Nítján þúsund sigldu með ferjunni Baldri

Metaðsókn var í Breiðafjarðarferjuna Baldur í júlí en um nítján þúsund farþegar og um fjögur þúsund bílar fóru með ferjunni. Á sama tíma í fyrra sigldu rúmlega fimmtán þúsund manns með ferjunni og um 3.500 bílar.

Makríllinn dreifður um alla lögsöguna

Umfangsmestu rannsóknir á makrílgöngum á hafsvæðinu við Ísland og á Norður-Atlantshafi eru langt komnar. Rannsóknirnar eru tilkomnar vegna deilna um útbreiðslu makríls hér við land og rétt Íslendinga til veiða úr stofninum. Niður­staða þeirra mun liggja fyrir í september en ljóst er að mikið er af makríl víða í íslensku lögsögunni.

Áfram verður hlýtt á landinu

Mikið blíðskaparveður var víða á landinu í gær, og sólin skein skært í miðborg Reykjavíkur. Ljósmyndari Fréttablaðsins átti leið hjá Bæjarins bestu í Tryggvagötu og var ekki að sjá að gestir sem biðu þar létu það nokkuð á sig fá í góða veðrinu.

Vilja dreifa umferð um Esjuna

Unnið hefur verið að því í að búa til nýja göngustíga um hlíðar Esjunnar í sumar til að dreifa umferð um fjallið en ágangur þar hefur verið óvenju mikill. Að sögn Bergþóru Einarsdóttur, flokksstjóra hjá Skógræktarfélagi Reykjavíkur, sem hefur umsjón með Esjuhlíðum, hefur verið stöðugt streymi upp að Þverfellshorni, sem er vinsælasta gönguleiðin.

Fundur VG: Félagshyggjustjórnin megi ekki stranda á Icesave

Það var þétt setinn bekkurinn á félagsfundi Vinstri grænna í Kraganum, en aðstandendur fundarins telja að yfir hundrað manns hafi setið fundinn. Meðal gesta var stór hluti þingflokks Vinstri grænna og jafnvel flokksmeðlimir úr öðrum kjördæmum.

Fleiri en hundrað á félagsfundi VG í Kraganum

Yfir hundrað manns eru mættir á félagsfund Vinstri grænna í Kraganum í félagsheimili VG að Hamraborg 1-3. Meðal þeirra sem sitja fundinn eru Guðfríður Lilja Grétarsdóttir og Ögmundur Jónasson, þingmenn flokksins, sem svara spurningum félaga eftir bestu getu.

Er tilbúinn að skoða skattaafslátt gegn upplýsingum

„Ég er alveg tilbúinn að taka þetta til skoðunar," segir Steingrímur J. Sigfússon, fjármálaráðherra, aðspurður um þá hugmynd að veita fjármagnseigendum skattaafslátt í skiptum fyrir upplýsingar um innistæður þeirra á aflandsreikningum.

Þrisvar dópaður undir stýri á einni viku

Lögreglan á Akureyri greip tvítugan pilt í dag grunaðan um akstur undir áhrifum fíkniefna. Þetta er í annað skiptið á jafnmörgum dögum sem lögregla hefur afskipti af drengnum, því um hádegisbilið í gær var sami drengur stöðvaður fyrir sama brot. Þá tók lögregla hann einnig um síðustu helgi fyrir fíkniefnaakstur.

Hvalfjarðargöngin opnuð eftir slys

Verið er að opna Hvalfjarðargöngin, en þeim var lokað eftir að þriggja bíla árekstur varð þar á fimmta tímanum.

Vill veita skattaafslátt í skiptum fyrir upplýsingar

Bryndís Kristjánsdóttir skattrannsóknarstjóri vill að skoðaður verði möguleiki á að veita fjármagnseigendum sem eiga fé á huldureikningum erlendis skattaafslátt, veiti þeir sjálfviljugir upplýsingar um innistæður sínar.

Siggi stormur framkvæmdi tannlækningar á syni sínum

Tíu ára drengur, sem var sárþjáður af tannpínu um verslunarmannahelgina, neyddist til að leggjast undir hnífinn heima í stofu hjá föður sínum þar sem ómögulegt var að fá aðstoð tannlæknis. Varaformaður tannlæknafélagsins harmar atvikið.

Vinnueftirlitið rannsakar alvarlegt slys í álveri

Vinnueftirlitið rannsakar alvarlegt slys sem varð í álverinu á Grundatanga í gærkvöldi þegar starfsmaður brendist illa á báðum fótum.

Atvinnuleysi viðskiptamenntaðra tólffaldaðist undanfarið ár

Sjö sinnum fleiri kennarar eru atvinnulausir nú en á sama tíma í fyrra og tólf sinnum fleiri viðskipta- og hagfræðingar. Helmingur atvinnulausra eru með framhaldsmenntun eða er faglærður.

Sextug kona meðal þeirra sem notaðir voru í lánasjóðssvindli

Nöfn leikskólakennara, bókasafnsfræðings, fyrrverandi verðbréfasala og manns sem skráður er til húsa í félagsbústöðum voru notuð til að svíkja út fjörutíu milljónir króna úr Íbúðalánasjóði. Sextug kona sem notuð var í svikunum segist ekki skilja af hverju hennar nafn var notað.

Ríkisstjórnarsamstarfið að veði í Icesave

Össur Skarphéðinsson segir að ef ekki verði meirihluti fyrir Icesave frumvarpi ríkisstjórnarinnar, verði stjórnin og einstakir ráðherrar að íhuga stöðu sína. Ögmundur Jónasson og Guðfríður Lilja Grétarsdóttir, þurfa að rökstyðja afstöðu sína í Icesave málinu, fyrir almennum flokksmönnum í Vinstri-grænum, á félagsfundi í kvöld. Fullyrt er að ríkisstjórnin standi og falli með afstöðu þeirra í málinu.

Milljarða lóðasala Kópavogsbæjar gæti endað fyrir dómstólum

Milljarða lóðasala Kópavogs í Glaðheimum er í uppnámi og kann að enda fyrir dómstólum. Kaupandi vill rifta samningi, en bærinn neitar.

Óvissa um gjaldeyrisforðann vegna Icesave

Hundruð milljarða króna galdeyrisforði Íslendinga gæti lent í klóm Breta ef Icesave-samningurinn gjaldfellur. Óvíst er að sá hluti forðans sem geymdur er í Bandaríkjunum njóti friðhelgi samkvæmt samningum. Aðstoðarmaður fjármálaráðherra, fellst ekki á þetta.

Vill sjá reglur um eignarhald fjölmiðla

„Það er talað um það í stjórnarsáttmálanum að endurskoða fjölmiðlalögin, en einungis nefnt sjálfstæði ritstjórna," segir Guðlaugur Þór Þórðarson, þingmaður Sjálfstæðisflokksins.

Undirstrikar nauðsyn breikkun Suðurlandsvegar

Sigurður Ingi Jóhannsson, þingmaður Framsóknarflokksins, segir að svar Kristjáns Möllers, samgönguráðherra, við fyrirspurn sinni um Suðurlandsveg og gangagerð undirstriki nauðsyn þess að hafnar verði framkvæmdir við breikkun Suðurlandsvegar.

Þriggja bíla árekstur í Hvalfjarðargöngum

Þriggja bíla árekstur varð í Hvalfjarðargöngunum á fimmta tímanum. Samkvæmt upplýsingum frá sjúkraliðinu voru ökumenn einir í öllum þremur bílunum. Þeir eru allir komnir í sjúkrabíla og fara tveir þeirra á sjúkrahús á Akranesi en einn til

Ferfalt fleiri konur vilja Útskálaprestkall

Tíu umsækjendur eru um embætti sóknarprests í Útskálaprestakalli, Kjalarnessprófastsdæmi. Þar af eru átta konur, eða ferfalt fleiri en karlumsækjendur. Frestur til að skila inn umsóknum rann út 6. ágúst, en embættið veitist frá 1. september næstkomandi.

Ferðamaðurinn kominn úr Kreppu

Erlendur ferðamaður sem slasaðist í ánni Kreppu fyrr í dag er kominn um borð í þyrlu Landhelgisgæslunnar. Hann reyndist ekki alvarlega slasaður en kaldur og hrakinn og afar skelkaður.

„Stjórn Seðlabankans á ekki að vera kaffisamsæti flokksgæðinga“

Þingmenn Borgarahreyfingarinnar mótmæltu kosningu í Seðlabankaráð og landskjörstjórn á þingfundi í dag. Þór Saari, þingmaður flokksins, gagnrýndi að kosið væri í bankaráð Seðlabankans með pólitískum hætti.

Þingvallanefnd kosin á Alþingi

Alþingi kaus í dag sjö manna Þingvallanefnd úr röðum þingmanna. Eftirfarandi þingmenn voru kjörnir.

Bankaráð Seðlabankans kosið á Alþingi

Sjö manna bankaráð Seðlabanka Íslands var kjörið á Alþingi í dag. Þrír koma nýir inn í bankaráðið en það eru þau Hildur Traustadóttir, Magnús Árni Skúlason og Katrín Olga Jóhannesdóttir

Líf í höfnum landsins

Ólína Þorvarðadóttir, þingmaður Samfylkingarinnar, segir reynslu af lögum um strandveiðar sem tóku gildi í vor vera góða. Mun meiri umsvif væri í höfnum landsins og að landanir væru fleiri en áður.

Þyrla sækir slasaðan ferðamann

Björgunarsveitir Slysavarnafélagsins Landsbjargar á Austurlandi og Norðurlandi voru kallaðar út eftir hádegi í dag vegna erlends ferðamanns sem slasaðist í ánni Kreppu, sem er norðan Vatnajökuls.

Óhugsandi að Samfylkingin slíti ríkisstjórnarsamstarfinu

Sigmundur Davíð Gunnlaugsson, formaður Framsóknarflokksins, segist alls ekki vera þeirrar skoðunar að ríkisstjórnarsamstarf Samfylkingarinnar og VG standi og falli með Icesave málinu.

Stjórnin stendur og fellur með Icesave

Ríkisstjórnin stendur og fellur með Icesave málinu, samkvæmt heimildum fréttastofu. Allt íslenskt efnahagslíf sé í gíslingu málsins. Ögmundur Jónasson, heilbrigðisráðherra segir svo ekki vera, en væntir lausnar.

Efast um hvort eðlilegt sé að breska fjársvikadeildin hjálpi Íslendingum

„Er það eftirsóknarvert, sem enginn gagnrýnir núna, að rannsóknardeild um alvarleg fjársvikamál í Bretlandi komi hér og skipti sér af málefnum okkar banka?" Þessarar spurningar spyr Björn Bjarnason, fyrrverandi dómsmálaráðherra í viðtali við netvarpið.

„Mjög gott samband á milli okkar Steingríms“

Ögmundur Jónasson, heilbrigðisráðherra, segir samband sitt og Steingríms J. Sigfússonar, fjármálaráðherra og formanns Vinstri grænna, vera afar gott. Ögmundur kveðst ekki hafa líf ríkisstjórnarinnar í höndum sér. Hann segist einungis vera einn af 63 fulltrúum þjóðarinnar á Alþingi.

Björguðu kisa úr sjálfheldu

Kisi litli lenti í sjálfheldu þegar að hann var að leika sér í rafmagnsstaur á Seltjarnarnesi í gær. Staurinn er nokkuð hár og þegar kisi var kominn upp á topp þorði hann ekki niður. Seltirningar sem áttu leið um kenndu í brjósti um kisa og ákváðu að kalla á aðstoð lögreglunnar. Sökum anna komst lögreglan ekki á staðinn. Það kom ekki að sök því að bæjarstarfsmenn hjá Seltjarnarnesbæ sýndu af sér mikið snarræði og björguðu kisa.

Færeyingar mættir í síldarævintýrið

Þrjú færeysk skip hafa nú blandað sér í síldarævintýrið norðaustur af landinu, en afli íslensku síldveiðiskipanna í síðasta mánuði er meiri í júlímánuði en nokkru sinni, síðan að Norsk- íslenski síldarstofninn hrundi seint á sjöunda áratug síðustu aldar.

Brotist inn í iðnaðarsafnið á Akureyri

Brotist var inn í iðnaðarsafnið vi Krókeyri á Akureyri í gærkvöldi og þaðan stolið nokkrum tugum þúsunda króna. Þjófurinn komst undan, en brátt féll grunur á ungan mann, sem lögreglan heimsótti skömmu síðar og upplýstist málið þar.

Brenndist í álverinu á Grundartanga

Starfsmaður í álveri Noðruráls á Grundartanga brenndist á fótum við störf sín í gærkvöldi. Hann var fluttur á slysadeild til aðhlynningar. Ekki lliggur fyrir hvernig slysið atvikaðist, eða hversu alvarlega maðurinn brenndist.

Með röng veiðarfæri fyrir misgáning

Skipstjórinn á togarnum Sólbak EA, sem varðskip færði til hafnar á Akureyri í gærmorgun eftir að hann var staðinn að meintu landhelgisbroti á Vestfjarðamiðum í fyrradag, játar að hafa fyrir misgáning verið með röng veiðarfæri á svæðinu.

Líf ríkisstjórnarinnar í höndum Ögmundar

Haldi Ögmundur Jónas­son heilbrigðisráðherra fast við andstöðu sína við Icesave-málið er ríkisstjórnarsamstarfi VG og Samfylkingarinnar úr sögunni. Um það eru þingmenn í báðum flokkum sammála.

Svínaflensulyf sögð slæm fyrir börn

Alls hefur 101 greinst með svína­flensu, A(H1N1)v, á Íslandi frá því í maí 2009 og komu 29 ný tilfelli upp um helgina. Þar af eru 55 karlar og 46 konur. Þriðjungur er á aldrinum 15 til 19 ára en aðeins níu hafa greinst sem eru eldri en 40 ára. Hafa 46 fengið flensuna erlendis en 52 hér á landi. Óvíst er um þrjú tilvik. Haraldur Briem sóttvarnalæknir segir flensuna byrjaða að smitast innanlands.

Eiginfjárframlag ríkisins: Aðgerða sparisjóðanna beðið

Sex sparisjóðir sem sóttu um eiginfjárframlag á grundvelli neyðarlaganna í vor hafa enn ekki fengið slíkt framlag. Fjármálaráðuneytið bíður enn eftir aðgerðum sumra þeirra áður en unnt er að afgreiða beiðnirnar.

Óttast að Ísland einangrist á nýjan leik

Formaður fjárlaganefndar Alþingis segir að reynt verði til þrautar í dag og á morgun að ná samkomulagi um fyrirvara við samþykki Alþingis á ríkisábyrgð vegna Icesave-samningsins. Hann segist óttast að Ísland einangrist verði málinu ekki lokið fljótlega.

Hvalveiðigróðinn kæmi í útflutningi

„Það kemur í ljós hvort þetta fer til Japans, Noregs eða Færeyja. Við erum bara að skoða það,“ segir Gunnar Bergmann Jónsson, framkvæmdastjóri Hrefnuveiðimanna ehf. Þegar hafa Hrefnuveiðimenn veitt 46 hrefnur og stefnt er að því að fara yfir eitt hundrað dýr áður en vertíðinni lýkur.

Hlaupa hundrað kílómetra til styrktar Mæðrastyrksnefnd

Þrettán félagar úr CrossFit Iceland munu hlaupa 100 kílómetra á fimmtudaginn til styrktar Mæðrastyrksnefnd. Leggja þeir af stað frá Skipaskaga klukkan fimm um morguninn, hlaupa meðfram Akrafjalli, hringinn í Hvalfirði og enda í Reykjavík.

Ný rennibraut Laugardalslaugar kostar um 17 milljónir

Endurbætt rennibraut í Laugardals­lauginni verður opnuð á næstunni og í síðasta lagi á þriðjudaginn eftir viku, á afmæli Reykjavíkurborgar, að sögn Loga Sigurfinnssonar, forstöðumanns Laugardalslaugar.

Stefnir í metfjölda fæðinga á þessu ári

Samtals 2.101 barn hafði fæðst á fæðingardeildum Landspítalans í gær. Það er 72 börnum fleiri en fæðst höfðu á sama tíma í fyrra. Að sögn Guðrúnar G. Eggertsdóttur, yfirljósmóður á Landspítalanum, stefnir því í metár í fæðingum, þar sem áætlaðar fæðingar í september og október eru mjög margar.

Færri Bretar og Hollendingar

Umtalsvert færri Bretar og Hollendingar ferðuðust hingað til lands í nýliðnum júlí en í sama mánuði í fyrra, samkvæmt samantekt Ferðamálastofu yfir fjölda ferðamanna sem fóru um Flugstöð Leifs Eiríkssonar.