Vilja gjörbreyta samfélaginu

Húmanistaflokkurinn kynnti stefnumál sín á blaðamannafundi í gær, en flokkurinn hyggst bjóða fram í öllum kjördæmum landsins til næstu Alþingiskosninga. Eitt helsta stefnumál flokksins eru lýðræðisumbætur. Þá vilja Húmanistar að fjármálakerfið verði undir stjórn ríkisins ásamt því að ríkið ákvarði magn peninga í umferð.

Hæstu styrkirnir til rjúpnarannsókna

Umhverfisráðuneytið hefur úthlutað 28,4 milljónum króna úr Veiðikortasjóði í styrki til ýmissa rannsóknarverkefna. Hæsti einstaki styrkurinn fer til rannsókna á rjúpum. Í kjölfar auglýsingar um umsóknir um styrki úr Veiðikortasjóði til rannsókna á stofnum villtra fugla og villtra spendýra bárust umhverfisráðuneytinu tólf umsóknir frá 15 aðilum að upphæð ríflega 50 milljónir króna.

Tíu manns fyrir dóm í dag vegna ofbeldis

Ákæra á hendur Annþóri Kristjáni Karlssyni, Berki Birgissyni og átta öðrum mönnum fyrir þrjár hrottafengnar líkamsárásir verður þingfest í Héraðsdómi Reykjaness í dag. Ákæran er afrakstur lögreglurannsóknar sem komst í fréttir þegar ráðist var í viðamikla rassíu víða á höfuðborgarsvæðinu um miðjan mars. Árásirnar þrjár voru mjög alvarlegar, eins og lesa má um hér fyrir neðan. Annþór er ákærður fyrir að standa að þremur þeirra og Börkur að tveimur.

Tvöfölduð framleiðsla rúmast innan ramma

Hörður Arnarson, forstjóri Landsvirkjunar, segir að hægt sé að tvöfalda raforkuframleiðslu fyrirtækisins án þess að ganga gegn stefnu stjórnvalda um vernd og nýtingu náttúrusvæða. Rammaáætlun þar um, auk orkustefnu stjórnvalda, gangi ekki gegn slíkri aukningu. „Það felst ekki endanleg ákvörðun í Rammaáætlun svo erfitt er að segja til um hvernig það fer. Við munum að sjálfsögðu miða okkar áætlanir við Rammaáætlunina. Við höfum sagt að við teljum að hægt sé að tvöfalda orkuframleiðslu á Íslandi á tækni- og umhverfislega fullnægjandi hátt. Ég held að það sé innan marka Rammaáætlunar, ef horft er til biðflokksins þar auk kosta sem ekki eru í Rammaáætlun,“ segir Hörður.

Má bara selja tregbrennanlegar sígarettur

Innanríkisráðuneytið hefur staðfest að ÁTVR megi ekki dreifa sígarettum sem ekki uppfylla nýjan öryggisstaðal Evrópska efnahagssvæðisins. Um er að ræða hertar reglur um hvernig sígarettupappír má brenna. Á vef ÁTVR segir að undanfarið hafi öll sígarettubréf verið að breytast í tregbrennanlega gerð samkvæmt alþjóðlegum stöðlum:

Fjölmiðlanefnd aðhefst ekki

Fjölmiðlanefnd hefur ekki heimild til að grípa til viðurlaga vegna þeirrar ákvörðunar Stöðvar 2 að bjóða aðeins Ólafi Ragnari Grímssyni og Þóru Arnórsdóttur að taka þátt í umræðuþætti á sunnudag. Nefndin hefur ekki heldur heimild til að gefa fjölmiðlaveitum fyrirmæli um hvernig umfjöllun þeirra í aðdraganda kosninga skuli háttað. Þetta kemur fram í tilkynningu frá nefndinni. Þingmenn Hreyfingarinnar höfðu sent fjölmiðlanefnd erindi vegna ákvörðunar Stöðvar 2. Þá höfðu frambjóðendur gert athugasemdir við fyrirkomulagið.

Vilja jafna réttindi útlendinga

samfélagsmál Ein löggjöf verður til um málefni útlendinga hér á landi ef tillögur starfshóps um málefni útlendinga utan Evrópska efnahagssvæðisins (EES) verða að veruleika. Halla Gunnarsdóttir, aðstoðarmaður innanríkisráðherra og formaður starfshópsins, kynnti tillögur hópsins og starf á fundi á miðvikudag. Starfshópurinn vill einnig að útlendingar sem koma hingað til lands fái aukna fræðslu um réttindi sín og skyldur. Hugmynd hefur komið upp um að útbúa dvd-disk sem fók verði að horfa á hjá Útlendingastofnun þegar það sækir hér um dvalarleyfi.

Hlaupið fyrir krabbameinssjúka - myndir

Heilsuhlaup krabbameinsfélags Íslands var haldið í 21. sinn í dag. Veðrið lék við hlaupagarpana sem alls voru 300. Geir Gunnlaugsson, landlæknir, ræsti hlaupið og hvatti þáttakendur til dáða. Kári Steinn Karlsson og Eva Margrét Einarsdóttir voru fljótust að hlaupa 10 km.

Ástþór segir galla á kosningakerfinu

Á morgun verður tilkynnt hverjir hafa skilað inn fullgildu framboði og verða í framboði til embættis forseta Íslands. Ástþór Magnússon, forsetaframbjóðandi, hefur verið andvaka vegna þess að stuðningsmannalistar hans hafa ekki fengið formlega staðfestingu og því er mögulegt að framboð hans verði ekki talið fullgilt.

Tvöfalt meiri álagning á bensín á Íslandi

Álagning olíufélaganna á bensínverð er tvöfalt meiri á Íslandi en í Svíþjóð og 30% meiri en í Danmörku. Þetta sagði Skúli Helgason, þingmaður Samfylkingarinnar, í útvarpsþættinum Reykjavík Síðdegis í dag.

Dýrt að grilla í sumar

Grillveislurnar verða dýrari í sumar en síðustu ár. Þetta kemur fram í úttekt Viðskiptablaðsins sem kom út í dag. Helstu kjötafurðir hafa hækkað um allt að 24% á síðustu tólf mánuðum. Menn eru ekki sammála um hvað valdi hækkuninni.

Sæstrengur til skoðunar af fullri alvöru hjá báðum ríkjum

Heimsókn orkumálaráðherra Bretlands til Íslands staðfestir að sæstrengur milli landanna er kominn til skoðunar fyrir alvöru. Ráðherrann átti viðræður við utanríkisráðherra og Landsvirkjun um málið í dag. Breski orkumálaráðherrann, Charles Hendry, hóf daginn á ráðstefnu í höfuðstöðvum Arion banka.

Rannsókn gjaldeyriseftirlits SÍ á Samherja heldur áfram

Hæstiréttur Íslands hafnaði í dag öllum kröfum sjávarútvegsfyrirtækisins Samherja um að rannsókn gjaldeyriseftirlits Seðlabankans á meintum brotum fyrirtækisins og tengdra félaga á lögum um gjaldeyrismál, yrði dæmd ólögmæt og stöðvuð.

Jónína og Gunnar hætt í Krossinum

Gunnar Þorsteinsson og eiginkona hans, Jónína Ben, eru hætt í Krossinum. Þetta kemur fram á Fésbókarsíðu Jónínu.

Framtíðarsýnin breyttist á Sveinstindi

Ellert Grétarsson ljósmyndari hefur breyst úr virkjunarsinna í náttúrurverndarsinna og nú vekur hann athygli á fegurð Reykjanessins í nýrri bók. "Ef Reykjanesinu verður breytt í eina samfellda iðnaðarlóð skerðir það alla útivistar- og ferðamöguleika þar fyrir höfuðborgarbúa, heimafólk og gesti. Ríflega 80% erlendra ferðamanna eru hingað komnir til að upplifa ósnortna náttúru, þeir eru ekki að koma til að skoða borstæði og háspennulínur,“ segir Ellert Grétarsson, ljósmyndari og stuðningsfulltrúi, sem hefur gefið út bókina Reykjanesskagi – Ruslatunnan í Rammaáætlun. Aðallega er um vefútgáfu að ræða sem hefur vakið athygli og viðbrögð og er á slóðinni http://issuu.com/ellertg/docs/nsve1. Í samvinnu við Landvernd var bókin prentuð í litlu upplagi og í gær afhenti Ellert alþingismönnum eintök.

Ökumaður ákærður fyrir manndráp af gáleysi

Átján ára piltur sem ákærður er fyrir manndráp af gáleysi eftir að hafa orðið Eyþóri Darra Róbertssyni að bana við ofsaakstur, mótmælti ákærunni fyrir dómi í morgun. Í ákæru segir að hann hafi einnig stofnað vegfarendum í hættu "á ófyrirleitinn hátt." Móðir Eyþórs Darra mætti við þingfestinguna í morgun ásamt bróður hans og ömmu.

Áhlaup á Landsbankann

Á annað hundrað manna gerði áhlaup á Landsbankann á Fáskrúðsfirði í dag, að sögn þátttakenda, til að mótmæla lokun útibúsins. Einn þeirra segir gríðarlega reiði meðal bæjarbúa.

Ræður allra forsetaframbjóðendanna á Vísi

Forsetaefnin komu saman í Iðnó í gær á fundi og ræddu stöðu forsetans og hlutverk miðað við hið nýja stjórnarskrárfrumvarp Stjórnlagaráðs. Nú eru framsöguræður allra frambjóðendanna komnar inn á Vísi.

Segir veiðireglu ESB mótsagnakennda og brjóta gegn EES-samningnum

Sérfræðingur í hafrétti segir að löndunarbann og bann gegn sölu sjávarafurða í drögum að reglum Evrópusambandsins feli í sér mun víðtækari bann en EES-samningurinn heimilar. Því sé um að ræða brot á samningnum, samþykki Evrópuþingið regluna.

Vill sauðnaut til Ísafjarðar

Snævar Valentínus Vagnsson hefur óskað formlega eftir því við Ísafjarðarbæ að fá að flytja sauðnaut til Íslands frá Grænlandi og ala þau á Vestfjörðum. Hann telur mögulegt að skapa þeim góð skilyrði, enda mikið landsvæði þar ónotað með öllu.

Kosningamiðstöð Herdísar opnar á laugardaginn

Stuðningsmenn Herdísar Þorgeirsdóttur munu formlega opna kosningamiðstöð að Laugavegi 87 næstkomandi laugardag, klukkan 13:00.

Strípalingar í umferðinni

Fjórir ungir menn tóku upp á því að afklæðast og spranga svo um Strandveg í Grafarvogi berir á tólfta tímanum í gær. Uppátækið fór fyrir brjóstið á einhverjum vegfarendum og lögreglan var kölluð á svæðið. Þegar lögreglan kom á vettvang voru strípalingarnir á bak og burt og höfðu vel að merkja haft föt sín með sér.

Styrkir til doktorsnema og vísindamanna

Tuttugu og fjórum vísindastyrkjum var úthlutað úr Háskólasjóði H/f Eimskipafélags Íslands og Rannsóknasjóði Háskóla Íslands í Hátíðasal háskólans í dag. Styrkirnir nema samanlagt um 160 milljónum króna.

Jóhanna kemur heim í fyrramálið

Jóhanna Sigurðardóttir, forsætisráðherra, tók þátt í leiðtogafundi Eystrasaltsráðsins sem lauk í dag í Stralsund í Þýskalandi. Aðildarríki Eystrasaltsráðsins eru Norðurlöndin fimm, Eistland, Lettland, Litháen, Rússland, Pólland og Þýskaland auk þess sem framkvæmdastjórn Evrópusambandsins á aðild að ráðinu.

Svör Herdísar Þorgeirsdóttur við spurningum Vísis

Herdís Þorgeirsdóttir forsetaframbjóðandi svarar spurningum Vísis um helstu áherslumál sín sem snerta forsetaembættið og viðhorf sín til þess:

Flateyringar þurfa að aka 22 kílómetra til þess að komast í banka

Bæjarráð Ísafjarðarbæjar mótmælir harðlega þeirri ákvörðun Landsbankans að loka útibúum sínum á Bíldudal, Króksfjarðarnesi, Flateyri og í Súðavík að því er fréttavefurinn bb.is greinir frá.

Gera stjórnsýsluúttekt á þróun fornleifarannsókna á Íslandi

Mennta- og menningarmálaráðuneyti hefur ákveðið að láta gera stjórnsýsluúttekt á stöðu og þróun fornleifarannsókna á Íslandi á árunum 1990 – 2010 samkvæmt tilkynningu frá ráðuneytinu.

Fjölmiðlanefnd ætlar ekki að aðhafast vegna kvörtunar

Fjölmiðlanefnd ætlar ekki að aðhafast vegna kvörtunar Þórs Saari, þingmanns Hreyfingarinnar, vegna ákvörðunar Stöðvar 2 um að ræða einungis við tvo frambjóðendur til forsetakosninga af sjö.

Eldur á Hverfisgötu

Búið er að slökkva eldinn sem kom upp í þakplöttum við húsnæði á Laugaveg 105 á þriðja tímanum í dag. Að sögn varðstjóra hjá slökkviliðinu gekk vel að ráða niðurlögum eldsins sem var minniháttar. Unnið er að reykræstingu á stigagangi í húsinu.

Réttargæslumaður á erfitt með að horfa á Guðgeir

"Það er mjög skrýtið, það er erfitt að horfa á hann,“ segir Brynjar Níelsson lögmaður og réttargæslumaður Skúla Eggerts Sigurz, en þeir eru ennfremur góðir vinir. Þá störfuðu þeir saman á lögfræðistofunni Lagastoðum, þar sem Guðgeir Guðmundsson stakk Skúla fimm sinnum.

Viðurkenna að engin sé ríkisábyrgðin en gera samt óbeint kröfu um hana

Lögmaður í málflutningsteymi Íslands í Icesave-málinu segir að ESB viðurkenni í raun að engin ríkisábyrgð sé á tilskipun um innistæðutryggingar, en samt virðist sambandið gera þá kröfu að ríkið hafi átt að styðja við íslenska tryggingarsjóðinn. Það standist ekki.

Banaslys á Ólafsfjarðarvegi

Banaslys varð á Ólafsfjarðarvegi, í grennd við Hörgárbrú á tólfta tímanum í gærkvöldi, þegar bíll, sem karlmaður á þrítugsaldri ók, fór út af veginum og valt nokkrar veltur. Ökumaðurinn, sem var einn í bílnum, kastaðist út úr honum í veltunum. Hann var fluttur á sjúkrahúsið á Akureyri, þar sem hann var úrskurðaður látinn. Tildrög slyssins eru ókunn, en lögreglan á Akureyri og Rannsóknanefnd umferðaslysa rannsaka málið.

Sumargötur vakna úr vetrardvala á morgun

Á morgun vakna sumargötur úr vetrardvala þegar Pósthússtræti í miðborg Reykjavíkur verður lokað fyrir bílaumferð.

Þriðjungur ók of hratt í Rofabæ

Brot 20 ökumanna voru mynduð í Rofabæ í Reykjavík í dag. Fylgst var með ökutækjum sem var ekið Rofabæ í vesturátt, við Árbæjarskóla.

Utankjörfundaratkvæðagreiðsla fer vel af stað

Um 500 manns hafa greitt utankjörfundaratkvæði á öllu landinu vegna forsetakosninganna, sem fara fram þann 30. júní næstkomandi. Þar af eru tæplega 240 búnir að kjósa í Reykjavík.

Haldið sofandi eftir fall við Hamragarða

Ástand bresku konunnar sem féll ofan í gil við Hamragarða á mánudag er óbreytt.

Háskólanemar vilja hjólaleigustöðvar víðsvegar um borgina

Reykjavíkurborg er tilbúin að veita nokkrum háskólanemum leyfi til að koma sjö hjólaleigustöðvum fyrir víðsvegar um borgina.

Íslenskir unglingar reykja minnst allra unglinga í Evrópu

Samkvæmt glænýjum niðurstöðum evrópsku vímuefnarannsóknarinnar European School Survey Project on Alcohol and Drugs (ESPAD) sem kynntar voru í Stokkhólmi í dag hefur dregið mikið úr tóbaksreykingum íslenskra unglinga á síðustu sextán árum, ólíkt því sem gerist að meðaltali í Evrópu.

Guðgeir fyrir dómi: "Ég er skaðvaldur“

"Ég er ekki viss hvort ég ætlaði að drepa neinn,“ sagði Guðgeir Guðmundsson fyrir dómara Héraðsdóms Reykjavíkur í morgun þegar hann var inntur eftir afstöðu til sakarefna gegn sér. Guðgeir er ákærður fyrir að stinga Skúla Eggert Sigurz, framkvæmdastjóra Lagastoða, fimm sinnum með veiðihníf, þar af voru fjórar stungur lífshættulegar.

Laxagöngur hafnar

Lax er víða farinn að ganga í helstu árnar, að því er fram kemur á vef Stangveiðifélags Reykjavíkur, en veiðar hefjast í Norðurá á þriðjudagsmorgun. Nú þegar hefur sést til laxa í Elliðaánum, Laxá í kjós, Flókadalsá í Borgarfirði og neðarlega í Hvítá í Borgarfirði hefur sést heil torfa, sem líklega mun dreyfa sér í borgfirsku árnar. Sérfræðingar Veiðimálastofnunar spá góðri veiði í sumar, þótt líklega verði þetta ekki met ár.

Hlaupahjólaþjófur handtekinn

Nátthrafn, sem var á röltinu í austurborginni um eitt leytið í nótt ákvað á hraða för sinni. Í því skyni stal hann hlaupahjóli úr kjallaratröppum en var svo óheppinn að til hans sást og kastaði hann frá sér hlaupahjólinu á flóttanum.

Vélhjól og reiðhjól skullu saman

Hjólreiðamaður slasaðist, en þó ekki alvarlega, þegar hann lenti í árekstri við bifhjól við Víkurvegsbrúnna á Vesturlandsvegi í gærkvöldi. Hann var fluttur á slysadeild til aðhlynningar, en ökumann bifhjólsins sakaði ekki. Ekki er ljóst hvað fór úrskeiðis hjá hjólamönnunum með þessum afleiðingum.

Milljarðatugir fólgnir í þara

Þörungaiðnaður á Íslandi felur í sér gríðarlega möguleika. Um mannaflsfrekan milljarðaiðnað er að ræða ef rétt verður haldið á málum. Hins vegar vantar sárlega fjármagn til að halda áfram rannsóknum á auðlind sem liggur óhreyfð í fjörum landsins.

Flestir varkárir í ummælum um Evrópusambandið

Enginn forsetaframbjóðendanna vildi lýsa yfir eindregnum stuðningi við aðild Íslands við Evrópusambandið á fundi Stjórnarskrárfélagsins í kvöld. Flestir vilja sjá samninginn fullkláraðan áður en þeir tjá sig.

Útdráttur úr ávörpum forsetaefnanna

Forsetaframbjóðendur komu saman í Iðnó í kvöld og ræddu stöðu forsetans og hlutverk miðað við hið nýja stjórnarskrárfrumvarp Stjórnlagaráðs. Hver frambjóðandi var með stutta framsöguræðu í þrjár til fjórar mínútur og svo var opnað fyrir spurningar úr sal.