Landsdómur bíður eftir ákæruskjali

Landsdómur hefur enn ekki verið kallaður saman vegna málshöfðunar gegn Geir H. Haarde, fyrrverandi forsætisráðherra. Skrifstofustjóri Hæstaréttar, sem heldur utan um málefni landsdóms þar til starfsmaður verður ráðinn til þess, segir að ekki hafi enn gefist tilefni til þess að kalla landsdóm saman.

Leggja til bann við kynferðislegri misnotkun dýra

Nefnd um endurskoðun dýraverndarlaga mun leggja til að kynferðisleg misnotkun dýra verði gerð refsiverð. Þetta segir Kristinn Hugason, formaður nefndarinnar.

Býður sig fram til formanns VR

Stefán Einar Stefánsson siðfræðingur lýsti yfir framboði til embættis formanns VR á framhaldsaðalfundi sem haldinn var í félaginu í gær. Kosningarnar verða í mars. Stefán Einar segist taka þessa ákvörðun að vandlega yfirlögðu ráði og eftir áskoranir frá félagsmönnum sem uggandi séu yfir þeirri óeiningu sem ríki innan stjórnar félagsins.

Segir tilgang friðlýsingar Gjástykkis að draga úr líkum á álveri

Oddviti sjálfstæðismanna í Norðurþingi segir tilgang ríkisstjórnarinnar með friðlýsingu Gjástykkis að minnka möguleika á byggingu álvers í Þingeyjarsýslum. Hann segir eðlilegt að sveitarfélögin taki við rannsóknarleyfinu af Landsvirkjun og láti hefja boranir strax í sumar.

Þyrla gat ekki sótt sjómann - ástand skipverja stöðugt

Þyrla Landhelgisgæslunnar var kölluð út rétt fyrir klukkan tíu í gærkvöldi til að sækja slasaðan sjómann um borð í togara sem staðsettur var um 100 sjómílur vestur af Garðsskaga.

Enn aukast álögur á borgarbúa

Eigendur húsnæðis í Reykjavík geta átt von á hærri álögum frá Orkuveitu Reykjavíkur. Þetta er vegna breytinga á fráveitugjaldi. Breytingarnar hafa í för með sér að fráveitugjaldið mun hér eftir taka mið af stærð húsnæðis, eins og vatnsgjaldið, en ekki fasteignamati eins og hingað til.

Rætt um hvort jafna eigi kosningaréttinn

Mannréttindastofnun Háskóla Íslands stendur í dag fyrir málstofu þar sem umræðuefnið er hvort jafna eigi kosningaréttinn í landinu að fullu. Frummælendur á málstofunni verða prófessorarnir Dr. Grétar Þór Eyþórsson við Háskólann á Akureyri og Dr. Ólafur Harðarson við Háskóla Íslands.

Lögreglumaður kærður fyrir gáleysislega hegðun á slysstað

Ríkissaksóknari hefur hafið rannsókn á lögreglumanni sem er sakaður um að hafa afturkallað aðstoð neyðarlínunnar eftir að unnusta hans ók á barn. Það voru foreldrar barnsins sem kærðu.

BSRB kynnir viðsemjendum kröfur sínar

BSRB kynnir samninganefndum ríkisisins og Sambands íslenskra sveitarfélaga kröfur BSRB í kjarasamningum á fundum í BSRB húsinu í dag. Þar verður farið yfir þau sameiginlegu verkefni í kjarasamningum sem bandalaginu hafa verið falin af aðildarfélögunum.

Mótmæla harðlega niðurskurði til Strætó

Fulltrúar Sjálfstæðisflokksins í umhverfis- og samgönguráði Reykjavíkur mótmæltu harðlega þeim niðurskurði sem verður á fjárveitingum til Strætó á þessu ári. Sjálfstæðismenn segja að í fjárhagsáætlun borgarinnar séu framlög Reykjavíkur til Strætó bs. skorin niður um rúm 5%, sem hafi kallað á umtalsverða fargjaldahækkun og muni leiða til verulegrar skerðingar

Þrír fá áskrift að handboltanum

Dregið var úr innsendum lausnum á myndagátu Fréttablaðsins í gær. Gátan birtist í blaðinu á gamlársdag.

Flóðin í Brisbane: „Staðan er orðin miklu verri en í gær“

„Staðan er orðin miklu verri en í gær. Það er orðið meira vatnsmagn í ánni og búið að loka miðborginni," segir Jón Björnsson sem búsettur er rétt utan við Brisbane í Ástralíu þar sem tólf manns hafa nú látist í flóðunum. Yfir fimmtíu manns er saknað og á fjórða þúsund hafast við í neyðarskýlum.

Friðsæl fyrirtaka níumenninganna - engin mótmæli á erlendri grundu

Fyrirtaka í máli níumenninganna fór fram í Héraðsdómi Reykjavíkur í morgun. Samkvæmt upplýsingum frá starfsfólki Héraðsdóms Reykjavíkur var allt með friði og spekt en stuðningsmenn níumenninganna hafa sýnt óánægju sína á réttarhöldunum með því að fjölmenna í dómsal. Dómari hefur áður þurft að vísa mótmælendum út með aðstoð lögreglunnar.

Herjólfur siglir til Þorlákshafnar

Vegna veðurs verður ekki siglt meira á Landeyjahöfn í dag. Herjólfur leggur af stað til Þorlákshafnar klukkan þrjú og til baka til Vestmannaeyja klukkan sjö.

Krökkt af hval á loðnumiðunum

Mikið er um hvali, einkum hnúfubaka, norðaustur af landinu og eru þeir að gæða sér á loðnu, í kappi við loðnuskipin á miðunum þar.

Tókst að ná flutningabílnum upp á veg

Fjölmennu björgunarliði tókst undir morgun að koma dráttarbíl og vagni upp á veginn í Bakkaselsbrekku við Öxnadalsheiði, en bíllinn og vagninn ultu út af veginum þar í gærdag.

Bílvelta í Heiðmörk

Ökumaður og farþegi slösuðust, en þó ekki alvarlega þegar bíll þeirar valt út af Heiðmerkurvegi um klukkan þrjú í nótt. Bíllinn fór heila veltu og hafnaði á hólunum. Fólkið var flutt á slysadeild til aðhlynningar.

Brotist inn í tölvuverslun á Selfossi

Brotist var inn í tölvuverslun á Selfossi um fjögur leitið í nótt og þaðan stolið dýrri tölvu og mörgum fullkomnum og stafrænum myndavélum.

Ný rannsókn kann að gefa sköllóttum von um lækningu

Ný rannsókn á eðli skallamyndunar hjá körlum ýtir undir vonir um að hægt verði að lækna skalla.

Sinubruninn: Rannsaka hvort eldurinn hafi kviknað á nokkrum stöðum í einu

Fjöldi slökkviliðs- og lögreglumanna barðist fram á nótt við gríðar mikinn sinueld, sem kviknaði í Vatnsmýrinni, skammt frá húsi Íslenskrar erfðagreiningar rétt fyrir klukkan ellefu í gærkvöldi.

Veðurstofan varar við snjóflóðahættu á Norðurlandi

Veðurstofa Íslands beinir þeim tilmælum til skíðamanna, vélsleðafólks og annarra að vera ekki á ferð á snjóflóðasvæðum, halda sig frá snjóflóðabrekkum og vera ekki á ferð þar sem snjóflóð geta fallið.

Leki kom að færeysku flutningaskipi

Færeyskt flutningaskip tók þrisvar niðri á grynningum, þegar það var á leið út frá Þórshöfn á Langanesi um tíu leitið í gærkvöldi. Við það rifnuðu göt á jafnvægistanka skipsins og leki kom að því.

Ráðuneytið vísar á stjórnvöld erlendis

Innanríkisráðuneytið hefur óskað eftir gögnum frá Indlandi sem varða Jóel Færseth Einarsson, sem fékk íslenskan ríkisborgararétt í lok síðasta árs. Þrátt fyrir það hefur drengurinn enn ekki fengið vegabréf til að snúa heim til Íslands. Fulltrúar ráðuneytisins vildu ekki tjá sig um málið við Fréttablaðið, en yfirlýsing var birt á vef þeirra í gær.

Mismunun ef blindir fengju leigubíl

„Við erum að taka yfir þennan málaflokk frá ríkinu og ætlum okkur að skara fram úr í þjónustu við fatlaða til lengri tíma,“ segir Guðrún Pálsdóttir, bæjarstjóri í Kópavogi.

ESB-viðræðunum kann að verða slitið þyki ástæða til

Ekki er fullvíst að viðræðum um aðild Íslands að Evrópusambandinu verði lokið með samningi sem borinn verður undir þjóðina. Áður en af því getur orðið kann sú staða að koma upp að Alþingi endurmeti aðildar­umsóknina. Þetta er mat Árna Þórs Sigurðssonar, starfandi formanns þingflokks Vinstri hreyfingarinnar – græns framboðs.

Hlutverk mannréttindaráðs óljóst

Fulltrúar sjálfstæðismanna í borgarráði munu leggja fram fyrirspurn á borgarráðsfundi á morgun um lagalega endurskoðun á hlutverki mannréttindaráðs Reykjavíkur.

Skógræktarfélagið hvetur til mótmæla

„Gangi frumvarpið óbreytt í gegn mun það skaða skógrækt á Íslandi stórlega til frambúðar.“

Aðsókn of lítil til áframhalds

Menntaskólinn í Reykjavík mun ekki hafa sérbekk fyrir þá nemendur sem ljúka grunnskóla fyrr á komandi skólaári. Slíkt hefur tíðkast á síðustu tveimur árum og segir Yngvi Pétursson rektor að verkefnið hafi gefist vel. Í ár hefur aðsóknin hins vegar verið svo lítil að ákveðið var að blása verkefnið af.

Vill að stjórnvöld lækki skattana

Eldsneytisverð náði nýjum hæðum í gær þar sem verð á bensínlítra í sjálfsafgreiðslu fór allt upp í 213,6 krónur og lítraverð á dísilolíu fór upp í 213,9 krónur. Sáralítill verðmunur er milli útsölustaða þar sem innan við krónu munar á hvorri tegund.

Kjöt merkt með fituinnihaldi

Í byrjun næsta árs taka gildi í Bandaríkjunum nýjar reglur Matvælaeftirlits Bandaríkjanna (FSIS) sem gera framleiðendum skylt að upplýsa um næringargildi á umbúðum 40 algengustu kjöt- og fuglakjötstegunda í verslunum.

Félagsmönnum í VR gert auðveldara að kjósa forystu

Nokkrar lagabreytingar voru samþykktar á framhaldsaðalfundi í VR sem lauk á tólfta tímanum í kvöld. Þar á meðal var tillaga frá Rannveigu Sigurðardóttur sem mun meðal annars gera almennum félagsmönnum í félaginu auðveldara að kjósa forystu.

„Íbúðin fylltist bara af reyk“

„Ég rétt náði að færa bílinn minn, hann stóð þarna einn í eldinum," segir íbúi á stúdentagörðunum við Eggertsgötu. Hann segist hafa fyrst orðið var við eldinn í Vatnsmýrinni þegar nágranni sinn dinglaði á bjölluna hjá sér og tilkynnti að það væri kviknað í túninu fyrir framan húsið.

Foreldrar eiga að fylgjast með börnum á netinu

Alls kyns nýjar samskipta- og spjallsíður hafa skotið upp kollinum á internetinu og sjaldan hefur verið mikilvægara að foreldrar viti hvaða sýndarheimum börn og ungmenni hrærast í og hvaða síður þau sækja.

Verkfall gæti ógnað loðnuvertíðinni

„Það er mikil samstaða í þessum hópi og mikill einhugur,“ segir Sverrir Mar Albertsson, framkvæmdastjóri Afls, starfsgreinafélags á Austurlandi. Á tiltölulega fjölmennum fundi á Egilsstöðum í kvöld var samþykkt að efna til atkvæðagreiðslu um vinnustöðvun í sex fiskimjölsverksmiðjum á Austurlandi.

ÍAV þarf að segja upp 170 manns

ÍAV sem er verktakahluti Íslenskra aðalverktaka þarf að segja upp 170 starfsmönnum í sparnaðarskyni, en það er tæplega helmingur allra starfsmanna fyrirtækisins.

Vatnsmýrin logar

Mjög mikill sinubruni er nú í Vatnsmýrinni í Reykjavík, nálægt Norræna húsinu. Samkvæmt upplýsingum frá slökkviliði höfuðborgarsvæðisins eru „fjölmargir" slökkvibílar á vettvangi.

Icesave hafi ekki áhrif á lánshæfismat

Indefence hópurinn vill að Icesavesamningurinn verði borinn undir lánsmatshæfisfyrirtækin áður en hann verður afgreiddur á Alþingi til að full vissa fáist um það fyrirfram að lánshæfismat Íslands muni ekki falla verði samningsdrögin staðfest.

„Þetta er eins og í amerískri bíómynd“

Um eitt hundrað þúsund heimili í áströlsku borginni Brisbane gætu farið undir vatn á næsta sólarhringum. Íslendingur sem þar býr segir íbúa byrjaða að hamstra nauðsynjavörur enda flóðin þar þau verstu í meira hundrað ár.

Blekkja erlendar konur

Oft hefur það komið upp að konur af erlendum uppruna hafa verið fengnar til að skrifa upp á skuldaviðurkenningar fyrir eiginmenn sína og vitað er um dæmi þess að þær hafi jafnvel verið blekktar til að afsala sér forsjá barna sinna. Þetta segir lögmaður sem annast hefur mál erlendra kvenna.

Bannað að sletta í barnatíma

Ríkissjónvarpið hefur ákveðið að hætta að sýna barnaefni þar sem enskum orðum og setningum er skotið inn í íslenskt tal, í kennsluskyni. Engin umræða hefur farið fram í fræðasamfélaginu um gildi svona tungumálakennslu hér á landi.

Bílarnir skemmdust í óveðrinu

Milljóna tjón varð á bílum sem stóðu við Landeyjahöfn síðustu helgi en þá gekk mikið óveður yfir. Bíleigandi segir ólíklegt að tryggingar bæti nokkuð og varar fólk við að geyma bíla sína við höfnina ef hvasst er.

Fjölmargar ábendingar borist

Lögreglan á höfuðborgarsvæðinu lýsir enn eftir Matthíasi Þórarinssyni, 21 árs, en ekkert hefur spurst til hans í nokkurn tíma. Samkvæmt upplýsingum frá lögreglunni hafa fjölmargar ábendingar borist vegna Matthíasar og bílsins sem hann ekur um á, en ekkert af þeim hefur skilað niðurstöðu.

Ekkert óeðlilegt við fjölda öryrkja á Litla-Hrauni

Fangi á Litla-Hrauni telur ekki óeðlilegt að öryrkjar séu mun fleiri í hópi fanga en úti í þjóðfélaginu. Margir fangar komi inn á Hraunið úr mikilli neyslu, glími við margskonar fíkn eða geðsjúkdóma. Þá búi fangar við aðstæður sem skapi þunglyndi.

Landsvirkjun bíður með boranir í Gjástykki

Iðnaðarráðherra segir ríkisstjórnina einhuga um að friðlýsa Gjástykki. Heimamenn benda á að fyrir liggi staðfest skipulag um að svæðið verði tekið undir orkuvinnslu. Landsvirkjun hugðist hefja boranir þar í sumar, í samræmi við rannsóknarleyfi sem Orkustofnun veitti í gær, en hefur nú ákveðið að halda að sér höndum.

Ráðuneytið bíður eftir upplýsingum frá Indlandi

Innanríkisráðuneytið bíður eftir viðbrögðum indverskra stjórnvalda við fyrirspurn ráðuneytisins um forsjá Jóels Færseth Einarssonar, sem hefur verið fastur ásamt foreldrum sínum á Indlandi síðan í nóvember. Vonast er til að Jóel geti fengið íslenskt vegabréf þegar upplýsingar frá indverskum stjórnvöldum hefur borist.