Magnús Oddson heiðraður

Ferðamálaráð Evrópu heldur í dag aðalfund sinn á Nordica hóteli í dag. Þetta er í annað sinn í 59 ára sögu samtakanna sem aðalfundur þeirra er haldinn hér á landi. Magnúsi Oddsyni, ferðamálastjóra Íslands, var veitt viðurkenning fyrir „úrvalsþjónustu við Ferðamálasamtök Evrópu í yfir 15 ár,”.

Tímabært samkomulag þótt herinn hefði verið áfram

Geir H. Haarde forsætisráðherra segir samningana við Norðmenn og Dani í varnar- og öryggismálum tímabæra jafnvel þótt Bandaríkjaher hefði verið hér enn á landi. Geir sagðist ánægður með samkomulagið og að það væri í grunninn pólitísk yfirlýsing um samvinnu milli landanna.

Mannekla og ófullnægjandi húsakostur hamlar starfsemi Landspítalans

Mannekla og og ófullnægjandi húsakostur hefur hamlað starfsemi Landspítalans háskólasjúkrahúss að sögn Birnu Kr. Svavarsdóttur, formanns stjórnarnefndar Landspítalans háskólasjúkrahúss. Þetta kom fram í ræðu hennar á ársfundi spítalans sem haldinn er í dag. Hún segir nauðsynlegt í ljósi breyttra aðstæðna í samfélaginu að skoða fleiri möguleika við fjármögnun og framkvæmd heilbrigðisþjónustunnar.

Bein útsending frá blaðamannafundi um varnarmál

Bein útsending er að hafin frá Stjórnarráðinu þar sem Geir H. Haarde forsætisráðherra fjallar um nýgert samkomulag við Norðmenn í varnarmálum og viljayfirlýsingu sama efnis sem gerð var við Dani.

Samkrull borgaralegra og hernaðarlegra þátta varhugavert

Steingrímur J. Sigfússon, formaður VG og fulltrúi flokksins í utanríkismálanefnd, gerir alvarlegar athugasemdir við öll vilyrði í nýgerðu samkomulagi Íslendinga við Norðmenn og samstarfsyfirlýsingu við Dani um öryggismál sem gefin eru af hálfu Íslendinga um aukinn kostnað sem fellur á Íslendinga.

Malarflutningabíll valt við Þorlákshöfn

Malarflutningabíll valt á hliðina við hringtorg í Þorlákshöfn í hádeginu. Eftir því lögregla á Selfossi segir var ökumaður flutningabílsins í belti og tókst honum að komast að sjálfsdáðum út úr bílnum.

Slys í Kópavogslaug

Fimmtán ára gamall unglingspiltur fannst meðvitundarlaus í Kópavogslaug klukkan tíu í morgun. Drengurinn var í skólasundi þegar atvikið átti sér stað. Þegar lögregla og sjúkralið kom á staðinn höfðu lífgunartilraunir þegar verið hafnar og var hann fluttur í skyndi á bráðamóttöku.

Alvarlegustu umferðarslysin á þjóðvegum í dreifbýli

Alvarlegustu bílslysin hér á landi eiga sér stað á þjóðvegum í dreifbýli og nær 75% banaslysa í umferðinni eru fyrir utan borgarmörkin. Þjóðvegir landsins eru hættulegir og laga þarf umhverfi þeirra til að draga úr alvarlegum bílslysum vegna útafaksturs segir deildarstjóri hjá Vegagerðinni.

Geta fengið borguð laun í evrum

Frá og með næstu mánaðamótum gefst starfsmönnum Straums-Burðaráss kostur á að fá borguð laun í evrum. Þetta er fyrsta fyrirtækið hér á landi sem borgar starfsmönnum sínum laun í evrum. Hagnaður bankans á fyrsta ársfjórðungi var rétt rúmir sex milljarðar króna.

Út í hött að byggja upp samgöngumiðstöð áður en framtíð flugvallar ræðst

Jónína Bjartmarz umhverfisráðherra segir út í hött að ráðast í gerð samgöngumiðstöðvar á Reykjavíkurflugvelli áður en búið verður að ákveða framtíð flugvallarins. Hún gengur þar með gegn stefnumörkun samgönguráðherra og nýsamþykktri samgönguáætlun ríkisstjórnarinnar.

CANTAT-3 kominn í lag

Áhöfn kapalskipsins Pacific Guardian hefur lokið fullnaðarviðgerð á CANTAT-3 sæstrengnum sem bilaði milli Íslands og Kanada 16. desember s.l. Unnið er að því að setja fjarskiptaumferð á strenginn að nýju og er búist við að umferð verði komin í eðlilegt horf fyrir lok vikunnar.

Fékk enga skýringu á því hvers vegna hann var settur af

Jóhannes Geir Sigurgeirsson kveðst enga skýringu hafa fengið á því hvers vegna hann er látinn hætta sem stjórnarformaður Landsvirkjunar. Jóhannes verður settur af á aðalfundi sem hefst klukkan eitt, gegn vilja sínum.

Íslendingar bera kostnað af veru norskra hermanna hér

Valgerður Sverrisdóttir utanríkisráðherra og Jonas Gahr Störe, utanríkisráðherra Noregs, undirrituðu nú fyrir stundu samkomulag um samstarf á sviði öryggis- og varnarmála. Samkvæmt því bera Íslendingar kostnað af staðsetningu norskra liðsmanna hér.

Danskur ríkisborgari í haldi Bandaríkjamanna í Írak

Per Stig Möller, utanríkisráðherra Danmerkur, gagnrýndi í dag bandarísk yfirvöld fyrir að greina dönsku ríkisstjórninni ekki frá því að danskur ríkisborgari af íröksku bergi brotinn hefði verið í haldi Bandaríkjahers í Írak í marga mánuði.

Iðjuþjálfun ekki í boði fyrir nýinnritaða á geðdeild

Iðjuþjálfun á geðdeild LSH við Hringbraut mun 1.maí n.k. leggja niður alla þjónustu við nýinnritaða sjúklinga móttökudeilda og göngudeildar, segir Sylviane Pétursson-Lecoultre, yfiriðjuþjálfi. Þjónusta iðjuþjálfa mun því skerðast verulega frá og með 1. maí 2007.

Gefur ekki upp orkuverð til Norðuráls vegna Helguvíkurálvers

Hitaveita Suðurnesja gefur ekki upp opinberlega á hvaða verði hún mun selja raforku til Norðuráls vegna hugsanlegs álvers í Helguvík.

„Við erum alveg að komast upp að vegg,“ segir forstjóri Landspítalans

Halli á rekstri Landspítalans háskólasjúkrahúss nam 290 milljónum króna á síðasta ári samkvæmt ársreikningi spítalans sem kynntur var nú í morgun. Á sama tíma og fleiri leita til spítalans eftir þjónustu hefur raunfjárveiting staðið í stað eða minnkað. Forstjóri Landspítalans segir nauðsynlegt að ríkið auki fjárveitingar.

Herréttur hafinn í morðmálinu í Keflavíkurstöðinni

Réttarhöld yfir meintum morðingja flugliðans Ashley Turner, sem myrt var í herstöðinni á Keflavíkurflugvelli, eru hafin. Verjandi segir að yfirvöld hafi verið of fljót á sér í málinu og að þeim hafi láðst að rannsaka annan mann sem hafði ástæðu til að vinna Turner mein. Íslensk kærasta mannsins neitar að mæta fyrir réttinn.

Útsending Stöðvar 2+ liggur niðri

Útsending Stöðvar 2+ á Digital Ísland hefur legið niðri frá því í gærkvöld en það má rekja til bilunar í töluvkerfi. Verið er að vinna að viðgerð og er vonast til að útsendingin verði komin í lag síðar í dag.

Forsætisráðherra tjáir sig um varnarsamninga

Bein útsending verður á Vísi í dag frá blaðamannafundi klukkan 14 í Stjórnarráðinu en þar svarar Geir H. Haarde forsætisráðherra spurningum blaðamanna um samstarf Íslendinga annars vegar og Norðmanna og Dana hins vegar í varnar- og öryggismálum.

Verið Vísindagarðar tekur til starfa á Sauðárkróki

Fyrirtækið Verið Vísindagarðar ehf. hefur verið stofnað á Sauðárkróki og fyrr í dag var haldinn opinn kynningarfundur um starfssemina. Eitt af markmiðum Versins er að stuðla að uppbyggingu atvinnulífs, efla rannsóknir og námsframboð og auka verðmætasköpun í samvinnu við fyrirtæki á svæðinu.

Landsmenn taki fréttum af mótmælendum með gagnrýnum huga

Lögreglan á Seyðisfirði biður landsmenn að taka fréttum á komandi sumri af samskiptum lögreglunnar og mótmælenda með gagnrýnum huga en þeir hafa boðað uppsetningu mótmælendabúða frá og með 6. júlí 2007.

Umhverfisspjöllum vegna fyrirhugaðs álvers í Helguvík mótmælt

Samtökin Sól á Suðurnesjum hvetja íbúa í Vogum til að hafna uppbyggingu háspennulína um svæðið ef kemur til að álver rísi í Helguvík. Þetta kemur fram í tilkynningu frá samtökunum. Þau telja línurnar muni rýra gildi svæðisins.

Varðliðar umhverfisins skipaðir og Kuðungurinn afhentur

Um hundrað manns komu saman í Kjarvalsstöðum í hádeginu í dag af tilefni Dags umhverfisins. Varðliðar umhverfisins voru útnefndir og verktaktafyrirtækið Bechtel hlaut umhverfisviðurkenningu umhverfisráðuneytisins.

Biskup segir að menn verði að fara sér hægt

Biskup íslands telur ekki tímabært að prestar innan þjóðkirkjunnar fái heimild til að gefa saman í hjónaband samkynhneigð pör. Tillaga þess efnis var felld á Prestastefnu á Húsavík í dag. Hópur presta lagði fram tillögu um að þjóðkirkjan fari þess á leit við Alþingi að lögum verði breytt á þann veg að prestar fái að gefa saman samkynhneigð pör.

Flest brunaslysin vegna heits vatns á baðherbergjum

Nær 75 % brunaslysa vegna heits vatns eiga sér stað inn á baðherbergi. Börnum undir fimm ára aldri er hættast við brunum og hljóta þau alvarlegustu áverkana samkvæmt nýrri rannsókn. Herferð gegn slíkum slysum er nú hafin.

VG vill lækka lyfjaverð og komugjöld á spítala

Taka þarf á mannekluvandanum á spítölunum og lækka þarf lyfjaverð og komugjöld á heilsugæslustöðvar og spítala hér á landi. Þetta lögðu frambjóðendur Vinstri grænna áherslu á í vinnustaðaheimsókn sinni á Landspítalanum í dag.

Alveg eins hægt að stilla upp símastaurum í bæjarstjórn

Helsti eðalkrati landsins, sá sem á einkanúmerið "krati", hefur sagt sig úr Samfylkingunni. Árni Hjörleifsson, fyrrverandi bæjarfulltrúi Alþýðuflokksins í Hafnarfirði, lýsir andúð á skoðanaleysi bæjarfulltrúa flokksins í álverskosningunni og segir alveg eins hægt að stilla upp símastaurum í bæjarstjórn.

Tvö hundruð þúsund tonn af forskautum

Tæplega tvöhundruð þúsund tonn af forskautum falla til á hverju ári í álveri Fjarðaáls á Reyðarfirði. Endingartími hvers forskauts er tuttugu og átta dagar.

Tillaga um val presta vísað til biskups og kenningarnefndar

Tillaga sem fram kom á fundi prestastefnu um að þeir prestar sem það kjósi verði vígslumenn samkynheigðra var vísað til biskups og kenningarnefndar Þjóðkirkjunnar. Prestastefna stendur nú yfir á Húsavík

Yfir 20 stiga hiti í kortunum

Mjög hlýtt loft sækir nú að landinu og eru horfur á að hiti fari um og eftir helgi í yfir 20 stig til landsins á norðanverðu landinu.

Framsókn tapar miklu í NA-kjördæmi

Fylgi Framsóknarflokksins hrynur í Norðausturkjördæmi en Vinstri - grænir og Sjálfstæðisflokkurinn auka fylgi sitt verulega samkvæmt nýrri skoðanakönnun Capacent Gallup sem gerð var fyrir Ríkisútvarpið og Morgunblaðið.

Peningaverðlaun í boði í Reykjavíkurmaraþoni

Hundrað þúsund krónur verða veittar þeim sem sigrar í Reykjavíkurmaraþoni Glitnis sem fram fer 24. ágúst næstkomandi. Þetta er í fyrsta sinn sem peningaverðlaun eru í boði í hlaupinu en þau ná til þriggja fyrstu í heilu maraþoni, hálfu maraþoni og 10 kílómetra hlaupi auk brautarmeta í heilu og hálfu maraþoni.

Vænir hákarlar á land í Húsavík

Þrír myndarlegir hákarlar voru hífðir á land í Húsavíkurhöfn í dag en þeir veiddust á hákarlalínu sem legið hafði út í Skjálfanda síðustu daga. Það var Aðalsteinn Karlsson á bátnum Kalla á höfða sem veiddi hákarlana þrjá en hann er sjómaður og stundar hákarlaveiðar sem aukabúgrein.

Tillaga um vígslu samkynhneigðra í hjónaband felld

Fulltrúar á prestastefnu sem fram fer á Húsavík felldu tillögu hóps presta og guðfræðinga á stefnunni um að farið yrði fram á það við Alþingi að breyta lögum þannig að prestar fengju heimild til vígja samkynhneigð pör í hjónaband.

Þrjú fíkniefnamál á höfuðborgarsvæðinu

Lögreglan á höfuðborgarsvæðinu hafði afskipti af þremur fíkniefnamálum í gær. Kona á þrítugsaldri var handtekin í austurborginni þegar hún framvísaði fölsuðum lyfseðli. Kalmaður á fertugsaldri sem tengdist málinu var síðan færður á lögreglustöð. Í íbúð hans fundust ætluð fíkniefni.

Tveir karlmenn í vinnuslysum í Kópavog

Tveir karlmenn á þrítugsaldri lentu í vinnuslysum í Kópavogi í gær. Annar var að taka steypumót utan af veggjum þegar hann féll aftur fyrir sig. Fallið var ekki mjög hátt en maðurinn fann fyrir eymslum í baki.

Silfur í hópi heitustu staða heims

Veitingastaðurinn Silfur á Hótel borg er hópi heitustu veitingastaða heims samkvæmt tímaritinu Condé Nast Traveler. Eftir því sem fram kemur í tilkynningu frá eigendum veitingastaðarins sendi blaðið fulltrúa sína til 30 landa til að leita nýrra veitingastaða sem standast ýtrustu gæðakröfur.

Friðland í Þjórsárverum verði stækkað strax

Náttúruverndarsamtök Íslands skora á Jónínu Bjartmarz umhverfisráðherra að stækka þegar í stað friðlandið í Þjórsárverum í samræmi við tillögu Umhverfisstofnunar við undirbúning Náttúruverndaráætlunar.

Skemmdir unnar á skiltum Framsóknar

Skemmdir voru unnar á auglýsingaskiltum Framsóknarflokksins í Norðausturkjördæmi á Egilsstöðum í nótt og eftir því sem fram kemur í tilkynningu frá flokknum er þetta í annað skiptið á örfáum dögum sem þetta er gert.

Sorpbrennslustöð á Húsavík skemmdist í bruna

Sorpbrennslustöðin á Húsavík skemmdist töluvert í bruna í gærkvöld og verður ekki hægt að brenna sorp þar á næstunni. Að sögn lögreglunnar á Húsavík var tilkynnt um eldinn korter í tíu í gærkvöld og var þá allt tiltækt slökkvilið hvatt á vettvang.

List án landamæra hefst á morgun

List án landamæra hefst í Reykjavík á morgun. Á hátíðinni vinna margir ólíkir hópar saman að mismunandi listaverkum. Listahátíðinni er ætlað að gera fólk með fötlun eða þroskaskerðingu meira áberandi í listinni, en eins og aðstandendur hátíðarinnar segja er hæfileikafólk á hverju strái, en skortir oft tækifæri til að koma sér á framfæri.

Ný skoðanakönnun um fylgi flokka í Reykjavík suður kynnt í kvöld

Fimmti kosningafundur Stöðvar 2 hefst laust fyrir klukkan sjö í kvöld þegar oddvitar stjórnmálaflokkanna í Reykjavíkurkjördæmi suður takast á um stefnumál sín.

Ný ríkisstjórn getur ógilt varnarsamninginn við Noreg án skaða

Ný ríkisstjórn getur fallið frá samningi Íslands og Noregs um samstarf í varnar- og öryggismálum án mikils skaða að sögn Steingríms J. Sigfússonar, formanns Vinstri grænna. Hann hefur boðað harðorða bókun gegn samninginum í utanríkismálanefnd Alþingis.

Rannsókn á peningafölsunum langt komin

Rannsókn lögreglu á fölsuðu peningaseðlunum sem nú eru í umferð hér á landi er komin vel á veg. Að sögn aðstoðaryfirlögregluþjóns kemst lögregla undantekningarlaust að því hverjir eiga hlut að máli.