Alvarlegt ef tækifærin tapast

„Verði niðurskurður á fjárveitingum til háskólans til þess að samstarfssamningar við erlendar menntastofnanir falli niður þá er það alvarlegt mál," segir Hildur Björnsdóttir, formaður Stúdentaráðs Háskóla Íslands.

Líðan mannsins er óbreytt

Líðan mannsins sem féll ofan í húsgrunn við sumarbústað á Flúðum fyrir tæpum hálfum mánuði er óbreytt að sögn sérfræðings á gjörgæsludeild Landspítala í gær.

Þátttaka í sveitarstjórn tryggð

Kristján L. Möller samgönguráðherra hefur undirritað viðauka við Evrópusáttmála um sjálfsstjórnarrétt sveitarfélaga. Í honum er kveðið á um rétt borgara til þátttöku í sveitarstjórnarmálum.

Jólatréð tendrað

Starfsmenn Reykjavíkurborgar unnu að því í gær að reisa Óslóartréð á Austurvelli. Tréð verður tendrað við hátíðlega athöfn á morgun, á fyrsta sunnudegi í aðventu. Þá tekur Hanna Birna Kristjánsdóttir formlega við trénu frá Aud Kvalbein, varaborgarstjóra Óslóar.

Ísland betur sett utan ESB

Jón Bjarnason sjávarútvegsráðherra ítrekaði þá skoðun sína að hagsmunum Íslands væri betur borgið utan Evrópusambandsins en innan á ráðstefnu um strandveiðar sem haldin var í Frakklandi í vikunni.

Þúsund garðar voru ræktaðir

Ekki færri en 423 grunnskólabörn og 117 leikskólabörn tóku þátt í starfi Skólagarða Reykjavíkur í sumar.

Segir öryggi farþega ógnað

Gunnar Bragi Sveinsson, Framsóknarflokki, segir að öryggi flugfarþega sé ógnað ef ekki séu menntaðir slökkviliðsmenn við störf á Reykjavíkurflugvelli. Um leið og Gunnar Bragi lýsti þessari skoðun sinni innti hann Kristján Möller samgönguráðherra eftir afstöðu hans til málsins. Kristján kvaðst ósammála því mati Gunnars Braga.

Fékk 40 samhljóðainnheimtubréf

Viðskiptavini Íslandsbanka brá heldur í brún þegar hann fékk fjörutíu samhljóða innheimtubréf inn um póstlúguna á fimmtudag. Þar var honum tilkynnt að íbúðalán hans hjá bankanum væri komið tuttugu daga yfir gjalddaga.

Sparperur glata frekar ljómanum

Hefðbundnar ljósaperur sem víða lúta orðið í lægra haldi halda ljósgjafarstyrk sínum nær að fullu allan líftíma sinn. Ný rannsókn sem breska dagblaðið Telegraph greinir frá hefur leitt í ljós að svokallaðar „sparperur" hafa glatað yfir fimmtungi af ljósstyrk sínum þegar þær hætta að virka.

Vinnur með menningararfinn

Alls hafa 184 tilkynningar um ný nöfn borist Örnefnanefnd, sem er stjórnsýslunefnd innan mennta- og menningarmálaráðuneytisins, á síðustu þremur árum. Meirihluti þeirra hefur verið samþykktur en um þriðjungi verið vísað frá eða hafnað.

Bólusetning raskast verulega

Skortur er á bóluefni gegn svínaflensu hér á landi. Upphaflega var gert ráð fyrir að alls bærust 200 þúsund skammtar til landsins til áramóta en nú eru horfur á að þeir verði um 170 þúsund. Fyrirsjáanlegt er að áætlun um bólusetningu almennings gegn inflúensunni raskast verulega.

Birkir J. taldi sig niðurlægðan

Önnur umræða um Icesave-málið, sem framhaldið var á þingi í gær, gekk treglega. Réði óánægja stjórnarandstæðinga með fjarveru stjórnarliða mestu um en lengst af voru stjórnarandstæðingar einir í þingsalnum. Margsinnis voru gerðar athugasemdir við fjarveruna, lagt til að þingfundi yrði frestað og önnur mál tekin á dagskrá.

Blæs lífi í laskaðan markað

Skráning fyrirtækja sem bankarnir hafa tekið yfir að öllu leyti eða að hluta getur verið ágæt lausn, að sögn Gylfa Magnússonar, efnahags- og viðskiptaráðherra.

Hættir störfum fyrir sjómenn

Björn Valur Gíslason, þingmaður Vinstri grænna, sagði í gær af sér öllum trúnaðarstörfum fyrir Félag skipstjórnarmanna og Farmanna- og fiskimannasamband Íslands (FSSÍ).

Þvertaka fyrir málþóf

Fullkomin óvissa ríkir um hvenær fjárlög og skattafrumvörp ríkisstjórnarinnar koma á dagskrá Alþingis vegna togstreitu stjórnarflokkanna og stjórnarandstöðunnar um Icesave. Þingmenn stjórnarandstöðunnar hafa talað um Icesave fyrir hálftómum sal í rúmlega þrjátíu klukkustundir.

Almannavörnum tilkynnt um landris í Krýsuvík

Landris mælist nú við Kleifarvatn og er talið að kvika geti verið að byggja upp þrýsting á litlu dýpi í eldstöðvakerfi Krýsuvíkur. Jarðvísindamenn hafa upplýst Almannavarnir og lögregluyfirvöld um stöðuna og mælt með því að sérstök aðgæsla verði höfð með svæðinu vegna hættu á lífshættulegum gufusprengingum.

Á níræðisaldri og þefaði upp heitt vatn fyrir 500 heimili

Landeigandinn á Auðnum á Vatnsleysuströnd, Jakob Árnason, boraði niður á heitt vatn í vikunni en talið er að hann geti hitað upp allt að fimmhundruð heimili með orkunni sem hann fann. Athygli vekur að Jakob er orðinn 83 ára gamall.

Mesta tækjagræjan á veiðar við Noregsstrendur

Stærsti plastbátur, sem smíðaður hefur verið hérlendis, kom í dag út úr bátasmiðjunni Trefjum í Hafnarfirði. Þrír Íslendingar ætla að gera hann út á línuveiðar við Noregsstrendur.

Ósátt sóknarbörn afhentu undirskriftalista

Sóknarbörn á Selfossi mættu á Biskupsstofu í dag og afhentu undirskriftir bæjarbúa sem krefjast þess að fá að kjósa sér sóknarprest. Þau segja Selfyssinga eiga það skilið eftir allt það sem á undan er gengið í sókninni.

Segir bókfært tap vera 4 milljarðar króna

Meirihlutinn í Reykjavík fór með rangt mál þegar virði Magma tilboðs var sagt 6,31. Niðurfærslur samkvæmt árshlutauppgjöri OR samsvara genginu 5,4 á hlut. Þetta segir Sigrún Elsa Smáradóttir, fulltrúi Samfylkingarinnar, í stjórn Orkuveitu Reykjavíkur.

Póst og fjarskiptastofnun vinnur að gerð reiknivélar

Póst og fjarskiptastofnun vinnur að gerð og birtingu reiknivélar fyrir neytendur. Sú reiknivél er ekki tilbúin og hefur ekki verið birt. Stofnunin hefur haft samráð við fjarskiptafyrirtækin um gerð hennar, segir í yfirlýsingu sem Póst og fjarskiptastofnun hefur sent fréttastofu Stöðvar 2 og Vísis vegna frétta af úttektum og reiknivélum Póst og fjarskiptastofnunar.

Hafa rannsakað 250 mál frá bankahruni

Samkeppniseftirlitið hefur gert fjórar húsleitir frá bankahruninu í fyrra. Ein húsleitanna varðar grun um misnotkun á markaðsráðandi stöðu og þrjár varða grun um ólögmætt samráð.

Fleiri en 7000 skora á forsetann í Icesave málinu

Rúmlega 7000 Íslendingar hafa ritað nafn sitt undir áskorun til forseta Íslands um að synja nýjum Icesave lögum staðfestingar, þannig að þau verði borin undir íslensku þjóðina í þjóðaratkvæðagreiðslu. Í fréttatilkynningu frá InDefence, sem stendur fyrir undirskriftarsöfnuninni, segir að þessi mikli áhugi almennings sýni að Icesave málið brenni enn á mörgum Íslendingum og hljóti að vekja athygli stjórnvalda.

Ágúst verður áfram á Bifröst

Ágúst Einarsson, rektor Háskólans á Bifröst, mun gegna áfram starfi rektors við skólann þrátt fyrir að ráðningartímabil hans renni út um miðjan janúar. Þetta segir Andrés Magnússon, formaður stjórnar skólans, í samtali við Vísi.

Meðallaun hafa lækkað á Landspítalanum

Meðallaun allra stétta á Landspítalanum, nema þeirra lægstlaunuðu, hafa lækkað á þessu ári, segir Björn Zoëga, forstjóri spítalans, í pistli á vef spítalans.

Sjómenn mótmæla afnámi sjómannaafsláttar

Stjórn Sjómannafélags Íslands mótmælir áformum um afnám sjómannaafsláttar og hvetja sjómenn til að sigla í land verði áformin að veruleika. Fjármálaráðherra hefur lagt fram frumvarp sem kveður á um að sjómannaafsláttur verði afnuminn i skrefum frá og með árinu 2011.

Samfélagssjóður Alcan veitir 9,3 milljóna króna styrk

Úthlutað hefur verið úr Samfélagssjóði Alcan vegna þeirra styrkumsókna sem bárust sjóðnum frá maí síðastliðnum til og með október. Sjóðurinn veitir 29 styrki að þessu sinni, samtals að fjárhæð samtals kr. 9,3 milljónir króna. Alls bárust 70 umsóknir.

Nemendur Árskóla mynduðu friðarkeðju

„Friður sé með þér“ hljómaði mörg hundruð sinnum í morgun þegar nemendur, starfsfólk og foreldrar nemenda við Árskóla mynduðu friðarkeðju upp eftir öllum Kirkjustígnum við Nafirnar á Sauðárkróki.

Áhersla lögð á að klára Icesave fyrir mánaðamót

Greiðsluskylda Tryggingasjóðs innstæðueigenda vegna Icesave varð virk fyrir rúmum mánuði og segir fjármálaráðherra mikilvægt að klára afgreiðslu Icesave í þessum mánuði. Ekki sér hins vegar fyrir endann á ræðum stjórnarandstöðunnar um málið.

Leggur til að héraðsdómurum verði fjölgað um fimm

Ragna Árnadóttir dómsmála- og mannréttindaráðherra kynnti frumvarp um tímabundna fjölgun dómara og aðstoðarmanna í ríkisstjórn í morgun. Lagt er til að héraðsdómurum verði fjölgað úr 38 í 43.

Bóluefnið búið í bili

Nær ekkert er eftir af bóluefni gegn svínaflensu í landinu og tefst því almenn bólusetning. Sóttvarnarlæknir vinnur að nýrri viðbragðsáætlun vegna þessa.

Vill að forseti Alþingis taki landráðabrigsl til skoðunar

Jóhanna Sigurðardóttir vill að forsætisnefnd Alþingis taki það til sérstakrar umræðu hversu oft ráðherrar í ríkisstjórninni hafi verið brigslaðir um landráð og að hafa ekki gætt hagsmuna Íslendinga í Icesave deilunni. Þetta sagði Jóhanna í fyrirspurnatíma á Alþingi í morgun.

Ævintýraleg ganga um Laugardalinn á morgun

Ljómandi borg býður borgarbúum í ævintýralega göngu næstkomandi laugardagskvöld, 28. nóvember. Þá mun lýsingarhönnunarhópurinn Guerilla Lighting leiða fólk um Laugardalinn og verða valdar byggingar og staðir upplýstir á nýstárlegan hátt.

Ólafi Ragnari boðið til Indlands

Forseti Indlands Pratibha Patil og indversk stjórnvöld hafa boðið Ólafi Ragnari Grímssyni, forseta Íslands, að koma í opinbera heimsókn til Indlands dagana 14.-18. janúar næstkomandi.

Köstuðu bensínsprengjum á lögreglustöðina í Borgarnesi

Fjórir ungir menn reyndu í nótt að kveikja í lögreglustöðinni í Borgarnesi. Þeir hentu bensínsprengjum að stöðinni eða svokölluðum mólótov-kokteilum. Að sögn lögreglu fór betur en á horfðist því önnur sprengjan sprakk ekki og hin brann upp án þess að eldurinn næði að læsa sig í húsið.

Gunnar Birgisson stefnir flokksbróður sínum

Gunnar Birgisson, fyrrverandi alþingismaður og bæjarstjóri í Kópavogi, hefur ákveðið að stefna Þórarni Ævarssyni flokksbróður sínum og íbúa á Kársnesi.

Leitað að manni í Mývatnssveit í nótt

Lögregla og björgunarsveitir voru kallaðar út í nótt til þess að leita að manni í Mývatnssveit. Tilkynningin barst um klukkan tvö og var maðurinn sem er á tvítugsaldri, kominn í leitirnar um klukkan fimm.

Sjómannaafslátturinn afnuminn í þrepum

Steingrímur J. Sigfússon lagði í gærkvöldi á Alþingi fram tvo svokallaða bandorma um tekjuöflun ríkisins. Í þeim er meðal annars gert ráð fyrir hinum áður boðaða þriggja þrepa tekjuskatti auk þess sem sjómannaafslátturinn svokallaði verður afnuminn í skrefum á fjórum árum frá og með 2011.

Níu þúsund hafa skráð sig til stuðnings SÁÁ

Viku eftir að söfnun undirskrifta hófst hafa 9.000 manns skrifað undir áskorun til þingmanna um að skerða ekki famlög til áfengismeðferðar SÁÁ. Í áskoruninni kemur fram að SÁÁ hafi nú þegar skorið niður kostnað vegna samdráttar í framlögum frá einstaklingum og fyrirtækjum.

Þrír teknir við innbrot í Grindavík

Lögreglan á Suðurnesjum stóð í nótt þrjá unga menn að innbroti í Grindavík. Tveir mannanna höfðu brotið rúðu tískuvöruverslunar í verslunarmiðstöð og farið þar inn en sá þriðji beið í bifreið fyrir utan.

Icesave tefur afgreiðslu skattamála

Þingfundi lauk á öðrum tímanum í nótt og var þá umræðu um Icesave-frumvarpið frestað en henni verður fram haldið í dag. Fyrir lok þingfundar var atkvæðagreiðsla um dagskrártillögu frá stjórnarandstöðuflokkunum um að dagskrá dagsins í dag yrði með þeim hætti að fyrst yrðu skattafrumvörp ríkisstjórnarinnar tekin til umræðu auk annarar umræðu um frumvarp til fjáraukalaga. Síðan yrði hafist handa við að ræða icesave málið.

Flugfreyjur íhuga verkfall

Staðan í kjaraviðræðum Flugfreyjufélags Íslands og Icelandair er í hnút eftir að upp úr viðræðum slitnaði á miðvikudag. Halda á félagsfund í desember til að ræða framhaldið, en til greina kemur að afla heimildar til að boða verkfall.

Pakkatilboðin afar ógagnsæ

Gísli Tryggvason, talsmaður neytenda, fagnar samanburði Póst- og fjarskiptastofnunar á kostnaði við síma- og netþjónustu, og átelur fjarskiptafyrirtækin fyrir ógagnsæjar gjaldskrár sem almennt sé erfitt fyrir neytendur að bera saman.

24 árangurslaus fjárnám hjá Klæðningu

Sýslumaðurinn í Kópavogi gerði fyrr í þessum mánuði 24 árangurslaus fjárnám hjá Klæðningu ehf. vegna vanskila á skuldum upp á samtals um 60 milljónir króna. Lögmaður Klæðningar hefur kært ákvörðunina til héraðsdóms vegna þess sem hann kallar óeðlileg vinnubrögð sýslumannsfulltrúans sem sá um málið.

Of mörg fyrirtæki í landinu

Ekkert mælir gegn því að bankarnir brjóti upp fyrirtækjasamstæður sem þeir taka yfir eða aðstoða við endurskipulagningu telji þeir fyrirtækin hafa markaðsráðandi stöðu. Slíkt kann að skila sér til neytenda.