Fimm unglingar í hassvímu við golfvöll

Fimm unglingar, 16 til 17 ára voru handteknir við golfskálann í Hafnarfirði upp úr miðnætti eftir að megna kannabislykt lagði út úr bílnum þegar lögreglu bar að.

Tveir þjófar teknir með gervihnattadisk í fórum sínum

Lögreglan handtók tvo karlmenn, af erlendu bergi brotna, þar sem þeir voru að burðast með stóran gervihnattardisk í Kópavogi í nótt. Hann höfðu þeir tekið ófrjálsri hendi.

Setur stefnuna á að ná 100 blóðgjöfum

"Ég byrjaði að gefa blóð um leið og ég hafði aldur til, sennilega á átjánda afmælisdeginum mínum,“ segir Hafdís Karlsdóttir sem náði þeim merka áfanga á dögunum að verða yngsta konan frá upphafi til að gefa blóð oftar en 35 sinnum, tæplega 29 ára gömul.

Steingrímur sló á áhyggjur bænda

Steingrímur J. Sigfússon, sjávarútvegs- og landbúnaðarráðherra, færði Búnaðarþingsfulltrúum þær fréttir í gær að hafi hann einhvern tímann efast um aðild Íslands að Evrópusambandinu þá hafi hann frekar styrkst í þeirri skoðun en hitt.

Sendiherra býður ESB aðstoð Íslendinga við fiskveiðistjórnun

Þórir Ibsen sendiherra Íslands hjá Evrópusambandinu hefur boðið sambandinu aðstoð Íslendinga við að endurskoða og breyta fiskveiðistjórnunarkerfi sambandsins.

Ráða ekki við meðferð kynferðisbrotamanna

Sálfræðingar Fangelsismálastofnunar ná ekki að sinna meðferð kynferðisbrotamanna svo vel sé. Tveir sálfræðingar starfa hjá stofnuninni og sinna þeir föngum í öllum fangelsum landsins.

Það verður að fara í almennar aðgerðir

Helgi Hjörvar kvartar yfir umræðu um skuldamál. Ýmist telji menn að hægt sé að gera allt fyrir alla án kostnaðar eða að ekkert sé hægt að gera. Hann vill innleysa skatttekjur á frjálsan viðbótarlífeyrissparnað, nýta 20 milljarða króna afslátt sem lífeyrissjóðir fengu á húsnæðislánum og að bankarnir komi til móts við lántakendur. Þannig sé hægt að koma til móts við stóran hóp lántakenda.

Meintur dólgur ekki skoðaður

Rannsóknardeild lögreglunnar hefur ekki og mun ekki hafa samband við vefmiðilinn Pressuna til að fá upplýsingar um mann sem segist flytja inn vændiskonur hingað til lands. Samkvæmt upplýsingum frá lögreglunni verður ekkert aðhafst í málinu sökum þess að fjölmiðlar gefi ekki að jafnaði upp heimildarmenn sína.

Ninja fremst meðal hunda

Ninja, sem er af tegundinni Siberian Husky, var valin besti hundur alþjóðlegrar hundasýningar Hundaræktarfélags Íslands sem haldin var um helgina á nýju sýningarsvæði að Klettagörðum.

Loðnan mokveiðist uppi í harða landi

Loðnuflotinn var í gær í mokveiði utan við Grindavík. Stór köst fengust um morguninn úr stærstu torfunni við Reykjanesið. Yfir 400 þúsund tonn eru þegar komin á land og hrognataka og frysting hefst í vikunni.

Bíða oft lengi eftir greiningu

Ráðgjafi hjá Krabbameinsfélaginu segir langan tíma oft líða frá krabbameinssjúklingar byrja að leita til lækna þar til þeir greinast. Mikilvægt sé að læknar séu vakandi fyrir því að leita að krabbameini en þriðji hver Íslendingur greinist með það einhverntímann á lífsleiðinni.

Sextán ára stúlku nauðgað af nokkrum mönnum í húsasundi

Sextán ára stúlka leitaði undir morgun á neyðarmóttökuna á Landspítalanum í Fossvogi eftir að hafa greint lögreglu frá því að henni hafi verið nauðgað af nokkrum mönnum í miðbæ Reykjavíkur. Barnaverndarnefnd hefur verið tilkynnt um málið.

Á 140 kílómetra hraða á Skeiðarvegi

Ökumaður sem var að keyra á Skeiðarvegi, sem liggur frá þjóðveginum og að Flúðum, var tekinn á 140 kílómetra hraða skömmu eftir hádegið í dag. Hann á von á níutíu þúsund króna sekt og þrjá refsipunkta í ökuferilsskrá. Varðstjóri hjá lögreglunni segir að allir vegir í umdæminu séu auðir en í gær fór nokkrir bílar út af vegna mikils krap sem var á vegunum.

Illa tognuð á Esjunni

Björgunarsveitir af höfuðborgarsvæðinu og Mosfellsbæ voru kallaðar út eftir hádegi í dag vegna göngukonu sem slasaðist í Esjunni. Konan féll við á gömlu gönguleiðinni á Kerhólakambi, beint fyrir ofan Esjuberg og er talið að hún sé illa tognuð á fæti. Um 15-20 björgunarsveitamenn taka þátt í að aðstoða hana niður af fjallinu.

Pilturinn kominn í leitirnar

Pilturinn sem leitað var að í grennd við Sundlaugina í Kópavogi, á Borgarholtsbraut, í morgun er fundinn. Ekkert amaði að piltinum, að sögn föður hans, en hann hafði farið heim til vinar síns.

Geir Jón: Búsáhaldarbyltingunni var stjórnað af alþingismönnum

Geir Jón Þórisson yfirlögregluþjónn segir að búsáhaldarbyltingin í janúar árið 2009 hafi verið stýrt af þingmönnum sem sátu inni á Alþingi. Í viðtali við þáttinn Sprengisand á Bylgjunni í morgun sagði Geir Jón að ljóst væri að í mótmælunum hefðu verið gerendur á sviðinu sem voru framarlega í stjórnmálum og eru enn í dag. Hann hafi reynt að tala við fólk sem stóð þeim næst og beðið um að þarna yrði tekið á málum. Hann segir að níu lögreglumenn hafi slasast í átökunum árið 2009 og það hafi ekki munað miklu að allt færi á versta veg.

Ívar spenntur fyrir Óskarnum - Allt í beinni á Stöð 2 í kvöld

"Maður er búinn að gera þetta í nokkur ár, þetta verður bara skemmtileg upplifun,“ segir Ívar Guðmundsson útvarpsmaður á Bylgjunni. Óskarsverðlaunaafhendingin fer fram í kvöld og mun Ívar lýsa beint frá hátíðinni á Stöð 2 ásamt Skarphéðni Guðmundssyni.

Vill að aðildarviðræðunum ljúki fyrir næstu alþingiskosningar

Ögmundur Jónasson innanríkisráðherra vill að þjóðin fái að kjósa um aðild að Evrópusambandinu fyrir næstu alþingiskosningar sem fram fara á næsta ári. Þetta kom fram í þættinum Sprengisandi á Bylgjunni í morgun.

Þyrlan sækir mann með bráðaofnæmi

Þyrla Landhelgisgæslunnar lenti nú fyrir stundu í Landmannalaugum en þangað fór hún að sækja mann sem er með bráðaofnæmi. Samkvæmt upplýsingum frá gæslunni er læknir á staðnum en maðurinn er ekki talinn vera í bráðri hættu. Hann verður fluttur á sjúkrahús í Reykjavík.

Förum ekki aftur í kosningabaráttu með kjörorðið "Stöndum utan ESB"

Jón Bjarnason, þingmaður Vinstri grænna, segir að öllum flokksmönnum VG sé ljóst að samningaviðræðunum við Evrópusambandið verði að ljúka fyrir næstu alþingiskosningar, sem fram fara á næsta ári. Hann segir að flokkurinn fari ekki aftur í kosningabaráttu undir kjörorðinu: "Sækjum aldrei um aðild að ESB" eins og gert var fyrir síðustu kosningar. Þetta segir Jón á heimasíðu sinni. Þá segir hann að flokkurinn geti ekki heldur farið í kosningabaráttu með slagorðið "Stöndum utan ESB" með umsókn um aðild og aðlögun að ESB á fullu. "Ég hef lagt til að kosið verði um ESB í sumar. Ögmundur Jónasson lýsti þeirri skoðun sinni að Alþingi ætti núfyrir vorið að ákveða dagsetningu fyrir lok viðræðnanna sem yrðu að ljúka vel fyrir næstu alþingiskosningar. Fleiri fundarmenn tóku undir þessar skoðanir okkar Ögmundar en enginn andmælti þeim,“ segir Jón og vísar þar til flokksráðsfundsins sem haldin var um helgina.

Lokað í Skálafelli og Bláfjöllum

Lítið skíðafæri er á höfuðborgarsvæðinu í dag og lokað bæði í Skálafelli og Bláfjöllum. Skíðamenn á norður og austurlandi geta hins vegar farið að taka til búnaðinn og smyrja nesti því opið er í Hlíðarfjalli á Akureyri, skíðasvæðinu á Sigufirði og í Oddskarði frá tíu til fjögur í dag, einnig er opið í Böggvisstaðarfjalli við Dalvík frá ellefu til fjögurþ

Kom sér sjálfur á slysadeild handleggs- og fótbrotinn

Rétt fyrir klukkan eitt í nótt var Lögreglunni á Höfuðborgarsvæðinu tilkynnt um líkamsárás í Skútuhrauni. Þar mun hafa verið ráðist á pilt, hann laminn illa, troðið ofaní skott á bifreið og hent út í Mjóddinni. Hann mun hafa komið sér sjálfur á slysadeild þrátt fyrir að vera bæði handleggs og fótbrotinn auk annarra áverka. Málið er í rannsókn.

Stúlka kærði nauðgun til lögreglu

Lögreglan á höfuðborgarsvæðinu var kölluð að húsi í Kópavogi klukkan korter yfir fimm í nótt þar sem stúlka greindi frá því að sér hefði verið nauðgað af nokkrum mönnum í ótilteknu húsasundi. Stúlkan hafði verið að skemmta sér í miðbæ Reykjavíkur. Lögreglumenn fóru með stúlkuna á slysadeild þar sem hún gekkst undir skoðun. Unnið er að rannsókn málsins.

Sakaður um að hafa lamið sambýliskonu sína

Lögregla var kölluð að Hrafnhólum í Reykjavík á áttunda tímanum í morgun vegna heimilsofbeldis. Þar var karlmaður handtekinn, færður útaf heimili sínu og vistaður í fangageymslu. Hann er sakaður um að hafa lamið sambýliskonu sína. Á heimilinu var 12 ára barn.

Starfsfólk tók bíllyklana af viðskiptavini

Starfsfólk á veitingastað í Hafnarfirði kom í veg fyrir að ölvaður einstaklingur settist undir stýri um klukkan hálf þrjú í nótt. Lögreglan var kölluð á staðinn en tilkynnt var um mjög ölvaðan mann sem hafði reynt að aka frá veitingastaðnum. Þegar lögreglan kom á staðinn var starfsfólkið búið að taka bíllyklana af manninum svo hann komst hvergi. Lögreglan tók svo við lyklunum. Ekki er ljóst hvað varð um manninn, hvort honum var skutlað heim eða þurfti að fara gangandi.

Hefur þú séð 7 ára pilt í grennd við Sundlaugina í Kópavogi?

Ungur piltur hvarf frá forráðamönnum sínum fyrir utan sundlaugina í Kópavogi, á Borgarholtsbraut, um klukkan ellefu í morgun. Pilturinn er sjö ára gamall og er klæddur í svartar buxur, bláan jakka, svört stígvéli og er með bláa húfu. Ef einhver veit um ferðir piltsins er viðkomandi beðinn um að hafa samband við föður hans, Ívar, í síma 615-4349 eða lögregluna á höfuðborgarsvæðinu í síma 444-1000.

Dauðlangar að vinna á Íslandi

Tónskáldið Atli Örvarsson hefur búið í Bandaríkjunum í nítján ár og samið tónlist við mýmargar Hollywood-kvikmyndir, sjónvarpsþætti og fleira. Kjartan Guðmundsson ræddi við Atla um fortíðina í poppinu og hugmyndaþurrð í draumaverksmiðjunni.

Ásdís Hjálms útskrifaðist með hæstu einkunn sem hefur verið gefin

Ásdís Hjálmsdóttir spjótkastari útskrifaðist úr Háskóla Íslands í dag með hæstu einkunn sem gefin hefur verið í meistaranámi í lyfjafræði. Hún segir lykilinn að árangri vera skipulagning og að hafa gaman af því sem þú ert að gera.

Greindist með krabbamein fjórum árum eftir að hún fór fyrst til læknis

Kona sem leitaði ítrekað til heimilislæknis síns vegna slappleika var sagt að rekja mætti hann til breytingarskeiðsins og send aftur heim án rannsókna. Fjórum árum eftir að hún fór fyrst til læknis greindist hún með alvarlegt krabbamein. Hún segir krabbameinssjúklinga oft þurfa að bíða lengi eftir greiningu.

Enginn með fyrsta vinning

Enginn var með allar tölurnar réttar í lottóinu í kvöld en fyrsti vinningur var tæplega ellefu milljónir króna. Þrír voru þó með annan vinning og fá þeir rúmlega 80 þúsund krónur í sinn hlut. Þá voru einnig þrír með fjórar jókertölur í réttri röð og fær hver hundrað þúsund krónur.

Vegagerð liggur að mestu niðri á Íslandi

Tvö verk í vegagerð hafa stöðvast vegna gjaldþrots KNH-verktaka á Ísafirði. Vegagerð í landinu liggur nú að mestu niðri og eru aðeins þrjú smáverk í gangi á öllu landinu.

Bensínverðið heldur áfram að hækka - gæti farið í 300 krónur

Bensínverð heldur áfram að hækka, en Skeljungur hækkaði lítraverð á bensíni í 258 krónur í gær. Á innan við ári hefur vegalengdin sem bifreið fréttastofunnar kemst fyrir 5.000 krónur styst um fjörutíu kílómetra.

Rukka þrátt fyrir óvissu

Bankar og fjármálastofnanir ætla að halda áfram að innheimta gengislán þrátt fyrir óvissu vegna nýfallins dóms Hæstaréttar. Þegar hafa verið sendir út greiðsluseðlar fyrir mars.

Íhugaði sjálfsvíg vegna skulda - lögreglan bað um upplýsingar um hana

Lögreglan á höfuðborgarsvæðinu hafði samband við Marinó G. Njálsson, sem er í hagsmunasamtökum heimilanna, á dögunum og bað hann um upplýsingar um konu á sextugsaldri sem íhugaði að taka eigið líf í bréfi sem Marinó birtir á heimasíðu sinni.

Fóru á skíði þrátt fyrir bílveltu

Þrír farþegar bíls sem valt á Þingvallarvegi rétt fyrir klukkan níu í morgun sluppu allir ómeiddir en fólkið var á leið í Skálafell á Skíði. Samkvæmt upplýsingum frá lögreglu hafði krap á veginum þau áhrif að ökumaðurinn missti stjórn á bifreiðinni með þeim afleiðingum að hún endaði utan vegar. Öll þrjú voru í belti en bíllinn er mikið skemmdur og þurfti að fjarlægja hann af vettvangi með krana. Þrátt fyrir óhappið hélt fólkið för sinni áfram og skutluðu lögreglumenn þeim upp í Skálafell þar sem þau eru núna á skíðum.

Vilja landsdómsfrumvarp Bjarna Ben burt

Flokksráðsfundur Vinstri grænna, sem hófst í gær og lauk í morgun, lýsir yfir andstöðu við þingsályktunartillögu Bjarna Benediktssonar um að Alþingi grípi inn í starf landsdóms og hvetur fulltrúa sína á þingi að berjast gegn framgangi hennar. Þá felur fundurinn Steingrími J. Sigfússyni, ráðherra bankamála, að flytja frumvarp til laga um aðskilnað starfsemi frjárfestingarbanka og viðskiptabanka. Í tilkynningu segir einnig að fundurinn álykti að hætt verði að úthluta byggðakvóta endurgjaldslaust. Sett verði á sanngjarnt arðgjald sem renni til þeirra sveitarfélaga sem byggðakvóta er úthlutað til.

Tæplega 500 brautskráðust frá Háskóla Íslands í dag

Í dag brautskráðust alls 484 nemendur frá Háskóla Íslands en frá því að fyrstu nemendurnir hófu nám í Háskóla Íslands fyrir 101 ári hafa á fimmta tug þúsunda nemenda tekið við prófskírteinum frá skólanum. Kristín Ingólfsdóttir, rektor skólans, vakti athygli á þeim árangri sem skólinn hefur náð á undanförnum fimm árum í ræðu sinni. Það hefði hann gert með því að halda fast við stefnumál og markmið í starfinu þrátt fyrir þrengingar í kjölfar efnahagshruns. Skólinn er á lista með 300 bestu háskólum í heimi.

Lögmenn komi sér saman um álitaefni í gengislánamálinu

Samtök fjármálafyrirtækja vilja að lögmenn allra hagsmunaaðila í gengislánamálinu, þar á meðal lánþega, komi sér saman um álitaefni sem reynt verður á fyrir dómstólum og hraðað þar í gegn svo hægt verði að eyða allri óvissu í málinu.

Tekist á flokksráðsfundi VG

Varaformaður Vinstri grænna segir flokksmenn sammála um að stilla saman strengi sína fyrir lokasprett kjörtímabilsins. Flokksráðsfundur fór fram í gær og í morgun, en meðal þess sem tekist var á um voru landsdómsmálið og staðgöngumæðrun.

Hélt að litla stelpan væri dáin

„Þegar ég var akkúrat komin að 25 metrunum þá sýndist mér ég sjá dúkku og hélt að einhver væri að gera grín að mér," segir Aníka Mjöll Júlíusdóttir, ellefu ára, sem með snarræði bjargaði stúlku á öðru ári frá drukknun í Keflavík í gær.

Bjór ekki kenndur við ölvunarástand

Ekki er rétt að orðið bríó sé slangur yfir að vera hífaður, eins og fram kemur í kæru til fjármálaráðuneytisins vegna ákvörðunar ÁTVR að heimila ekki sölu á bjórnum Svarta dauða. Þetta fullyrða vertar Ölstofu Kormáks & Skjaldar.

Telja starfslok notuð til að hækka launin

„Hér er augljóslega verið að hækka laun fyrrverandi bæjarstjóra svo laun nýs bæjarstjóra geti tekið mið af þeim hækkunum,“ segir Hafsteinn Karlsson, fulltrúi Samfylkingarinnar, í bókun sem hann lagði fram í bæjarráði Kópavogs á fimmtudag.

Skálafell opið - frábært færi

Skálafell var opnað í morgun í fyrsta skiptið í mörg ár en mikið af snjó er í fjallinu og brautir hafa verið troðnar. Það er Skíðadeild KR sem sér um skíðasvæðið það sem eftir lifir vetrar en deildin náði samningum við stjórn skíðasvæða höfuðborgarsvæðisins um reksturinn fyrir skemmstu. Frítt er í lyfturnar fyrir 12 ára og yngri. Þegar fréttamaður leit þar við í morgun voru margir farnir að renna sér enda er færið eins og best verður á kosið. Þess má geta að einnig er opið í Hlíðarfjalli á Akureyri og á skíðasvæðunum á Dalvík og Siglufirði.

Fíkniefnamál á Akureyri

Einn var tekinn fyrir ölvunarakstur á Selfossi um fimm leytið í morgun og þrjú minniháttar fíkniefnamál komu upp á Akureyri í nótt. Málin, sem komu öll upp í miðbænum, voru afgreidd á staðnum, að sögn varðstjóra. Annars var nóttin fremur róleg hjá lögregluembættum á landsbyggðinni.

Sögð hættuleg neytendum

Fyrirtækið Aðföng hefur innkallað eins lítra rjómasprautu af gerðinni Excellent Houseware. Á vef fyrirtækisins segir að í ljós hafi komið að rjómasprautan geti verið hættuleg neytendum.