Viltu vinna HM áskrift?

Í kvöld verður dreginn út einn heppinn Facebook vinur Íslands í dag en viðkomandi fær mánaðaráskrift að Stöð 2 sport og getur því fylgst með strákunum okkar á HM í Svíþjóð.

Keppir við þær bestu á Norðurlandamóti í súlufimi í Stokkhólmi

„Ég var samþykkt inn í keppnina í lok nóvember og er búin að æfa fimm sinnum í viku ásamt því að teygja á hverjum degi. Ég þarf helst að komast í splitt, sem er eitthvað sem ég hef aldrei gert áður,“ segir Eva Rut Hjaltadóttir, bassaleikari hljómsveitarinnar Elektru og keppandi í súlufimi. Eva er á leiðinni á Norðurlandamótið Battle of the Pole í Stokkhólmi í næstu viku. Hún hefur stundað íþróttina í rúmt ár og keppir því í svokölluðum „kitt­ens“-flokki ásamt átta öðrum konum og körlum frá Danmörku, Svíþjóð og Finnlandi. Reynslumeiri keppendur keppa í „lionesses“-flokki.

Vegtollum mótmælt: Ögmundur fær 41 þúsund undirskriftir

Forsvarsmenn FÍB, félags íslenskra bifreiðaeigenda, munu hitta Ögmund Jónasson innanríkisráðherra klukkan eitt í dag til að afhenda honum mótmæli 41.000 kosningabærra Íslendinga gegn fyrirhuguðum vegatollum.

Kafarar þéttu rifur á færeyska flutningaskipinu

Kafarar frá Akureyri náðu í gær að þétta rifur á botni færeysks flutningaskips, sem laskaðist á leiðinni út frá Þórshöfn á Langanesi í fyrrinótt þegar það tók þrisvar niðri á boða, úti fyrir höfninni.

Leitað að ökumanni sem ók á mann og stakk svo af

Lögreglan á höfuðborgarsvæðinu leitar enn ökumanns, sem ók á gangandi vegfaranda í Borgartúni á sjöunda tímanum í gærkvöldi, og stakk af.

Aðgengilegt um allan heim

Fréttablaðið hefur frá í gærmorgun verið aðgengilegt þeim sem nota nettengd tæki og tól á borð við iPhone-farsíma, iPad-spjaldtölvur og iPod Touch og hafa keypt áskrift að hugbúnaðinum PressReader. Forritið sníður dagblöð til fyrir nettengd tæki og líta þau eins út á skjá tækjanna og á pappírsformi.

Varað við stormi og sandfoki

Veðurstofan varar við stormi víða á landinu, eða 18 til 23 metrum á sekúndu í dag, og að víða verði snjókoma eða él. Hvassast verður við Surðuströndina og þar er nú sandstormur á Mýrdalssandi og öskufok undir Eyjafjöllum.Skólahald fellur niður í Vík í Mýrdal vegna veðursins.

Vaxandi líkur á verkfalli í fiskimjölsverksmiðjum

Félagsfundur í verkalýðsfélaginu Drífandi í Vestmannaeyjum samþykkti í gærkvöldi að atkvæðagreiðsla skuli fara fram í félaginu um verkfallsboðun félagsmanna, sem starfa í fikimjölsverksmiðjum. Í fyrrakvöld hafði Afl- starfsgreinafélag á Austfjörðum samþykkt hið sama.

Fimm handteknir fyrir fíkniefnaneyslu

Tvö útköll vegna hávaða í heimahúsum í Þingholtunum seint í nótt, snérust upp í það að tveir voru handteknir í öðru húsinu, vegna fíkniefnaneyslu, og þrír í hinu, vegna þess sama.

Nýdæmdur grunaður um lífshættulega árás

Andri Vilhelm Guðmundsson, 24 ára Keflvíkingur, situr nú í gæsluvarðhaldi grunaður um alvarlega líkamsárás á nýársnótt. Andri var dæmdur í tveggja og hálfs árs fangelsi 26. nóvember síðastliðinn fyrir tvær hrottafengnar líkamsárásir, rán og frelsissviptingu en gekk laus þar sem hann tók sér frest til að áfrýja dómnum.

Opinberir starfsmenn vilja styttri vinnuviku

Stytting vinnuvikunnar úr 40 klukkustundum í 36 er meðal þess sem Bandalag starfsmanna ríkis og bæja (BSRB) leggur áherslu á í viðræðum við viðsemjendur sína – ríki og sveitarfélög. Aðildarfélög bandalagsins fara með kjarasamningsumboðið hvert fyrir sig en hafa falið forystu bandalagsins að fjalla um nokkur tiltekin mál.

Nær 300 sóttu um tólf stöður

Nærri 300 sóttu um tólf störf sem auglýst voru við stjórnlagaþingið sem hefst 15. febrúar, að sögn Þorsteins Fr. Sigurðssonar, framkvæmdastjóra undirbúningsnefndarinnar. Umsóknarfrestur rann út nú í byrjun janúar.

Ráðist í skammtímaaðgerðir meðan frekari skoðun fer fram

Fela á sveitarfélögum í auknum mæli framkvæmd almenningssamgangna samkvæmt hugmyndum í nýrri úttekt innanríkisráðuneytisins. Framtíðarstefnumótun almenningssamgangna í tengslum við samgönguáætlun til tólf ára verður lögð fram í mars. Í nýbirtri skýrslu kemur fram að skortur á skipulagi og hátt verð fæli fólk frá almenningssamgöngum í einkabíla.

Kristinn Örn enn undir feldi

Kristinn Örn Jóhannesson, formaður VR, hefur ekki tekið ákvörðun um hvort hann muni gefa kost á sér til endurkjörs í komandi kosningum félagsins.

Bryggjuhverfisbúar sviknir um brotthvarf sandvinnslu

Formaður íbúasamtaka Bryggjuhverfis í Grafarvogi segir íbúana arga því ekki sé staðið við að fyrirtækið Björgun flytji burt svo fullbyggja megi svæðið. Smábátahöfnin sé að fyllast af sandi í umsjá borgarinnar.

Afskipt hrogn voru flutt í búr

Steinbítshrognin sem gotið var í Sæheimum í Vestmannaeyjum á mánudagskvöld voru í gær flutt í þar til gerð búr á safninu. Vonast er til þess að þau klekist þar út að nokkrum vikum liðnum og hægt verði að ala seyðin á safninu.

Umræðu um rafbíla vantar jarðtengingu

Rafbílavæðing Íslands tekur áratugi, segir Sverrir Viðar Hauksson, formaður Bílgreinasambandsins. Hann segir umræðu um framtíðartækni í samgöngum óraunhæfa á stundum.

Sinubruninn í Vatnsmýri í rannsókn

Lögregla hóf í gær rannsókn á upptökum mikils sinuelds sem braust út í Vatnsmýri í fyrrakvöld. Samkvæmt upplýsingum frá slökkviliðinu þykir næsta víst að annaðhvort hafi eldurinn verið kveiktur vísvitandi eða að kviknað hafi í út frá flugeldum.

Krefjast svara frá ráðuneytinu

Stjórn Félags sjálfstætt starfandi arkitekta og stjórn Arkitektafélags Íslands, rituðu innanríkisráðherra bréf 6. nóvember síðastliðinn vegna ákvörðunar ráðuneytisins um að ráða danska arkitekta til að vinna frumhönnun á fangelsinu á Hólmsheiði.

Höfðu sannarlega samráð

Umhverfisráðuneytið vísar á bug fullyrðingum um að ekkert samráð hafi verið haft við Skógræktarfélag Íslands við undirbúning frumvarps til breytinga á lögum um náttúruvernd.

Þrjár missa dvalarleyfið

Útlendingastofnun hefur afturkallað dvalarleyfi þriggja kvenna á þeim grundvelli að þær hafi stofnað til málamyndahjónabanda við íslenskra karla. Konurnar þrjár stefndu Útlendingastofnun og íslenska ríkinu vegna ákvörðunarinnar og vilja að hún verði ógild. Málin voru tekin fyrir í Héraðsdómi Reykjavíkur í dag.

Lára hlýtur Rósina í ár

Lára Björnsdóttir, fyrrverandi félagsmálastjóri Reykjavíkur og framkvæmdastjóri Þroskahjálpar, hlaut á dögunum Rósina. Um er að ræða árleg verðlaun sem eru veitt í minningu Ástu B. Þorsteinsdóttur fyrir störf í þágu fatlaðra.

290 myndavélar vakta almenning í miðborg

Öryggismyndavélar í miðborg Reykjavíkur eru 290 talsins. Hvergi eru til opinberar tölur um fjölda og upplýsingar um staðsetningu eftirlits- og öryggismyndavéla sem beinast að öllu eða einhverju leyti að almenningsrými á Íslandi.

Ætla að vekja athygli á skógunum

Forystumenn í skógrækt á Íslandi afhentu í gær Ólafi Ragnari Grímssyni, forseta Íslands, fána með merki alþjóðlegs árs skóga, sem nú er ný hafið.

Ekki snjóflóðahætta í þéttbýli

Snjóflóð Veðurstofa Íslands fylgist grannt með aðstæðum á snjóflóðahættusvæðum eftir nokkur snjóflóð sem fallið hafa á Norðurlandi í vikunni.

Margt óunnið á Haítí

Ár er nú liðið frá hinum mannskæðu jarðskjálftum sem kostuðu um 250.000 íbúa Haítí lífið, en þó að margt gott hafi unnist er enn löng leið fyrir höndum

Yfirvöld brjóta gegn réttindum Jóels

„Ég skil ekki hvers vegna innanríkisráðuneyti Ögmundar Jónassonar er ekki búið að gefa út vegabréf fyrir drenginn svo hann geti snúið heim til Íslands," segir Sigurður Kári Kristjánsson, þingmaður Sjálfstæðisflokksins, um mál Jóels Færseth Einarssonar, sem hefur verið fastur ásamt foreldrum sínum á Indlandi síðan í nóvember. Þingmaðurinn segir alla sjá hversu fráleitt það sé af íslenskum stjórnvöldum að þverskallast við að gefa út vegabréf fyrir Jóel í ljósi þeirra réttinda sem stjórnarskráin eigi að tryggja honum eftir að hann varð íslenskur ríkisborgari.

Líst vel á sameiningu Öskjuhlíðarskóla og Safamýrarskóla

„Ég hef ekki orðið vör við óánægju meðal foreldra,“ segir Lilja Rós Óskarsdóttir, varaformaður Foreldrafélags Öskjuhlíðarskóla, um þá fyrirætlun borgaryfirvalda að sameina starfsemi Safamýrarskóla og Öskjuhlíðarskóla. Tillaga þess efnis var samþykkt í menntaráði í dag og verður henni beint til borgarráðs. Samkvæmt tillögunni er gert ráð fyrir því að nýr sameinaður sérskóli starfi í húsnæði Öskjuhlíðarskóla og taki til starfa næsta haust.

Enn snjóflóðahætta á Norðurlandi

Veðurstofa Íslands ítrekar ábendingu sem send var í gær um ótrygg snjóalög á Norðurlandi. Áfram er snjóflóðahætta í landshlutanum.

Herjólfur siglir til Þorlákshafnar

Herjólfur siglir alfarið frá Þorlákshöfn á morgun. Þetta er gert í ljósi þess að veðurspá fyrir morgundaginn er afar slæm og ölduspá einnig, að því er fram kemur á vef Eimskips.

„Við sluppum vel í þetta sinn“

„Við sluppum vel í þetta sinn“ segir móðir fjórtán mánaða stúlku sem hlaut annars stigs bruna á líkamanum þegar hún hellti yfir sig sjóðandi vatni um síðustu helgi. Stúlkan dvelur enn á barnaspítala Hringsins.

Indefence getur sætt sig við nýju Icesave samningana

Indefence hópurinn getur sætt sig við nýju Icesave samningana ef hið svo kallaða Ragnars Hall ákvæði verður fellt inn í samningana. Það þýddi að taka þyrfti upp viðræður við Breta og Hollendinga á nýjan leik.

Ræðst á næstu dögum

Forseti Alþýðusambandsins segir það verða að ráðast á næstu einni til tveimur vikum hvort samstaða næst um kjarasamninga á breiðum grundvelli með aðkomu stjórnvalda. Hugmyndir vinnuveitenda um kauphækkanir séu langt frá því sem hægt sé að sætta sig við.

Nafnlausir fræðimenn fá tugi milljóna

Ríkisendurskoðun kannar nú kostnað ráðuneyta við aðkeypta þjónustu starfsmanna félagsvísindasviðs Háskóla Íslands. Í svörum forsætisráðherra við fyrirspurn um málið kemur fram að 30 milljónir hafa verið greiddar til Háskólans en ekki er upplýst hvaða fræðamenn fengu greiðslurnar.

Krafa 50 þúsund Íslendinga gæti kostað yfir 30 milljarða

Tæplega 50 þúsund manns skora á stjórnvöld að tryggja ríkinu eignarhald á orkuauðlindum landsins. Ef ríkið tekur HS Orku eignarnámi má telja að greiða þurfi Magma 33 milljarða í bætur.

Neitar því að hafa skipt um skoðun um Gjástykki

Umhverfisstofnun taldi fyrir sex árum að fyrirhugaðar rannsóknir Landsvirkjunar í Gjástykki væru ekki líklegar til að valda miklum umhverfisáhrifum. Nú segir stofnunin hins vegar verulegar líkur á að þær hafi í för með sér talsverð neikvæð áhrif og hvetur til friðlýsingar.

Skólameistari íhugar málaferli vegna auglýsinga Office 1

Formaður bæjarráðs Akureyrar og tveir skólameistarar í bæjarfélaginu voru notaðir í heimildarleysi í auglýsingar Office 1 á Akureyri fyrir jól. Skólameistari MA skoðar nú lagalega stöðu sína. Markaðsstjóri Office 1 segir að um húmor hafi verið að ræða.

Jóhanna: Ríkisstjórnin einhuga um friðlýsingu Gjástykkis

„Ríkisstjórnin er einhuga í því að vinna að friðlýsingu Gjástykkis í samræmi við samþykkt hennar þar um, snemma á síðasta ári,“ segir Jóhanna Sigurðardóttir, forsætisráðherra.

Friður á vinnumarkaði afar mikilvægur

Jóhanna Sigurðardóttir, forsætisráðherra, hvatti í dag forsvarsmenn ASÍ og Samtaka atvinnulífsins til að gæta hófs í kröfugerð á hendur ríkinu svo aðhalds- og stöðugleikamarkmiðum ríkisstjórnarinnar verði ekki stefnt í hættu.

Hálfu tonni af kæstum hákarli stolið - fagmenn að verki

Rúmlega hálfu tonni af kæstum hákarli var stolið úr hjalli skammt fyrir utan Reykjanesbæ í vikunni. Þjófurinn, eða þjófarnir, voru greinilega vel að sér í hákarlaverkun samkvæmt heimasíðunni Freisting.is sem greindi fyrst frá málinu.

Öskjuhlíðaskóli og Safamýraskóli sameinaðir

Menntaráð samþykkti á fundi sínum í dag að sameina starfsemi Safamýrarskóla og Öskjuhlíðarskóla. Tillögu þess efnis verður beint til borgarráðs. Samkvæmt tillögunni er gert ráð fyrir því að nýr sameinaður sérskóli starfi í húsnæði Öskjuhlíðarskóla og taki til starfa næsta haust. Fram að þeim tíma undirbúi starfshópur starfsemi nýja skólans með stefnumótun og verkáætlun sem taki til breytinga á húsnæði, starfsmannahaldi og upplýsingamiðlun til allra hagsmunaaðila.

Óljóst um afdrif limsins - safnstjóri þögull sem gröfin

„Ég get hvorki játað né neitað þessu,“ svaraði Sigurður Hjartarson, safnstjóri Hins íslenska reðursafns, spurður hvort limur Páls Arasonar, hefði verið afhentur. Viðskiptablaðið greinir frá því á vef sínum að limurinn sé kominn í hendur Sigurðar.

Flogaveikum dæmdar bætur: Viðurkenningin mikilvægust

„Það mikilvægasta er að það hafi loksins verið viðurkennt að það hafi verið brotið á mér," segir Ágúst Hilmar Dearborn, sem sigraði skaðabótamál gegn ríkinu í dag, þar sem Héraðsdómur Reykjavíkur dæmdi ríkið til þess að greiða Ágústi sex og hálfa milljón fyrir ólögmæta frelsissviptingu.

Fjórir í varðhaldi vegna skotárásar - lögreglurannsókn lokið

Hæstiréttur sneri í dag við gæsluvarðhaldsúrskurði yfir tveimur mönnum sem eru grunaðir um aðild að skotárás í Bústaðahverfi á aðfangadag.

Útlenskar konur sakaðar um málamyndahjónabönd

Útlendingastofnun hefur afturkallað dvalarleyfi þriggja kvenna á þeim grundvelli að þær hafi stofnað til málamyndahjónabanda við íslenskra karla. Konurnar þrjár stefndu útlendingastofnun og íslenska ríkinu vegna ákvörðunarinnar og vilja að hún verði ógild. Fyrirtaka var í málinu í dag.