Palestínumennirnir koma fyrir miðjan september til Akraness

Undirbúningur er nú á lokastigi fyrir komu hinna 29 palestínsku flóttamanna til Akranesskaupstaðar. Ekki er komin nákvæm dagsetning fyrir komu þeirra en verður það í allra síðasta lagi um miðjan september að sögn Lindu Björk Guðrúnardóttur verkefnastjóri vegna komu flóttamannanna.

Pólverjarnir í Keilufellsmáli neituðu sök

Pólverjarnir fjórir sem ákærðir eru fyrir húsbrot og sérstaklega hættulega líkamsárás í Keilufelli þann 22. mars síðastliðinn neituðu allir sök við þingfestingu málsins í Héraðsdómir Reykjavíkur í dag.

Héraðsdómur Suðurlands hafnaði kröfu um síbrotagæslu

Lögreglan á Suðurnesjum fór fram á við Héraðsdóm Suðurlands að dæma mann í síbrotagæslu vegna tíðra afbrota. Dómurinn hafnaði þeirri beiðni í gær. Fyrir nokkru stöðvaði lögreglan mann grunaðan um að aka undir áhrifum fíkniefna. Í kjölfarið var gerð húsleit á heimili mannsins þar sem fundust um 30 grömm af fíkniefnum. Seinna fannst einnig lítilræði af fíkniefnum við aðra húsleit á heimili annars manns í bænum.

Vill ekki sýna fram á endurgreiðslu til Hauks

Guðlaugur Þór Þórðarson, heilbrigðisráðherra, hyggst ekki verða við beiðni Vísis um að framvísa rafrænni kvittun sem sýni endurgreiðslu hans til Hauks Leósonar vegna veiðiferðar í Miðfjarðará í ágúst á seinasta ári.

Teppaleiðangurinn í Kabúl var vel undirbúinn

Starfsmenn íslensku friðargæslunnar eru ekki allir sáttir við umfjöllun um árásina í Kjúklingastræti í október 2004. Ferð friðargæsluliðanna í Kabúl hefur verið kölluð glapræði og mistök.

Mótmælandi ákærður fyrir árás á lögreglumann

Ríkissaksóknari mun ákæra Ágúst Fylkisson fyrir árás á lögregluþjón í starfi. Málið gegn honum verður þingfest í Héraðsdómi Reykjavíkur á miðvikudag í næstu viku, samkvæmt dagskrá.

Vantar herslumuninn í gróðurhús á Litla-Hraun

„Þetta er alveg að takast,“ sagði Auður I. Ottesen, ritstjóri Sumarhússins og garðsins, sem enn stendur í ströngu við að safna fé fyrir gróðurhúsi handa föngum á Litla-Hrauni. Auður segir tæpa hálfa milljón hafa safnast en hún setji stefnuna ótrauð á 750.000 krónur.

Þingmenn gistu á lúxushóteli við Elliðavatn

Þingmenn í samgöngunefnd Alþingis gistu á lúxushóteli við Elliðavatn þegar þeir fóru í skoðunarferð um höfuðborgarsvæðið. Landsbyggðarþingmenn fá sérstaklega greitt fyrir að halda heimili á höfuðborgarsvæðinu.

ASÍ vonsvikið með hækkanir hjá fyrirtækjum hins opinbera

Alþýðsamband Íslands er vonsvikið með þær hækkanir hjá opinberum aðilum sem fram koma í nýjustu tölum Hagstofunnar. Vonast hafði verið til að opinber fyrirtæki héldu að sér höndum við verðlagshækkanir en fyrirtæki á borð við Póstinn og Ríkisútvarpið hafa hækkað verðskrár sínar sem skilar sér í hækkun vísitölu neysluverðs.

Fundu um 200 grömm af fíkniefnum

Tæplega 200 grömm af fíkniefnum fundust við húsleit á höfuðborgarsvæðinu í fyrrakvöld. Talið er að megnið sé kókaín, en einnig nokkuð af amfetamíni. Karl á fimmtugsaldri var handtekinn vegna málsins.

Ölvaður og réttindalaus á dráttarvél

Í gær var þingfest fyrir Héraðsdómi Norðurlands vestra ákæra á hendur rúmlega þrítugum karlmanni sem gefið er að sök að hafa ekið dráttarvél ökuréttindalaus og undir áfengisáhrifum sem námu 2,14 prómillum eftir vegi við Daufá í Skagafirði áleiðis að Saurbæ uns lögregla stöðvaði akstur hans.

Þriðjungur ók of hratt í íbúðahverfi

Tæplega þriðjungur ökumanna ók of hratt á Tunguvegi í gær. Lögreglan fylgdist með ökutækjum sem var ekið Tunguveg í norðurátt, að Langagerði.

Hernaðarandstæðingar fagna vopnalausum friðagæsluliðum

Samtök hernaðarandstæðinga fagna ákvörðun Ingibjargar Sólrúnar Gísladóttur utanríkisráðherra að íslenskir friðagæsluliðar munu eftirleiðis ekki bera vopn við störf sín. Samtökin lýsa hins vegar yfir vonbrigðum sínum vegna fregna af vopnaflutningi Icelandair Cargo til Georgíu.

Slökkviliðið kallað að Mosarima

Slökkvilið fékk tilkynningu um reyk í íbúð í Mosarima um tíuleytið í morgun. Ákveðið var að senda tvo dælubíla og sjúkrabíla á staðinn. Þegar þangað var komið varð ljóst að pottur hafði gleymst. Töluverður reykur var í íbúðinni og var hún reykræst.

Makríll veiðist sem aldrei fyrr

Makrílafli íslensku síldveiðiskipanna er kominn í um það bil hundrað þúsund tonn í sumar, en var 36 þúsund tonn í fyrra, sem var metafli til þess tíma.

Erfið fæðing hjá ljósmæðrum

Kjarafundur ljósmæðra með samningamönnum ríkisins, sem hófst hjá Ríkissáttasemjara í gærmorgun, stóð fram undir miðnætti og var þá frestað fram á sunnudag.

Icelandair hefur sagt upp þriðjungi flugmanna á árinu

Með uppsögn átta flugmanna Icelandair nýverið til viðbótar við uppsagnir á 80 flugmönnum í júní, lætur nærri að félagið hafi sagt upp um það bil þriðjungi flugmanna sinna í ár.

Hætta við sólarkísilverksmiðju í Þorlákshöfn

Norska fyrirtækið REC Group er hætt við að reisa sólarkísilverksmiðju í Þorlákshöfn, eins og til stóð, og ætlar í stað þess að reisa hana í Kanada.

Landsliðið lendir á Reykjavíkurflugvelli

Þota Icelandair, sem mun flytja íslenska handboltaliðið til landsins, á að lenda á Reykjavíkurflugvelli klukkan hálf fimm í dag. Fyrst mun hún þó lenda á Keflavíkurflugvelli þar sem aðrir farþegar fara úr.

Kjarafundi ljósmæðra lauk án samkomulags

Maraþonfundi ljósmæðra og samninganefndar ríkisins lauk upp úr klukkan níu í kvöld. Fundur hafði þá staðið yfir frá klukkan tíu í morgun en honum lauk án nokkurs samkomulags.

Guðni viðurkennir að hafa umorðað ræðu sína

Guðni Ágústsson, formaður Framsóknarflokksins, viðurkennir í samtali við Vísi að hann hafi umorðað ræðu sína um siðgæði í grunnskólum á Alþingisvefnum eftir að hann flutti hana í ræðustól Alþingis.

Frítt í strætó fyrir fögnuðinn á morgun

Strætó bs hefur ákveðið að bjóða frítt í allar ferðir strætó á morgun frá klukkan 15 og þar til akstri lýkur um miðnætti í tilefni fagnaðarfunda handboltalandsliðsins og íslensku þjóðarinnar. Búist er við miklum mannfjölda í miðbæ Reykjavíkur vegna heimkomuhátíðar silfurverðlaunahafanna frá Ólympíuleikunum og vill Strætó með þessu leggja sitt af mörkum til að einfalda almenningi að taka þátt í hátíðarhöldunum og draga jafnframt úr umferð einkabíla fyrir og eftir skipulagða dagskrá.

Utanríkisráðherra: Kemur til greina að opinbera hlutafjáreign þingmanna

Til stendur að setja siðareglur fyrir stjórnmálamenn og opinbera embættismenn á þessu kjörtímabili. Utanríkisráðherra segir koma til greina að hlutafjáreign þingmanna og ráðherra verði gerð opinber.

Lausafjárkreppan hægir á framkvæmdum við Reykjavíkurhöfn

Lausafjárkreppan og gjörbreytt viðhorf til einkabílsins eru ástæður þess að eitthvað dregst að reisa viðskiptamiðstöð og lúxushótel við Reykjavíkurhöfn.

Sauðfjárbændur telja vaxtalækkun einkar brýna

Sauðfjárbændur kalla eftir aðgerðum frá stjórnvöldum svo að hægt verði að koma í veg fyrir fjöldagjaldþrot. Þeir segja vaxtalækkun afar brýna.

Toppa fagnaðarlætin á morgun 17. júní?

Búist er við álíka fjölda fólks í miðborg Reykjavíkur þegar Ólympíufararnir verða hylltir og á 17. júní. Brýnt er fyrir fólki að nota almenningssamgöngur og leggja bílum sínum í útjaðri miðborgarinnar.

Björn fundaði með innanríkisráðherra Þýskalands

Björn Bjarnason, dóms- og kirkjumálaráðherra, ræddi við Dr. Wolfgang Schäuble, innanríkisráðherra Þýskalands, á þriggja tíma fundi í Berlín í dag. Ráðherrarnir ræddu Schengen-samstarfið og þróun þess.

Íslendingum fjölgar ört

Mannfjöldi á Íslandi var 319.355 manns þann 1. júlí síðastliðinn. Hefur Íslendingum fjölgað um 1,9% frá áramótum. Þetta kemur fram í nýbirtum tölum Hagstofu Íslands.

Styrkja gerð meðferðarefnis fyrir of feit börn og fjölskyldur þeirra

Thorvaldsensfélagið færði í dag rannsóknarteymi á Barnaspítala Hringsins 2,5 milljónir króna styrk til gerðar nýs meðferðarefnis fyrir of feit börn og fjölskyldur þeirra. Meðal viðstadda var heilbrigðisráðherra, Guðlaugur Þór Þórðarson.

Þyrlur Landhelgisgæslunnar æfa næturflug

Nú þegar skyggja tekur eru kvöld- og næturæfingar áhafna þyrla Landhelgisgæslunnar hafnar. Um er að ræða æfingar í næturflugi með og án nætursjónauka.

Ásgerður Jóna vonar að lausn finnist á húsnæðismálunum

Ásgerður Jóna Flosadóttir, formaður Fjölskylduhjálparinnar, fagnar því að borgayfirvöld ætli sér að vinna að lausn á þeim rekstrarvanda sem samtökin búa við en þau hafa ekki getað greitt húsaleigu til borgarinnar sökum fjárskorts. Hún segist þó ætla að bíða og sjá til hvaða aðgerða verði gripið því hún hafi leitað eftir styrkjum frá borginni í nokkur ár án árangurs.

Utanríkisráðuneytið fær falleinkunn vegna árásarinnar í Kjúklingastræti

Utanríkisráðuneytið er fordæmt harkalega hjá þeim sem lentu í eða komu að sjálfsmorðsárásinni á íslensku friðargæsluliðana í Kabúl árið 2004.

Erfið staða á frístundaheimilum

,,Þetta er erfið staða og staða sem við höfum þurft að takast á við á hverju ári. Mjög mikil eftirspurn er eftir þessari þjónustu og það hefur aldrei tekist að eyða þessum biðlistum," segir Kjartan Magnússon, formaður ÍTR, en bendir á að seinustu misseri hafi gengið betur en undanfarin ár að ráða starfsfólk á frístundaheimilin.

Áætlunarflug til Bandaríkjanna 60 ára

Í dag eru 60 ár síðan reglulegt áætlunarflug á vegum Icelandair hófst milli Íslands og Bandaríkjanna. Fyrsta flugið var farið 26. ágúst 1948. Það var á vegum Loftleiða Icelandic, eins af forverum Icelandair og var flogið á Geysi, hinni sögufrægu Skymaster vél félagsins, til New York.

Verklagsreglur ekki sem skyldi hjá íslenskum friðargæsluliðum

Frumábyrgð á árásinni á íslenska friðargæsluliða í Kabúl í október 2004 liggur hjá þeim sem skipulögðu og gerðu árásina segir í álitsgerð sem samin var fyrir utanríkisráðuneytið.

Herferð gegn bílstjórum sem leggja á gangstéttum

Bílastæðasjóður hefur boðað herferð gegn hinum leiða ósið sumra bílstjóra að leggja bílum sínum á gangstéttum. Í ljósi þess að nú hópast börn í skóla að nýju munu stöðumælaverðir fylgjast sérstaklega með þessu á næstu dögum og skrifa stöðubrotsmiða.

Sigurður Kári vill meiri einkavæðingu

Sigurður Kári Kristjánsson kallar eftir frekari einkavæðingu ríkisfyrirtækja í nýlegum pistli á vefsíðu sinni. Hann bendir á að síðan að ríkisstjórn Sjálfstæðisflokks og Samfylkingar tók við völdum hafi ekkert ríkisfyrirtæki verið einkavætt.

Paul Ramses ekki í neinni hættu í Kenya

Stjórnmálafréttaritari við eitt af stærstu dagblöðum Kenya segir að Paul Ramses Odour verði ekki í neinni hættu þótt hann snúi aftur til heimalandsins.

Um tuttugu milljónir söfnuðust fyrir HSÍ

Um tuttugu milljónir króna söfnuðust í söfnunarátaki sem stóð yfir samhliða þátttöku íslenska landsliðsins í handbolta á ólympíuleikunum í Peking.

Ramses ætlar að fagna með handboltaliðinu

Mikil gleði ríkti hjá hjónunum Paul Ramses og Rosemary Athieno þegar Vísir náði tali af þeim í dag. Voru þau á leiðinni að hitta lögfræðing Pauls, Katrínu Theódórsdóttur en höfðu smá tíma til að lýsa hamingju sinni og gleði.

1700 á biðlista vegna frístundaheimila

Rúmlega 1700 grunnskólabörn í Reykjavík eru á biðlista eftir plássi á frístundaheimilum borgarinnar sem tóku til til starfa í vikunni um leið og skólahald hófst. Þetta kom fram á stjórnarfundi Íþrótta- og tómstundaráðs Reykjavík í dag.

Telur fjóra hæfasta í starf forstjóra LSH

Hæfnisnefnd vegna ráðningar nýs forstjóra Landspítala háskólasjúkrahúss skilaði Guðlaugi Þór Þórðarsyni, heilbrigðisráðherra, ráðleggingum sínum seinnipartinn í gær. Nefndin telur fjóra af fjórtan umsækjendum vera vel hæfa. Ekki fæst uppgefið hverjir það eru að svo stöddu.

Sextán teknir án ökuréttinda

Sextán réttindalausir ökumenn voru stöðvaðir á höfuðborgarsvæðinu um helgina. Þrettán þeirra reyndust þegar hafa verið sviptir ökuleyfi og þrír höfðu aldrei öðlast ökuréttindi. Þetta kemur fram í tilkynningu frá lögreglunni.

Dæmi um að hælisleitendur setjist að í svítum bæjarins

Hælisleitendur geta sótt um bráðabirgðaleyfi hjá Útlendingastofnun til þess að vinna hér á landi. Það gefur þeim þó engin varanleg réttindi hér á landi né aðgang að þjónustu samkvæmt Hauki Guðmundssyni forstjóra Útlendingastofnunar. Þó er ekki sjálfgefið að hælisleitendur skorti fé.

Segir nokkur þúsund manns verða í Lýðræðisflokknum

„Hann er bara á fullri ferð,“ sagði Sturla Jónsson vörubifreiðastjóri, inntur eftir stöðunni hjá stjórnmálaflokknum sem hann boðaði í vor, Lýðræðisflokknum. „Menn stukku bara í vinnu í sumar en það verður tekið á þessu í haust og vetur. Það verða í þessu nokkur þúsund manns,“ sagði Sturla enn fremur.