Gos gæti verið hafið

Hugsanlegt er að lítið eldgos sé þegar hafið í Grímsvötnum og það hafi byrjað á þriðja tímanum í nótt. Vísindamenn eru nú á leið í flugvél Landshelgisgæslunnar yfir svæðið til að kanna hvað þar er á seyði. Það var milli klukkan

Heimsækir stríðshrjáð börn í Úganda

Starfsmenn á vegum Barnaheilla leggja af stað til Norður-Úganda á laugardag en samtökin eru þar með verkefni sem miða að því að auka skólaaðgang. Með í för verður skáldið Gerður Kristný sem ætlar að kynna sér aðstæður úganskra barna.

Mike Tyson millilenti á Íslandi

Ferðalangar um borð í þotu Icelandair ráku upp stór augu þegar uppgötvaðist að Mike Tyson var á meðal farþega um borð í vél félagsins morgun. Tyson, sem af mörgum er talinn einn besti boxari allra tíma, var á leið til Glasgow í Skotlandi þar sem hann mun halda fyrirlestra um lífshlaup sitt sem er ansi skrautlegt, svo vægt sé til orða tekið. Hann skipti um vél í Keflavík og flaug með Icelandair til Glasgow.

„Við viljum auðvitað gleðja sem flesta“

„Hver einasti kassi skiptir máli og gleður eitt barn. Fyrir okkur sem höfum farið til Úkraínu og upplifað gleði barnanna skiptir það mestu máli, ekki endilega fjöldi kassanna þó við viljum auðvitað gleðja sem flesta," segir Björg Jónsdóttir, skipuleggjandi verkefnisins Jól í skókassa. Þeir sem vilja láta gott af sér leiða og taka þátt í verkefninu hafa tíma til næstkomandi laugardags.

Fjölmenningarþing í Reykjavík: Nítján frambjóðendur

Fyrsta fjölmenningarþing Reykjavíkurborgar verður haldið í Borgarleikhúsinu komandi laugardag. Á þinginu fer fram kosning í fjölmenningarráð en því er ætlað er að vera ráðgefandi fyrir mannréttindaráð Reykjavíkurborgar og stofnanir borgarinnar í málefnum innflytjenda. Í ráðið verða kosnir fimm aðalfulltrúar og tveir varamenn og hafa 19 einstaklingar af 15 þjóðernum ákveðið að gefa kost á sér. Allir innflytjendur af erlendum uppruna sem orðnir eru 18 ára og eiga lögheimili í Reykjavík mega kjósa.

Tekjur hins opinbera hæstar árið 2006

Út eru komin Hagtíðindi í efnisflokknum þjóðhagsreikningar um tekjur hins opinbera, þ.e. ríkis, sveitarfélaga og almannatrygginga. Meginmarkmið ritsins er að gefa yfirlit um umfang og þróun tekna hins opinbera á árunum 1998-2009.

Stýrivextir lækka í 5,5%

Peningastefnunefnd Seðlabanka Íslands hefur ákveðið að lækka vexti bankans um 0,75 prósentur. Vextir á viðskiptareikningum innlánsstofnana lækka í 4,0% og hámarksvextir á 28 daga innstæðubréfum í 5,25%. Vextir á lánum gegn veði til sjö daga, svokallaðir stýrivextir, lækka í 5,5% og daglánavextir í 7,0%.

Forvarnardagurinn í dag: Minnst klukkustund með fjölskyldunni

Forvarnardagurinn er haldinn í öllum grunnskólum landsins í dag. Dagurinn er helgaður nokkrum heillaráðum sem geta forðað börnum og unglingum frá fíkniefnum, ráðum sem eiga erindi við allar fjölskyldur í landinu.

Vatnsrennslið í Gígju enn að aukast

Vatnsrennslið úr Grímsvötnum í Vatnajökli jókst enn í nótt og áin Gígja breiðir nú úr sér á stóru svæði fyrir neðan jökulinn.

Byrjað að ryðja Holtavörðuheiðina og Víkurskarðið

Vegagerðarmenn eru byrjaðir að ryðja Holtavörðuheiðina og Víkurskarð á milli Akureyrar og Húsavíkur, en ófært varð á þessum slóðum undir kvöld í gær og ekki var hægt að hefja mokstur vegna veðurs.

Einkamálum fækkar

Um 9.700 einkamál hafa verið höfðuð fyrir héraðsdómstólum landsins fyrstu níu mánuði ársins. Það er mikil fækkun frá því á síðasta ári, þegar tæplega 17.300 mál voru höfðuð á sama níu mánaða tímabili. Þessar upplýsingar koma fram í samantekt dómsmálaráðs Íslands sem unnin var fyrir Fréttablaðið.

Sofi Oksanen í viðtali: Frjór jarðvegur til að misnota fólk

Finnski rithöfundurinn Sofi Oksanen tekur við bókmenntaverðlaunum Norðurlandaráðs í dag fyrir skáldsöguna Hreinsun. Í samtali við Fréttablaðið segist hún hafa viljað vekja athygli á sögu eistnesku þjóðarinnar undir járnhæl Sovétríkjanna.

Skulu skoða myndir á lögreglustöð

Par sem ákært hefur verið fyrir að að taka og geyma 64 myndir af tíu ungum stúlkum þar sem þær voru í sturtu, fær ekki myndirnar, samkvæmt dómi Hæstaréttar.

Segir Icelandic taka upp þvingunarkerfi

Óánægju gætir hjá forvígismönnum samtaka í sjávarútvegi með ákvörðun Icelandic Group um að innleiða svonefnda MSC-vottun í þorsk- og ýsuveiðum við Ísland.

Hrottar ákærðir fyrir ofbeldisfull brot

Þrír rúmlega tvítugir menn hafa verið ákærðir fyrir líkamsárásir, hótanir, tilraun til fjárkúgunar og vopnalagabrot.

Hótaði strokuhænum lífláti

Lögreglustjórinn á Akureyri hefur höfðað opinbert mál fyrir Héraðsdómi Norðurlands eystra á hendur konu á sjötugsaldri fyrir að hafa látið hendur skipta vegna flökkugjarnra hænsna og ferða þeirra.

Lúlli löggubangsi fór á spítala

Lúlli löggubangsi varð fyrir smá óhappi um daginn og leitaði sér aðstoðar á Bangsaspítalanum. Samkvæmt upplýsingum frá lögreglunni voru meiðsl hans sem betur fer ekki alvarleg og Lúlli var útskrifaður eftir að læknar og hjúkrunarfólk höfðu skoðað hann gaumgæfilega.

Safnað fyrir fjölskyldu meints fjársvikamanns

Forsvarsmenn Hvítasunnusafnaðanna á Íslandi eru búnir að kæra fyrrverandi framkvæmdastjóra Hvítasunnusafnaðanna til lögreglu.

Icesave viðræðum lokið fyrir mánaðarlok

Viðræðum um lausn á Icesave samningnum verður lokið áður en nóvember er á enda, segir Össur Skarphéðinsson utanríkisráðherra í samtali við Reuters.

Landsvirkjun til bjargar Helguvík

Umframorka Landsvirkjunar og orka frá Búðarhálsvirkjun fara að hluta í Helguvík, samkvæmt nýjustu áætlun um að tryggja álverinu þar nægilega raforku. Forstjóri Norðuráls segist myndu fagna þátttöku Landsvirkjunar í verkefninu.

Holtavörðuheiðin ófær

Holtavöruheiði er ófær, en þar er stórhríð og mikill hálka, samkvæmt upplýsingum frá Vegagerðinni. Hálkublettir eru á Hellisheiði. Á Vesturlandi er hálka og skafrenningur á Bröttubrekku. Hálka er á Fróðárheiði og á Vatnaleið annas hálkublettir mjög víða.

Íslendingar greiða milljarða í þróunaraðstoð

Vigdís Hauksdóttir, þingmaður Framsóknarflokksins, vill að Íslendingar fái undanþágur frá greiðslum í þróunarsjóð EFTA. Vigdís sagði í Reykjavík síðdegis í dag að samkvæmt fjárlagafrumvarpi fyrir næsta ár ætti að greiða einn og hálfan milljarð á næsta ári í þennan sjóð. „Svo alvarlegasti hlutirinn er sá að nú liggur fyrir Alþingi frumvarp sem felur í sér breytingu á EES samningnum þar sem þessar greiðslur eru lögfestar til næstu fimm ára," segir Vigdís.

Danir brutu lög

Danir hafa brotið lög með því að vísa úr landi norrænum ríkisborgurum. Þetta er niðurstaða lögfræðinga sem Norðurlandaráð fékk til að meta réttmæti aðgerða Dana.

Vilja að starfsmenn taki þátt í gerð fjárhagsáætlunar

Borgarfulltrúar Sjálfstæðisflokksins vilja að starfsmenn Reykjavíkurborgar taki þátt í gerð fjárhagsáætlunar fyrir næsta ár. Þeir fluttu tillögu þess efnis á borgarstjórnarfundi í dag.

Svifryk á Grensásvegi

Svifryksgildi mælast nú há við Grensásveg í Reykjavík, samkvæmt tilkynningu Umhverfis- og samgöngusviði Reykjavíkurborgar. Klukkan hálf fjögur í dag mældist svokallað hálftímagildi yfir eitt þúsund míkrógrömmum á rúmmetra en heilsuverndarmörkin á sólarhring eru 50 míkrógrömm á rúmmetra.

Michael Porter: Hættið að leita að sökudólgum hrunsins

Michael Porter, prófessor við Harvard-háskóla, segir að framtíð Íslands liggi í jarðvarmageiranum, sem sé óslípaður demantur Íslands. Sigríður Mogensen, fréttamaður á Stöð 2, hitti Michael Porter í morgun og ræddi við hann um þessi mál.

Lenging í lánum er bara ein hugmynd af mörgum

Ragnheiður Elín Árnadóttir, þingflokksformaður Sjálfstæðisflokksins, segir það misskilning hjá Lilju Mósesdóttur, þingmanni vinstri grænna, að Sjálfstæðisflokkurinn ætli að leysa skuldavandann með því einu að lengja í lánum.

Tæplega 15 þúsund fjárnámsbeiðnir

Í lok október á þessu ári höfðu 14.442 fjárnámsbeiðnir verið skráðar hjá embætti Sýslumannsins í Reykjavík. Árið 2009 voru fjárnámsbeiðnir 18.211 skráðar hjá embættinu. Þetta kemur fram á vef embættisins.

Hefur þú séð grænan Land Cruiser?

Lögreglan á Hvolsvelli auglýsir eftir Toyota Land Cruiser jeppa með skráningarnúmerið MD-522. Jeppinn er svokallaður 90 Cruiser og er dökk grænn og grár að neðan. Honum var stolið í morgun á milli klukkan 8 og 13 við Grunnskólann á Hvolsvelli.

Hefur meiri áhyggjur af stuðningi við mótmælin en löku fylgi

Forsætisráðherra segir að erfið fjárlög útskýri minnkandi stuðning við ríkisstjórnina, en hann mælist aðeins 30 prósent. Forsætisráðherra segist hafa meiri áhyggjur af miklum stuðningi við mótmælaaðgerðir enda vinni þjóðin sig ekki úr kreppunni nema með jákvæðu hugarfari.

Guðjón í Oz gerður að heiðursfélaga: Ekki með stúdentspróf

„Ég er bara hissa og ánægður að vera hluti af fagfélagi, þrátt fyrir að vera ekki með stúdentspróf," segir Guðjón Már Guðjónsson, betur þekktur sem Guðjón í OZ. Hann var á dögunum gerður að heiðursfélaga í Félagi tölvunarfræðinga fyrir mikilsverð störf á sviði tölvunarfræði á undanförnum árum.

Sendinefnd AGS fundar um fjórðu endurskoðun

Sendinefnd frá Alþjóðagjaldeyrissjóðnum kom til Íslands í dag til að funda með íslenskum yfirvöldum um fjórðu endurskoðun á efnahagsáætlun Íslands og AGS. Nefndin verður hér á landi til 15. nóvember. Í tilkynningu sem Franek Rozwadowski, fastafulltrúi sjóðsins á Íslandi, sendi frá sér verða niðurstöður fundahaldanna kynntar fjölmiðlum áður en sendinefndin heldur af landi brott.

Þögul íhugun á fundi um samskipti trúfélaga og skóla

Fulltrúar kristinna, múslima, trúlausra, grunnskóla og leikskóla halda stutt erindi á fundi um samskipti trúfélaga og skólasamfélagsins sem haldinn verður í Laugalækjarskóla síðdegis.

Segir ríkisstjórnina skulda þjóðinni svör

Formaður Sjálfstæðisflokksins segir að ríkisstjórnin skuldi þjóðinni skýringar á nýjum tíðindum um að íslenska ríkið muni líklega þurfa að greiða miklu minna vegna Icesave-reikninganna. Greint hefur frá því að upphæðin verði líklega ekki hærri en 75 milljarðar króna.

Ósammála um líkur á eldgosi

Jarðvísindamenn eru ekki á einu máli um hvort eldgos gæti verið í aðsigi Grímsvötnum. Jarðeðlisfræðingur á Veðurstofu Íslands segir engin bráðamerki um að gos sé að hefjast í Vatnajökli á næstu dögum eða vikum. Rennslið í Gígjukvísl hefur tvöfaldast síðan í gærkvöldi - en ekki þrefaldast eins og menn bjuggust við.

Össur styrkir tengslin við Rússland

Össur Skarphéðinsson, utanríkisráðherra átti í dag formlegan fund ásamt sendinefnd með Sergei Lavrov, utanríkisráðherra Rússlands, og sjö manna fylgdarliði. Fundurinn fór fram í Osló.

Árni aðstoðarframkvæmdastjóri hjá FAO

Árni M. Mathiesen hefur verið ráðinn aðstoðarframkvæmdastjóri þróunarstarfs á sviði sjávarútvegs og fiskeldis hjá Matvæla- og landbúnaðarstofnun Sameinuðu þjóðanna (FAO). Höfuðstöðvar FAO eru í Róm.

Stoltenberg: Mikið áunnist í baráttunni við kreppuna

Mikill fjöldi fréttamanna var viðstaddur þegar norrænu forsætisráðherrarnir héldu blaðamannafund á Grand hótel í morgun. Í máli Jens Stoltenberg, forsætisráðherra Noregs kom fram að hann teldi að mikið hefði áunnist í efnahagsmálum á Íslandi síðustu misserin. Sagði hann greinilegt að Íslendingar væru á réttri leið út úr kreppunni sem skall á í kjölfar bankahrunsins 2008.

Megas, Gylfi og Rúnar taka Spáðu í mig

Ísland í dag hitti þá félaga í hljóðverinu þar sem þeir fluttu lagið Spáðu í mig eftir Megas. Nánar verður síðan rætt við þá í Íslandi í dag í kvöld klukkan 18.55.

Aka upp í skíðabrekkur í Bláfjöllum

„Borið hefur á því að ökumenn geri sér að leik að aka upp í skíðabrekkur og í síðustu viku var einnig ekið um göngusvæðið og snjórinn spændur upp sem útilokaði að hægt var að nýta til skíðagöngu þann litla snjó sem var kominn. Þeim tilmælum er eindregið beint til allra ökumanna að virða bann við akstri utan vega og bílastæða í Bláfjöllum," segir í tilkynningu frá framkvæmdastjóra skíðasvæðanna.

Sturla er kominn heim

Sturla Jónsson, vörubílstjóri og mótmælandi, er fluttur aftur heim frá Noregi. „Ég var í flísalögnum þarna úti og hafði bara ekki skrokk í að liggja á hnjánum í tólf tíma á dag. Ég hugsaði því með mér hvort ég vildi kála mér strax eða flytja aftur heim," segir hann.

Fyrrverandi fjármálaráðherra vill vinna í Róm

Árni M. Mathiesen hefur sóst eftir starfi hjá Matvæla- og landbúnaðarstofnun Sameinuðu þjóðanna (FAO). Ekki hefur fengið staðfest hvort hann hafi fengið starfið en samkvæmt bloggsíðu blaðamannsins, Eiríks Jónssonar, þá hefur hann fengið starfið og mun starfa í Róm.

Bæjarfulltrúar sýknaðir: „Óþægilegt að hafa þetta hangandi yfir sér“

„Ég var ekki mjög kvíðinn yfir þessu, en það er óþægilegt að hafa svona lagað hangandi yfir sér," segir Guðríður Arnardóttir, bæjarfulltrúi Samfylkingarinnar í Kópavogi. Hún, Ólafur Þór Gunnarssyni og Hafsteinn Karlsson voru sýknuð í morgun í meiðyrðamáli sem Frjáls miðlun höfðaði í Héraðsdómi Reykjaness.

Varaformaður Siðmenntar stígur til hliðar í mannréttindaráði

Bjarni Jónsson, fulltrúi Samfylkingar í mannréttindaráði, hefur dregið sig í hlé frá afgreiðslu tillögu mannréttindaráðs um samskipti trúfélaga og skóla. Bjarni er varaformaður Siðmenntar, félags húmanista, og gagnrýndu sjálfstæðismenn í ráðinu að Bjarni tæki þátt í afgreiðslu málsins þar sem að þeirra mati hafði hann hagsmuna að gæta af því hver niðurstaðan yrði. Meirihluti ráðsins komst þó að þeirri niðurstöðu að Bjarni væri vel hæfur. Engu að síður hefur Bjarni ákveðið að stíga til hliðar.

Þing Norðurlandaráðs sett í dag

Þing Norðurlandaráðs verður sett klukkan 14.30 í dag á Grand hóteli. Þetta er 62. þingið sem haldið er. Þingið hefst með ávarpi forseta Alþingis, Ástu R. Jóhannesdóttur og forseta Norðurlandaráðs, Helga Hjörvars. Í kjölfarið hefst Norrænn leiðtogafundur. Efni leiðtogafundarins er: Grænn hagvöxtur - leiðin út úr kreppunni. Að leiðtogafundi loknum kynnir forsætisráðherra Finna, Mari Kiviniemi, formennskuáætlun Finna í Norrænu ráðherranefndinni árið 2011.