Læknar hóta verkfalli

Aðalfundur Læknafélags Íslands var haldinn í Kópavogi í dag. Fundurinn lýsti yfir fullum stuðningi við stjórn og samninganefnd félagsins í yfirstandandi kjaradeilu og heimilar þessum aðilum að hafa forgöngu um nauðsynlegar aðgerðir lækna til að ná fram ásættanlegum samningi við fjármálaráðherra.

RARIK gagnrýnir ASÍ

RARIK gagnrýnir verðkönnun sem ASÍ gerði og fjallað var um í fréttaskýringu í Morgunblaðinu í dag. ASÍ bar saman verð á rafmagni hjá RARIK og Orkusölunni.

Gunnlaugur hljóp 245 kílómetra á 34 klukkutímum

Gunnlaugur Júlíusson lauk í dag Spartaþlon hlaupi. Hann varð í 74. sæti. Hlaupið er 245 kílómetrar og því mikið afrek hjá Gunlaugi að ljúka hlaupinu. Gunnlaugur hljóp vegalengdina á 34 klukkutímum 12 mínútum og 17 sekúndum.

Minningarmyndband um Hrafnhildi Lilju

Vinir Hrafnhildar Lilju Georgsdóttur hafa sett saman minningarmyndband um vinkonu sína. Myndbandið var birt á minningarsíðu Hrafnhildar þar sem tæplega eitt þúsund manns hafa skráð sig.

Esjan grá

Esjan, borgarfjall Reykjavíkur, var grá í morgun þegar árrisulir borgarbúar litu til norðurs.

Nýjasta varðskip Dana til sýnis

Nýjasta varðskip danska flotans verður til sýnis í Reykjavík eftir hádegið. Skipið, sem heitir Knud Rasmussen, er sérstaklega ætlað til siglinga á hafísslóðum.

Atvinnuleysi mun aukast hratt á næstu mánuðum

Allt bendir til þess að atvinnuleysi muni aukast hratt á næstu mánuðum. Þrjú fyrirtæki tilkynntu um fjöldauppsagnir í gær

Mette Marit hleypur Glitnismaraþon

Um 7000 manns hafa skráð sig til þátttöku í Glitnismaraþoninu sem hlaupið verður í Osló á morgun. Fjöldi þátttakenda vaxið mikið frá því á síðasta ári, en þá hlupu um 4500 manns. Meðal hlaupara í ár er norska krónprinsessan, Mette Marit, og mun hennar hátign hlaupa 10 km.

Geir vill að 21. öldin verði öld Sameinuðu þjóðanna

Geir H. Haarde, forsætisráðherra, flutti í dag ræðu á allsherjarþingi Sameinuðu þjóðanna í New York. Á heimasíðu Stjórnarráðs Íslands segir að í ræðunni hafi Geir fjallað um baráttuna gegn sárri fátækt í heiminum, mikilvægi sjálfbærrar þróunar og aðgerða vegna loftlagsbreytinga. Einnig lagði hann áherslu á virðingu fyrir mannréttindum, þar með talið réttindum kvenna.

Átöppunarverksmiðja gangsett að Hlíðarenda

Icelandic Water Holdings ehf. sem síðastliðin þrjú ár hefur starfsrækt átöppunarverksmiðju fyrir Iceland Glacial vatnið í Þorlákshöfn, gangsettu í dag nýja verksmiðju í landi Hlíðarenda í Ölfusi. Það voru stofnendur Icelandic Glacial, þeir Jón Ólafsson og Kristján Ólafsson, sem ræstu fyrri framleiðslulínu verksmiðjunnar formlega í dag ásamt Össuri Skarphéðinssyni iðnaðarráherra.

Geir og Ban Ki-Moon hittust í New York

Geir H. Haarde, forsætisráðherra, átti í dag fund með Ban Ki-moon, aðalframkvæmdastjóra Sameinuðu þjóðanna, í New York. Í tilkynningu frá utanríkisráðuneytinu kemur fram að á fundinum hafi þeir rætt um alþjóðleg viðbrögð við afleiðingum loftlagsbreytinga, framlag Íslands á vettvangi SÞ og framboð Íslands til setu í öryggisráði Sameinuðu þjóðanna.

Bílvelta við Kerið

Bílvelta varð rétt norðan við Kerið í Grímsnesi í kvöld. Að sögn lögreglu voru fjórir í bílnum og komust þeir út af sjálfsdáðum. Enginn þeirra mun hafa meiðst alvarlega en fyrsta tilkynning til lögreglu var á þá leið að einn væri fastur í bílnum.

Nánast útilokað að seinagangur í nauðgunarmálum endurtaki sig

Hörður Jóhannesson, aðstoðarlögreglustjóri höfuðborgarsvæðisins, segir nánast útilokað að sá seinagangur í rannsókn sem varð til þess að dæmdur nauðgari fékk vægari dóm í Hæstarétti geti endurtekið sig.

Engin svör fást um hversvegna Ísland var haft útundan

Bandaríski seðlabankinn taldi ekki ástæðu til að hafa Seðlabanka Íslands með þegar gerðir voru gjaldmiðlaskiptasamningar við seðlabanka allra hinna Norðurlandanna. Engin skýring fæst hversvegna Ísland var haft útundan.

Reyndu að þagga málið niður

Lögregla reyndi að þagga morðið á Hrafnhildi Lilju Georgsdóttur niður þegar málið kom upp með því að segja það sjálfsmorð. Þetta segir rannsóknarblaðamaður í Cabarete í Dómíníska lýðveldinu sem fjallað hefur um málið.

Þrýst á um verðhækkanir

Bunkar tilkynninga frá heildsölum um verðhækkanir hrannast nú upp daglega í matvöruverslunum. Framkvæmdastjóri Bónuss segir mikinn þrýsting á verðhækkanir eftir gengislækkun krónunnar að undanförnu.

Kynlífshjálpartækjaþjófur gómaður

Þjófar voru á ferðinni hér og þar um borgina í gær og meðal annars var maður gripinn þegar hann hugðist stela kynlífshjálpartæki.

Guðni braut ekki jafnréttislög

Héraðsdómur Reykjavíkur hefur sýknað Guðna Ágústsson af kæru um að hafa brotið gegn jafnréttislögum með því að hafa í embætti landbúnaðarráðherra gengið fram hjá Ingileif S. Kristjánsdóttur við ráðningu í starf rektors Landbúnaðarháskóla Íslands.

Samtök fiskvinnslustöðva vilja breytta starfsemi Seðlabankans

Aðalfundur Samtaka fiskvinnslustöðva skorar á stjórnvöld að láta fara fram nú þegar endurskoðun á lögum um Seðlabanka Íslands. Þar verði fleiri þættir en verðbólgumarkmið látnir ráða við stjórn peningamála, svo sem jafnvægi í viðskiptum við útlönd.

Engin kreppa á Norðurlandi

Netútgáfa héraðsfréttablaðsins Feykis á Sauðárkróki var opnuð í dag. Feykir hefur komið út vikulega út á prenti í 28 ár, og heldur áfram með óbreyttu sniði. Guðný Jóhannesdóttir hefur ritstýrt blaðinu í tvö ár og segir undirbúning að vefnum hafa staðið jafn lengi.

Litháískt hústökufólk játar brot sín

Karlmaður og kona frá Litháaen, sem handtekin voru fyrir viku á Akureyri vegna gruns um þjófnaði og hústöku, hafa játað á sig brot sín og verið úrskurðuð í farbann til 17. október eða þar til dómur gengur í máli þeirra.

Rannsókn lokið á máli ofbeldisfulls föður

Rannsóknardeild lögreglunnar á höfuðborgarsvæðinu hefur lokið við rannsókn á máli föður á höfuðborgarsvæðinu, sem grunaður er um að hafa beitt þrjú börn sín ofbeldi. Hann er meðal annars grunaður um að hafa notað eitt þeirra sem hnífaskotskífu.

Nokkrum tugum sagt upp hjá Þ.G. verktökum

Þ.G. verktakar hyggjast segja upp nokkrum tugum starfsmanna nú um mánaðamótin og eru uppsagnarbréf að berast starfsmönnum. Davíð Már Sigurðsson starfsmannastjóri Þ.G. verktaka, staðfesti þetta í samtali við Vísi en sagði verið að vinna í málinu. Hann sagði því ekki liggja fyrir hversu mörgum nákvæmlega yrði sagt upp.

Áttatíu kaupsamningum þinglýst í vikunni

Þinglýstir kaupsamningar á höfuðborgarsvæðinu í liðinni viku reyndust 80 talsins, þar af 66 um eignir í fjölbýli.

Héraðsdómur snýr úrskurði Jónínu við

Héraðsdómur Reykjavíkur felldi í dag úr gildi úrskurð Jónínu Bjartmarz, fyrrverandi umhverfisráðherra, þar sem fallist var á lagningu vegar í gegnum Teigsskóg á Vestfjörðum.

Morðrannsóknin stendur enn yfir

Rannsókn á morði Hrafnhildar Lilju Georgsdóttur er ekki enn lokið samkvæmt upplýsingum sem Vísir hefur frá lögreglunni í Dóminíska lýðveldinu. Alþjóðadeild Ríkislögreglustjóra fékk sent skeyti í gær frá Interpool um að rannsóknin væri enn í gangi.

Greiddi fyrir heimsendan mat með fölsuðum seðlum

Ríkissaksóknari hefur höfðað mál á hendur tvítugum manni fyrir peningafals. Samkvæmt ákæru sem þingfest var í gær á maðurinn að hafa greitt sendli sem kom með mat heim til hans með tveimur fölsuðum fimm þúsund króna seðlum. Fyrirtaka verður í málinu á næstu dögum.

Segja almenning fjármagna virkjanastefnu OR

Vinstri grænir í Reykjavík segja að með gjaldskrárhækkun Orkuveitu Reykjavíkur sé almenningi ætlað að borga fyrir umdeilda virkjana- og stóriðjustefnu fyrirtækisins.

Ósátt við niðurstöðu héraðsdóms

Lögmaður landeiganda að Skálmholtshrauni við Þjórsá er ekki sáttur við niðurstöðu Héraðsdóms Reykjavíkur í máli sem landeigandinn höfðaði vegna fyrirhugaðrar Urriðafossvirkjunar. Ekki hefur þó verið tekin ákvörðun um það hvort málinu verði áfrýjað til Hæstaréttar.

Ella Dís komin með nýja öndunargrímu

Ella Dís Laurens, sem Vísir hefur fylgst með í um það bil eitt ár, er komin með nýja öndunargrímu.

Íhugar bótakröfu barna sinna

Faðir sem grunaður er um að hafa beitt þrjú börn sín alvarlegu ofbeldi ákvað í gær að taka sér frest til að íhuga afstöðu sína til bótakröfu réttargæslumanns barnanna sem honum var birt í gær.

Rannsóknarnefnd sjóslysa óstarfhæf

Rannsóknarnefnd sjóslysa er óstarfhæf þessa dagana vegna þess að dregist hefur að skipa í nefndina. Samkvæmt reglugerð er nefndin skipuð af samgönguráðherra til fjögurra ára og í henni eiga að sitja fimm menn.

Dæmdur fyrir að káfa á stúlku og bera sig fyrir framan hana

Héraðsdómur Reykjavíkur hefur dæmt 24 ára karlmann í þriggja mánaða skilorðsbundið fangelsi fyrir að káfa á sautján ára stúlku og bera kynfæri sín fyrir framan hana. Atvikið átti sér stað í ágúst í fyrra.

Líst vel á þjóðaratkvæðagreiðslu næsta vor

Valgerði Sverrisdóttur, varaformanni Framsóknarflokksins, hugnast vel að fram fari þjóðaratkvæðagreiðsla á næstu mánuðum um það hvort látið verði reyna á aðildarviðræður við Evrópusambandið.

Fresta framkvæmdum á landfyllingu til þess að ná sátt

Bæjarráð Kópvogs hyggst fresta framkvæmdum á landfyllingu á Kársnesi til að ná sáttum við Reykjavíkurborg í málinu. Bæjarfulltrúi Kópavogs segir framkvæmdirnar þó ekki ógna lífríki Skerjafjarðar.

Segir tollgæslu vaxa fiskur um hrygg við komandi breytingar

„Hugmyndir um eitt tollumdæmi og skipulagsbreytingar í kjölfar slíkra breytinga hafa verið orðaðar við stjórn Tollvarðafélags Íslands,“ segir Guðbjörn Guðbjörnsson

Vatnsréttindi ríkisins í Þjórsá ekki niðurfallin

Héraðsdómur Reykjavíkur sýknaði í morgun ríkið og Landsvirkjun af kröfum landeiganda Skálmholtshrauns við Þjórsá um að viðurkennt yrði með dómi að eignarréttur ríkisins á vatnsréttindum í Þjórsá í landi Skálmsholtshrauns væri niðurfallinn.

Eins og hálfs árs fangelsi fyrir fíkniefnasmygl og -sölu

Héraðsdómur Reykjaness dæmdi í morgun karlmann í eins og hálfs árs fangelsi fyrir að að smygla um 700 grömmum af kókaíni til landsins.

Tókst að bjarga hraðfiskibátnum við Ægisgarð

Nýlegur sjö tonna hraðfiskibátur var rétt sokkinn í Suðurbugtinni við Ægisgarð í Reykjavíkurhöfn á tíunda tímanum í morgun.

Rjúpnaveiðar með sama sniði og í fyrra

Umhverfisráðherra hefur ákveðið að rjúpnaveiðar verði heimilaðar fimmtudaga, föstudaga, laugardaga og sunnudaga í nóvembermánuði í ár líkt og í fyrra.

Fjármálastjórinn endurgreiddi féð

Fyrrverandi fjármálastjóri Garðabæjar sem var uppvís í byrjun ágúst að hafa dregið sér 9,2 milljónir króna á nokkra mánaða tímibili hefur endurgreitt bæjarfélaginu féð. Maðurinn millifærði upphæðir úr bókhaldi bæjarins inn á eigin reikning.

Veiðimet slegin víða í sumar

Veiðimet hafa verið slegin í mörgum ám í sumar. Veiðin hefur verið best í ám á landinu sunnan og vestanverðu. Norðan og austanlands hefur veiðin heldur lakari, þó hún sé víða einnig ágæt á þeim svæðum. Í Borgarfirði og á Mýrum hefur hver áin eftir aðra verið að slá öll fyrri veiðimet, sum æði gömul, eftir því sem fram kemur á vefsíðu Landssambands veiðifélaga.

Trilla að sökkva í Reykjavíkurhöfn

Slökkvilið höfuðborgarsvæðisins var kallað að Ægisgarði í Reykjavíkurhöfn þar sem trilla er að sökkva.

Kona á hægum batavegi eftir meinta árás eiginmanns

Lögregla hefur ekki enn getað tekið skýrslu af konu sem lögð var inn á sjúkrahús í byrjun september en grunur leikur á að eiginmaður hennar hafi gengið í skrokk á henni á heimili þeirra.

Dæmdur fyrir veskisþjófnað

Héraðsdómur Norðurlands eystra hefur dæmt karlmann í tveggja mánaða skilorðsbundið fangelsi fyrir að hafa stolið veski af afgreiðsluborði í verslun á Akureyri.