Dalabyggð styrkir íbúa á Haítí

Byggðarráð Dalabyggðar samþykkti á fundi sínum í gær að veita 100 þúsund krónu styrk til hjálparstarfs vegna þeirra hörmunga sem íbúar á Haítí ganga nú í gegnum. Rauða kross Íslands verður falið að ráðstafa styrknum.

Alvarlegt umferðarslys við Sandskeið

Alvarlegt umferðarslys varð á Suðurlandsvegi við Sandskeið skammt frá Bláfjallaafleggjara um níuleytið í morgun þegar tvær bifreiðar lentu saman sem komu úr gagnstæðum áttum. Farþegi í annarri bifreiðinni er slasaður en ökumenn bifreiðanna slösuðust ekki, að sögn lögreglu. Vegna þessa verður Suðurlandsvegur lokaður um óákveðinn tíma.

Breskum þingmönnum ráðið frá Íslandsför

Þingmönnum sem sitja í Skotlandsmálanefnd breska þingsins hefur verið ráðið frá því að heimsækja Ísland en nefndin rannsakar nú orsakir efnahagskreppunnar. Í dagblaðinu the Scotsman er sagt frá því að það hafi verið breski sendiherrann hér á landi sem hafi komið þeim skilaboðum til nefndarmanna að þeir ættu að fresta för sinni hingað þar til fyrirhuguð þjóðaratkvæðagreiðsla í Icesavemálinu væri afstaðin.

Eyjamenn á mótmælafundi

Helstu hagsmunahópar í sjávarútvegi í Vestmannaeyjum boða til baráttufundar í Eyjum í kvöld, og ætla áhafnir margra skipa að sigla í land til að sækja fundinn. Þar stendur til að mótmæla svonefndri fyrningarleið, útflutningsálagi á ísfisk, afnámi sjómannaafsláttar og aðför að landsbyggðinni, eins og það er orðað.

Hafísinn á undanhaldi

Ísdreifar sáust á ratsjá norður af Horni, þegar Landhelgisgæslan fór í ískönnunarflug síðdegis í gær. Ísinn var ekki lengur samfelldur og ísröndin var næst landi umþaðbil 50 sjómílur norðvestur af Straumnesi. Hafísinn er því greinilega á undanhaldi og ógnar ekki lengur öryggi sjófarenda.

Tveir handteknir í nótt

Tveir fíkniefnaneytendur gista fangageymslur lögreglunnar á höfuðborgarsvæðinu eftir handtökur í nótt.

Samanlagðir dómar brotamanna námu 334 árum

Óskilorðsbundnar fangelsisrefsingar sem dæmdar voru hjá dómstólum landsins á síðasta ári og sendar voru Fangelsismálastofnun til fullnustu eru samtals 334 ára fangelsisvist.

Bráðadeildir sameinaðar í eina

Göngudeild bráðadeildar Landspítala hefur tekið til starfa á annarri hæð Landspítalans í Fossvogi. Fyrsti starfsdagur hennar var í gær, en hún er opin virka daga frá klukkan átta að morgni til ellefu að kvöldi og milli klukkan 12 og 20 um helgar og á hátíðisdögum.

Sækir þingið á heimleið frá Indlandi

Forseti Íslands flytur í dag lokaávarp ráðstefnu sem haldin er með það fyrir augum að vísa veginn í átt að byltingu í orkubúskap heimsins.

Vændiskaupendur til ákæruvaldsins

Mál átta meintra kaupenda vændis á vegum Catalinu Mikue Ncogo hafa verið send til ákæruvaldsins. Allt að átta mál til viðbótar verða send þangað á næstu dögum, samkvæmt upplýsingum Björgvins Björgvinssonar, yfirmanns kynferðisbrotadeildar lögreglunnar á höfuðborgarsvæðinu.

Nágranni kærir og eigandi vill bætur

Eigendur lóðarinnar Miðskóga 8 krefja bæjaryfirvöld á Álftanesi um 13,2 milljónir króna í „uppsafnaðan kostnað“ vegna „ólöglegrar meðferðar“ á umsókn þeirra um byggingarleyfi fyrir einbýlishúsi allt frá árinu 2005 þar til í haust að leyfið var veitt.

Mörg lönd með stórhuga áætlanir

Rafmagnsbíllinn virðist loks í þann mund að ná fótfestu, segir í nýrri umfjöllun á vef Umhverfisstofnunar Evrópu. Þar segir að kostir rafbíla séu ótvíræðir með tilliti til umhverfisins, sér í lagi í þéttbýli.

Ætla að útskýra málstað Íslendinga

Íslenskir þingmenn búa sig nú undir að upplýsa erlenda starfsbræður um stöðu Íslands í framhaldi af ákvörðun forsetans um að synja Icesave-lögunum staðfestingar.

Íslenska sveitin kemur heim í kvöld

Íslenska rústabjörgunarsveitin hefur lokið störfum á hamfarasvæðinu á Haítí og flaug í gær til Bahama-eyja. Þaðan mun sveitin síðan halda til Íslands og er áætlað að hópurinn komi til landsins í kvöld.

Gjörningaveður á Suðurlandi

Mikið þrumuveður gerði á sunnanverðu landinu síðdegis í gær og var mörgum brugðið þegar eldingar lýstu reglulega upp himininn allt frá Eyrarbakka áleiðis í Borgarfjörð.

Býst við gjaldi fyrir sumarbústaðinn

„Ég er þeirrar skoðunar að reglur um þetta, sem hvíla á rúmlega tuttugu ára gamalli hefð, séu barn síns tíma eins og svo margt annað,“ segir Hanna Birna Kristjánsdóttir borgarstjóri um sumarbústað sem borgin á við Úlfljótsvatn og er lánaður án endurgjalds til borgarfulltrúa og útvalinna embættismanna.

Telur ólíklegt að álverið verði 360 þúsund tonna

Sjö umhverfissamtök, þar með talið Græna netið sem tilheyrir Samfylkingunni, hafa sent ríkisstjórninni áskorun um að gerð verði rækilega grein fyrir hvaða háhitasvæði og vatnsföll verður nauðsynlegt að virkja til að afla orku fyrir 360 þúsund tonna álver í Helguvík. Samtökin telja að slíkri orkuvinnslu fylgi ráðstöfun fjölmargra dýrmætra hverasvæða og vatnsfalla, sem réttara væri að vernda en nýta.

Flotinn á leið á mótmælafund

Útgerðarmenn í Vestmannaeyjum hafa stefnt flota Eyjamanna til hafnar svo sjómenn geti tekið þátt í baráttufundi gegn fyrirhuguðum aðgerðum stjórnvalda í málefnum sjávarútvegsins sem haldinn verður í samkomuhúsinu Höllinni í kvöld.

Slökkviliðsmenn á námsbekk kallaðir út vegna eldsvoða - myndir

Klukkan rétt rúmlega tólf í dag var slökkvilið Brunavarna Suðurnesja kallað út vegna bruna í húsi á Vallargötu í Keflavík.

Íslendingur vann í Víkingalottó

Íslendingur vann í Víkingalottói en deilir vinningsfénu með tveimur öðrum lottóspilurum sem keyptu sína miða í Finnlandi og Noregi. Allir fengu þeir ríflega 44 milljónir króna.

Öryrkjar mótmæla kjaraskerðingu vegna verðtryggðra lána

Öryrkjabandalag Íslands hélt aðalstjórnarfund í kvöld og samþykkt þar ályktun þar sem kjaraskerðingu öryrkja er meðal annars mótmælt. ályktun er eftirfarandi:

Alþingi getur stöðvað þjóðaratkvæðagreiðslu

Alþingi getur stöðvað þjóðaratkvæðagreiðslu um Icesave í miðjum klíðum ef Bretar og Hollendingar fallast á nýtt samkomulag. Enn liggur þó ekki fyrir hvort þeir séu reiðubúnir til nýrra samningaviðræðna.

Móðir vill svipta HIV smitaða dóttur sjálfræði

Móðir ungrar HIV smitaðrar konu sem er ánetjuð fíkniefnum óttast um dóttur sína og þá sem hana umgangast. Hún segir nauðsynlegt að meðferðarstarf fyrir langt leidda fíkla verði styrkt og fræðsla um HIV smit efld.

Þrumuveður á Suðurnesjum - eldingaveður truflar símkerfi

Mikið eldingaveður gekk yfir Suðurnesin nú síðdegis með háværum drunum og miklum ljósagangi samkvæmt fréttavef vf.is.

Búist er við stormi á morgun

Búist er við stormi Sunnan til á landinu síðdegis á morgun samkvæmt Veðurstofu Íslands. Spáð er Suðaustanátt, víða 8-15 m/s í dag. Hvessir á morgun, austan og suðaustan 18-25 m/s síðdegis, hvassast syðst. Úrkomulítið NA-lands, annars rigning eða skúrir, einkum á SA-landi. Hiti 3 til 8 stig.

Fræða almenning um geðheilbrigði barna

Barna- og unglingageðdeild Landspítalans hefur gefið út tvo fræðslubæklinga um geðheilbrigði barna í sastarfi við Landlæknisembættið og Lýðheilsustöð. Annar bæklingurinn er ætlaður unglingum og hinn aðstandendum barna og unglinga.

Hverjir eru þetta?

Þremenningarnir í Reykjavík síðdegis fylgjast öðrum fremur með tíðarandanum. Þeir hafa því komið sér upp eigin Facebook síðu þar sem ýmsum skilaboðum er komið á framfæri.

Borgarfulltrúi ekki verið víttur áður

Elstu menn muna ekki eftir því að borgarfulltrúi hafi verið víttur áður, segir Ólafur Hjörleifsson, lögfræðingur á skrifstofu borgarstjórnar. Það gerðist þó í gær þegar að Vilhjálmur Þ. Vilhjálmsson, forseti borgarstjórnar, vítti Ólaf F. Magnússon þegar að hann flutti níðvísu um Hönnu Birnu Kristjánsdóttur borgarstjóra.

Björgunarsveitamenn skilja hluta af búnaði sínum eftir í Haítí

Íslenska alþjóðabjörgunarsveitin vann í allan gærdag í rústum Montana hótelsins í Port au Prince en á því hóteli gisti starfsfólk Sameinuðu þjóðanna ásamt fjölskyldum sínum. Unnið var til klukkan sjö í morgun að íslenskum tíma en að því loknu fór sveitin í búðir þar sem hún hvílist nú.

GPS tæki efst á óskalista þjófa

Undanfarna mánuði hefur verið töluvert um innbrot í bíla á höfuðborgarsvæðinu og því vill lögreglan ítreka enn og aftur að verðmæti séu ekki skilin eftir í bílum.

Nóróveirusýking á Hlíð - deildum lokað

Nóróveirusýking er komin upp á hjúkrunar og dvalarheimilinu Hlíð á Akureyri. Um bráðsmitandi sýkingu í meltingarvegi er að ræða og hefur nokkrum deildum heimilisins verið lokað og eru gestir beðnir um að fresta heimsóknum. Á heimasíðu Landlæknis segir að þær aðgerðir sem grípa þurfi til í tilvikum sem þessum séu óþægilegar og kostnaðarsamar.

Ný göngudeild bráðadeildar í Fossvogi

Göngudeild bráðadeildar Landspítala hefur tekið til starfa á 2. hæð á Landspítala Fossvogi. Þetta er liður í sameiningu á tveimur stærstu bráðamóttökum spítalans í lok mars 2010 í eina bráðadeild í Fossvogi, eftir því sem fram kemur í tilkynningu frá Landspítalanum. Sú bráðadeild verður á tveimur hæðum, í núverandi húsnæði slysa- og bráðadeildar og á næstu hæð fyrir ofan.

Skattman berst við dönsk gengi

Dönsk skattayfirvöld hafa skorið upp herör gegn meðlimum í mótorhjólagengjum sem aka um með stolnar númeraplötur á fákum sínum. Það mun vera alþekkt bragð hjá meðlimum Hells Angels og Bandidos að skrúfa stolnar eða falsaðar númeraplötur á mótorhjólin sín til þess að komast undan því að borga skatta af tryllitækjunum.

Olís dró hækkun til baka

Olílufélagið Olís dró í gærkvöldi til baka þriggja krónu hækkun á 95 oktana bensíni, eftir að hækkunin hafði staðið í sólarhring. Ekkert hinna félaganna hækkaði bensínverð í kjölfar hækkunar Olís í fyrradag, eins og algengt hefur þó verið að undanförnu.

Hvað eru þessir menn að tala um?

Hagvöxtur, ávöxtur og ávöxtun eru orð yfir gjörólík fyrirbæri, segir í kynningu frá Símenntunarstöðinni á Vesturlandi, um stutt námskeið, sem haldin verða á næstunni.

Flugmenn kjósa um verkfallsboðun

Allsherjar atkvæðagreiðsla fer nú fram meðal flugmanna Icelandair, um verkfallsboðun, eftir að upp úr slitnaði í viðræðum þeirra við vinnuveitendur hjá ríkissáttasemjara 12. janúar.

22 ökumenn undir áhrifum

Tuttugu og tveir ökumenn voru teknir úr umferð á höfuðborgarsvæðinu um helgina vegna aksturs undir áhrifum áfengis eða annarra fíkniefna.

Með kannabis á Akureyri

Lögreglan á Akureyri gerði 50 grömm af kannabis upptæk við húsleit í bænum í gærkvöldi. Tveir menn voru handteknir, en sleppt að yfirheyrslum loknum í nótt. Ekki liggur fyrir hvort mennirnir ætluðu að hagnast af sölu efnanna.

Þungt haldinn á gjörgæslu

Maðurinn sem slasaðist í sprengingu í Hveragerði á níunda tímanum í gær liggur mjög þungt haldinn á gjörgæsludeild Landsspítalans. Maðurinn er 23 ára gamall og félagi hans, sem einnig var á vettvangi, slapp ómeiddur. Strax og sjúkraflutningamenn komu á vettvang kölluðu þeir eftir þyrlu Landhelgisgæslunnar, en bjuggu um hinn slasaða og héldu af stað með hann í sjúkrabíl til móts við þyrluna.

Óð að ljósmyndara með hnefann á lofti

Árvökull fangavörður greip inn í atburðarás fyrir utan dómsal í Héraðsdómi Reykjavíkur í gær þegar brasilíski gæsluvarðhaldsfanginn Hosmany Ramos gerði sig líklegan til að ráðast á ljósmyndara Fréttablaðsins.

Þúsundir án vinnu í rúmt ár

Vinnumálastofnun (VMST) gerir ráð fyrir því að langtímaatvinnuleysi muni ná til allt að tíu þúsund manns innan fárra mánaða. Hópurinn þrettánfaldaðist á síðustu tólf mánuðum. Unnið er að sérstöku átaki til að afstýra því að félagslegar og sálfræðilegar afleiðingar þessa vanda vaxi mönnum yfir höfuð.

Breikka Þjóðveg 1 næst borginni

Ríkisstjórnin ákvað í gær að fela samgönguráðherra og fjármálaráðherra að undirbúa útboð vegna breikkunar Suðurlandsvegar og Vesturlandsvegar. Samkvæmt heimildum Fréttablaðsins er stefnt að því að ákvörðun liggi fyrir síðar í vikunni.

Tekjurnar nýtist í atvinnufjárfestingu

Skattleggja á séreignarsparnað og nota afraksturinn til fjárfestingar í atvinnulífinu. Þetta segir Magnús Orri Schram, þingmaður Samfylkingarinnar, en hann á jafnframt sæti í efnahags- og skattanefnd þingsins.

Konur hvattar í framboð

Jafnréttisstofa hefur, ásamt samgöngu- og sveitar­stjórnarráðuneyti, gefið út bækl­ing sem ætlað er að hvetja konur til að bjóða sig fram til sveitarstjórnarstarfa. Í bæklingnum, sem ber titilinn Eflum lýðræðið - konur í sveitarstjórn, hvetja sveitarstjórnarkonur úr öllum flokkum og kjördæmum konur til að gefa kost á sér til starfa.

Átak gegn atvinnuleysisvánni

Vinnumálastofnun (VMST) hefur fengið fjármagn til að fjölga starfsráðgjöfum um tíu. Sérstakt átak verður gert á næstu mánuðum til að hjálpa þeim sem hafa verið atvinnulausir í langan tíma. Ungt fólk er þar í forgrunni.