Deilt um umsóknarferlið að ESB

Málefnaþingi Vinstri hreyfingarinnar - Græns framboðs um utanríkismál lauk síðdegis í dag. Þar var tekist á um stefnu flokksins varðandi umsókn Íslands að Evrópusambandinu og hvernig umsóknarferlið hefði þróast.

Fjórhjól valt við Hafravatn

Sjúkraflutningamenn voru kallaðir að Hafravatni á fjórða tímanum í dag. Þar valt fjórhjól. Samkvæmt upplýsingum sem Vísir hefur frá sjúkraflutningamönnum virðist fjórhjólamaðurinn ekki vera alvarlega slasaður.

Skólavörðustígurinn iðar af lífi

Skólavörðustígurinn iðar af lífi í dag, fyrsta degi vetrar. Súpudagurinn er haldinn hátíðlegur og hafa langar biðraðir myndast fyrir utan gamla fangelsið á Skólavörðustíg. Þar býður Úlfar Eysteinsson kokkur vegfarendum upp á súpu til að ylja sér með.

Sigrún Pálína fékk Jafnréttisviðurkenningu Stígamóta

Sigrún Pálína Ingvarsdóttir hefur fengið veitta Jafnréttisviðurkenningu Stígamóta fyrir árið 2010. Í rökstuðningi með viðurkenningunni segir að Sigrún Pálína hafi sýnt ótrúlega þrautseigju og hugrekki með því að segja sögu sína, þrátt fyrir ítrekaðar og öflugar þöggunartilraunir.

Vill að ríkið hætti gæluverkefnum

Það mætti draga úr högginu á heilbrigðisþjónustu landsbyggðarinnar með því að skera niður gæluverkefni í stefnulausu fjárlagafrumvarpi, að mati Kristján Þórs Júlíussonar þingmanns Sjálfstæðisflokksins. Hann telur til dæmis einboðið að fresta stofnun Byggingarstofnunar, Fjölmiðlastofu og draga úr íslenskri friðargæslu í þessu árferði.

Finnst staða kvenna hafa versnað

Staða kvenna á Íslandi hefur versnað undanfarin ár, segir Þórhildur Þorleifsdóttir, fyrrverandi þingmaður Kvennalistans. Steinunn Stefánsdóttir, aðstoðarritstjóri Fréttablaðsins, tók Þórhildi tali í tilefni af kvennafrídeginum sem er á mánudag.

Á sjöunda hundrað starfsmanna horfnir á braut

Starfsmenn á Landspítala eru nú 627 færri en voru í janúar 2009 og rúmum hefur fækkað um 90. Landspítalinn þarf að skera niður um 850 milljónir á næsta ári og verða helstu tillögur að niðurskurði kynntar eftir 2-3 vikur, segir Björn Zoëga, forstjóri Landspítalans, í pistli á vef Landspítalans.

Brutu rúðu á lögreglustöðinni með slökkvitæki

Rúða var brotin í húsnæði lögreglunnar á Grindavik um eittleytið í nótt.

Eldur í íbúðarhúsi á Ísafirði

Betur fór en á horfðist þegar eldur kom upp í risi í íbúðarhúsnæði á Ísafirði um klukkan hálftíu í gærkvöld. Slökkviliðinu tókst að ráða niðurlögum eldsins á skömmum tíma en töluvert tjón hefði getað hlotist af.

Sést henda hnífnum í sjóinn

Myndband sem sýnir Gunnar Rúnar Sigurþórsson henda hnífi í smábátahöfnina í Hafnarfirði er meðal rannsóknargagna vegna manndrápsins í Hafnarfirði í ágúst. Hann mun þá hafa verið að koma beint af heimili Hannesar Þórs Helgasonar eftir að hafa orðið honum að bana. Myndbandið er úr eftirlitsmyndavél við höfnina.

Áverkar á höfði eftir átök á 800 bar

Karlmaður var fluttur með áverka á höfði til skoðunar á slysadeild eftir átök á 800 bar á Selfossi í nótt. Ágreiningur á milli tveggja manna endaði með því að annar sparkaði í höfuð hins og þótti ráðlegast að flytja hann með sjúkrabifreið til Reykjavíkur þar sem hægt væri að skoða hann.

Grunaðir um framleiðslu á marijúana og amfetamíni

Karlmennirnir fjórir, sem handteknir voru í fyrradag vegna rannsóknar lögreglu á framleiðslu fíkniefna, eru grunaðir um að hafa bæði framleitt amfetamín og marijúana.

Við samningslok liggja kostirnir skýrt fyrir

Samstaða var um að ljúka aðildar­viðræðum við Evrópusambandið (ESB) og að þingmenn kysu um niðurstöðuna, í pallborði og hjá frummælendum á nýafstaðinni morgunráðstefnu samtakanna Sterkara Ísland.

EES-samningurinn var versti kostur Finna

Juhana Aunesluoma, sem stýrir Evrópufræðastofnun Háskólans í Helsinki, reifaði afstöðu Finna til Evrópusambandsins í gegnum árin. Finnar hefðu, ólíkt Svíum, verið hrifnir af yfirþjóðlegum þætti ESB og fljótir til að finna sinn sess í Brussel.

Óttast glæpi en ekki stóra tölvuárás

Íslenskum tölvunotendum stafar mun meiri hætta af skipulagðri glæpastarfsemi á netinu en skipulagðri árás sem hefði það að markmiði að setja íslensk fjarskipti á hliðina, að mati sérfræðinga í tölvuöryggismálum.

Mannréttindi og öryggi skert

Persónuvernd leggst gegn áformum heilbrigðisráðuneytisins um að leggja að mestu af aðkomu stofnunarinnar að leyfisveitingum til aðgangs að sjúkraskrám.

Hefur fætt barn í bíl og flugvél

„Við náðum ekki á spítalann, það er ekki flóknara en það,“ segir Þórunn Hrund Óladóttir, sem fæddi dreng fyrir utan sjúkrahúsið í Neskaupstað snemma á fimmtudagsmorgun.

Byggi stúku eða spili leiki utanbæjar

Bæjarfulltrúar í Snæfellsbæ telja að Knattspyrnusamband Íslands hafi stillt bæjarfélaginu upp við vegg þannig að ekki sé umflúið að bærinn styrki byggingu 350 manna stúku í Ólafsvík um sjö milljónir króna.

Hópur vildi draga aftur ESB-umsókn

Málefnaþing Vinstri Grænna um utanríkismál hófst í gær þar sem mál tengd umsókn Íslands í Evrópusambandið voru meðal þess sem brann á fólki.

Bærinn boðar lokun Borgar

Bæjaryfir­völd í Kópavogi ætla að loka Steypustöðinni Borg á Kársnesi með valdi næsta föstudag.

Hætt að bjóða börnum í sund

Hætt verður að bjóða börnum að fara ókeypis í sund á Akureyri og gjaldskrá í Hlíðarfjalli verður hækkuð á næstunni.

Elsta vetrarbrautin mynduð

„Þetta er fjarlægasta fyrirbæri sem sést hefur í alheiminum hingað til. Ljósið frá þessari vetrarbraut lagði af stað fyrir rúmlega þrettán milljörðum ára, nánar tiltekið aðeins um 600 milljón árum eftir Miklahvell. Það er um átta milljörðum ára áður en jörðin var til," segir Sævar Helgi Bragason, ritstjóri Stjörnufræðivefsins og tengiliður ESO á Íslandi, um nýjustu uppgötvun stjarnvísindanna.

15% aukning á sölu nautakjöts

Sala á nautakjöti jókst um 15,3 prósent í nýliðnum september samanborið við sama mánuð í fyrra, samkvæmt samantekt Bændasamtaka Íslands.

Fagfólk skóla virðist vanmeta eineltið

Börn sem eiga erlenda foreldra eru helmingi líklegri til að upplifa einelti en þau sem eiga íslenska foreldra. Þetta kemur fram í rannsókn Þórodds Bjarnasonar, prófessors í félagsfræði við Háskólann á Akureyri.

Tveir meintir fjársvikarar áfram í gæsluvarðhaldi

Tveir aðilar hafa verið úrskurðaðir í áframhaldandi gæsluvarðhald til 5. nóvember að kröfu lögreglunnar á höfuðborgarsvæðinu en þeir eru grunaðir um aðild að umfangsmiklu fjársvikamáli sem er til rannsóknar hjá lögreglu.

Íslendingur lést af slysförum í Lettlandi

Tuttugu og níu ára gamall Íslendingur lést af slysförum í Ríga, höfuðborg Lettlands, í nótt.

Ráðherrar setjast á skólabekk

Ráðherrar ríkistjórnarinnar eru á leið á skólabekk. Ríkisstjórnin samþykkti á fundi sínum í morgun tillögu forsætisráðherra um að fela Stjórnsýsluskóla Stjórnarráðsins að skipuleggja fræðslu fyrir ráðherra og aðstoðarmenn þeirra um stjórnsýslu- og upplýsingarétt ásamt fræðslu um jafnréttismál og siðareglur.

Gunnar Rúnar áfram í gæsluvarðhaldi

Gunnar Rúnar Sigurþórsson hefur verið úrskurðaður í áframhaldandi gæsluvarðhald til 19. nóvember að kröfu lögreglunnar á höfuðborgarsvæðinu og er það gert á grundvelli almannahagsmuna.

Jón Gnarr hvetur konur til að leggja niður vinnu

Jón Gnarr, borgarstjóri Reykjavíkur, hvetur konur sem starfa hjá Reykjavíkurborg til að taka áskorun kvennahreyfingarinnar og leggja niður störf klukkan 14.25 á mándag. Í bréfi sem borgarstjóri hefur sent öllu starfsfólki borgarinnar segir að stjórnendur hafi verið sérstaklega hvattir til að gera sem flestum konum kleift að taka þátt í kvennagöngu sem farin verður þennan dag í tilefni af kvennafrídeginum. Þannig verða foreldrar beðnir um að sækja börnin sín fyrr þennan dag.

Hundur gómaði mink á Reykjanesi

„Það var skemmtilegt að lenda í þessu, sérstaklega miðað við það hvernig þetta endaði," segir Þröstur Halldórsson hundaeigandi í Reykjanesbæ.

Tilfinningarík stund þegar kraftaverkabarnið var kvatt

Það var tilfinningarík stund á ríkisspítalanum í Mugla í Tyrklandi í gær þegar syni hjónanna Dagbjartar Þóru Tryggvadóttur og Jóhanns Árnasonar var komið í umsjá íslenska konsúlsins í Tyrklandi.

Fjársvikamál: Farið fram á gæsluvarðhald yfir tveimur

Lögreglan á höfuðborgarsvæðinu ætlar að krefjast áframhaldandi gæsluvarðhalds yfir tveimur einstaklingum sem voru handteknir í tengslum við umfangsmikið fjársvikamál sem upp kom á dögunum.

Gunnfríður aðstoðar Jón Bjarnason

Jón Bjarnason sjávarútvegs- og landbúnaðarráðherra hefur ráðið Gunnfríði Elínu Hreiðarsdóttur í starf aðstoðarmanns ráðherra. Í tilkynningu segir að hún hafi þegar hafið störf.

Krefjast áframhaldandi gæsluvarðhalds yfir Gunnari Rúnari

Lögreglan á höfuðborgarsvæðinu mun krefjast áframhaldandi gæsluvarðhalds yfir Gunnari Rúnari Sigurþórssyni, sem hefur játað að hafa orðið Hannesi Þór Helgasyni að bana í ágúst. Fjögurra vikna gæsluvarðhald Gunnars Rúnars rennur út í dag.

Signý nýr varaformaður

Signý Jóhannesdóttir, frá Stéttarfélagi Vesturlands, var fyrir stundu kjörin varaformaður ASÍ. Signý fékk 159 atkvæði eða 64 prósent. Guðrún J. Ólafsdóttir, úr VR, sem einnig bauð sig fram til varaformanns fékk 91 atkvæði eða 36 prósent.

Frumvarp um gengislán lagt fram í ríkisstjórn

Frumvarp efnahags- og viðskiptaráðherra um gengisbundin lán var lagt fram í ríkisstjórn í dag. Markmið frumvarpsins er að tryggja öllum einstaklingum sem tóku gengisbundin fasteignaveðlán eða bílalán lægri eftirstöðvar, til samræmis við dóm Hæstaréttar frá 16. september.

Tunnum ASÍ - mótmælin hafin

Mótmæli undir yfirskriftinni „Tunnum ASÍ" eru hafin fyrir utan Nordica hótel þar sem ársfundur ASÍ stendur yfir. Um 40 mótmælendur hafa safnast þar saman og berst hávaðinn frá börðum tunnum vel inn á fundinn.

Refir fjölga sér meira en nokkru sinni fyrr

Hagur villtra refa hefur vænkast mjög vegna breytinga á orðalagi í relgugerð, og fjölga þeir sér nú meira en nokkru sinni fyrr.

Gylfi ánægður með endurkjörið - Guðrún vill varaformanninn

Gylfi Arnbjörnsson, forseti ASÍ, segist ánægður með endurkjörið en hann fékk um 73 prósent atkvæða, en 183 greiddu honum atkvæði sitt. Kosningin fór fram á ársfundi ASÍ sem nú stendur yfir. Mótframbjóðandinn, Guðrún J. Ólafsdóttir, fékk 64 atkvæði. Gylfi bendir á að þetta sé betri kosning en hann hlaut síðast þegar kosið var um embættið en hann fékk um 10 prósent fleiri atkvæði í þetta sinnið.

Sýking í tattúinu: „Reykjavík er þung byrði að bera“

„Hann fékk sýkingu í handlegginn og pensilín í æð," segir Björn Blöndal, aðstoðarmaður borgarstjóra. Sem kunnugt er fékk Jón Gnarr sér nýverið húðflúr með skjaldarmerki Reykjavíkur og virðist sýking hafa hlaupíð í húðflúrið. „Reykjavík er þung byrði að bera,“ segir Björn.

Gylfi endurkjörinn forseti ASÍ

Gylfi Arnbjörnsson, forseti ASÍ, var endurkjörinn með miklum yfirburðum á ársfundi félagsins sem stendur nú yfir. Gylfi fékk um 73 prósent atkvæða, en 183 greiddu honum atkvæði sitt. Mótframbjóðandnn, Guðrún J. Ólafsdóttir, fékk 64 atkvæði.

Suðurland: Löggæslan uppfyllir ekki lágmarks öryggiskröfur

Löggæsla á Suðurlandi uppfyllir ekki lengur lágmarks öryggiskröfur að mati lögreglufélags Suðurlands. Formaður félagsins segir að boðaður niðurskurður á næsta muni bitna á eftirliti.

Guðbjartur: Margar ástæður fyrir töfum

Guðbjartur Hannesson félagsmálaráðherra segir margar ástæður fyrir því að stórframkvæmdir hafi tafist og ekki sé hægt að kenna ríkisstjórninni alfarið um tafirnar. Forseti Alþýðusambandsins segir ríkisstjórnina í gíslingu fámenns hóps sem komi í veg fyrir framkvæmdir.

Banaslys í Tyrklandi: Drengurinn kominn til aðstandenda

Litli drengurinn sem lifði af bílslysið í Tyrklandi í fyrradag er kominn í hendur fjölskyldu sinnar. Foreldrar drengsins létust bæði í slysinu, en málið hefur vakið mikla athygli ytra.

Býður sig fram gegn forseta ASÍ

Guðrún J. Ólafsdóttir, stjórnarmaður í VR, býður sig fram gegn sitjandi forseta ASÍ, Gylfa Arnbjörnssyni. Ársfundur ASÍ stendur nú yfir.