Tekinn með hass við komuna til Eyja

Lögreglan í Vestmannaeyjum lagði hald á um 80 grömm af hassi sem fundust á karlmanni við komu hans til Eyja með Herjólfi í gærkvöld.

Eldur í þvottavél í fjölbýlishúsi að Vesturgötu

Slökkvilið höfuðborgarsvæðisins var fyrir stundu kvatt að Vesturgötu 73 vegna elds í þvottavél. Ekki er vitað hversu mikill eldurinn enda er slökkvilið rétt að koma á staðinn.

Þrjú fíkniefnamál á Landsmóti

Unglingar á Landsmóti hestamanna á Hellu voru að skemmta sér fram undir morgun að sögn vaktstjóra lögreglunnar. Gestur á mótinu sagðist lítið hafa getað sofið vegna láta en lögregla segir ekki mikil læti hafa verið á svæðinu. Einn var settur í fangageymslu og þrjú fíkniefnamál komu upp. Búist er við 12-15 þúsund manns um helgina og verður gæsla aukin í samræmi við það.

Útlendingastofnun lét Paul Ramses vita í byrjun maí

,,Paul Ramses var boðaður á fund Útlendingastofnunar í byrjun maí en kom ekki. Lögreglumaður talaði við hann í síma og hann var látinn vita af synjuninni á beiðni um hæli á Íslandi" segir Haukur Guðmundsson forstjóri Útlendingastofnunar.

„Ég er tilbúinn að mæta í réttarsal“

Jón Ólafsson athafnamaður segist tilbúinn að standa fyrir máli sínu í réttarsal. Hann segir það vont hlutskipti að vera grunaður maður í 6 ár. Ákæra í skattsvikamálinu verður birt honum í dag.

Ákærður fyrir hundraða milljóna króna skattsvik

Ákæra á hendur Jóni Ólafssyni athafnamanni verður birt honum í dag. Hann er ákærður fyrir hundraða milljóna skattsvik og bókhaldsbrot. Þrír eru ákærðir með honum. Rannsókn tók um 5 ár.

Annar í gæsluvarðhald vegna stóra hassmálsins

Karlmaður á fimmtugsaldri hefur verið úrskurðaður í þriggja vikna gæsluvarðhald vegna gruns um tengsl hans við stóra hassmálið í Norrænu. Þetta kemur fram í tilkynningu frá lögreglunni.

Ljósmæður funda með samninganefnd ríkisins

Samningafundur hjá Ljósmæðrafélagi Íslands og samninganefnd ríkisins hófst hjá ríkissáttasemjara nú klukkan tíu.

Facebook-hópur stofnaður til stuðnings Paul Ramses

Stofnaður hefur verið hópur til stuðnings Keníumanninum Paul Ramses á vinatengslavefnum vinsæla Facebook. Alls höfðu 132 notendur síðunnar skráð sig í hópinn í morgun. Kallast hópurinn Útlendingastofnun: Sækið Paul Ramses og virðið mannréttindi fólks!

Ókeypis skotpróf á 30 ára afmæli Skotveiðifélagsins

Í tilefni 30 ára afmælis Skotveiðifélags Íslands í ár hyggst félagið bjóða félagsmönnum sínum, án endurgjalds, að taka skotpróf áður en þeir halda til veiða.

Hyggjast mótmæla við dómsmálaráðuneytið

Efnt verður til mótmæla í hádeginu í dag fyrir utan dómsmálaráðuneytið í Skuggasundi.

Handteknir fyrir skemmdarverk á bílum

Lögreglan á höfuðborgarsvæðinu handtók fjóra menn við Hólabraut í Hafnarfirði seint í nótt.

Hópslagsmál í Reykjanesbæ

Mikil hópslagsmál brutust út í nótt á bar í miðbæ Reykjanesbæjar. Þurfti lögreglan á Suðurnesjum að senda allt tiltækt lið sitt á fjórum lögreglubílum á staðinn til að stilla til friðar.

Þriggja ára drengur fannst einn á rölti um Breiðholt í kvöld

Lögregla var kölluð út í kvöld þegar vegfarandi í Breiðholti kom auga á 3 ára gamlan dreng á gangi. Drengurinn var einn síns liðs, illa klæddur en í fullorðinsskóm.

Um 6000 manns við setningu Landsmóts

Um sex þúsund manns voru viðstaddir formlega setningu Landsmóts hestamanna á Gaddstaðaflötum á Hellu í blíðskaparveðri í kvöld.

Boðað til mótmæla vegna Ramses-málsins

Búið er að boða til mótmæla fyrir utan Dómsmálaráðuneytið klukkan 12 á morgun.

Amnesty sendir Birni bréf

Íslandsdeild Amnesty International sendi Birni Bjarnasyni dómsmálaráðherra bréf í kvöld vegna máls Paul Ramses sem vísað var úr landi í dag. Farið var með Paul til Ítalíu en aðbúnaður pólitískra flóttamanna þar í landi hefur lengi verið gagnýndur.

Flugbrautahlauparinn sér ekki eftir neinu

"Við ætluðum að reyna að bjarga lífi Paul Ramses. En því miður held ég að það hafi ekki tekist," segir hinn 21 árs gamli Haukur Hilmarsson sem í morgun hljóp inn á flugbraut á Kelflavíkurflugvelli.

Enn langt á milli aðila

Lítið þokaðist á fundi samninganefnda Læknafélags Íslands og ríkisins sem haldinn var í dag.

Fékk ekki bréf um brottvísun úr landi

Paul Ramses fékk ekki að sjá bréf um synjun á beiðni um hæli fyrr en í gærkvöldi. Bréfin hefðu átt að berast honum í apríl. Eiginkonu Paul finnst þetta ótrúleg vinnubrögð.

28 ára lyfjafræðingur fékk ekki að tjalda

“Ef þið eruð með börn þá megið þið tjalda, ef þið eruð að fara að búa til börn þá farið þið annað,” sagði umsjónarmaður tjaldsvæðisins í Laugarási í Biskupstungum þegar lyfjafræðingurinn Kristín Laufey Steinadóttir ætlaði að tjalda ásamt tveimur vinkonum sínum.

Flugvallahlauparar fámálir

Búið er að yfirheyra mennina sem hlupu út á flugbraut í morgunn. Þeir voru þöglir sem gröfin við skýrslutöku og gáfu ekki upp ástæðu gjörða sinna.

Fasteignagjöld stúdenta hækka í Reykjavík

Reykjavíkurborg hefur hækkað fasteignagjöld Stúdentagarða sem Félagsstofnun stúdenta rekur á háskólasvæðinu og við Lindargötu. Hækkunin nemur 5,25% á mánuði.

Vinna saman gegn tóbaksnotkun sjúklinga

Landspítali og Lýðheilsustöð hafa gengið til samstarfs um að vinna gegn tóbaksnotkun sjúklinga með skipulagðri fræðslu, viðeigandi meðferð og gerð fræðsluefnis fyrir starfsfólk á sjúkrahúsinu.

Borgin ekki bótaskyld vegna hálkuslyss við leikskóla

Héraðsdómur Reykjavíkur sýknaði í dag Reykjavíkurborg af kröfu leiðbeinanda við leikskóla um að skaðabótaskylda borgarinnar yrði viðurkennd vegna hálkuslyss árið 2003.

SUS mótmælir aldurstakmarki á Írskum dögum

Miðborgarþjónar starfandi fram á haust

Miðborgarþjónar verða starfandi í miðborginni um helgar fram á haust samkvæmt ákvörðun borgarráðs í dag. Tilraun hefur verið með slíka þjóna undanfarnar vikur eftir að samið var við Öryggismiðstöðina að manna stöðurnar.

Frítt í strætó flækir rekstur Strætós

Ármann Kr. Ólafsson, stjórnarformaður Strætós bs,. segir það flækja rekstur fyrirtækisins þegar sveitarfélögin á höfuðborgarsvæðinu hafa ólíkar gjaldskrár.

Deiliskipulag á Pósthúsreit samþykkt í borgarráði

Borgarráð samþykkti á fundi sínum í dag deiliskipulagsbreytingu á skipulagi Kvosarinnar varðandi svokallaðan Pósthússtrætisreit.

Ekkert ólögmætt við að beita Dyflinnarsamningnum

Björn Bjarnason dóms-og kirkjumálaráðherra segir ekkert ólögmætt né athugavert við að beita Dyflinnarsamningnum frekar en öðrum milliríkjasamningum.

Valllendismóa fórnað fyrir fótboltavöll

Pálmi Jónasson fréttamaður vaknaði í morgun við læti í stærðarinnar jarðýtu sem var að fletja út valllendismóa við svefnherbergisgluggan hans. Hann segir ótrúlegt að ósnortnum valllendismóa sé fórnað fyrir fótboltavöll.

Áfram frítt í strætó fyrir námsmenn næsta vetur

Borgarráð samþykkti á fundi sínum í morgun þá tillögu borgarstjóra að halda áfram niðurgreiðslum í strætó fyrir námsmenn í Reykjavík, skólaárið 2008 til 2009.

Brottrekstur Bifrastardrengsins var ekki mistök

Ágúst Einarsson rektor Háskólans á Bifröst segir það ekki hafa verið mistök að vísa nemendunum sem urðu uppvísir að fíkniefnamisferli frá skólanum, þrátt fyrir að komið hafi í ljós að einn þeirra væri ekki eigandi fíkniefnanna. Í síðustu viku felldi úrskurðarnefnd í kærumálum háskólanema ákvörðunina um brottrekstur eins þeirra úr gildi. Ágúst segir skólann vera að skoða það mál.

Mikill meirihluti stjórnenda telur efnahagshorfur slæmar

Í ársfjörðungslegri könnun Capacent Callup kemur fram að 76% stjórnenda í 400 stærstu fyrirtækum landsins telja aðstæður í efnahagslífinu séu frekar eða mjög slæmar. Ríflega 22% telja horfurnar hvorki góðar né slæmar en 2% telja þær góðar.

„Vonlaust að búa á sorphaug"

„Þetta er ófremdarástand,“ segir íbúi í blokk á Þórðarsveig. Eigandi blokkanna breytti rusla- og hjólageymslum í íbúðarhúsnæði. Nú safnast ruslið upp fyrir utan blokkina og mávar kroppa í matarleifar.

„Furðum okkur á ákvörðun yfirvalda“

Jóhanna K. Eyjólfsdóttir, framkvæmdastjóri Íslandsdeildar Amnesty International, furðar sig á ákvörðun yfirvalda að senda Keníubúann Paul Ramses aftur til Ítalíu á grundvelli Dyflinnarsamkomulagsins í stað þess að umsókn hans til stöðu flóttamanns sé tekin til umfjöllunar hér á landi.

Kaupmenn takmarki hækkanir á vörum

Stjórn Verkalýðsfélags Akraness lýsir yfir gríðarlegum áhyggjum yfir stöðu efnahagsmála vegna mikillar verðbólgu og himinhárra vaxta sem eru að sliga mörg íslensk heimili.

,,Hún er ekki aðstoðarkona mín"

Jórunn Frímannsdóttir segir skrif Þorleifs Gunnlaugssonar um samvinnu hennar og sviðsstjóra velferðarsviðs vera sérstök. ,,Ég þekkti Stellu ekki persónulega áður en hún var ráðin. Hún er ekki aðstoðarkona mín," segir Jórunn.

Segir Svandísi Svavarsdóttur vera að skjóta sig í fótinn

Marta Guðjónsdóttir, fulltrúi Sjálfstæðisflokksins í menntaráði borgarinnar, segir að Svandís Svavarsdóttir, borgarfulltrúi Vinstri - grænna, sé að skjóta sig í fótinn með því að segja að ekki hafi áður komið fyrir að meirihluti í borgarstjórn hafi verið í minnihluta í ráðum borgarinnar.

100% mæting hjá meirihlutanum

Fundur borgarráðs Reykjavíkur stendur yfir og er 100 prósent mæting hjá fulltrúum meirihluta Sjálfstæðisflokks og F-lista. Vísir greindi frá því í gær að minnihlutinn var í meirihluta á fundum samgönguráðs og menntaráðs.

Grímseyjarhrottinn á Litla-Hraun

Alexander Jóhannesson, drengurinn sem gekk berserksgang í Grímsey, var fluttur á Litla-Hraun í morgunn. Meðan hann beið eftir að hefja afplánun tók hann þátt í hópslagsmálum fyrir utan heimili sitt á Akureyri og var handtekinn af sérsveitinni í Grímsey.

Vonast til að viðræður geti haldið áfram

Samninganefndir Læknafélags Íslands og ríkisins hittast á fundi hjá ríkissáttasemjara klukkan eitt til þess að reyna að ná samkomulagi um nýjan kjarasamning.

Mikill samdráttur í sölu lúxusbíla

Verulegur samdráttur hefur orðið á sölu lúxusbifreiða eftir því sem segir í tilkynningu Brimborg til fjölmiðla.

SUS ályktar gegn Íbúðalánasjóði

Samband ungra sjálfstæðismanna tekur undir þau sjónarmið sem fram koma í bráðabirgðaniðurstöðu eftirlitsstofnunar ESA um starfsemi ríkisrekins Íbúðalánasjóðs.

Segir sviðsstjóra pólitíska aðstoðarkona

Þorleifur Gunnlaugsson, borgarfulltrúi VG, segir Jórunni Frímannsdóttir hafa fengið sviðsstjóra velferðarsviðs Reykjavíkur með sér í ,,pólitískan slag" en saman hafa þær skrifað greinar um búsetuúrræði með félagslegum stuðningi.