Orustuþotur á flugsýningu í Reykjavík

Mirage orustuþotur franska flughersins taka þátt í flugsýningu á Reykjavíkurflugvelli um aðra helgi en sýningin verður sú viðamesta sem haldin hefur verið hérlendis um árabil og hápunktur Flugviku, sem hefst í Reykjavík á sunnudag.

Erlendir greiðslukortaþjófar úrskurðaðir í gæsluvarðhald

Rúmenarnir þrír sem handteknir voru í gær vegna gruns um þjófnað úr hraðbönkum á höfuðborgarsvæðinu hafa verið úrskurðaðir í viku langt gæsluvarðhald. Þetta staðfesti Ómar Smári Ármannsson hjá auðgunarbrotadeild lögreglunnar í samtali við Vísi.

Samkeppniseftirlitið er til fyrirmyndar

Í dag afhenti Árni M. Mathiesen, fjármálaráðherra, Samkeppniseftirlitinu viðurkenningu sem ríkisstofnun til fyrirmyndar 2008. Páll Gunnar Pálsson, forstjóri, veitti viðurkenningunni viðtöku fyrir hönd stofnunarinnar. Einnig afhenti ráðherrann Kvennasviði Landsspítala háskólasjúkrahúss og Geislavörnum ríkisins hvatningarviðurkenningar.

Hættu hjá Borg vegna vangoldinna gjalda

„Það fauk vel í mig í gær þegar ég frétti þetta. Það er búið að draga af manni orlof í meira en ár og þeir leggja það ekki í banka eða neitt, nota bara peningana.

Mikill vilji til að taka á móti flóttamönnum

Gísli S. Einarsson, bæjarstjóri á Akranesi, segir andstöðu Magnúsar Þórs Hafsteinssonar, varaformanns Frjálslynda flokksins og formanns félagsmálaráðs bæjarins, við komu palstínskra flóttamanna til Akraness hafa ráðið því að upp úr slitnaði í samstarfi sjálfstæðismanna og frjálslyndra í bænum.

Byrgisstrákur segir Guðmund hafa sýnt sér dýflissuna

Ungur piltur sem dvaldi í Byrginu í eitt ár segir Guðmund Jónsson hafa sýnst sér dýflissuna sem hann var með í kjallaranum á heimili sínu í Hafnarfirði. Hann segist einnig hafa tekið þátt í kynlfísleikjum ásamt Guðmundi og annarri stúlku. Hann er fyrst núna hættur að verja gjörðir Guðmundar sem hann segist hata af öllu sínu hjarta. Guðmundur reyndi að samræma vitnisburð piltsins við söguna sína.

Lækurinn sem varð að fljóti

Kristján Steinarsson, vöruflutningabílstjóri hjá Flytjanda komst í hann krappan í gær þegar hringveginum skolaði bókstaflega burt á 200 metra kafla.

Stofnandi Saving Iceland sýknaður af eignaspjöllum á löggubíl

Héraðsdómur Austurlands hefur sýknað stofnanda Saving Iceland, Ólaf Pál Sigurðsson, af ákæru um eignarspjöll við Kárahnjúka í júli árið 2006. Ólafi Páli var gefið að sök að hafa lamið nokkur hnefahögg í vélarhlíf lögreglubifreiðar með þeim afleiðingum að hún beyglaðist.

Hálfa öld í rusli

Óskar Ágústsson, bílstjóri hjá Sorphirðunni í Reykjavík, hefur um þessar mundir náð 50 ára starfsaldri en hann er 66 ára. Ljóst er að Óskar man tímana tvenna í sorpmálum höfuðborgarsvæðisins.

Kanna áfram möguleika á álveri Alcoa á Grænlandi

Grænlenska þingið hefur samþykkt að hefja annan áfanga rannsókna á möguleikum á byggingu álvers á Grænlandi. Þetta kemur fram í tilkynningu frá Alcoa Fjarðaáli.

Íslenskir neytendur ekki vel á verði

Íslenskir neytetndur fylgjast ekki vel með verðbreytingum á matvöru og eru illa að sér í verðlagi mismunandi símafyrirtækja, orkusölufyrirtækja, tryggingafélaga og banka.

Flýgur vals á AIM tónlistarhátíðinni á Akureyri

Opnunaratriði AIM Festivals, alþjóðlegrar tónlistarhátíðar sem haldin verður á Akureyri dagana 12. til 16. júní næstkomandi, verður með dirfskulegra móti í ár.

Engir sjóræningjar á Reykjaneshrygg

Ekkert hefur orðið vart við svonefnda sjóræningjatogara að karfaveiðum á Reykjaneshrygg á þessari vertíð samkvæmt athugunum Landhelgisgæslunnar.

Bush á ferð um Mið-Austurlönd

George Bush Bandaríkjaforseti kom í morgun til Ísraels til þess að taka þátt í hátíðahöldum tengdum 60 ára afmæli ríkisins og til þess að reyna að blása lífi í friðarviðræður fyrir botni Miðjarðarhafs.

Slökkvilið á Keflavíkurflugvelli forsenda eftirlitsflugs NATO

Allt stefnir í að Keflavíkurflugvöllur lokist fyrir alllri flugumferð frá og með 1. ágúst, þegar slökkviliðið þar verður óstarfhæft

Játar á sig líkamsárás í Eyjum

Maður sem grunaður var um að hafa ráðist á annan mann við skemmtistaðinn Drífanda í Vestmannaeyjum um hvítasunnuhelgina hefur játað sök í málinu.

Fundu marijúana og peninga við húsleit

Lögreglan á höfuðborgarsvæðinug lagði hald á allnokkurt magn af marijúana í húsleit í miðborginni í gærkvöld.

Magnús Þór: „Svartur dagur í sögu bæjarins“

Karen Jónsdóttir, fulltrúi F-lista á Akranesi, hefur ákveðið að ganga í Sjálfstæðisflokkinn á Akranesi. Þar með er flokkurinn kominn með hreinan meirihluta í bæjarstjórn og Magnús Þór Hafsteinsson, varamaður Karenar er því kominn út í kuldann. Ástæða sinnaskipta Karenar er sú harða andstaða sem Magnús Þór hefur sýnt hugmyndinni um að Akranesbær taki við flóttafólki frá Palestínu. Magnús Þór segir þetta mikinn afleik hjá sjálfstæðismönnum og að dapurlegt sé að sjá Karen bregðast trausti kjósenda sinna.

Unnið að viðgerð á þjóðvegi 1

Hópur vegagerðarmanna með stórvirkar vinnuvélar hefur unnið hörðum höndum að viðgerð á þjóðveginum á Mývatnsöræfum, sem sópaðist í burtu á kafla í hamfaraflóði laust fyrir miðnætti.

„Ég er enginn kynþáttahatari“

„Ég er enginn kynþáttahatari og ég er ekki vondur maður. Ég er einungis að sinna mínum skyldum og forgangsraða fyrir fólkið sem kaus mig,“ segir Magnús Þór Hafsteinsson varaformaður Frjálslyndaflokksins og formaður félagsmálaráðs Akranes.

Rætt um eldamennsku í Hæstarétti

Sigurður Tómas Magnússon, settur saksóknari í Baugsmálinu, hefur í Hæstarétti í morgun farið yfir meintar ólöglegar lánveitingar Baugs til tengdra aðila sem Jóni Ásgeiri Jóhannessyni, stjórnarformanni, Baugs er gefið að sök að hafa hlutast til um.

Átti yndislega daga með dótturinni

Dagbjört Rós Halldórsdóttir sem átt hefur í forræðisdeilu við bandarískan barnsföður sinn fékk loksins að hitta dóttur sína nú í enda apríl. Þá hafði Dagbjört ekkert heyrt í dótturinni síðan í janúar. Tónleikar til styrktar Dagbjörtu fara fram á Nasa annað kvöld þar sem rjóminn af íslenskum tónlistarmönnum kemur fram.

Sjálfsagt að endurskoða sönnunarmat héraðsdóms

Sigurður Tómas Magnússon, settur saksóknari í Baugsmáli, sagði við upphaf málflutnings í Hæstarétti í morgun að Hæstarétti væri sjálfsagt að endurskoða sönnunarmat héraðsdóms í málinu.

Íslendingum fjölgaði mest í Reykjanesbæ

Íslenskum ríkisborgurum fjölgaði mest í Reykjanesbæ árið 2007. Fjölgun íbúa Reykjanesbæjar nam 1328 á síðasta ári og þar af voru íslenskir ríkisborgarar 915. Í tilkynningu frá bænum kemur fram að fjölgað hafi alls um 500 manns á fyrstu fjórum mánuðum þessa árs. Nú þegar hafi orðið 26% fjölgun íbúa í Reykjanesbæ á fjórum árum og er íbúatalan komin yfir 13800. Erlendum ríkisborgurum fjölgaði um 413.

Þrennt handtekið vegna gruns um þjófnað úr hraðbönkum

Lögreglan á höfuðborgarsvæðinu hefur handtekið þrjá Rúmena, tvo karla og eina konu, vegna gruns um að þjófnað úr hraðbönkum á höfuðborgarsvæðinu fyrir síðustu helgi.

Ellefu prósentum meiri afli í apríl í ár en fyrra

Heildarafli íslenskra skipa í apríl reyndist nærri ellefu prósentum meiri en í sama mánuði í fyrra samkvæmt samantekt Hagstofunnar.

Stefnir í að Keflavíkurflugvöllur lokist í byrjun ágúst

Nú stefnir í að Keflavíkurflugvöllur lokist frá og með fyrsta ágúst, þegar slökkviliðið þar verður óstarfhæft.

Sprengja fannst á athafnasvæði Hringrásar vð Helguvík

Lögreglan á Suðurnesjum girti af athafnasvæði Hringrásar vð Helguvík um tíma í gær, eftir að þar fannst sprengja úr sprengivörpu innan um járnarusl.

Engir sjóræningjatogarar á karfamiðunum

Ekkert hefur orðið vart við svonefnda sjóræningjatogara að karfaveiðum á Reykjaneshrygg á þessari vertíð.

Þrír handteknir eftir eltingarleik á Akureyri

Lögreglan á Akureyri handtók i nótt þrjá karlmenn á þrítugsaldri, eftir að hafa elt þá akandi á miklum hraða um vegleysur í útjaðri bæjarins um stund.

Óvíst hvenær þjóðvegurinn fyrir norðan verður opnaður

Óvíst hvenær þjóðvegurinn fyrir norðan verður opnaður en hamfaraflóð hljóp úr stóru lóni eða stöðuvatni við Biskupsháls á Mývatnsöræfum, skammt frá Grímsstöðum á fjöllum á tólfta tímanum í gærkvöldi og sópaði þjóðveginum í burtu á að minnsta kosti 200 metra kafla og skemmdi hann víðar.

Málflutningur í Baugsmálinu fyrir Hæstarétti klukkan átta

Málflutningur hefst nú klukkan átta í Hæstarétti í þeim anga Baugsmálsins sem enn er fyrir dómi.

Geir Haarde undrast dóm Hæstaréttar

"Ég undrast þennan dóm,“ sagði Geir Haarde forsætisráðherra um dóm Hæstaréttar frá því á fimmtudag síðastliðinn, en þá var framkvæmd útboðs vegna sölu á hlut íslenska ríkisins í Íslenskum aðalverktökum (ÍAV) dæmd ólögmæt. Salan fór fram árið 2003.

Hringvegurinn rofinn á 200 metra kafla fyrir norðan

Hringvegurinn er í sundur á um 200 metra löngum kafla í vestanverðum Biskupshálsi, skammt frá Grímsstöðum á fjöllum. Að sögn lögreglunnar á Húsavík hefur veginum bókstaflega skolað burtu en gríðarlegar leysingar eru á svæðinu. Vöruflutningabíll frá Flytjanda lenti í vatnselgnum en ökumanninum tókst að forða sér áður en vegurinn gaf sig og bíllinn valt ofan í fljótið sem hafði myndast. Hann er talinn ónýtur.

Andstæðingum tekist að gera málstað Sjálfstæðisflokksins ótrúverðugan

Vilhjálmur Þ. Vilhjálmsson, oddviti sjálfstæðismanna í borgarstjórn Reykjavíkur segir umræðu síðustu mánaða hafa verið afar erfiða. Í könnun Gallup gerði kemur fram að flokkur hans myndi missa tvo borgarfulltrúa yrði gengið til kosninga í dag. Flokkurinn er við það að missa þriðja manninn yfir til Samfylkingar sem myndi þýða að sá flokkur næði hreinum meirihluta í borginni. Hann veltir því fyrir sér hvers vegna könnunin sé birt núna og viðurkennir að andstæðingum flokksins hafi tekist vel upp í því að gera málstað hans ótrúverðugan.

Sjálfstæðisflokkurinn uppspretta sundurlyndis og ráðaleysis

Dagur B. Eggertsson, oddviti Samfylkingarinnar í borgarstjórn Reykjavíkur segist ekki geta verið annað en ánægður með niðurstöður könnunarinnar sem Gallup lét gera og greint var frá í kvöldfréttum RÚV. Í könnuninni er flokkur Dags nálægt því að ná hreinum meirihluta í borginni.

Fundu töluvert af fíkniefnum á tveimur stöðum í borginni

Lögregla á höfuðborgarsvæðinu lagði hald á fíkniefni á tveimur stöðum í borginni á föstudag í húsleitum sem miða að því að draga úr sölu og dreifingu fíkniefna.

NSS mótmæla áformum um Bitruvirkjun

Náttúruverndarsamtök Suðurlands NSS, hafa gert athugasemdir við auglýstar breytingar á aðalskipulagi sveitarfélagsins Ölfuss fyrir árin 2002 - 2014. Frestur til að skila inn athugasemdum rennur út í dag. Í athugasemdunum leggjast samtökin „alfarið gegn áformum um virkjun við Bitru, áður nefnd Ölkelduhálsvirkjun og telja að virkjunin rýri verulega lífsgæði íbúa í Hveragerði og í næsta nágrenni.“

Sprengja fannst á svæði Hringrásar í Helguvík

Um miðjan dag í dag fundu starfsmenn Hringrásar í Helguvík sprengjuvörpusprengu innan um járnaúrgang. Í tilkynningu frá lögreglunni á Suðurnesjum kemur fram að hún hafi lokað staðnum af þar til starfsmenn sprengjudeildar Landhelgisgæslunnar komu og fjarlægðu sprengjuna til eyðingar.

Greiddi sekt á lögreglustöðinni með stolnu korti

Karlmanni sem stal greiðslukorti tókst að svíkja út tæplega 340 þúsund krónur í verslunum á einum og hálfum sólarhring. Hann notaði kortið meðal annars til að greiða sekt á lögreglustöðinni í Reykjavík.

Samfylkingin nálægt hreinum meirihluta

Samfylkingin er nálægt því að ná hreinum meirihluta í borgarstjórn Reykjavíkur ef marka má könnun sem Gallup gerði og RÚV greindi frá í kvöldfréttum sínum. Flokkurinn bætir við sig þremur borgarfulltrúm og fengi sjö og einn borgarfulltrúi bætist í hóp Vinstri grænna í Ráðhúsinu sem fengju þá þrjá. Næsti maður inn væri hins vegar fulltrúi Samfylkingarinnar sem færi inn á kostnað Sjálfstæðismanns.

Ekkert amar að Ítalanum á Breiðamerkurjökli

Nú er komið í ljós að ekkert amar að ítalska ferðamanninum sem óttast var um á Breiðamerkurjökli í dag. Þyrla Landhelgisgæslunnar, TF-GNÁ, var send á staðinn en henni hefur verið snúið við.

Þyrla Landhelgisgæslunnar leitar Ítala

Þyrla Landhelgsigæslunnar, TF-GNÁ, er nú að fara að leita Ítala við Breiðamerkurjökul eftir að neyðarsendir hans sendi frá sér boð á fjórða tímanum.

Vilja að Reykjavíkurborg taki við flóttamönnum í stað Akraness

Fulltrúar Samfylkingarinnar, Vinstri - grænna og Framsóknarflokksins í velferðarráði Reykjavíkurborgar hyggjast leggja fram þá tillögu í ráðinu á morgun að borgin taki á móti 30 flóttamönnum frá Palestínu sem væntanlegir eru til landsins.

Efast um hæfi sveitarstjórnar í Bitruvirkjunarmáli

Landvernd hefur efasemdir um hæfi sveitarstjórnar Ölfuss til þess að fjalla um breytingar á skipulagi sveitarfélagsins í tengslum við byggingu Bitruvirkjunar. Þetta kemur fram í athugasemd sem samtökin hafa sent Sveitarfélaginu Ölfusi.