Hvalveiðar ógna ESB aðildarviðræðum

Hvalveiðar Íslendinga gætu orðið þröskuldur á vegi þjóðarinnar að inngöngu í ESB samkvæmt frétt AFP fréttastofunnar í dag. Erlendir fjölmiðlar fjalla margir um hvalveiðar Íslendinga í dag en fundur Alþjóðahvalveiðiráðsins hefst á mánudaginn.

Ferðamenn varaðir við hlaupi

Í tilkynningu frá Almannavörnum kemur fram að ferðamenn við Hólaskjól á Nyrða-Fjallabaki eru beðnir um að hafa vara á sér. Búast má við að flóðsins verði vart við veginn í Skaftárdal um klukkan hálf sjö.

Öryggismálum ábótavant við Silfru

Ekkert upplýsingaskilti eða varasúrefni er við vinsælasta köfunarstað Íslands, Silfru, þar sem erlendur ferðamaður lést í gær. Eftirlit með fyrirtækjum sem bjóða upp á sportköfun er ábótavant og reglugerðir úreldar. Þetta kemur fram í lokaritgerð Jónínar Ólafsdóttur landfræðings sem segir ástandið í sportköfun hér á landi afar slæmt.

Skaftárhlaup hafið

Skaftárhlaup hófst nú rétt upp úr eitt í dag. Ekki liggja fyrir upplýsingar um stærð hlaupsins eða umfang. "Það er rétt að hefjast," segir Óðinn Þórarinsson framkvæmdastjóri hjá Veðurstofu Íslands.

Ók inn í geðdeild Landspítalans

Ökumaður í annarlegu ástandi keyrði gegnum glervegg á geðdeild Landspítalans á Hringbraut í gærkvöldi. Samkvæmt upplýsingum frá Guðmundi Sævarssyni hjúkrunarfræðingi slasaðist enginn - bíllinn fór inn um glervegg við hlið biðstofunnar og endaði inn á gólfi. Lögreglan í Reykjavík handtók ökumanninn sem gisti fangageymslur í nótt. Hann var víst illa á sig kominn og undir áhrifum. Varðstjóri hjá lögreglunni sagði ekki liggja fyrir skýringu á þessari undarlegu ökuferð.

Lést í árekstri við jeppa

59 ára gömul erlend kona, en búsett hérlendis, lést í umferðarslysi í Saurbæ í Dölum síðdegis í gær. Konan ók vélhjóli, sem lenti í árekstri við jeppa á gatnamótum á þjóðveginum á móts við bæinn Litlaholt, skammt sunnan Gilsfjarðarbrúar. Jeppanum var ekið þvert yfir gatnamótin og skall vélhjólið á jeppanum við afturhjól hans. Við höggið valt jeppinn á veginum og snerist. Ökumann og farþega í jeppanum sakaði ekki.

Kosningar í Póllandi

Pólverjar ganga að kjörborðinu í forsetakosningum í dag til að kjósa nýjan forseta í stað Lech Kacynski sem fórst ásamt 96 öðrum þegar flugvél hans hrapaði í Rússlandi hinn 10. apríl síðast liðinn. Baráttann um eftirmann hans er talin standa milli tvíburabróður hans, Jaroslaw Kaczynski og núverandi forseta pólska þingsins og starfandi forseta, Bronislaw Komorowski.

Ráðist á banka í Bagdad

Að minnsta kosti 26 manns hafa látið lífið í sjálfsmorðssprengjuárásum á banka í ríkiseigu í Bagdad. Á vef BBC kemur fram að meira en 50 manns séu særðir eftir árásirnar en tveir bílar sprungu samtímis fyrir utan bankann.

Bachelorette á Íslandi - viss um að verða ástfangin

Myndbrot úr bandaríska raunveruleikaþættinum The Bachelorette sem tekinn var upp hér á Íslandi eru komin á heimasíðu ABC sjónvarpsstöðvarinnar. Hin eftirsótta Ali sem keppendur ganga með grasið í skónum á eftir lýsir því yfir að á Íslandi muni hún verða ástfangin.

Lítil viðbrögð vegna aðildarviðræðna

Fæst ráðuneyti hafa bætt við starfsmannahald sitt vegna aðildarviðræðna við Evrópusambandið, og ekkert þeirra hefur keypt utanaðkomandi ráðgjöf. Þau gera ekki ráð fyrir miklum skipulagsbreytingum vegna viðræðnanna.

Banaslysið í Silfru: öndunargríman losnaði

Kafarar eru ósáttir við yfirlýsingar lögreglunnar í Árnessýslu í gær vegna banaslyssins í Silfru. Lögreglan sagði í gær að svo liti út fyrir að bilun hefði orðið í köfunarbúnaði. Vísir hefur rædd við kafara sem voru á slysstað í gær. Franski kafarinn lést þegar hann reyndi að bjarga unnustu sinni sem sat föst í helli á níu metra dýpi í gjánni.

Fimm mínútur að landa Maríulaxinum - Myndir

Laxveiði í Elliðaánum hófst klukkan sjö í morgun, og venju samkvæmt renndi borgarstjóri fyrir fyrsta laxinn. Nýi borgarstjórinn Jón Gnarr sagðist vera seinheppinn veiðimaður í opinberri dagbók sinni í gær, en það var svo sannarlega ekki að sjá í morgun. Um fimm mínútur yfir sjö hófst hann handa við veiðina, og innan við fimm mínútum síðar beit á fallegur sex punda hængur.

Maður kýldi bíl í Vestmannaeyjum

Ölvaður maður kýldi bíl í Vestmannaeyjum í nótt. Samkvæmt upplýsingum frá lögreglunni var maðurinn svo ölvaður að hann vissi hvorki í þennan heim né annan. Í Reykjavík gistu fjölmargir fangageymslur lögreglunnar.

Lést í vélhjólaslysi

Erlend kona á miðjum aldri lést í vélhjólaslysi í Saurbæ í Dölum síðdegis í gær. Samkvæmt upplýsingum lögreglu barst tilkynning um slysið klukkan 17.30 en það varð á þjóðveginum skammt sunnan Gilsfjarðarbrúar, á móts við bæinn Litlaholt. Lögreglumenn bæði úr Búðardal og frá Hólmavík fóru á slysstað. Þá var þyrla Landhelgisgæslunnar kölluð til. Upplýsingar um aðdraganda slyssins hafa ekki fengist en það er í rannsókn.

Sveitastjóri Reykhólahrepps útilokar ekki afsögn

"Þetta eru jú mistök og það getur vel verið að hægt sé að skrifa þau á mig," segir Óskar Steingrímsson sveitastjóri í Reykhólahreppi. Úrskurðarnefnd um sveitastjórnarkosningarnar komst í gær að þeirri niðurstöðu að kosningarnar væru ógildar þar sem láðist að auglýsa þær í Flatey.

Skipsstrand: Ferðamennirnir farnir í hvalaskoðun

Hjörtur Hinriksson eigandi bátsins sem strandaði við Akurey í dag segir litla hættu hafa verið á ferðum. Ferðamönnunum hafi verið bjargað á annan bát í eigu fyrirtækisins og þeir séu nú í hvalaskoðunarferð.

Kafari lést á Þingvöllum

Ungur karlmaður lést við köfun í Silfru á Þingvöllun í dag. Samkvæmt upplýsingum frá lögreglunni í Árnessýslu var maðurinn erlendur ferðamaður. Þjóðgarðsvörður segir farið yfir öryggisatriði vegna slyssins.

Risaskúta á Akureyri

Þessi fallega svarta skúta vakti athygli Björns Grétars Baldurssonar sem tók þessa mynd af skútunni. Sex manns eru í áhöfn skútunnar sem setur svo sannarlega svip sinn á bæinn. Samkvæmt Birni er skútan alltaf á ferðinni, allan ársins hring, og er blaðamaður ekki frá því að hafa séð skútuna eitt sinn sigla inn í hafnarminnið í Tassillaq á Grænlandi. Vísir þakkar Birni fallegar myndir af skútunni sem naut sín svo sannarlega vel við höfnina á Akureyri í blíðviðrinu í gær.

Hundrað konur mættu í brúðarkjól í IKEA

Yfir hundrað konur mættu í brúðarkjól í verslun IKEA í dag til að samgleðjast hinum konunglegu sænsku brúðhjónum. Konurnar fengu glaðning í tilefni dagsins en mest um vert var að samgleðjast krónprinsessunni Viktoríu sem ber nú baug á fingri.

Ríkisstjórnin í vonlausri stöðu

Sigmundur Davíð Gunnlaugsson segir hugmynd Össurar Skarphéðinssonar um þjóðstjórn góðra gjalda verð en Bjarni Benediktsson segir málið bera vott um þá vonlausu stöðu sem ríkisstjórnin sé komin í. Varaformaður þingflokks Vinstri Grænna veit ekki hverju þjóðstjórn ætti að bjarga.

Kosningarnar í Reykhólahreppi ógildar

Úrskurðarnefnd sem skipuð var til að fjalla um kæru vegna sveitastjórnarkosninganna í Reykhólahreppi hefur komist að því að kosningarnar voru ólöglegar. Íbúi í Flatey kærði kosningarnar vegna þess að íbúar í Flatey að kosningarnar voru ekki auglýstar á eyjunni.

Lántaki hótaði að mæta með haglabyssu

Reiður lántaki hótaði starfsmanni fjármögnunarfyrirtækis að snúa til baka á skrifstofuna með haglabyssu - væru mál hans ekki leyst. Stjórnendur fjármögnunarfyrirtækjanna eru slegnir yfir þeirri yfirlýsingu ríkisstjórnarinnar í gær að ekki verði gripið sérstakra aðgerða vegna dóms Hæstaréttar í myntkörfumálunum.

Áfram flóð í Kína

Talið er að um 90 séu látnir vegna fárviðris sem geysað hefur í Kína. Fjölda manns er saknað og þurft hefur að koma meira en 1,5 milljónum íbúa í skjól. Í kjölfar rigninga flæddu ár yfir bakka sína og stíflur brustu. Vatn flæddi um götur. Vatnsveðrið olli einnig aurskriðum sem urðu 35 manns að bana. Víða varð rafmagnslaust.

Brúðkaupið í Svíþjóð: Falleg stemning í kirkjunni

"Ég er fyrir utan höllina, við vorum að koma úr kirkjunni, hér eru tugþúsundir manna og sól í heiði, mikil og góð stemning," segir Guðmundur Árni Stefánsson sendiherra Íslands í Svíþjóð. Vísir heyrði í Guðmundi Árna þegar athöfninni í kirkjunni var nýlokið en Guðmundur var viðstaddur brúðkaupið ásamt eiginkonu sinni.

Bjartsýnir á góða veiði hjá Jóni Gnarr

Borgarstjóri Reykvíkinga, Jón Gnarr, mun renna fyrir fyrsta laxinn í Elliðaánum á morgun. Vísir ræddi við reynda veiðimenn sem hafa litlar áhyggjur af því að ekki muni bíta á hjá borgarstjóranum nýja.

Ólafur og Dorrit á fremst bekk

Viktoría, krónprinsessa Svíþjóðar, játaðist heitmanni sínum, Olav Daniel Westling, í dómkirkjunni í Stokkhólmi nú þegar klukkuna vantaði fimm mínútur í tvö. Brúðkaupsathöfnin hófst klukkan hálftvö en meðal gesta eru þjóðhöfðingjar Norðurlanda og fulltrúar konungsfjölskyldna Evrópuríkja. Íslensku forsetahjónin, Ólafur Ragnar Grímsson og Dorrit Moussajef, sitja á fremsta bekk í kirkjunni en þau færa brúðhjónunum myndarlega glerskál að gjöf.

Gengisdómur: Bankarnir þrjóskast við

Niðurstaða hæstaréttar í myntkörfumálinu mun hafa jákvæð áhrif á fasteignamarkaðinn að mati Ingibjargar Þórðardóttur formanns Félags fasteignasala. Hún segir dæmi um að bankarnir neiti að viðurkenna ólögmæti þessara lána.

Stærsta útboð eftir hrun

Landsvirkjun auglýsir í dagblöðum í dag útboð þriggja stærstu verkþátta Búðarhálsvirkjunar. Þeir eru bygging stöðvarhúss og inntaksmannvirkja ásamt greftri frárennslisskurða, gerð fjögurra kílómetra aðrennsliganga og gerð Sporðöldustíflu.

Kvenfélagskonur ganga til góðs

Kvenfélagskonur í Vestur Húnavatnssýslu ganga í dag um 40 kílómetra leið í þeim tilgangi að safna féi til að koma rafmagni á Réttarhúss við Miðfjarðarrétt. Þrettán konur og eitt barn lögðu af stað klukkan átta í morgun.

Össur hlynntur þjóðstjórn

Vel kemur til greina að koma á þjóðstjórn til að ná betur utan um þau vandamál sem steðja að íslensku samfélagi, og til að koma til móts við kröfur þjóðarinnar um breytt vinnubrögð stjórnmálamanna, segir Össur Skarphéðinsson utanríkisráðherra.

Verðbréfamiðlarar veðja á HM

Árangur bandaríska landsliðsins á Heimsmeistaramótinu í Knattspyrnu hefur jákvæð áhrif á andrúmsloftið á Wall Street. Samkvæmt Reuters hafa verðbréfamiðlarar notfært sér frekar dræma viðskiptadaga til að einblína á fótboltann. Viðskipti hafa gengið hægt fyrir sig þessa vikuna en það hefur ekki sést á gólfum verðbréfahallarinnar.

Jákvæð þróun fyrir efnahag heimsins

Kína hefur gefið í skyn að þeir muni leyfa kínverska jeninu að styrkjast gagnvart dollar og öðrum vestrænum gjaldmiðlum. Samkvæmt vef BBC hefur kínverski seðlabankinn lýst því yfir að þeir muni leyfa gjaldmiðli sínum að verða hreyfanlegri en engar nánari útlistingar voru gefnar á því hvernig það yrði útfært.

Smáríki þurfa að losna við skuldabagga

Írar hafa staðið frami fyrir sambærilegri áskorun og Íslendingar við að greiða niður skuldir og koma böndum á ríkisfjármál sín. David Croughan, yfirmaður efnahagsdeildar Samtaka atvinnurekenda á Írlandi, var gestur á fundi Samtaka atvinnulífsins um opinber fjármál í vikunni. Hann segir mikilvægt fyrir smáríki að losna við þunga skuldabagga.

Skipsstrand við Akurey

Lundaskoðunarbáturinn Skúlaskeið strandaði síðdegis í dag við norðanverða Akurey. Tíu farþegar voru um borð auk áhafnar en báturinn strandaði á klettanös um 25 metra frá eynni. Í tilkynningu frá Landhelgisgæslunni kemur fram að gæslan hafi fengið tilkynningu um strandið á rás 16, neyðarbylgju fyrir skip og báta sem öllum sjófarendum ber skylda til að hlusta á.

Hafís í grennd við strendur

Hafístunga þokast nær Norðanverðum Vestfjörðum, en hún er nú 26 sjómílur norðvestur af Galtarvita og rúmlega 30 sjómílur norð-norð-austur af Horni. Ingibjörg Jónsdóttir landfræðingur segir ekki móta greinilega fyrir stórum ísjökum á gervihnattamyndum, utan 40 kílómetra breiðan fleka sem líklegast hefur losnað frá landi í vor. Hún telur að hann muni þó brotna upp í ölduróti við ísjaðarinn.

Brúðkaupið ævintýri líkast

Brúðkaupsæði Svía nær hámarki síðar í dag þegar Viktoría krónprissessa giftist fyrrum einkaþjálfara sínum, Daniel Westling. Íslensku forsetahjónin eru í Stokkhólmi og færa brúðhjónunum myndarlega glerskál að gjöf. Brúðkaupshátíðin er ævintýri líkust.

Ögmundur: Þjóðstjórn varhugaverð

Ögmundur Jónasson, þingmaður Vinstri grænna, telur varahugavert að koma á fót þjóðstjórn á meðan ekki ríkir samstaða um hvernig farið skuli með auðlindir þjóðarinnar. Að öðru leyti sé hann hlynntur samstarfi milli stjórnar og stjórnarandstöðu.

Ókeypis í sund í dag

Ókeypis er í sund í Reykjavík fyrir börn og unglinga að 18 ára aldri frá og með deginum í dag og til ágústloka í sumar. Þetta var samþykkt í borgarráði á miðvikudag í samræmi við samstarfsyfirlýsingu Besta flokksins og Samfylkingarinnar en þar er þetta á lista yfir fyrstu verk nýs meirihluta.

Óspektir og fyllerí á Akureyri

Lögreglan á Akureyri hefur í nógu að snúast vegna Bíladaga sem þar eru haldnir um helgina. Fangaklefar voru fullir í nótt. Mikið var um óspektir en enginn var kærður fyrir líkamsmeiðingar, að sögn lögreglu.

Hlaupið á kvennréttindadag

Konur eru konum bestar er yfirskrift Kvennahlaups Sjóvár og ÍSÍ að þessu sinni. Hlaupið er haldið í tuttugasta og fyrsta sinn í dag, kvenréttindadaginn 19. júní. Hlaupið verður frá 93 stöðum hérlendis og á 18 stöðum erlendis, þar á meðal á Norðurlöndunum, í Þýskalandi, Bretlandi og Kanada. Stærsta hlaupið er í Garðabæ klukkan 14 þar sem þúsundir kvenna koma saman og hlaupa, en dagskrá verður í bæjarfélaginu af tilefni dagsins. Hlaupið er unnið í samstarfi við Kvenfélagasamband Íslands, en félagið verður 80 ára á árinu.

Viðrar vel til skákiðkunar

"Stemningin er mjög góð. Hingað eru að streyma góðir gestir á öllum aldri. Hér er bjart, blæs örlítið, en veðrar mjög vel til skákiðkunar," segir Hrafn Jökulsson, rithöfundur og óþreytandi skákjöfur. Hrafn á veg og vanda af skákhátíð sem haldin er í Djúpuvík í Árneshreppi um helgina.

Brúðkaupsæði í Svíþjóð

Viktoría krónprisessa Svíþjóðar og fyrrum einkaþjálfari hennar ganga í það heilaga síðar í dag. Hálfgert brúðkaupsæði hefur gripið um sig í Svíþjóð; undanfarnar tvær vikur hefur verið eins konar ástarþema í Stokkhólmi og minjagripabúðir eru troðnar út af myndum af brúðhjónunum. Brúðkaupsdagskráin náði hápunkti í gær með hátíðartónleikum í tónlistarhúsi Stokkhólms. Lokaatriði tónleikanna var barnakór sem söng til þeirra Daniels og Viktoríu, en söngurinn var svo hjartanlegur að bæði Viktoría og Silvía drottning felldu tár af gleði.

Þarf að gera upp stuðning Samfylkingarinnar við eina blokk í viðskiptalífinu

Samfylkingin hefur ekki enn horfst í augu við ábyrgð flokksins í aðdraganda hrunsins, segir Össur. Þar segist hann ekki vera að tala um þátttöku í ríkisstjórn frá árinu 2007, heldur með því að veita ákveðinni hugmyndafræði löggildingu. Samfylkingin hafi ekki lesið stöðuna rétt.

Vill halda í gamla stjórann

Svein Harald Øygard er álitlegasti eftirmaður norska seðlabankastjórans. Þetta hefur norska dagblaðið Dagens Næringsliv eftir Svein Gjedrem, núverandi bankastjóra.

SÞ hefur áhyggjur af heimilisofbeldi á Íslandi

Heimilisofbeldi verður að stöðva og taka verður harðar á ofbeldismönnum. Navanethem Pillay, mannréttindafulltrúi Sameinuðu þjóðanna, hefur áhyggjur af háu hlutfalli ofbeldis á íslenskum heimilum. Hún segir börn kvenna sem verða fyrir ofbeldi hin raunverulegu fórnarlömb.