Krefjast áframhaldandi gæsluvarðhalds yfir Gunnari Rúnari

Lögreglan á höfuðborgarsvæðinu mun krefjast áframhaldandi gæsluvarðhalds yfir Gunnari Rúnari Sigurþórssyni, sem hefur játað að hafa orðið Hannesi Þór Helgasyni að bana í ágúst. Fjögurra vikna gæsluvarðhald Gunnars Rúnars rennur út í dag.

Friðrik Smári Björgvinsson yfirlögregluþjónn segir að farið verður fram á gæsluvarðhaldið nú síðdegis.Rannsókn á DNA-sýnum af skóm Gunnars Rúnars og hnífi sem hann hefur sagt að hafi verið notaður við verknaðinn, stendur enn yfir.

Rannsókn málsins er á lokastigi og málið verður sent til ríkissaksóknara á næstu dögum eða vikum.