Mörður: Páll segi af sér og skili jeppanum

Varaþingmaður Samfylkingarinnar vill að Páll Magnússon segi af sér sem útvarpsstjóri. Hann gagnrýnir stjórn stofnunarinnar og tekur upp hanskann fyrir Vinstri græna og ályktun sem samþykkt var flokksráðsfundi flokksins um síðustu helgi þar sem þungum áhyggjum var lýst af stöðu fjölmiðla á Íslandi.

Hreyfingin: Mótmælendurnir voru að sinna skyldu sinni

Hreyfingin vill að Helgi Bernódusson, skrifstofustjóri Alþingis, dragi til baka kærur gegn hópi fólks sem ruddist inn í Alþingishúsið í desember 2008. Hópurinn hafi einungis verið að sinna sjálfsagðri borgaralegri skyldu sinni.

Baráttufundurinn í Eyjum á YouTube

Upptökur af fjölmennum baráttufundi í Vestmannaeyjum í gærkvöld, sem boðaður var til að mótmæla fyrningarleið, álagi á útflutning ísfisks og afnámi sjómannaafsláttar, eru nú aðgengilegar á vefsvæðinu YouTube. Fundurinn var sendur út beint á vef Eyjafrétta í gær.

Háskólanemum fjölgar

Nemendur á framhalds- og háskólastigi og hafa aldrei verið fleiri hér á landi en haustið 2009. Í framhaldsskóla voru skráðir 29.698 nemendur og 19.008 í háskóla eða samtals 48.706. Skráðum nemendum hefur fjölgað um 3,0% frá fyrra ári sem er lítið eitt meiri fjölgun en árið áður. Þetta kemur fram í tölum sem Hagstofan hefur tekið saman og eru birtar á vef stofnunnarinnar.

RÚV hafnar aðdróttunum Vinstri grænna

Stjórn Ríkisútvarpsins harmar ályktun flokksráðs Vinstri grænna um síðustu helgi og „hafnar þeim aðdróttunum sem þar er beint að starfsfólki og starfsemi RÚV.“ Stjórnin telur ályktunina meiðandi fyrir starfsfólk Ríkisútvarpsins og lýsa fádæma vanþekkingu flutningsmanna og þeirra sem hana samþykktu.

Rústabjörgunarsveitin kom heim í nótt

Liðsmenn íslensku alþjóðabjörgunarsveitarinnar komu heim til Íslands um tvöleytið í nótt. Sveitin hafði dvaldi í rúma viku við björgunarstörf á jarðskjálftasvæðinu á Haítí. Hún flaug með vél frá Iceland Express í fyrradag til Nassau á Bahamaeyjum en þar var gist í fyrrinótt. Þaðan var flogið til Halifax áður en sveitin sneri til Íslands.

Tveir Frakkar sluppu með skrekkinn

Tveir franskir ferðamenn sluppu ótrúlega lítið meiddir, að mati lögreglu, þegar tengivagn aftan úr dráttarbíl, lenti á litlum fólksbíl þeirra á Grindavíkurvegi á móts við Seltjörn á áttunda tímanum í gærkvöldi.

50 metrar á sekúndu í snörpustu hviðunum

Björgunarsveitir Landsbjargar voru kallaðar út í gærkvöldi á svæðinu allt frá Landeyjum, vestur um Suðurnesin, höfuðborgarsvæðið um Borgarfjörð og allt vestur til Patreksfjarðar á Vestfjörðum. Þrátt fyrir fjölmörg viðfangsefni sveitanna vegna óveðursins, varð hvergi mikið tjón nema hvað hlaða fauk á sveitabæ í uppsveitum Árnessýslu.

Engin svör við þreifingum um viðræður

Birkir Jón Jónsson, varaformaður Framsóknarflokksins, fagnar því að stjórn og stjórnarandstaða ræði um Icesave. Framsóknarflokkurinn hafi kallað eftir því í eitt og hálft ár. Hann segir liggja fyrir að undirbúa næstu skref verði Icesave hafnað í þjóðaratkvæðagreiðslu, líkt og allt bendi til. Forystumenn flokkanna héldu fund í gær um málið og sat Birkir hann í fjarveru formanns flokksins.

Málningarslettumaður tekinn

Lögreglan á höfuðborgarsvæðinu handtók á föstudagskvöld karlmann, sem grunaður er um að hafa skvett rauðri málningu á hús í eigu fyrrverandi bankastjóra Kaupþings, Hreiðars Más Sigurðssonar, aðfaranótt þess sama föstudags.

Kosið á ný um stækkun álvers

Gildi undirskrifta um nýja kosningu um stækkun álvers í Straumsvík hefur verið staðfest og unnið er að undirbúningi kosningarinnar. Óformlegar viðræður hafa átt sér stað á milli rekstraraðilans, Rio Tinto Alcan, og bæjarfélagsins, en formlegra svara er beðið, að sögn Lúðvíks Geirssonar bæjarstjóra í Hafnarfirði. Hann segir mögulega verða kosið um málið samhliða þjóðaratkvæðagreiðslu um Icesave.

Viðbótarorkan komi úr Búðarhálsvirkjun

Tekin hefur verið ákvörðun um að hefja fyrri hluta endurbóta á álveri Rio Tinto Alcan í Straumsvík með það fyrir augum að nýta megi meira rafmagn en nú er gert. Gert er ráð fyrir að framkvæmdir hefjist á næstu vikum. Rannveig Rist, forstjóri Alcan á Íslandi, segir viðræður við Landsvirkjun um endurnýjun á raforkusamningi verksmiðjunnar, auk viðbótarorku fyrir straumhækkunarverkefnið, á lokastigi.

Lítill hópur hátekjufólks greiðir þriðjung

Aðeins 0,3 prósent af tekjum ríkisins af skatti á laun einstaklinga kemur frá fólki sem fellur í fyrsta skattþrepið í nýju þrepaskiptu skattkerfi sem innleitt var um áramót. Langsamlega stærstur hluti íslenskra launamanna fellur í annað skattþrepið. Þeir 11 þúsund einstaklingar sem falla í þriðja skattþrepið greiða samanlagt tæpan þriðjung af tekjuskatti einstaklinga.

Eyddu minnst tólf milljónum árið 2005

Þrír borgarfulltrúar, sem eru frambjóðendur Sjálfstæðisflokks í yfirstandandi prófkjöri til borgarstjórnar, skiluðu ekki upplýsingum um styrki vegna prófkjörs fyrir kosningar 2006, til Ríkisendurskoðunar fyrir síðustu áramót. Þeir hafa fallist á að segja blaðinu hver kostnaðurinn var.

Staða mála Íslands óbreytt hjá AGS

„Staðan í málefnum Íslands er óbreytt," sagði Caroline Atkinson, framkvæmdastjóri ytri samskipta Alþjóðagjaldeyrissjóðsins (AGS) á reglubundnum blaðamannafundi sjóðsins í gær, en þeir fara fram hálfsmánaðarlega.

Íslandsbanki vill of mikið fyrir olíufélag

Verðhugmyndir Íslandsbanka á 49 prósenta hlut í Skeljungi þykja í hærri kantinum.

Kröfur í bú Björgólfs 101 milljarður

Heildarfjárhæð lýstra krafna í þrotabú Björgólfs Guðmundssonar er rúmlega 101 milljarður króna. Langstærstur hluti þeirra, eða um 70 milljarðar, er frá Landsbankanum vegna persónulegra ábyrgða Björgólfs.

Leitar lóðar niður við höfn

Fyrirtækið Glacier Water leitar nú lóðar við Hafnarfjarðarhöfn. Það hefur augastað á lóð við Hvaleyrarhöfn sem Lýsing er með í höndunum og er í viðræðum um kaup á henni. Lóðin er úr þrotabúi. Þar hyggst fyrirtækið reisa átöppunarverksmiðju fyrir vatn, þar sem um fimmtíu störf gætu orðið til. Lúðvík Geirsson, bæjarstjóri Hafnarfjarðar, segir að samningur liggi fyrir við fyrirtækið um að tryggja því vatn í átöppunarverksmiðjuna. Fyrsta skrefið sé að fyrirtækið tryggi sér lóð. Gangi það eftir gætu hjólin snúist nokkuð hratt. Hugmyndir séu uppi um frekari verkefni, jafnvel tvískipta verksmiðju sem mundi skapa fleiri störf.

Skrifstofa þings kaus að kæra fyrir aðför

Ríkissaksóknari segist ekki hafa heimild til að láta mál niður falla þar sem sjö manns hafa særst í átökum. Hann bendir á að kæran gegn ellefu manns, sem réðust inn í Alþingishúsið með þeim afleiðingum að lögreglumenn og fleiri særðust, komi til sín eftir rannsókn lögreglu á kæru skrifstofustjóra Alþingis. Það hafi verið Alþingi sem ákvað að kæra samkvæmt 100. grein hegningarlaga, sem kveður á um eins árs lágmarksfangelsisvist, verði hin ákærðu dæmd sek.

Björgunarsveitir eltast við þakplötur og vinnuskúra

Í dag og í kvöld hafa björgunarsveitir víða verið kallaðar út vegna óveðursins sem gengur yfir landið.

Sakar minnihlutann um að taka undir ávítta gagnrýni Ólafs F.

Borgarfulltrúi Sjálfstæðisflokksins, Þorbjörg Helga Vigfúsdóttir, sakar minnihluta borgarstjórnar, Samfylkinguna og VG, um að taka óbeint undir málflutning borgarfulltrúans Ólafs F. Magnússonar, með því að sitja hjá þegar vantrauststillögu Ólafs var vísað frá á borgarstjórnarfundi í vikunni.

Heppnir Frakkar

Tveir franskir ferðamenn sluppu ótrúlega vel frá umferðaóhappinu á Grindavíkurveginum nú fyrr í kvöld þegar vörubifreið með tengivagn valt við Seltjörn samkvæmt lögreglunni á Suðurnesjum.

Seldi atvinnuhúsnæði langt undir fasteignavirði

Landsbankinn seldi atvinnuhúsnæði á Grensásvegi á yfir fjörutíu prósenta lægra verði en húsið var keypt á fyrir þremur árum. Fermetrinn var seldur á tæpar 50 þúsund krónur. Hrakvirði segir löggiltur fasteignasali, en ekki óeðlilegt í þessu ástandi.

Vörubifreið valt á Grindavíkurvegi

Vörubifreið með tengivagn valt fyrir skömmu á Grindavíkurvegi við Seltjörn samkvæmt lögreglunni á Suðurnesjum en þar er aftakaveður.

Borga mörg hundruð milljónir í leigu en eiga autt húsnæði

Á sama tíma og Reykjavíkurborg greiðir mörg hundruð milljónir króna á ári í leigu fyrir skrifstofuhúsnæði stendur húsnæði í eigu borgarinnar tómt og ónotað.

Engin svör frá Bretum og Hollendingum

Engin svör hafa borist frá Bretum og Hollendingum um hvort hægt verði að taka upp nýjar samningaviðræður um Icesave. Ríkisstjórnin fundaði með stjórnarandstöðunni nú síðdegis án niðurstöðu. Höskuldur Kári Schram var í Stjórnarráðshúsinu.

Björgunarsveitin kölluð út vegna Officeraklúbbsins

Björgunarsveitin Suðurnes verið kölluð út vegna foks við Officeraklúbbinn á vallarsvæðinu í Keflavík. Þar hefur allnokkurt tjón orðið á þaki hússins.

Óveður á Reykjanesbrautinni

Vegfarendur eru varaði við miklu hvassviðri á Suðurlandi, undir Eyjafjöllum, Hafnarfjalli, Kjalanesi og á Reykjanesbraut.

Herjólfur þurfti aðstoð í aftakaveðri - myndir

Herjólfur kom til Vestmannaeyja klukkutíma of seint í dag en vindhraði var svo mikill að kalla þurfti lóðsinn til aðstoðar. Herjólfur átti í mestu vandræðum með að leggjast að bryggju en samkvæmt fréttaritara fréttastofunnar, Gísla Óskarssyni, var vindurinn slíkur að lóðsinn þurfti til þess að leggja Herjólfi.

Fjölmenni á baráttufundi í Vestmannaeyjum

Fjölmenni er mætt á baráttufund í Höllinni í Vestmannaeyjum vegna baráttufundar gegn kvótafyrningarleið ríkisstjórnarinnar.

Jóhanna: Þjóðin líti til íslenska landsliðsins

Jóhanna Sigurðardóttir, forsætisráðherra, telur að þjóðin þyrfti að líta til landsliðsins í handbolta um fyrirmyndir í vörn og sókn í atvinnu- og efnahagsmálum á næstu árum. Þetta kom fram í ávarpi sem hún flutti á Selfossi í tengslum við verkefnið 20/20 Sóknaráætlun sem ætlað er að draga fram styrkleika og sóknarfæri landsmanna og gera tillögur og áætlanir á grunni þeirra. Markmiðið með áætluninni er að tryggja að Ísland verið eitt af 10 samkeppnishæfustu löndum heims árið 2020. tryggja að Ísland verið eitt af 10 samkeppnishæfustu löndum heims árið 2020.

Samninganefndin á byrjunarreit

„Vinna samninganefndarinnar er á byrjunarstigi ef svo má segja. Bæði aðal samninganefndin og einstakir samningahópar hafa verið að undirbúa sig og viða að sér upplýsingum,“ segir Árni Þór Sigurðsson, formaður starfshóps utanríkismálanefndar um Evrópumál. Starfshópurinn fundaði í dag með forystumönnum samninganefndar Íslands vegna fyrirhugaðra aðildarviðræðna við Evrópusambandið.

Ríkisstjórn fundar með stjórnarandstöðu

Leiðtogar ríkisstjórnar hafa boðað fulltrúa stjórnarandstöðuflokkanna á Alþingi til fundar klukkan hálffimm í dag. Samkvæmt heimildum Vísis verður þar farið yfir stöðu mála varðandi Icesave.

Hart tekist á um REI-málið

Hart var tekist um einn anga REI-málsins svokallaða á fundi borgarráðs í dag þegar fjallað var um fyrirspurn Vilhjálms Þ. Vilhjálmssonar, forseta borgarstjórnar, til innri endurskoðanda borgarinnar varðandi kaup á filippseysku ríkisreknu orkufyrirtæki. Meira en tvö ár eru síðan að ólga í kringum málefni tengd REI, útrásar- og dótturfyrirtæki Orkuveitu Reykjavíkur, leiddi til þess að fyrri meirihluti Sjálfstæðisflokks og Framsóknarflokks sprakk.

Frambjóðandi býður ókeypis í strætó

Dofri Hermannsson varaborgarfulltrúi ætlar að bjóða fólki ókeypis í strætó, leið 6, sem fer frá Hlemmi klukkan sjö mínútur yfir eitt á laugardaginn. Tilgangurinn er sá að kynna fólki hugmyndir sínar um tilraunaverkefnið Frístundastrætó í Grafarvogi.

Björgunarsveitin í viðbragðsstöðu í Vestmannaeyjum

Björgunarsveitin í Vestmannaeyjum er komin í viðbragðsstöðu vegna óveðurs þar. Lögreglan segir að það sé að bæta í vind og því vilji menn vera við öllu búnir.

Lenti í mikilli ókyrrð - farþegum boðin áfallahjálp

Flugvél Flugfélags Íslands sem var á leið frá Ísafirði, eftir að hafa hætt við lendingu þar, lenti í mikilli ókyrrð þegar flogið var uppúr Skutulsfirðinum. Farþegum var boðin áfallahjálp þegar vélin lenti á Reykjavíkurflugvelli.

Óbreytt líðan eftir rörasprengjuslys

Líðan mannsins sem lenti í alvarlegu rörasprengjuslys í Hveragerði fyrir tveimur dögum síðan er óbreytt, segir deildarlæknir á gjörgæsludeild Landspítalans í Fossvogi. Maðurinn er sofandi í öndunarvél.

Þorsteinn hættur hjá Landsvirkjun

Landvirkjun og Þorsteinn Hilmarsson, upplýsingafulltrúi fyrirtæksins, hafa gert samkomulag um að hann láti af störfum, en hann hefur starfað hjá Landsvirkjun undanfarin 18 ár.

Óveður undir Eyjafjöllum

Vegagerðin varar vegfarendur við miklu hvassviðri á Suðurlandi og Reykjanesi. Um miðjan dag í dag gæti verið varasamt að vera á ferð undir Hafnarfjalli, á Kjalanesi, á Reykjanesbraut og undir Eyjafjöllum en þar er óveður, að fram kemur í tilkynningu.

Íslenska sveitin lendir skömmu eftir miðnætti

Áætlað er að íslenska rústabjörgunarsveitin lendi á Keflavíkurflugvelli um klukkan 00:30 í nótt en það er nokkuð seinna en áætlað var. Fyrri áætlarnir gerðu ráð fyrir að sveitin kæmi til landsins seinnipartinn í dag og síðar var ráðgert að hún myndi lenda í Keflavík í kvöld.

Ríkissaksóknari hefur ekki ákæruvald í efnahagsbrotamálum

Ríkissaksóknari segist ekki hafa ákæruvald í efnahagsbrotamálum og furðar sig á öllu tali um ranga forgangsröðun í tengslum við ákæruna gegn fólki sem mótmælti við Alþingishúsið í desember 2008. Hörður Torfason, tónlistarmaður og mótmælandi, er einn þeirra sem hefur gagnrýnt Ríkissaksóknara.

Hörður Torfa: Ákærurnar eins og olía á eld

Hörður Torfason einn af upphafsmönnum Búsáhaldabyltingarinnar segir símann hafa verið rauðglóandi í morgun eftir að fréttir bárust af því að mótmælendurnir níu yrðu ákærðir. Hann segir forgangsröðun Ríkissaksóknara kolranga.

Eiginmaður ráðherra ekki verjandi í málinu

Sigurmar Kristján Albertsson, hæstaréttarlögmaður og eiginmaður Álfheiðar Ingadóttur heilbrigðisráðherra, er ekki verjandi í máli gegn níu mönnum sem ákærðir eru vegna mótmæla í Alþingishúsinu fyrir ári síðan.

Símasambandslaust víða á Reykjanesi

Vegna eldingar sem laust niður í fjarskiptavirki í Reykjanesbæ í gær eru um tólf- til þrettánhundruð heimili þar símasambandslaus. Strax í morgun var hafist handa við að færa notendur á milli stöðva en samkvæmt upplýsingum frá Símanum er það seinlegt verk. Einnig er unnið að viðgerð á símstöðinni. Ekki er hægt að segja til um hvenær símasamband verður komið á.