Hæstiréttur staðfestir dóm yfir Keilufellshrottum

Hæstiréttur staðfesti í dag dóm Héraðsdóms Reykjavíkur yfir fjórum pólskum karlmönnum fyrir húsbrot og sérstaklega hættulega líkamsárás í Keilufelli þann 22. mars síðastliðinn.

Fjögurra ára fangelsi fyrir kynferðisbrot gegn stúlkubarni

Hæstiréttur staðfesti í dag dóm Héraðsdóms Reykjavíkur sem dæmdi Jóhann Sigurðarson í fjögurra ára fangelsi í desember síðastliðnum fyrir að hafa brotist inn á heimili um miðja nótt og sleikt kynfæri fimm ára gamlar stúlku. Jón Steinar Gunnlaugsson, hæstaréttardómari, skilaði sératkvæði en hann taldi hæfilega refsingu vera þrjú ár.

Stolinn Audi Q7 fundinn

Lögreglan fékk ábendingu frá vegfaranda eftir að auglýst var eftir Audi Q7 bifreið í morgun. Billinn fannst síðan nú síðdegis við hús í Efstasundi í Reykjavík.Lögreglan tekur nú bílinn og tekur fingraför. Þjórfurinn er hisnvegar ófundinn.

Leið framsóknarmanna um 20% niðurfellingu skulda rædd á þingi

Sigmundur Davíð Gunnlaugsson, formaður Framsóknarflokksins, mælti á Alþingi í dag fyrir umtöluðu frumvarpi þingflokks framsóknarmanna um 20% niðurfellingu skulda. Fjármálaráðherra og félagsmálaráðherra tóku þátt í umræðum um frumvarpið.

Dæmdur í þriggja mánaða fangelsi fyrir brot gegn valdstjórninni

Karlmaður á fertugsaldri var í dæmdur í þriggja mánaða fangelsi í Héraðsdómi Reykjavíkur í dag fyrir að brot gegn valdstjórninni. Brotin áttu sér stað í júní árið 2008 á skemmtistaðnum Áttunni að Hraunbergi 4 í Reykjavík.

Enski boltinn líklega áfram hjá 365

Ari Edwald, forstjóri 365, segir í viðtali við Vísi að félag hans stefni á áframhaldandi útsendingarétt á enska boltanum en útboð á réttinum fer fram þann 9. júní næstkomandi og er rétturinn til fjögurra ára.

Forsetinn ræddi nýtingu hreinnar orku við forseta Kýpur

Forseti Íslands Ólafur Ragnar Grímsson átti í dag fund með Dimitris Christofias forseta Kýpur. Á fundinum var rætt um samvinnu smárra þjóða í Evrópu, árangur Kýpur og Íslands við nýtingu hreinnar orku og hugsanlega lausn á langvarandi deilum um skiptingu eyjarinnar en forseti Kýpur lýsti ítarlega tilraunum sínum til að ná samkomulagi við forystusveit tyrkneska minnihlutans sem skapað gæti grundvöll að nýju stjórnskipulagi á Kýpur og tryggt friðsamlega sambúð allra eyjarbúa.

Vél frá Icelandair þurfti að lenda vegna reyks í farþegarými

Farþegaþota Icelandair á leið frá París til Keflavíkurflugvallar lenti á Gatwick flugvelli við London um klukkan 13.20, eftir að reykur kom upp í farþegarýminu um borð.

Viðræðum haldið áfram

Árni Stefán Jónsson, varaformaður BSRB, segir að viðræðum um samkomulag samtaka launafólks, atvinnurekenda og ríkisins um launalið opinberra starfsmanna verði haldið áfram. Viðræðurnar eru í ákveðinni óvissu eftir að Seðlabankinn tilkynnti um 1% lækkun stýrivaxta í morgun.

Fjórir grunaðir um kynferðisbrot á Ísafirði

Rannsókn lögreglunnar á Vestfjörðum á meintu kynferðisafbroti sem mun hafa átt sér stað um helgina miðar vel.

Vill sjá atvinnulíf og launþega leggja niður störf

„Stjórnvöld bera mikla ábyrgð á því hvernig komið er fyrir þessari þjóð," segir Ólafur M. Magnússon, framkvæmdastjóri Mjólku. Ólafi er nóg boðið eftir stýrivaxtaákvörðun Seðlabankans og vill að atvinnulífið og launþegar snúi bökum saman.

Norskt varðskip til taks við Sandgerði

Tvísýnt er talið hvort að takist að ná togaranum Sóleyju Sigurjóns af strandstað í innsiglinginnu í Sangerði á háflóðinu síðdegis í dag. Norska varðskipið Harstad er á leið á staðinn og verður til taks ef á þarf að halda.

Gerð stöðugleikasáttmálans í uppnámi

„Það hefur legið fyrir að hálfu atvinnurekenda ef að þessi vaxtastefna á að vera við lýði þá muni þeir ekki með nokkru móti geta komið til móts við okkur varðandi launaliðinn. Þá er viðræðum um stöðugleikasáttmála sjálfhætt en þær eru í uppnámi núna," segir Gylfi Arnbjörnsson, forseti ASÍ, um ákvörðun peningastefnunefndar Seðlabankans um að lækka stýrivexti úr 13% í 12%.

Gísli Marteinn: Gef alltaf upp til skatts þegar ég fæ borgað

Gísli Marteinn Baldursson borgarfulltrúi Sjálfstæðisflokksins sem fór í laxveiðiferð á vegum Glitnis til Rússlands segir að hlutverk sitt í ferðinni hafi verið að annast veislustjórn. DV vekur athygli á málinu í dag en ferðin var farin sumarið 2007. Aðspurður hvort hann hafi fengið greitt fyrir viðvikið segist Gísli ekki vera með það á hreinu en að hann telji þó að svo hafi ekki verið.

AGS kom hvergi nærri ákvörðuninni

Arnór Sighvatsson, aðstoðar Seðlabankastjóri, sagði að Alþjóðagjaldeyrissjóðurinn hafi ekki komið nálægt ákvörðun Seðlabankans um 1% lækkun stýrivaxta á fréttamannafundi í Seðlabankanum nú rétt í þessu.

Verra að vera Samfylkingarþingmaður eða fréttamaður á Stöð 2?

Bjarni Benediktsson, formaður Sjálfstæðisflokksins, og Róbert Marshall, þingmaður Samfylkingarinnar, tókust á um fjárstyrki til flokka sinna á þingfundi í dag. Bjarni velti fyrir sér hvort óþægilegra væri að vera þingmaður Samfylkingarinnar eða fréttamaður á Stöð 2.

Óljóst hvort Baldur snúi aftur

Ekki er enn komið í ljós hvort Baldur Guðlaugsson, ráðuneytisstjóri fjármálaráðuneytisins, snúi aftur í ráðuneytið. Hann hefur verið í leyfi frá því í febrúar.

Varfærin lækkun gefur færi á afnámi gjaldeyrishafta

Arnór Sighvatsson aðstoðar Seðlabankastjóri las upp yfirlýsingu peningastefnunefdar á blaðamannafundi í Seðlabankanum nú fyrir stundu en stýrivextir voru lækkaðir um eitt prósentustig úr 13 í 12 prósent líkt og greint hefur verið frá. Hann sagði markaðsvxti hafa lækkað umtalsvert frá maíbyrjun. Skammtímavextir hafi hækkað um u.þ.b fjórar prósentur og raun- og nafnvextir langtímaskuldabréfa um 0,5 og 1,5 prósentur. Fyrir vikið sagði hann að ávöxtunarferillinn hefði orðið flatari en áður, sem hvetur fjárfesta til þess að auka hlutdeild langtímaskuldabréfa í eignasöfnum. Hann sagði innlánsvextir hafa einnig lækkað umtalsvert.

Þór Saari: Skipulagið á Alþingi hrærigrautur

Þór Saari, þingmaður Borgarahreyfingarinnar, gerði vinnulag og skipulag í störfum Alþingis að umfjöllunarefni við upphaf þingfundar í dag.

Ákvörðun Seðlabankans rædd á Alþingi

Ákvörðun peningastefnunefndar Seðlabanka Íslands að lækka stýrivexti úr 13% í 12% var rædd á Alþingi í morgun en þingmenn vildu almennt sjá meiri lækkun.

Vill stýrivexti niður í fjögur prósent

Pétur H. Blöndal, þingmaður Sjálfstæðisflokksins segir í samtali við fréttastofu stýrivaxtaákvörðun Seðlabankans mikil vonbrigði. Fyrirtækin komist ekki í gang og kostnaður ríkisins af vöxtum jöklabréfa aukist.

Innbrotsþjófurinn stal Audi Q7 á meðan fjölskyldan svaf

Sigurður Freyr Árnason íbúi í Hafnarfirði fór að sofa klukkan eitt í nótt í einbýlishúsi sínu við Vesturvang í Hafnarfirði. Eiginkona hans vaknað klukkan hálf sex í morgun og uppgötvað þá að það hefði verið brotist inn á heimili þeirra hjóna. Þjófurinn hafði tekið fartölvu, myndavél og veski auk þess sem hússlyklarnir og bíllyklarnir voru horfnir. Fljótlega uppgötvaði Sigurður að Audi Q7 bifreið fjölskyldunnar var horfin og vill hann auglýsa eftir bílnum sem hefur fastanúmerið KM E00.

Ákvörðun Seðlabankans gríðarleg vonbrigði

Stýrivaxtaákvörðun peningastefnunefndar Seðlabankans er gríðarleg vonbrigði, segir Jón Steindór Valdimarsson, framkvæmdastjóri Samtaka iðnaðarins. Hann hafði vonast að lækkunin yrði meiri.

Stýrivextir úr 13 í 12 prósent

Seðlabanki Íslands tilkynnti nú fyrir stundu stýrivaxtalækkun upp á eitt prósentustig, úr 13 prósentum í 12. Ákvörðun bankans verður rökstudd á blaðamannafundi klukkan 11.

Steingrímur fagnar vasklegri framgöngu

„Ég fagna því að rannsóknarmenn séu að ganga vasklega til verks í þessum málum. Það hefur verið mikil eftirspurn eftir því að þessari rannsóknarvinnu miðaði áfram,“ segir Steingrímur J. Sigfússon fjármálaráðherra. Efnahagsbrotadeild ríkislögreglustjóra og fulltrúar á vegum sérstaks saksóknara vegna bankahrunsins gerðu í gær húsleit hjá lögmannastofunni Logos.

Verði útibú erlendra banka

Vilhjálmur Egilsson, framkvæmdastjóri Samtaka atvinnulífsins, telur heppilegt fyrir atvinnulífið að íslensku ríkisbankarnir færist í eigu erlendra banka og verði jafnvel útibú frá þeim.

Gísli Marteinn: Veislustjóri í laxveiðiferð Glitnis í Rússlandi

Borgarfulltrúinn Gísli Marteinn Baldursson fór í þriggja daga laxveiðiferð á Kólaskagann í Rússlandi árið 2007 í boði Glitnis.

Aftur þurfti að kalla út frívakt á þyrluna

Tvisvar í þessari viku hefur Landhelgisgæslan þurft að kalla til frívaktir til að fara í björgunarflug á haf út. Dómsmálaráðherra hyggst ræða við forstjóra Landhelgisgæslunnar til að kanna hvort hægt sé að endurskoða leiðir til sparnaðar hjá þyrlusveitinni.

Togari strandaði við Sandgerði

Skuttogarinn Sóley Sigurjóns tók niðri í innsiglingunni í Sandgerði í morgun. Björgunarsveitin Sigurvon í Sandgerði var kölluð út og er hún nú á strandstað ásamt lögreglumönnum af Suðurnesjum. Týr, varðskip Landhelgisgæslunnar, var einnig kallað að strandstað auk björgunarskips frá Landsbjörgu og á að freista þess að draga skipið á flot á ný á flóði klukkan hálf fimm.

Stýrivaxtaákvörðun í dag

Peningastefnunefnd Seðlabanka Íslands mun tilkynna um ákvörðun um stýrivexti í dag klukkan níu. Sjálf ákvörðunin verður kynnt með stuttri tilkynningu klukkan níu en klukkan ellefu kynnir nefndin rök sín fyrir ákvörðuninni.

Ráðherra ýtir á skilanefnd

Skilanefnd Kaupþings leyfir viðskiptanefnd ekki að sjá „þýska bréfið", þar sem meintar hótanir þýskra yfirvalda í garð íslenskra koma fram. Viðskiptaráðherra sagði á Alþingi í gær að ráðuneyti sitt hefði rekið á eftir skilanefndinni um að skýra sín sjónarmið um þetta, og að skeytið verði birt.

Ríkiskaup sögð sveigja reglur

„Við munum að sjálfsögðu kæra áður en þessi samningur kemst á,“ segir Sævar Freyr Þráinsson, forstjóri Símans, um þá ákvörðun Ríkiskaupa að semja við Vodafone um fjarskiptaþjónustu fyrir Landspítalann.

Meint ólöglegt lán rannsakað

Efnahagsbrotadeild ríkislögreglustjóra rannsakar meint ólöglegt fimm milljarða króna lán FL Group til Hannesar Smárasonar, fyrrum forstjóra félagsins. Lánið er talið hafa verið notað til kaupa á Sterling-flugfélaginu árið 2005. Einnig er til rannsóknar hvort Hannes hafi orðið uppvís af umboðssvikum.

Skuldavandinn ekki jafn mikill og sagt er

Jóhanna Sigurðardóttir forsætisráðherra segir að skuldavandi heimilanna sé ekki eins víðtækur og ýmsir hafi haldið fram. Nýjar upplýsingar frá Seðlabankanum um eignir og skuldir heimilanna sýni það.

Samræmdar aðgerðir ræddar

Svæðisáætlanir um viðbrögð vegna svínaflensufaraldurs verða ræddar á fundum um allt land á komandi dögum.

Rifbeinsbraut lögreglumann

Karlmaður um þrítugt hefur verið ákærður fyrir umferðarlagabrot og brot gegn valdstjórninni, en honum er gefið að sök að hafa veist að lögregluþjóni eftir að hafa verið handtekinn fyrir ölvunarakstur í október árið 2006.

Slysum fækkar um fjórðung

Slysum í umferðinni á höfuðborgarsvæðinu hefur fækkað um fjórðung á einu ári ef miðað er við fjóra fyrstu mánuði ársins og þeir bornir saman við sama tímabil í fyrra. Umferðardeild lögreglunnar á höfuðborgarsvæðinu hefur tekið saman fjölda slysa sem sýnir að fækkunin nemur 25 prósentum.

Marel slær taktinn í Kauphöll

Stjórn Marel Food Systems ákvað í gær að efna til áskriftarútboðs fyrir fagfjárfesta með það fyrir augum að styrkja lausafjárstöðu félagsins. Gefið verður út nýtt hlutafé í útboðinu sem lýkur á föstudag. Þetta er fyrsta hlutafjárútboðið hjá skráðu félagi í Kauphöllinni það sem af er árs.

Aftur orðin aðstoðarmaður

Helga Valfells hefur verið ráðin á ný sem aðstoðarmaður Gylfa Magnússonar viðskiptaráðherra. Hún hætti rétt eftir kosningar 25. apríl, ásamt Þorfinni Ómarssyni fjölmiðlafulltrúa.

Ísland svarar til um Helguvík

Fjármálaráðuneytið hefur svarað viðbótarspurningum ESA, Eftirlitsstofnun EFTA, um fjárfestingarsamning ríkisins við Century Aluminium, vegna álvers í Helguvík. Frestur til svars rann út á þriðjudag, en ráðuneytið svaraði 26. maí.

Kveðja hundana sína grátandi

Sjö hundar voru í óskilum á hundahótelinu á Leirum í gær. Sumir hafa hreinlega ekki efni á að leysa hundana út og koma til að kveðja þá. Aðrir fara þá leið að losa sig við hunda sína.

Starfa ekki með meirihlutanum

„Ég frábið mér að lesa í blöðum frá Hönnu Birnu Kristjánsdóttur að hún sé að lýðræðisvæða borgina. Hún er ekki að því heldur er hún að framsóknarvæða borgina,“ segir Ólafur F. Magnússon, borgarfulltrúi F-listans.

Telja um fyrirslátt að ræða

Fyrri umræða um ársreikninga Hafnarfjarðarbæjar átti að fara fram á bæjarstjórnarfundi á þriðjudag. Bæjarstjóri bar hins vegar upp breytingatillögu og frestaði umræðunni þar sem ekki hafi náðst að undirrita þá. Ástæðuna sagði hann vera að annar skoðunarmannanna hefði verið erlendis.

Getur vel orðið arðbær iðnaður

Hjarðeldi á þorski getur vel verið arðbært, segir Jón Eðvald Halldórsson, en hann hefur nýlokið við meistaraverkefni um efnið frá Háskólanum á Akureyri. „Alla vega benda mínar niðurstöður til að þetta geti orðið arðbær iðnaður,“ segir hann

Á von á eigendastefnu fljótlega

Formaður viðskiptanefndar, Álfheiður Ingadóttir, segist innan skamms eiga von á tillögu frá ríkisstjórninni um eigendastefnu ríkisins gagnvart bönkunum. Hún krafðist stefnunnar í blaðinu fyrir um viku, og minnti á að þessu væri heitið í stjórnarsáttmála.