Tilboðin voru opnuð í október í haust og áttu ÍAV og Marti lægsta boð, upp á 8,9 milljarða króna og vonaðist fulltrúi verktakanna til að geta hafið framkvæmdir fljótlega eftir áramót.

Táknrænn og lifandi staður

Skagafjörður skein við sólu þegar Gunnþóra Gunnarsdóttir og Gunnar V. Andrésson ljósmyndari brunuðu heim að Hólum til fundar við nýjan háskólarektor, Erlu Björk Örnólfsdóttur, fyrstu konuna í embætti stjórnanda Hólaskóla í 130 ára sögu hans.

Sálfræðingur skoðar Alþingi: Reiðin og heiftin stýrir meiru en áður

"Eitt af því sem við horfum upp á eftir hrun á Alþingi, er að átökin virðast persónulegri en áður,“ Sagði Einar Gylfi Jónsson sálfræðingur í samtali við Reykjavík síðdegis í dag en þar var hann beðinn um að skoða Alþingi út frá vísindum sálfræðinnar. Hann segir það tilfinningu flestra að átökin séu ekki eins og þau voru á Alþingi áður, þar sem tekist var harkalega á í ræðustól eða í Kastljósi, en svo virtust átökin ekki ná lengra á milli þingmanna.

Verð sífellt meiri sósíalisti

Jón Gnarr hefur setið lengst allra sem borgarstjóri síðan Ingibjörg Sólrún Gísladóttir hætti og telur sig ekki hafa smitast af veikinni sem hann ætlaði að lækna. Hann gagnrýnir nágrannasveitarfélögin fyrir að víkja sér undan ábyrgð.

Norski hreimurinn háir Hannesi: „Þetta fer af mér, ég lofa því“

"Það er alveg rétt, það er fullt af fólk sem hefur verið að benda mér á að það sé ótækt að hafa forseta sem talar ekki hreint,“ sagði Hannes Bjarnason, forsetaframbjóðandi í viðtali í Reykjavík síðdegis í dag þar sem hlustendum gafst tækifæri til þess að spyrja hann spjörunum úr. Hannes hefur verið búsettur í Noregi síðastliðin þrettán ár eins og vitað er, og líkt og flestir heyra, hefur norskan tekið yfir íslenska hreiminn.

Gefur egg í Indlandi fyrir þúsund dollara

Íslensk kona sem nú er stödd á Indlandi til að selja úr sér egg segir vel hugsað um staðgöngumæður í landinu. Hún fær eitt þúsund dollara borgaða fyrir að taka þátt í þessu ferli.

Björn Valur: Planið að eyðileggja sem mest

Þingflokksformaður Vinstri grænna segir að ekki komi til greina að draga veiðigjaldafrumvarpið til baka til þess að flýta fyrir þingstörfum. Hann gagnrýnir stjórnarandstöðuna fyrir ólýðræðisleg vinnubrögð.

Hreyfing á Helguvík - álverinu tryggð rafskaut

Hreyfing er á viðræðum um álverið í Helguvík og gæti fengist úr því skorið fyrir lok mánaðarins hvort framkvæmdir fari á fullt upp úr áramótum. Eigandi Norðuráls, Century, tilkynnti í dag um kaup á rafskautaverksmiðju í Hollandi sem annar bæði Grundartanga og nýju álveri í Helguvík.

Vilja heimild til þess að fylgjast með búsetu kynferðisafbrotamanna

Barnaverndarstofa vill fá heimild til að fylgjast með búsetu hættulegra kynferðisafbrotamanna eftir að afplánun lýkur. Stofnunin geti þá sett sig í samband við skólayfirvöld ef lögheimili þeirra er nálægt skólalóð.

Haraldur Briem fær Norrænu lýðheilsuverðlaunin í ár

Norrænu lýðheilsuverðlaunin árið 2012 hlotnast að þessu sinni dr. Haraldi Briem, sóttvarnalækni og sérfræðingi í smitsjúkdómum hjá Embætti landlæknis, fyrir mikilvægar rannsóknir á útbreiðslu smitsjúkdóma og fyrir baráttu gegn ónæmi fyrir sýklalyfjum. Haraldi voru veitt verðlaunin á árlegum fundi norrænna heilbrigðisráðherra sem nú stendur yfir í Bergen í Noregi.

Samningaviðræður: Vilja möguleika á að neita erlendum meiðyrðadómum

Samningsafstaða Íslands varðandi fjármálaþjónustu annars vegar og dóms- og innanríkismál hins vegar í samningaviðræðum Íslands og ESB hefur verið birt á heimasíðunni viðræður.is samkvæmt tilkynningu frá utanríkisráðuneytinu.

Brot Vítisenglanna varða allt að sextán ára fangelsi

Brotin sem Einar Ingi Marteinsson og aðrir aðilar tengdum Vítisenglum eru grunaðir um að hafa framið gegn konu í desember síðastliðnum eru talin varða allt að sextán ára fangelsi. Þeir eru grunaðir um að hafa ráðist inn á heimili konu og beitt hana alvarlegu ofbeldi svo hún hlaut áverka af. Þetta kemur fram í gæsluvarðhaldsúrskurðum Hæstaréttar frá því á föstudag sem voru birtir á vef Hæstaréttar í dag.

Ökklabrotni ferðamaðurinn lentur

Þyrla Landhelgisgæslunnar lenti nú á fjórða tímanum við Landspítalann í Fossvogi með erlendan ferðamann sem slasaðist á gönguleiðinni að Glymi í Hvalfirði fyrr í dag.

Íslenskur geðlæknir bar vitni í Breivik-málinu

Íslenskur geðlæknir hafði yfirumsjón með því að meta Anders Behring Breivik. Læknirinn, sem heitir María Sigurjónsdóttir, bar vitni fyrir réttinum í morgun. Þar sagði hún, samkvæmt frásögn norska blaðsins VG, að teymi geðheilbrigðisstarfsfólks sem sá um að vakta Breivik allan sólarhringinn í þrjár vikur í febrúar síðastliðnum hafi fundist sem Breivik væri að reyna að sannfæra þau um hugmyndafræði sína.

Tilboð í Vaðlaheiðargöng að renna út - í annað sinn

Framlengt tilboð í gerð Vaðlaheiðarganga rennur út eftir fjóra daga, þann 15. júní. Vegagerðin hefur farið þess á leit við lægstbjóðendur, ÍAV og Marti, að þeir framlengi tilboðið. Átta mánuðir eru nú liðnir frá því tilboðin voru opnuð en ÍAV og Marti buðust til að vinna verkið fyrir 8.853 milljónir króna.

Þrjúhundruð unglingar í Háskólann

Ríflega þrjú hundruð krakkar á aldrinum 12-16 ára settust í morgun á skólabekk í Háskóla unga fólksins sem starfræktur verður í Háskóla Íslands í þessari viku. Þar munu nemendur sækja fjölbreytt námskeið sem spanna hinar ólíku greinar sem kenndar eru við Háskóla Íslands.