Gylfi nýtur áfram stuðnings

Þingflokksfundi Samfylkingarinnar lauk nú á fjórða tímanum en á fundinum var staða Gylfa Magnússonar, efnahags- og viðskiptaráðherra meðal annars rædd.

Hátt i 900 manns starfa hjá þekkingarsetrum

Efnahags- og menningarleg áhrif þekkingarsetra hér á landi eru umtalsverð. Hátt í 900 manns starfa í setrunum og heildartekjur þeirra í fyrra námu um fimm milljörðum króna. Þetta er á meðal þess sem fram kemur í

Veita Pakistönum neyðaraðstoð

SOS Barnaþorpin á Íslandi hafa ákveðið að senda 1.2 milljónir króna úr neyðarsjóði samtakanna til hjálparstarfsins á flóðasvæðunum í Pakistan. Upphæðin dugar til að sjá 500 fjölskyldum fyrir nauðþurftum í tíu daga, eftir því sem fram kemur i fréttatilkynningu.

Steingrímur ætlar að halda áfram

Steingrímur Ari Arason, forstjóri Sjúkratrygginga Íslands, ætlar að halda áfram starfi sínu sem forstjóri Sjúkratrygginga Íslands. Hann lítur ekki svo á að með því að skipa nýja stjórn yfir Sjúkratryggingum sé heilbrigðisráðherra að reyna að bola sér úr starfi.

Reyndu að sturta grasinu niður

Par var handtekið í fjölbýlishúsi á Selfossi í síðustu viku grunað um dreifingu fíkniefna. Um sextíu grömm af marijúana fannst í íbúðinni og hafði því verið pakkað í sölueiningar. Þegar að lögreglan fór inn í íbúðina var eigandinn í óðaönn að týna það ofan í klósettið en tókst ekki að koma því undan. Parið var flutt á lögreglustöð og dvaldi þar yfir nótt á meðan rannsókn fór fram.

Kennarar styðja slökkviliðsmenn

Stjórn Kennarasambands Íslands lýsir yfir fullum stuðningi við baráttu Landssambands slökkviliðs- og sjúkraflutningamanna fyrir bættum launakjörum. Stjórnin hvetur Launanefnd sveitarfélaga til að hverfa frá þeirri stefnu sinni að fjötra starfsmenn sveitarfélaga í spennitreyju lágra launa. Það sé ólíðandi að grunnlaun starfsmanna sveitarfélaga sem lægst hafa launin skuli ekki hækka í það minnsta til jafns við það sem gerst hefur almennt meðal launafólks á Íslandi að undanförnu.

Búið að slökkva í Hörpu

Greiðlega gekk að slökkva eldinn sem kom upp suðurhlið tónlistarhússins Hörpu í morgun og er slökkvistarfi lokið, samkvæmt upplýsingum frá slökkviliðinu. Eldurinn kom upp í plasti og barst svo í timbur en tjón var minniháttar.

Eldur í Hörpu

Tilkynnt var um eld í Hörpu fyrir fáeinum mínútum. Allt tiltækt lið slökkviliðsins hefur verið sent á staðinn. Mikinn reyk leggur frá húsinu og er töluverður eldur í suðurhlið hússins, samkvæmt upplýsingum sem Vísir hefur frá slökkviliðinu.

Atlaga gerð að forstjóra Sjúkratrygginga

Það á augljóslega að gera fleiri atlögur að forstjóra Sjúkratrygginga, segir Guðlaugur Þór Þórðarson, fyrrverandi heilbrigðisráðherra sem nú á sæti í heilbrigðisnefnd Alþingis. Fréttablaðið greindi frá því í dag að Álfheiður Ingadóttir heilbrigðisráðherra hefði sett af stjórn Sjúkratrygginga. Stutt er síðan að Álfheiður hugðist áminna Steingrím Ara Arason, forstjóra stofnunarinnar, en hætti við eftir umfjöllun fjölmiðla.

Nafn mannsins sem var myrtur

Maðurinn sem fannst látinn á heimili sínu í Hafnarfirði í gærdag hét Hannes Helgason. Honum var ráðinn bani með eggvopni og er morðingjans nú leitað. Hannes var framkvæmdastjóri sælgætisgerðarinnar Góu, hann var fæddur árið 1973 og bjó hann einn.

Rugluðust á milljarði og milljón

Icelandair Group birti í gærkvöldi leiðréttingu á ensku útgáfu uppgjöri annars ársfjórðungs en félagið birti uppgjörið á föstudaginn síðastliðinn. Á heimasíðunni í gær var sagt frá því að tap félagsins eftir skatta hafi numið 161 milljónum króna en ekki 161 milljarði eins og var sagt á föstudaginn.

Minnast látinna fóstra

Árleg minningarathöfn vegna fósturmissis verður haldin í Bænhúsi við Fossvogskirkju á miðvikudaginn klukkan fjögur. Þessi minningarathöfn var fyrst haldin árið 1995. Sjúkrahúsprestar og djákni Landspítalans sjá um athöfnina í samvinnu við starfsfólk Kirkjugarða Reykjavíkurprófastsdæma.

Morð í Hafnarfirði: Margir yfirheyrðir en óljóst um málsatvik

Rannsókn á manndrápi í Hafnarfirði hefur verið í fullum gangi frá því tilkynnt var um atburðinn laust fyrir hádegi í gær en maður á fertugsaldri fannst látinn á heimili sínu og hafði honum verið ráðinn bani með eggvopni. Lögreglan á höfuðborgarsvæðinu sendi frá sér tilkynningu vegna málsins um miðnætti í gær. Þá höfðu fjölmargir verið yfirheyrðir auk þess sem unnið hefur verið úr gögnum sem aflað var með tæknirannsókn á vettvangi. Þegar tilkynningin var send höfðu yfirheyrslurnar ekki enn leitt til þess að ljóst sé orðið um málsatvik. Rannsókn málsins heldur því áfram.

Ráðherra vill innra eftirlit og rýmri heimildir lögreglu

Lögreglumál Lögreglan mun fá heimildir til að rannsaka einstaklinga án þess að grunur leiki á að þeir hafi framið eða ætli að fremja ákveðið brot nái fyrirætlanir Rögnu Árnadóttur, dóms- og mannréttindamálaráðherra, fram að ganga.

Allt að 2 vikna bið eftir heimilislækni

Allt að tveggja vikna bið er eftir tíma hjá heimilislækni á höfuðborgarsvæðinu um þessar mundir, samkvæmt óformlegri könnun Fréttablaðsins. Íbúar í sumum hverfum komast strax að en aðrir geta þurft að bíða lengi.

Heilbrigðisráðherra setur stjórn Sjúkratrygginga af

Álfheiður Ingadóttir heilbrigðisráðherra hefur sett af stjórn Sjúkratrygginga Íslands og skipað stofnuninni nýja stjórn sem alfarið er skipuð nýju fólki. Fráfarandi stjórnarformaður segir ráðherra tortrygginn í garð stofnunarinnar, en ráðherra segist vilja færa hana nær ráðuneytinu. „Ég held að meginástæðan sé almenn óánægja [heilbrigðisráðherra] með þessa stofnun, og tortryggni í garð stofnunarinnar, eins og fram kom í vor þegar hún ætlaði að veita forstjóranum áminningu,“ segir Benedikt Jóhannesson, fyrrverandi stjórnarformaður stofnunarinnar.

Krefja Gylfa frekari svara um lánamálin

„Frá mínum bæjardyrum séð skiptir mestu að fá svör við því hvaða upplýsingar lágu fyrir þegar gengið var frá uppskiptingu gömlu ríkisbankanna. Hvernig menn voru undirbúnir þar,“ segir Magnús Orri Schram, þingmaður Samfylkingar og varaformaður viðskiptanefndar Alþingis.

Hátíðargestur bitinn til blóðs

Maður var bitinn til blóðs á veitingastaðnum í Kántrý­bæ um helgina og var fluttur á sjúkrahúsið á Blönduósi til aðhlynningar. Þetta var eitt af þeim málum sem komu upp á Kántrýhátíð á Skagaströnd um helgina, þar sem nokkuð var um pústra manna á milli, samkvæmt upplýsingum frá lögreglunni á Blönduósi.

Góði hirðirinn gaf sjö og hálfa milljón

„Við erum komin langleiðina að takmarkinu með þessari peningagjöf og erum alveg gríðarlega þakklát,“ segir Vilmundur Gíslason, framkvæmdastjóri Reykjadals, um peningagjöf Góða hirðisins, styrktarsjóðs Sorpu, upp á sjö og hálfa milljón króna. Gjöfin var afhent á sumarlokahátíð sumarbúðanna í Reykjadal í gær.

Morðinginn gengur enn laus

Enginn hefur verið handtekinn í tengslum við morðið á 37 ára gömlum karlmanni sem fannst látinn á heimili sínu í Hafnarfirði í dag. Þetta sagði Friðrik Smári Björgvinsson, yfirlögregluþjón, í samtali við fréttastofu á níunda tímanum í kvöld. Hann vildi að öðru leyti ekki tjá sig um málið. Friðrik gat heldur ekki sagt til um hvort fjölmiðlum yrði send fréttatilkynning um framvindu rannsóknarinnar í kvöld.

Borgarfulltrúi biðst afsökunar

„Þetta voru mistök af minni hálfu. Ég ætlaði ekki að troða neinum um tær,“ segir Karl Sigurðsson, borgarfulltrúi Besta flokksins.

Íhuga að gefa börnunum kók vegna vatnsskorts

Fjölskylda í Úlfarsfelli er orðin langþreytt á viðvarandi vatnsskorti og gruggugu vatni úr krönunum. Hún rekur vatnsskortinn til hrossa sem ganga á brunnvatni, en segir aðgang að hreinu vatni vera mannréttindi.

Bæjarstjóri Kópavogs: Líf að færast í framkvæmdir

Yfir 500 íbúðir stóðu hálfkláraðar eða tómar í Kópavogi undir lok síðasta árs. Bæjarstjóri Kópavogs segir ástandið miður, en sem betur fer telji hún að líf sé að færast í framkvæmdir að nýju.

Íhuga að taka sýni úr neysluvatni

Heilbrigðiseftirlit Suðurlands hefur fengið staðfestingu á því að verktaki hafi látið seyruvökva úr rotþróm leka á vatnsverndarsvæði á Þingvöllum. Sumarhúsaeigandi fer fram á að verktakanum verið vikið frá verkinu.

Reynir að bæta samskipti Íslendinga og Taílendinga

Íslendingar og Taílendingar geta skapað ótrúlega mörg tækifæri með því að sameina krafta sína. Þetta segir ung kona sem starfar við skúringar hér á landi, en nýtir allar frístundir og laun í að reyna bæta samskipti milli þjóðanna sem hún telur alltof lítil.

Íslenska ríkið skattleggur mannssæði

Ríkið skattleggur innflutt sæði sem notað er hér á landi til tæknifrjóvgunar, en Tollstjóraembættið skilgreinir það núna sem landbúnaðarafurð en ekki lífsýni, eins og áður. Þetta er mikil breyting, því sæðisinnflutningur hefur verið tollfrjáls í áratugi.

„Hátíðisdagur þegar Ísland stendur þá aftur algjörlega á eigin fótum“

Fjármálaráðherra segir að vinnu vegna þriðju endurskoðunar efnahagsáætlunar fyrir Ísland sé lokið og er vongóður um að áætlunin verði staðfest af stjórn Alþjóðagjaldeyrissjóðsins í næsta mánuði.

Sorpa gefur 7,5 milljónir til söfnunar Reykjadals

Björn H. Halldórsson, framkvæmdastjóri Sorpu, færði starfsfólki Reykjadals, 7,5 milljónir í sumarlokahátíð sumarbúðanna sem fór fram í dag. Á sjöttu milljón hafði safnast í gær.

Morðinginn ófundinn

Maðurinn sem fannst látinn laust fyrir hádegi á heimahúsi í Hafnarfirði var að öllum líkindum myrtur með eggvopni. Friðrik Smári Björgvinsson, yfirlöregluþjónn, segir í tilkynningu að enginn hafi verið handtekinn vegna málsins og að rannsókn þess sé á frumstigi.

Sif á leið til landsins

Flugvél Landhelgisgæslunnar TF-SIF er væntanleg til Reykjavíkur í kvöld en undanfarin mánuð hefur flugvélin sinnt mengunareftirliti á Mexíkóflóa fyrir bandarísku strandgæsluna og BP, British Petroleum. TF-SIF stoppar þó stutt við hér á landi því um næstu helgi verður haldið til Dakar í Senegal þar sem flugvélin mun sinna á eftirliti fyrir Frontex, landamærastofnun Evrópusambandsins.

Fannst látinn með stungusár

Karlmaður á fertugsaldri fannst látinn á heimili sínu í Hafnarfirði í hádeginu í dag. Samkvæmt heimildum fréttastofu var hann með stungusár sem talið er að hann hafi hlotið í nótt. Fjölmennt lið lögreglu kom á vettvang og vinnur tæknideild nú að rannsókn málsins.

Endurvinna tillögu um fóstrun leikvalla

Þorbjörg Helga Vigfúsdóttir, borgarfulltrúi Sjálfstæðisflokksins, segir að tillaga Besta flokksins og Samfylkingarinnar um fóstrun leikvalla sé í besta falli endurvinnsla. Þáverandi meirihluti hafi hafið þessa vinnu fyrir tveimur árum. Þorbjörg segir mikilvægt að fólk sem sé að hefja stjórnmálaferil sinn sé heiðarlegt.

Geta tekið róló í fóstur

Reykvíkingar geta framvegis tekið leikvelli í nágrenni sínu í fóstur ef hugmynd borgarstjórnarmeirihlutans verður að veruleika. Formaður umhverfisráðs segir börn ekki eiga að þurfa að venjast því að vera á illa hirtum og ljótum leikvöllum.

Lauk Drangeyjarsundi á þrjóskunni einni

Formaður Frjálslynda flokksins synti í gær Drangeyjarsundið svokallaða. Hann fékk krampa á miðri leið og segist hafa lokið sundinu á þrjóskunni einni.

Konan fannst látin

Konan sem leitað hefur verið að í Borgarnesi síðan á mánudag er látin. Lík hennar fannst um tíu kílómetra frá Borgarnesi í gærkvöldi.

„Við erum á varðbergi þessa dagana“

Hætta er talin á að eðjuflóð gætu komið ofan úr Eyjafjallajökli í dag en mikilli úrkomu er spáð á Suðurlandi. Lögregla er með aukin viðbúnað undir Eyjafjöllum og Veðurstofa Íslands fylgist náið með ástandi mála. „Við erum á varðbergi þessa dagana,“ segir jarðfræðingur hjá Veðurstofunni.

Bjarni gagnrýnir seinagang sérstaks saksóknara

Formaður Sjálfstæðisflokksins gagnrýnir að sérstakur saksóknari hafi ekki gefið út fleiri ákærur en raun ber vitni. Hann segir óþolinmæði almennings eðlilega.

„Stjórnmálastéttin er óhæf og spillt“

Þorvaldur Gylfason, prófessor í hagfræði við Háskóla Íslands, segir að íslenskir stjórnmálamenn skilji ekki kall og kröfur tímans. Nýju bankarnir fái að starfa á sama grunni og bankarnir sem hrundu. Að hans mati er stjórnmálastéttin óhæf.

Varað við hættu á eðjuflóðum frá Eyjafjallajökli

Samkvæmt upplýsingum frá Veðurstofu Íslands er gert ráð fyrir mikilli úrkomu á Suðurlandi í dag og mun úrkomubelti fara yfir Eyjafjallajökul. Mikil aska er á Eyjafjallajökli og samfara úrkomu eykst hætta á eðjuflóðum vatns og ösku í ánum er renna frá jöklinum, að því er fram kemur í tilkynningu frá almannavarnadeild Ríkislögreglustjóra.

Aðstæður á flóðasvæðunum ógna velferð barna

„Miklir fólksflutningar í kjölfar flóðanna, hætta á útbreiðslu sjúkdóma og versnandi lífsskilyrði fela í sér aukna áhættu fyrir heilsu ungra barna,” segir Mohammed Qazilbash, talsmaður Barnaheilla - Save the Children í Pakistan. Þetta kemur fram í tilkynningu frá Barnaheillum.

Ölvaður ók of hratt

Karlmaður á þrítugsaldri var í nótt sviptur ökuréttindum til bráðabirgða eftir að lögreglan á Selfossi handtók hann fyrir ölvunarakstur. Að auki ók hann á 70 km. hraða í íbúðahverfi þar sem hámarkshraðinn er 30 km. Maðurinn á von á töluvert hárri sekt fyrir uppátækið, að sögn lögreglu.

Stútar stöðvaðir á Akureyri

Tveir ökumenn voru teknir grunaðir um ölvunarakstur á Akureyri í nótt og þá stöðvaði lögregla einn ökumann á fimmta tímanum sem talinn var um akstur undir áhrifum fíkniefna. Að öðru leyti gekk nóttin vel og fór skemmtanahald vel fram, að sögn sögn lögreglunnar á Akureyri.

Eldur í Byko í Garðabæ

Allt tiltækt lið slökkviliðs höfuðborgarsvæðisins var sent að húsnæði Byko í Kauptúni í Garðabæ í nótt eftir að tilkynnt var um eld í húsinu. Tilkynningin barst skömmu fyrir klukkan fjögur og gekk vel að slökkva eldinn, samkvæmt upplýsingum sem fengust hjá varðstjóra. Ekki var mikinn eld að ræða en svo virðist sem að kviknað hafi í kaffivél í mötuneyti starfsmanna. Talsverður reykur barst um húsnæðið, meðal annars í verslunina, og voru slökkviliðsmenn nokkurn tíma að reykræsta. Að sögn varðstjóra lítur ekki út fyrir að miklar skemmdar hafi orðið á innanstokksmunum og húsnæðinu.

Ökumenn sektaðir í fyrsta sinn á menningarnótt

Stöðumælaverðir og lögreglumenn munu sekta þá sem leggja ólöglega í miðborg Reykjavíkur á menningarnótt um næstu helgi. Þetta er i fyrsta sinn sem þetta er gert, segir Kolbrún Jónatansdóttir, framkvæmdastjóri Bílastæðasjóðs.

Vilhjálmur vill annan matseðil

Samtök atvinnulífsins leggja áherslu á það að skattar verði ekki hækkaðir heldur opinber útgjöld lækkuð til að ná jafnvægi í ríkisfjármálum fyrir næsta fjárlagaár, segir Vilhjálmur Egilsson, framkvæmdastjóri SA. Morgunblaðið