Abbas vildi koma til Íslands

Mahmoud Abbas forseti palestínsku stjórnarinnar átti frumkvæði að heimsókn sinni til Íslands en hann kemur hingað til lands á morgun. Abbas mun snæða hádegisverð með forseta Íslands og eiga fund með Ingibjörgu Sólrúnu Gísladóttur utanríkisráðherra seinni partinn.

Geir ræðir við Brown um öryggis- og orkumál

Geir H. Haarde forsætisráðherra fundar með Gordon Brown, forsætisráðherra Bretlands, í Lundúnum á fimmtudaginn kemur. Þetta kemur fram í tilkynningu frá forsætisráðuneytinu.

Búið að slökkva sinueld við Urriðavatn

Slökkvilið höfuðborgarsvæðisins slökkti nú laust fyrir klukkan tvö sinueld sem kviknaði sunnan við Urriðavatn á mótum Hafnarfjarðar og Garðabæjar.

Hefur ekkert heyrt í dóttur sinni síðan í janúar

Dagbjört Rós Halldórsdóttir hefur ekki séð rúmlega tveggja ára gamla dóttur sína síðan í janúar. Hún flýgur til Bandaríkjanna á morgun með von um að hitta stúlkuna en barnsfaðir hennar svarar hvorki tölvupóstum né símtölum.

Mótmæltu ákæru á hendur stofnanda Saving Iceland

Fólk á vegum Saving Iceland efndi til mótmæla nú í hádeginu við Héraðsdóm Reykjavíkur um leið og Ólafur Páll Sigurðsson, stofnandi hópsins, var kallaður fyrir Héraðsdóm vegna ákæru um eignaspjöll.

Vara við kjötfrumvarpi ráðherra

Bæjarráð Blönduósbæjar óttast að framundan sé mikil blóðtaka í atvinnulífinu á landsbyggðinni komi til þess að frumvarp landbúnaðarráðherra um óheftan innflutning á fersku kjöti, verði samþykkt.

Vill að formaður Landverndar víki vegna setu í stjórn Landsvirkjunar

Prófessor við Háskólann á Akureyri krefst þess að formaður Landverndar segi af sér þar sem hann er orðinn varamaður í stjórn Landsvirkjunar. Hann segir náttúruverndarsinnum brugðið og það rýri traust Landverndar að formaður samtakanna sitji beggja megin borðsins.

Abbas á Bessastaði á morgun

Mahmoud Abbas, forseti Palestínu, kemur hingað til lands á morgun eftir því sem segir í tilkynningu frá forsetaembættinu.

Látnir hirða upp plastpoka

Hún var heldur háðugleg meðferðin sem ungir karlmenn fengu á dögunum af hálfu lögreglunnar á Selfossi eftir sérkennilegt uppátæki þeirra.

Leystu upp fíkniefnapartí á Selfossi

Lögreglan á Selfossi stöðvaði í gær fíkniefnapartí í húsi á Selfossi.

Segir samgöngur til Vestmannaeyja gjörbreytast 2010

„Við erum enn að fara yfir þetta og skoða og vega og meta,“ sagði Elliði Vignisson, bæjarstjóri í Vestmannaeyjum.

Össur sammála Þorgerði um stjórnarskrárbreytingu

Össur Skarphéðinsson iðnaðarráðherra segist sammála Þorgerði Katrínu Gunnarsdóttur menntamálaráðherra um að breyta eigi stjórnarskránni til þess að greiða fyrir hugsanlegum aðildarviðræðum að Evrópusambandinu.

Um 350 minkar veiddust í sérstöku átaki

Tæplega 350 minkar veiddust í fyrra í sérstöku tilraunaverkefni á vegum yfirvalda sem ráðist var í til að athuga hvort fýsilegt væri að útrýma mink á Íslandi.

Tveir efnilegir nemendur við HA styrktir

Tveir nemendur við Háskólann á Akureyri taka í dag við styrk frá félaginu Hugviti. Eru styrkirnir veittir efnilegum nemendum við skólann.

Margrét stefnir Frjálslynda flokknum

„Ég er nú bara að láta reyna á rétt minn sem launþega," segir Margrét Sverrisdóttir varaborgarfulltrúi sem stefnt hefur Frjálslynda flokknum vegna meintra vanefnda á launagreiðslum til hennar þegar hún var framkvæmdastjóri flokksins.

Neytendasamtökin vantar sjálfboðaliða í alls kyns eftirlit

Neytendasamtökin óska nú eftir sjálfboðaliðum til að taka þátt í átaksverkefnum sem samtökin beita sér fyrir, þar á meðal eftirliti með verðmerkingum í verslunum og búðargluggum, könnunum á samræmi hilluverðmerkinga og kassaverð og eftirliti með útrunnum vörum.

Forseti ÖSE-þingsins kemur til landsins

Forseti þings Öryggis- og samvinnustofnunar Evrópu, ÖSE, Göran Lennmarker, kemur hingað til lands í dag og verður fram á morgundag.

Útgefnum bókum hefur fækkað frá aldamótum

Ríflega 1400 bókatitlar komu út á árinu 2006 samkvæmt yfirliti Hagstofunnar um bókaútgáfu áranna 1999-2006. Þetta jafngildir 4,6 bókum á hverja þúsund íbúa landsins.

Yfir 10.000 skakkir á alþjóðadegi marijúana

Yfir 10.000 manns komu saman fyrir utan háskólann í Colorado í Bandaríkjunum síðdegis í gær til að kveikja sér í marijúana-jónu eða fíra í einni feitri.

Fimm útköll vegna sinubruna í Hafnarfirði

Slökkviliðið á höfuðborgarsvæðinu var kallað út fimm sinnum með skömmu millibili í gærkvöldi til að slökkva sinuelda í Hafnarfirði.

Viðbragðsstaða vegna ferjuflugvélar í vanda

Landhelgisgæslan hóf undirbúning björgunaraðgerða og áhöfn danska varðskipsins Vædderen var sett í viðbragðsstöðu í gærkvöldi, eftir að flugmaður á lítilli ferjuflugvél á leið frá Kanada til Keflavíkur, tilkynnti um gangtruflanir í vélinni.

Guðni væri sammála Birni ef hann skildi málið

Björn Bjarnason, dómsmálaráðherra, segir í pistli á heimasíðu sinni að Guðni Ágústsson, formaður Framsóknarflokksins skilji ekki út á hvað vandi lögregluembættisins á Suðurnesjum gengur. Ef Guðni gæfi sér tíma til að kynna sér málið myndi hann hins vegar án efa snúast á sveif með Birni.

Vel gengur að slökkva í sinu á Vatnsleysu

Tilkynnt var um sinueld á Vatnsleysuströnd rétt fyrir sjö og er slökkvilið frá Suðurnesjum á staðnum. Ekki er um mikinn eld að ræða en svæðið er nokkuð stórt. Eyðibýli er á landinu en eldurinn er vestan við bæinn Minni Vatnsleysu. Björgunarsveitarmenn aðstoða við að slökkva í sinunni.

Stofna varalið lögreglu á þessu ári

Stefnt er að því að tvöhundurð og fjörtíu manna varalið lögreglu verði stofnað á þessu ári. Þekktasta útkall varaliðs lögreglu var þegar NATO aðildin var samþykkt á Alþingi fyrir nærri 60 árum. Ekki hefur verið heimild til að kalla út varalögreglu síðan 1996.

Fjaran iðaði af lífi

Fjaran við Gróttu iðaði af lífi í dag þegar haldinn var hinn árlegi Gróttudagur. Talið er að yfir þúsund manns hafi komið í eyjuna í dag og hafa aldrei fleiri tekið þátt.

Aðgengi almennings að Hallargarðinum ekki skert

Hollvinir Hallargarðsins, sem héldu stofnfund sinn í dag, vilja tryggja að almenningur hafi áfram fullan aðgang að Hallargarðinum í Reykjavík. Talsmaður tilvonandi kaupenda að Fríkirkjuvegi 11 segir ekki rétt að aðgengi almennings að garðinum, sem umlykur húsið, verði skert.

Mótettur J.S: Bach í flutningi Kammerkórs Langholtskirkju

Kammerkór Langholtskirkju heldur tónleika í Langholtskirkju kl. 20 í kvöld þar sem efnisskráin samanstendur af fjórum mótettum eftir Johann Sebastian Bach. Mótetturnar eru talin einhver glæsilegustu virtuósaverk sem hafa verið fyrir kór

Dómsmálaráðherra segir skiptingu Suðurnesjalögreglu standa á Samfylkingunni

Einungis stendur á þingflokki Samfylkingar að afgreiða uppskiptingu á lögregluembættinu á Suðurnesjum, segir Björn Bjarnason dómsmálaráðherra. Ríkisstjórnin sé búin að afgreiða málið fyrir sitt leiti.

Utanríkisráðherra segir að íhuga verði alvarlega aðild að ESB

Utanríkisráðherra segir að þingmenn verði að íhuga alvarlega aðild að Evrópusambandinu ætli þeir sér ekki að vera úr takti við almenning. Ný skoðanakönnun sýnir að tæplega sjötíu prósent þjóðarinnar vill hefja undirbúning að umsókn í ESB.

Stofnandi Saving Iceland fyrir rétt á morgun

Ólafur Páll Sigurðsson, stofnandi Saving Iceland, sem mótmælt hafa Kárahnjúkavirkjun síðustu ár, verður kallaður fyrir Héraðsdóm Austurlands á morgun ákærður fyrir eignaspjöll. Í tilkynningu frá samtökunum segir að Ólafur sé ákærður fyrir að valda tjóni á lögreglubifreið en að í raun hafi ökumaður bifreiðarinnar ekið á Ólaf.

Guðni tekur ekki undir orð Valgerðar

Guðni Ágústsson, formaður Framsóknarflokksins, segist ekkert hafa um ummæli Valgerðar Sverrisdóttur í hádegisfréttum Stöðvar 2 að segja. Þar lýsti Valgerður, sem er varaformaður Framsóknarflokksins, þeirri skoðun sinni að ríkisstjórnin ætti að hefja undibúning að aðildarviðræðum við Evrópusambandið nú þegar.

Mótorhjólaslys í Naustagili á Húsavík

Mótorhjólaslys varð í Naustagili á Húsavík um hádegisbil í dag. Tveir voru á hjólinu og segir lögregla að svo virðist vera sem ökumaðurinn hafi misst hjólið á hliðina. Ökumaður og farþegi slösuðust eitthvað en óljóst er um alvarleika meiðslanna. Þeir munu þó ekki vera í lífshættu að sögn lögreglu. Þeir voru fluttir til skoðunnar á heilbrigðisstofnun bæjarins.

Vilja tryggja fullan og frjálsan aðgang að Hallargarðinum

Samtökin Hollvinir Hallargarðsins voru stofnuð í Hallgargarðinum eftir hádegi. Tilgangur samtakanna er að reyna að koma í veg fyrir að væntanlegir kaupendur Fríkirkjuvegs 11 sem garðurinn tilheyrir fái yfirráð yfir garðinum og að gera þar viðhafnar innkeyrslu.

Valgerður: Ríkisstjórnin hefji undirbúning að ESB umsókn

Valgerður Sverrisdóttir, varaformaður Framsóknarflokksins, segir að ríkisstjórnin eigi að hefja undirbúning að ESB umsókn, enda sé það það sem þjóðin vilji og svigrúm sé til þess innan stjórnarsáttmálans.

Fjölskyldudagur í Gróttu í dag

Kvenfélagið Seltjörn og Skólaskrifstofa Seltjarnarness, standa fyrir fjölskyldudegi í Gróttu í dag á milli klukkan 11 og 14;30. Boðið verður upp á veitingar og skemmtilega stemmningu í Fræðasetrinu í Gróttu.

Drengurinn fylltist skelfingu en gaf sig fram skömmu síðar

Faðir piltsins sem ók á stúlku við Breiðholtsbraut í gærdag vill koma því á framfæri að sonur hans hafi ekki stungið af eftir slysið eins og greint var frá á Vísi í gær. Faðirinn segir að sonur hans hafi ekki séð hvað hann keyrði á en að hann hafi stansað. Þegar hann heyrði mikil læti hafi hann farið á taugum og ekið af stað. Hann stöðvaði skammt frá við verslun og hljóp til félaga síns.

Hurðin þeyttist af hjörunum

Sprenging varð í íbúð í Heiðarhverfi í Reykjanesbæ um ellefu leytið í gærkvöldi. Við sprenginguna þeyttist hurð af hjörunum og hurðarkarmurinn fylgdi í kjölfarið að því sem fram kemur á fréttavef Víkurfrétta.

Óboðnir baðgestir á Selfossi

Lögreglan á Selfossi stöðvaði tvo fyrir ölvunarakstur í bænum í nótt en að öðru leyti var nóttin róleg. Þó barst tilkynning um að fjórir einstaklingar hafi ákveðið að bregða sér í sundlaugina á Selfossi um hálffjögur í nótt.

Kviknaði í bíl á ferð

Slökkviliðið á höfuðborgarsvæðinu fékk tilkynningu um að kviknað væri í bíl í Bakkahverfinu í Breiðholti rétt fyrir klukkan sex í morgun. Bíllinn var á ferð en þegar slökkviliðið kom á staðinn voru bílstjóri og farþegar komnir út úr bílnum. Þau sakaði ekki en bílinn er töluvert skemmdur. Slökkviliðið var einnig kallað tvisvar út í gærkvöldi til að slökkva í sinu í Hafnarfirði.

Óku of hratt á Reykjanesbrautinni

Þrír ökumenn voru teknir fyrir of hraðan akstur á Reykjanesbrautinni í nótt. Sá sem hraðast ók mældist á hundrað fjörtíu og eins kílómetra hraða en hámarkshraði á brautinni er nítíu.

Keyrði á barn í Breiðholti og stakk af

Um tvöleytið í dag var keyrt yfir fót á barni við Breiðholtsbraut í Breiðholti. Ökumaðurinn stakk af en náðist síðar. Barnið var flutt á slysadeild og telst málið upplýst.

Nýr framhaldsskóli í Kópavogi

Nýr framhaldsskóli fyrir afreksíþróttamenn er í undirbúningi í Kórahverfi í Kópavogi. Samhliða því verður reist ein glæsilegasta íþróttaaðstaða landsins.

REI verður ekki selt

Borgarstjóri stendur fast á því að fyrirtækið REI verði ekki selt. Hann telur tillögu meirihluta stjórnar Orkuveitunnar, þess efnis að áhættuverkefni fyrirtækisins verði seld, ekki víkja frá þeirri stefnu sem stýrihópur um REI markaði.

Tollstjórinn í Reykjavík vill frekari fækkun embætta

Dómsmálaráðherra vill stía lögreglu og tollgæslu á Suðurnesjum í sundur til að bregðast við fjárhagsvanda embættisins. Það hefur verið gagnrýnt en fleiri eru sömu skoðunar og hann.

Sjálfstæðisflokkurinn verður að fara að girða sig í brók

Dagur B. Eggertsson oddviti Samfylkingarinnar í borgarstjórn segir stefnu minnihlutans í málefnum REI vera skýra en bendir á að Sjálfstæðisflokkurinn skipti um skoðun frá degi til dags. Hann segir upphlaupið sem er í kringum REI núna eiga rætur að rekja til innbyrðis átaka meirihlutans en komi verkefnum REI lítið við.